Молитвы

Во плоти явльшася безплотнаго и добродетельми премирно просиявшаго,/ Симеона равноангельнаго и богоноснаго восхвалим,/ с нимже Иоанна приснопамятнаго, верою и любовию,// яко молящияся Господу непрестанно о всех нас.

Святая равноапостольная избраннице Христова, княгине Ольго,/ народ твой словесным и чистым Христовым млеком напоившая,/ молися Милостиву Богу,/ да прегрешений оставление/ подаст душам нашим.

Яко солнце, осиявая светлым житием, Феодоре, яве,/ вавилонскому царю явися чудесы/ и сего угодника Христу, святителю, показа,/ с нимже ныне Троице предстоя,/ нас поминай, светло торжествующих память твою, мудре.

От Бога данныя ти благодати,/ страстотерпче Варваре святе,/ яко многоценным миром, нас посещай целебне,/ да вопием ти:/ радуйся, испивый сладостне чашу Христовых страстей.

От юности вперив ум свой к Богу,/ блаженне Евфросине,/ и бегая суеты мира сего,/ достигл еси в пустыню непроходимую,/ идеже Богу, тя укрепляющу,/ ангельское житие стяжав,/ поработал еси довольно Владыце своему Христу/ в пощении, и в молитвах, и во всенощных бдениях/ и сподобился еси дара Духа Пресвятаго,/ еже прорицати будущая,/ наставляя на стезю покаяния/ притекающих к тебе и послушающих тя./ Темже Всеблагий Бог, видя великую твою к Себе веру,/ нелицемерную любовь и несумненную надежду,/ дарова тебе не точию еже веровати в Него,/ но еже и страдати по Нем,/ егда от противных сынов в тойже пустыни кровь твоя нещадно излияся./ И доселе, яко Авелева, вопиет к Богу,/ свидетельствующу о сем нетлением мощей твоих./ На няже взирающе, умильно вопием:/ слава Христу, даровавшему тебе благодать толику,/ Егоже и моли о нас.

Пришествием честныя Твоей иконы, Богоотроковице,/ обрадованный днесь Богохранимый град Кострома,/ якоже древний Израиль к кивоту Завета,/ притекает ко изображению лица Твоего/и воплотившагося от Тебе Бога нашего,/ да Твоим Матерним к Нему предстательством/ присно ходатайствуеши всем,/ под сень крова Твоего прибегающим,/ мир и велию милость.

Заступниче скорбящим,/ в напастех помощниче,/ ко Владыце молебниче,/ не презри нас, смиренных, обремененных грехи,/ но предвари и исхити от мук вечных с верою молящихтися,/ ускори на заступление и потщися на помощь,/ заступи, святителю Христов Савво, поющия тя.

Любовию Христовою уязвився, священнейший,/ ум вперив зарею Духа,/ детельным видением твоим деяние обрел еси, богоприятне,/ жертвенник Божественный быв,// прося всем Божественнаго сияния.

Непорочности соименнаго пастыря,/ проповедника веры в языцех Монгольских,/ славу и украшение Иркутския паствы/ любовию восхвалим, вси вернии:/ той бо есть хранитель страны Сибирския/ и молитвенник о душах наших.

Возсияв, яко звезда многосветлая,/ в соборней церкви пред пречистым и чудотворным образом Пречистей Богородицы,/ за Нюже и за град Смоленск пострада,/ многокозненнаго и богомерзкаго царя Батыя устраши,/ и сильнаго исполина победи, и люди удиви,/ душу свою, многострадальне Меркурие, за благочестие положи,/ яко Захариина и Авелева ясно вопиет твоя кровь ко Господу./ И ныне молися за души наша.

Молитва преследуемого человеками, свт. Игнатия (Брянчанинова) Иная молитва, из творений прп. Ефрема Сирина Молитва преследуемого человеками, свт. Игнатия (Брянчанинова)* Благодарю Тебя, Господи, Бог мой, за всё совершившееся надо мною! Благодарю Тебя, за все скорби и искушения, которые послал Ты мне для исцеления изъязвлённых грехами моей души и тела! Помилуй и спаси те орудия, которые употреблял Ты для моего врачевания, тех людей, которые наносили то, что они творили для меня, назначь им из вечных сокровищ Твоих обильные награды. Что же я приносил Тебе – одни грехи, одни нарушения Твоих Божественных заповедей. Прости меня грешнаго, прости виновнаго пред Тобою и пред человеками. Прости безответнаго. Даруй мне увериться и искренне сознаться, что я грешник. Даруй мне отвергнуть лукавыя оправдания, даруй мне покаяние, даруй мне сокрушение сердца, даруй мне кротость и смирение, даруй мне терпение во всех скорбях моих. Умертви меня для мира. Отыми от меня мою греховную волю и насади в сердце моём Твою святую волю. Да творю её единую и делами, и словами, и помышлениями, и чувствами моими. Тебе за всё подобает Слава, Тебе Единому принадлежит Слава, моё единственное достояние – стыдение лица и молчание уст. Предстоя страшному суду Твоему в убогой молитве моей, не обретаю в себе ни единаго добраго дела, ни единаго достоинства и предстою лишь объятый отовсюду бесчисленным множеством грехов моих, как бы густым облаком и мглою, с единым утешением в душе моей, с упованием на неограниченную милость и благость Твою. Аминь. Иная молитва, из творений прп. Ефрема Сирина Помилуй, Господи, ненавидящих меня и завидующих мне! Помилуй, Господи, клевещущих на меня и наносящих мне обиды! Ничего злого не сотвори с ними за недостойнаго раба Своего; но по неизреченному милосердию Своему и по безмерной благости Своей ни в этой жизни, ни в будущем веке да не потерпят они зла за меня, грешнаго! Освяти их милостью Своей и осени благодатью Своей, Всеблагий, потому что пред всеми благословен Ты во веки веков. Аминь. * Архимандрит Иоанн (Крестьянкин). Келейная книжица.

Благородия нравом тя честно похвалим, Андрониче,/ иже Господь в лик преподобным отцем сочета,/ яко воистинну благородия Божественныя славы венец улучи.

Свыше благодать прием от Бога, / во святительское подобие облеклся еси/ и от уст твоих благочестно всех научил еси покланятися Троице Единосущней. / Темже память твою чтуще,/ прославляем Бога, прославльшаго тя.

Законы Христовы в руку обнося,/ предстал еси, вопия врагом, в подвизе:/ самозван есмь страдальчествовати твердейши./ Темже, приклонив радостно выю твою,/ подъял еси усечение мечем,// скончавый течение твое.

Духом Божиим водим, преблаженне Василие,/ оттрясл еси мирский мятеж,/ и жития треволнения возгнушался еси,/ и, совлекся одеяний тленных и облекся в ризу безстрастия,/ убежал еси ловления льстиваго миродержца,/ и был еси странен во твоем языце,/ и, паче земнаго богатства избрав богатство Небесное,/ увязлся еси венцем терпения./ И ныне, преблаженне Василие, моли Христа Бога/ о творящих святую память твою, да зовем ти:/ радуйся, преблаженне Василие.

Богатство благодати и сыноположения/ стяжавше многими подвиги и добродетельми,/ ихже ради Христос всели души ваша в Небесная селения Своя,/ даровав благодать нетления и чудес мощем вашим,/ к нимже притекающе, вопием:/ радуйтеся, Онуфрие и Онисиме, отцы наши,/ ликов иночествующих похвало и удобрение.

Святителие премудрии,/ паствы вашея учителие богопросвещеннии,/ веру евангельскую в людех преумножившия,/ любве Небесныя на земли достоподражательнии образи,/ люди страны Ростовския и Ярославския приобщавшии спасению,/ служителие воистинну Божий/ и сопричастницы апостолов достойнии явилися есте,/ Леонтие священномучениче, Исаие, Игнатие, Иакове, Феодоре/ и златословесниче Российский Димитрие,/ Христа Бога молите/ о архиереех, на престоле вашем преемницех,/ о людех, благочестно вас почитающих,/ о стране нашей православной/ и о всей Христовой Церкви.

Агница Твоя, Иисусе, Гликерия,/ зовет велиим гласом:/ Тебе, Женише мой, люблю,/ и, Тебе ищущи, страдальчествую,/ и сраспинаюся, и спогребаюся крещению Твоему,/ и стражду Тебе ради,/ яко да царствую в Тебе, и умираю за Тя,/ да и живу с Тобою,/ но, яко жертву непорочную, приими мя, с любовию пожершуюся Тебе./ Тоя молитвами,/ яко Милостив, спаси души наша.

Да украсится днесь Церковь порфирою славною, омоченою от чистых кровей Агафии мученицы:/ радуйся, вопиющи, Катанская похвало.

Христове смерти подобяся/ и Того испити чашу возжелев, яко Живота,/ за Негоже мужески подвизался еси, презрев земное царство,/ от безбожных варвар пострадав до смерти,/ Георгие Богомудре./ Тем моли, спастися верным людем молитвами твоими.