Молитвы

Всея твари Содетелю,/ времена и лета во Своей власти положивый,/ благослови венец лета благости Твоея, Господи,/ сохраняя в мире люди и град Твой/ молитвами Богородицы и спаси ны.

Мученицы Tвои, Господи,/ во страданиих своих венцы прияша нетленныя от Тебе, Бога нашего:/ имуще бо крепость Tвою,/ мучителей низложиша,/ сокрушиша и демонов немощныя дерзости./ Tех молитвами// спаси души нaша.

Чистотою душевною божественно вооружився,/ блаженную жизнь совершил еси,/ в пустыню, яко во град, вселився,/ благодать приял еси от Бога/ исцеляти недуги приходящим к честней твоей раце/ и всех возвышати к Божественней высоте,/ темже, имея дерзновение ко Святей Троице,/ поминай нас, чтущих память твою, да зовем ти:/ радуйся, преподобне Стефане, постником удобрение.

Воздержанием, отче, житие украсив,/ и плоть умертвил еси,/ темже и победил еси вражия прилоги, преблаженне,/ и прешел еси к Богу/ в безскорбный и вечный живот,/ яко достоин наследник, Иоанне,// Емуже молися спастися нам.

Смирению Господню подобней,/ смирился еси, священник сый пред лицем гордаго диакона Евагрия,/ беззлобие Тите,/ за что приял еси не токмо временныя жизни неотпадение,/ Ангелу тя воздвигшу,/ но и вечныя наслаждение,/ в нейже ликуя, избавляй нас лютаго гнева и памятозлобия.

Странника и пришельца прият тя страна Японская,/ равноапостолъне святителю Николае,/ в ней же исперва познал еси себе яко чуждаго,/ обаче теплоту и свет Христов источая,/ прелагал еси враги твоя в сыны духовныя,/ имже раздай благодать Божию, созидал еси Церковь Христову,/ о ней же ныне молися,/ и тебе бо сынове ея и дщери взывают:/ радуйся, пастырю добрый наш.

Божественнаго ученика и спутешественника Павлова Тимофея,/ вернии, воспоим вси,/ с сим почитающе мудраго Анастасия,/ возсиявшаго от Персиды, яко звезду,/ и отгонящаго душевныя наша страсти/ и недуги телесныя.

Молитва краткая Молитва св. Иоанна Кронштадтского Молитва краткая Оскорби́л Тебя́, Спаси́теля моего́, прости́ меня́. * * * Молитва св. Иоанна Кронштадтского* Го́споди! Грехи́ на́ши на кресте́ пригвозди́вый, пригвозди́ ко кресту́ Твоему́ и настоя́щий мой грех и поми́луй мя по вели́цей Твое́й ми́лости. (И наложить на себя крестное знамение.) * Праведный Иоанн Кронштадтский. Моя жизнь во Христе. Том 2, 943. См. ГРЕХ

Го́споди Бо́же, все́х ви́димых и неви́димых тва́рей1, Творе́ц и Зижди́тель2, сотвори́вший времена́ и ле́та, Са́м благослови́ начина́ющийся сего́ дня́ но́вый го́д, кото́рый мы́ считаем от воплоще́ния Твоего́ для на́шего спасе́ния. Дозволь на́м провести́ се́й го́д и мно́гие по не́м в ми́ре и согла́сии с бли́жними на́шими; укрепи́ и распространи́ Святу́ю Вселенскую Це́рковь, кото́рую Ты́ Са́м основа́л, и спаси́тельной же́ртвой Святого Те́ла и Пречи́стой Кро́ви освяти́л. Оте́чество на́ше возвы́си, сохрани́ и просла́вь; долгоде́нствие3, здра́вие, изоби́лие плодо́в земны́х и благорастворе́ние возду́хов4 да́й на́м. Меня́, гре́шнаго раба́ Твоего́, все́х ро́дственников и бли́жних мои́х и все́х благове́рных христиа́н, ка́к и́стинный на́ш верхо́вный Па́стырь5, упаси́, огради́ и на пути́ спасе́ния утверди́, что́бы мы́, сле́дуя по нему́ по́сле долговременной и благополучной жи́зни в ми́ре се́м, достигли Ца́рства Твоего́ Небе́снаго и удостоились ве́чного блаже́нства со святы́ми Твои́ми. Ами́нь. 1 Тварь — творение; то, что сотворено Богом. 2 Зижди́тель — строитель, основатель. 3 Долгоде́нствие — долголетие. 4 Благорастворе́ние возду́хов — благоприятная погода. 5 См. (Ин.10). Го́споди Бо́же, все́х ви́димых и неви́димых тва́рей1, Творе́ц и Зижди́тель2, сотвори́вший времена́ и ле́та, Са́м благослови́ начина́ющийся сего́ дня́ но́вый го́д, кото́рый мы́ считаем от воплоще́ния Твоего́ для на́шего спасе́ния. Дозволь на́м провести́ се́й го́д и мно́гие по не́м в ми́ре и согла́сии с бли́жними на́шими; укрепи́ и распространи́ Святу́ю Вселенскую Це́рковь, кото́рую Ты́ Са́м основа́л, и спаси́тельной же́ртвой Святого Те́ла и Пречи́стой Кро́ви освяти́л. Оте́чество на́ше возвы́си, сохрани́ и просла́вь; долгоде́нствие3, здра́вие, изоби́лие плодо́в земны́х и благорастворе́ние возду́хов4 да́й на́м. Меня́, гре́шную рабу́ Твою́, все́х ро́дственников и бли́жних мои́х и все́х благове́рных христиа́н, ка́к и́стинный на́ш верхо́вный Па́стырь5, упаси́, огради́ и на пути́ спасе́ния утверди́, что́бы мы́, сле́дуя по нему́ по́сле долговременной и благополучной жи́зни в ми́ре се́м, достигли Ца́рства Твоего́ Небе́снаго и удостоились ве́чного блаже́нства со святы́ми Твои́ми. Ами́нь. 1 Тварь — творение; то, что сотворено Богом. 2 Зижди́тель — строитель, основатель. 3 Долгоде́нствие — долголетие. 4 Благорастворе́ние возду́хов — благоприятная погода. 5 См. (Ин.10). См. также Новый год. *** «Всея твари Содетелю, времена и лета во Своей власти положивый, благослови венец лета благости Твоея, Господи, сохраняя в мире люди и град Твой молитвами Богородицы и спаси ны».

О, Пресвята́я Де́во, Пресла́вная Госпоже́ Влады́чице на́ша Богоро́дице, воззри́ ми́лостиво на на́с, предстоя́щих Ти́ с ве́рою и любо́вию: приими́ ми́лостиво на́ше хвале́бное пе́ние сие́ и проле́й ко Го́споду Бо́гу на́шему Твою́ ма́тернюю моли́тву о на́с, гре́шных и недосто́йных, да у́зрит О́н на́ше покая́ние серде́чное и, прости́в на́м вся́ согреше́ния на́ша, спасе́т и поми́лует на́с. Покажи́ на на́с чу́дныя ми́лости Твоя́, Богома́ти, смире́нно мо́лим Тя́: на пу́ть пра́вый на́с наста́ви, све́том и́стины умы́ на́ша просвети́, сердца́ на́ша умягчи́, ве́ру укрепи́, наде́жду утверди́, да́ра любве́ к Бо́гу и бли́жним сподо́би, да в едине́нии дру́г со дру́гом пребыва́юще, богоуго́дное житие́ поживе́м, и дара́ми бла́г земны́х наслади́вшеся, бла́г небе́сных, милосе́рдия ра́ди Боже́ственнаго, не лиши́мся, да благода́рне воспева́юще вели́чия Твоя́, Пречи́стая, сподо́бимся Небе́снаго Ца́рствия и та́мо со все́ми святы́ми просла́вим пречестно́е и великоле́пое и́мя в Тро́ице сла́вимаго Бо́га: Отца́ и Сы́на и Свята́го Ду́ха. Ами́нь.

От юности твоея весь Богу поработился еси, блаженне, / и Того ради любве отечество и род оставил еси, / в пустыню вселився / и в ней жестокое житие показав, / чудес дарования от Господа приял еси, / Савво преподобне, / моли Христа Бога спастися душам нашим.

Пустынный житель, и в телеси Ангел,/ и чудотворец явился еси, Богоносе отче наш Дие:/ постом, бдением, молитвою Небесная дарования приим,/ исцелявши недужныя и души верою притекающих ти./ Слава Давшему ти крепость,/ слава Венчавшему тя,/ слава Действующему тобою всем исцеления.

Божественною ревностию распалаем,/ огня сослужащаго не устрашился еси,/ но возшед небоязненно волею,/ возгнещающим огнем всесожжегся,/ и Владыце, яко жертва, принеслся еси,/ мучениче славне Емилиане,/ Христа Бога моли// даровати нам велию милость.

{"@context":"https:\/\/schema.org\/","@type":"VideoObject","name":"\u041f\u0440\u043e\u043a\u0438\u043c\u0435\u043d \u00ab\u041d\u0435 \u043e\u0442\u0432\u0440\u0430\u0442\u0438 \u043b\u0438\u0446\u0430 \u0422\u0432\u043e\u0435\u0433\u043e...\u00bb \u0425\u043e\u0440 \u0431\u0440\u0430\u0442\u0438\u0438 \u0412\u0430\u043b\u0430\u0430\u043c\u0441\u043a\u043e\u0433\u043e \u043c\u043e\u043d\u0430\u0441\u0442\u044b\u0440\u044f","duration":"T5M43S","uploadDate":"2022-02-07T:54.635Z","thumbnailURL":"https:\/\/tube.azbyka.ru\/lazy-static\/previews\/a5220c45-800c-4670-86e8-79a17dc5721f.jpg","interactionCount":907,"embedURL":"\/\/tube.azbyka.ru\/videos\/embed\/a5220c45-800c-4670-86e8-79a17dc5721f","description":"\u041f\u0440\u043e\u043a\u0438\u043c\u0435\u043d \u00ab\u041d\u0435 \u043e\u0442\u0432\u0440\u0430\u0442\u0438 \u043b\u0438\u0446\u0430 \u0422\u0432\u043e\u0435\u0433\u043e...\u00bb \u0425\u043e\u0440 \u0431\u0440\u0430\u0442\u0438\u0438 \u0412\u0430\u043b\u0430\u0430\u043c\u0441\u043a\u043e\u0433\u043e \u043c\u043e\u043d\u0430\u0441\u0442\u044b\u0440\u044f"} Хор братии Валаамского монастыря Не отврати лица Твоего от отрока Твоего, яко скорблю, скоро услыши мя: / вонми души моей, и избави ю. Стих 1: Спасение Твое Боже да приимет мя. Стих 2: Да узрят нищии, и возвеселятся. Стих 3: Взыщите Бога, и жива будет душа ваша. Не отврати лица Твоего от отрока Твоего, ибо я скорблю, / скоро услышь меня, внемли душе моей и искупи её. Стих 1: Спасение Твое, Боже, да поддержит меня. Стих 2: Да увидят это нищие и возвеселятся. Стих 3: Взыщите Бога, и жива будет душа ваша. *** Великим называется прокимен, который имеет 3 стиха (тогда как обычный прокимен имеет один стих) и потому поется 4½ раза. Великие прокимены употребляются только на вечерне и только в следующих случаях: в субботу вечера («Господь воцарися…» на воскресном бдении, который является самым частым великим прокименом и поется 51 раз в году), на вечернях двунадесятых Господских праздников и Антипасхи (всего 7 дней), в недели вечера Четыредесятницы (6 дней), во все дни Светлой седмицы (6 дней). Таким образом, великие прокимены поются 70 раз в году. Всегда, когда поется великий прокимен, ради него совершается вход на вечерне. По Уставу прокимен и его стихи должен возглашать (запевать) канонарх в центре храма; по нашей практике это делает диакон, находясь в алтаре рядом с Горним местом. Кроме собственно великих прокименов, в службах Православной Церкви есть песнопения, которые в книгах прокименами не именуются, но по факту являются великими прокименами: «Бог Господь…» на утрене, «Да исправится молитва моя…» на литургии Преждеосвященных Даров и «Воскресни, Боже, суди земли…» на литургии Великой Субботы. Великий прокимен «Не отврати лица Твоего от отрока Твоего, яко скорблю, скоро услыши мя: вонми души моей и избави ю» взят из псалма 68: стихи 18–19а, 30б, 33. Поется этот прокимен 3 раза в году: в Неделю сыропустную (Прощеное воскресение), Недели 2-ю и 4-ю Великого поста вечером. Есть мнение, что именно ради великого прокимена 1-я половина вечерни совершается торжественно: используется обычный распев (после прокимена переходим на постный), цветные облачения (после прокимена духовенство переоблачается в черные одежды). Интересно, что в отличие от прокимена «Кто Бог велий…», прокимен «Не отврати…» стал исполняться как великий достаточно поздно. Еще в Студийско-Алексиевском Типиконе (XI век) и в Мессинском Типиконе (XIII век) его пели как обычный прокимен, то есть с одним стихом. В Евергетидском Типиконе (конец XI – XII век) он имеет уже 2 стиха. Только в рукописях Иерусалимского устава с XIII века он получает 3 стиха и начинает исполняться как великий прокимен.

Божественныя веры исповеданием/ другаго Павла тя Церковь, ревнителя во священницех, показа,/ свозопиет ти и Авель ко Господу,/ и 3ахариина кровь праведная./ Отче преподобне,/ Христа Бога моли// дароватися нам велией милости.

В молитвах бодрствуя,/ пресветлый храм Духа Святаго был еси,/ темже и чудотворец предивный явился еси,/ преподобне отче наш Иларионе./ О нас моли Христа Бога/ светом Божественнаго познания просветити ны/ и спасти души наша.

Слез твоих теченьми пустыни безплодное возделал еси,/ и иже из глубины воздыханьми во сто трудов уплодоносил еси,/ и был еси светильник вселенныя,/ сияя чудесы, Харитоне, отче наш,// моли Христа Бога спастися душам нашим.

Животворящей Премудрости источник чудес/ честный образ Твой, Богородице Дево,/ молящеся, к нему любовию усердно притекающе, светло празднуем/ и из глубины души вопием Ти:/ спаси, Владычице, верою покланяющихея цельбоносному Твоему святому образу,/ тем, благодаряще, Тя величаем, яко Матерь Божию,/ спаси архиереи православный,/ и сохрани землю Русскую,/ и вся люди, иже Тебе чтущия, соблюди,/ да хвалебныя Ти дары, грешнии, приносим, Благодатная:/ радуйся, Дево, христиан похвало.

О, великий Христов угодниче, святый человече Божий Алексие, душею на Небеси Престолу Господню предстояй, на земли же данною ти свыше благодатию различная совершаяй чудеса! Призри милостивно на предстоящия святей иконе твоей люди, умиленно молящияся и просящия от тебе помощи и заступления. Простри молитвенно ко Господу Богу честнии руце твои, и испроси нам от Него оставление согрешений наших вольных и невольных, в недузех страждущим исцеление, напаствуемым заступление, скорбящим утешение, бедствующим скорую помощь, всем же чтущим тя мирную и христианскую живота кончину и добрый ответ на страшнем суде Христове. Ей, угодниче Божий, не посрами упования нашего, еже на тя по Бозе и Богородице возлагаем, но буди нам помощник и покровитель во спасение, да, твоими молитвами получивше благодать и милость от Господа, прославим человеколюбие Отца и Сына и Святаго Духа, в Троице славимаго и покланяемаго Бога, и твое святое заступление, ныне и присно и во веки веков. Аминь.

Подражая житию древних отцев,/ Богомудре отче Евфросине,/ красоту мира сего возненавидел еси,/ и, в пустыню вселився,/ веру Христову, якоже щит, в сердце твое приял еси,/ с неюже изшел еси, яко добр воин Царя Небеснаго,/ не на брань противу плоти и крове,/ но на брань противу козней невидимаго врага,/ и сего вознесенную гордыню,/ по данней тебе от Духа Святаго благодати,/ глубоким смирением твоим низложил еси,/ и от Небеснаго Мздовоздателя неувядаемым венцем победы венчался еси./ Сего ради, сошедшеся любовию, вопием ти:/ радуйся, отче Евфросине, пустынное украшение.