Молитвы

От Небес приял еси Божественную благодать/ и твоими устнами вся учиши/ покланятися в Троице Единому Богу,/ Иоанне Златоусте, всеблаженне преподобне,/ достойно хвалим тя:/ еси бо наставник,// яко Божественная являя.

Заступнице от враг иноплеменных Необоримая Калужский земли/ и Избавительнице от смертоносныя язвы Милостивая!/ Избави рабы Твоя от всяких бед и болезней,/ с верою и любовию прибегающий к чудотворней иконе Твоей,/ и спаси души наша.

Утробу Девичу освятивый Рождеством Твоим и руце Симеоне благословивый, якоже подобаше, предварив, и ныне спасл еси нас, Христе Боже, но умири во бранех жительство и укрепи люди, ихже возлюбил еси, Едине Человеколюбче.

Небесная врата прошед духом, яко ученик/ до третияго Небесе достигшаго апостола, Дионисие,/ неизреченных обогатился еси всяким разумом/ и озарил еси во тьме неведения седящия./ Темже зовем:// радуйся, отче всемирный.

Отечества, преподобне, удалився/ и вселився в пустыню,/ и тамо на столп вшед, идеже жестокое житие показал еси,/ и многих житием удивив,/ отнюдуже дарование чудес от Христа приял еси,/ поминай нас, чествующих память твою, да зовем ти:/ радуйся, Савво, отче наш.

Предтечево славное усекновение/ смотрение бысть некое Божественное,/ да и сущим во аде Спасово проповесть пришествие./ Да рыдает убо Иродия,/ беззаконное убийство испросивши:/ не закон бо Божий, ни живый век возлюби,// но притворный, привременный.

Явился еси днесь вселенней,/ и свет Твой, Господи, знаменася на нас,/ в разуме поющих Тя:/ пришел еси и явился еси,// Свет Неприступный.

Владыко Многомилостиве Господи, Иисусе Христе, Боже наш, молитвами Всепречистыя Владычицы нашея Богородицы и Приснодевы Марии, святых равноапостольных великого князя Владимира и великия княгини Ольги, святых Новомучеников и исповедников Церкви нашея, преподобных и богоносных отец наших Антония и Феодосия, Киево-Печерских чудотворцев, Сергия, игумена Радонежского, Иова Почаевского, Серафима Саровского и всех святых, благоприятну сотвори молитву нашу о Церкви и о всех людех Твоих. От единыя купели Крещения, еже при святем князе Владимире, мы, чада Твои, благодать восприяхом, – дух братолюбия и мира в сердцах наших навеки утверди! Иноплеменным же языком, брани хотящим и на Святую Русь ополчающимся, – запрети и замыслы их ниспровергни. Благодатию Твоею власть предержащих ко всякому благу настави, воинов – в заповедях Твоих утверди, лишенныя крова – в домы введи, голодныя – напитай, недугующая и страждущая – укрепи и исцели, в смятении и печали сущим – надежду благую и утешение подаждь, на брани убиенным – прощение грехов и блаженное упокоение сотвори. Исполни нас яже в Тя веры, надежды и любве, яко да во всех странах наших единеми усты и единем сердцем исповемыся Тебе, Господу и Спасителю нашему Иисусу Христу, со Безначальным Твоим Отцем, Пресвятым Благим и Животворящим Твоим Духом во веки веков. Аминь.

Велия веры чудесе,/ в пещере, яко в чертозе царском,/ святии седмь отроцы пребыша,/ и умроша без тли,/ и по мнозех временех восташа, яко от сна,/ во уверение воскресения всех человеков.// Тех молитвами, Христе Боже, помилуй нас.

Постом предочистився, премудрости постигл еси разумение, / от пустынных же Богоносных отец научился еси страстей обузданию./ Того ради подаждь нам твоими молитвами/ плоти нашея духу послушание:/ еси бо наставник, Кассиане преподобне,/ всем поющим о Христе твою память.

Изыде к приятию страстотерпческих мощей и страждущих законне веры ради зря,/ показал еси мужески крепость свою,/ устремився на страсти исповеданием во Христа,/ Иже прием почесть победы твоего страдания,/ Вонифатие, присно моли за ны.

«Покаяния отверзи ми двери» митр. Филарет (Вознесенский) «Покаяния двери отверзи мне…» митр. Николай (Ярушевич) Покаяния отверзи ми двери, Жизнодавче свт. Иоанн (Максимович) «Покаяния отверзи ми двери, Жизнодавче!» архиеп. Аверкий (Таушев)   Это единственное песнопение, которое объединяет период подготовки к Великому посту и сам Пост. Оно появляется с началом пения Постной Триоди в Неделю о мытаре и фарисее. Мы слышим его на каждой воскресной всенощной (вечернее богослужение в субботу вечером) вплоть до 5-го Воскресенья Великого поста (преподобной Марии Египетской). Таким образом, в течение периода Постной Триоди «Покаяния отверзи…» поется, как правило, 9 раз. Отмена данного песнопения возможна только, если в одно из воскресений Триоди случится двунадесятый праздник (Сретение Господне или Благовещение) или храмовый праздник. До середины XVII века в России в службах воскресных дней периода Постной Триоди полный корпус стихир «Покаяния отверзи…» начинали петь только в Неделю сыропустную, тогда как в Недели О мытаре и фарисее, О блудном сыне и Мясопустную пели только последнюю стихиру «Множества содеянных мною лютых…» вместо «Воскрес Иисус от гроба…», а на «Слава» и «И ныне» пели обычные «Молитвами апостолов…» и «Молитвами Богородицы…». Лишь после реформы в середине XVII века стихиры «Покаяния отверзи…» и «На спасения стези…» были добавлены и в службы этих Недель. В основу первой стихиры – «Покаяния отверзи ми двери» – положена притча о мытаре: из нее взяты сравнения для изображения покаянного чувства. В основе второй песни – «На спасения стези» – лежит притча о блудном сыне. В основе третьей – «Множество содеянных мною лютых» – предсказание Спасителя о Страшном Суде. Слава, глас 8: Покая́ния отве́рзи ми две́ри, Жизнода́вче, у́тренюет бо дух мой ко хра́му свято́му Твоему́, храм нося́й теле́сный весь оскверне́н; но, яко щедр, очи́сти благоутро́бною Твое́ю ми́лостию. «Открой мне двери к покаянию, Жизнеподатель, ибо дух мой с раннего утра стремится к святому храму Твоему, нося весь осквернённый телесный храм; но Ты, как Милосердный, очисти его по неизреченной Твоей милости». И ныне: Богородичен: На спасе́ния стези́ наста́ви мя. Богоро́дице, сту́дными бо окаля́х ду́шу грехми́ и в ле́ности все житие́ мое́ ижди́х; но Твои́ми моли́твами изба́ви мя от вся́кия нечистоты́. «На путь спасения направь меня, Богородица, ибо постыдными грехами загрязнил я душу и в лености провёл всю жизнь мою, но Твоими молитвами избавь меня от всякой нечистоты». Таже, глас 6: Поми́луй мя, Бо́же, по вели́цей ми́лости Твое́й и по мно́жеству щедро́т Твои́х очи́сти беззако́ние мое́. «Помилуй меня, Боже, по великой милости Твоей и по множеству щедрот Твоих очисти все беззакония мои». Мно́жества соде́янных мно́ю лю́тых помышля́я, окая́нный, трепе́щу стра́шнаго дне су́днаго; но наде́яся на ми́лость благоутро́бия Твоего, я́ко Дави́д вопию́ Ти: поми́луй мя. Бо́же, по вели́цей Твое́й ми́лости. «О множестве сделанных мною злых дел размышляя, я, несчастный, трепещу пред страшным днём суда. Но, надеясь на милость снисхождения Твоего, как Давид, взываю к Тебе: помилуй меня. Боже, по великой Твоей милости». {"@context":"https:\/\/schema.org\/","@type":"VideoObject","name":"\u0414.\u0421. \u0411\u043e\u0440\u0442\u043d\u044f\u043d\u0441\u043a\u0438\u0439 \u00ab\u041f\u043e\u043a\u0430\u044f\u043d\u0438\u044f \u043e\u0442\u0432\u0435\u0440\u0437\u0438 \u043c\u0438 \u0434\u0432\u0435\u0440\u0438\u00bb","duration":"T5M34S","uploadDate":"2022-03-15T:46.287Z","thumbnailURL":"https:\/\/tube.azbyka.ru\/lazy-static\/previews\/c2f61a22-2bd5-4a86-9b8c-4b49a984d054.jpg","interactionCount":1936,"embedURL":"\/\/tube.azbyka.ru\/videos\/embed\/c2f61a22-2bd5-4a86-9b8c-4b49a984d054","description":"\u0414.\u0421. \u0411\u043e\u0440\u0442\u043d\u044f\u043d\u0441\u043a\u0438\u0439 \u00ab\u041f\u043e\u043a\u0430\u044f\u043d\u0438\u044f \u043e\u0442\u0432\u0435\u0440\u0437\u0438 \u043c\u0438 \u0434\u0432\u0435\u0440\u0438\u00bb"} Покаяния отверзи ми двери: ноты «Покаяние отверзи ми». Ведель «Покаяние отверзи ми». Липаев «Покаяние отверзи ми». Бортянский

Апостоле святый Филиппе,/ моли Милостиваго Бога,/ да прегрешений оставление// подаст душам нашим.

Твердо мудрости догматы в души благочестивых вложившаго,/ похвалами да ублажим яко боговещателя вси Иакова:/ Престолу бо славы Владычню предстоя,/ и со всеми Ангелы радуется,// моля непрестанно о всех нас.

Превечная Премудросте, Христе Боже наш!/ Божественным смотрением Своим преклонивый Небеса,/ благоволил еси вселитися во утробу Чистыя Отроковицы,/ средостение вражды разрушив,/ освятил еси естество наше/ и Царствие Твое нам отверзл еси;/ сего ради Тебе, Творца нашего и Избавителя,/ и рождшую Тя,/ спасения нашего тайне послужившую Деву Чистую, православно величаем.

Сверстник и подражатель преподобному Варлааму,/ послушание к нему истинное стяжав,/ достоин явился ему преемник,/ упасши до времене стадо его,/ добродетелем же его поревновав,/ в туюжде меру возраста достигл еси,/ безмолвие пустынное возлюбив,/ и угоден Господеви показался еси,/ первоначальный быв пустыни при езере Дымском,/ тем ти вопием:/ с преподобным Варлаамом, отче Антоние, моли о нас Бога,/ да даст нам такожде угодити Ему, якоже и ты,/ образе послушания и безмолвия тихий рачителю.

Тропарь Пресвятой Богородице пред иконой Ея «Казанской», глас 4[1] Засту́пнице усе́рдная,/ Ма́ти Го́спода Вы́шняго,/ за всех мо́лиши Сы́на Твоего́ Христа́ Бо́га на́шего,/ и всем твори́ши спасти́ся,/ в держа́вный Твой покро́в прибега́ющим./ Всех нас заступи́, о Госпоже́ Цари́це и Влады́чице,/ и́же в напа́стех и в ско́рбех, и в боле́знех обремене́нных грехи́ мно́гими,/ предстоя́щих и моля́щихся Тебе́ умиле́нною душе́ю/ и сокруше́нным се́рдцем,/ пред пречи́стым Твои́м о́бразом со слеза́ми,/ и невозвра́тно наде́жду иму́щих на Тя,/ избавле́ния всех зол,/ всем поле́зная да́руй,/ и вся спаси́, Богоро́дице Де́во:// Ты бо еси́ Боже́ственный покро́в рабо́м Твои́м. Заступница усердная, Матерь Господа Всевышнего, за всех молишь Ты Сына Твоего, Христа Бога нашего, и содействуешь спасению всех, под мощный Твой покров прибегающих. Всех нас защити, о Госпожа, Царица и Владычица, пребывающих в напастях, и скорбях, и болезнях, обремененных грехами многими, предстоящих и молящихся Тебе с умиленною душою и сокрушенным сердцем, пред пречистым Твоим образом со слезами, и имеющих твердую надежду в Тебе на избавление от всех зол. Всем полезное даруй и всех спаси, Богородица Дева, ибо Ты – Божественный покров рабам Твоим. Кондак Пресвятой Богородице пред иконой Ея «Казанской», глас 8[1] Притеце́м, лю́дие, к ти́хому сему́ и до́брому приста́нищу,/ ско́рой Помо́щнице, гото́вому и те́плому спасе́нию, покро́ву Де́вы,/ ускори́м на моли́тву и потщи́мся на покая́ние:/ источа́ет бо нам неоску́дныя ми́лости Пречи́стая Богоро́дица,/ предваря́ет на по́мощь, и избавля́ет от вели́ких бед и зол// благонра́вныя и богобоя́щияся рабы́ Своя́. Прибегнем, люди, к тихому сему и доброму пристанищу, скорой Помощнице, готовому и теплому спасению, покрову Девы; поспешим на молитву и подвигнемся на покаяние: ибо источает нам неоскудевающие милости Пречистая Богородица, спешит на помощь и избавляет от великих бед и зол благочестивых и богобоязненных рабов Своих. Молитва Пресвятой Богородице пред иконой Ея «Казанской»[2] О Пресвята́я Госпоже́ Влады́чице Богоро́дице! Со стра́хом, ве́рою и любо́вию припа́дающе пред честно́ю ико́ною Твое́ю, мо́лим Тя́: не отврати́ лица́ Твоего́ от прибега́ющих к Тебе́, умоли́ милосе́рдая Ма́ти, Сы́на Твоего́ и Бо́га на́шего, Го́спода Иису́са Христа́, да сохрани́т ми́рну страну́ на́шу, Це́рковь Свою́ Святу́ю да незы́блему соблюде́т от неве́рия, ересе́й и раско́ла. Не и́мамы бо ины́я по́мощи, не и́мамы ины́я наде́жды, ра́зве Тебе́, Пречи́стая Де́во: Ты́ еси́ Всеси́льная христиа́н Помо́щница и Засту́пница. Изба́ви все́х с ве́рою Тебе́ моля́щихся от паде́ний грехо́вных, от наве́та злы́х челове́к, от вся́ких искуше́ний, скорбе́й, бе́д и от напра́сныя сме́рти: да́руй на́м ду́х сокруше́ния, смире́ние се́рдца, чистоту́ помышле́ний, исправле́ние грехо́вныя жи́зни и оставле́ние прегреше́ний, да вси́ благода́рне воспева́юще вели́чия Твоя́, сподо́бимся Небе́снаго Ца́рствия и та́мо со все́ми святы́ми просла́вим Пречестно́е и Великоле́пое И́мя Отца́ и Сы́на и Свята́го Ду́ха. Ами́нь. О Пресвятая Госпожа Владычица Богородица! Со страхом, верой и любовью перед почитаемой и чудотворной Твоей иконой припадая, молим Тебя: не отврати Твоего лица от прибегающих к Тебе. Умоли, милосердная Матерь, Сына Твоего и Бога нашего, Господа Иисуса Христа, да сохранит в мире (в спокойствии) нашу страну, Церковь Свою Святую непоколебимой да сбережёт и от неверия, от ересей и раскола да избавит. Не имеем иной помощи, не имеем иной надежды, кроме Тебя, Пречистая Дева: Ты — всесильная для христиан Помощница и Заступница. Избавь же и всех, с верой к Тебе молящихся, от греховных падений, от покушения злых людей, от всяких искушений, скорбей, болезней, бед и от внезапной смерти. Даруй нам дух раскаяния о грехах, смирение сердца, чистые мысли, исправление от греховной жизни и оставление прегрешений, да все с благодарностью воспоют славу и милость Твою, которые Ты являешь над нами здесь на земле, сподобимся и Небесного Царствия, и там со всеми святыми прославим пречестное и великолепное имя Отца, и Сына, и Святого Духа во веки веков. Аминь. Молитва 2-я Пресвятой Богородице пред иконой Ея «Казанской»[2] О, Пресвята́я Влады́чице Богоро́дице, Цари́це Небеси́ и земли́, вы́шшая а́нгел и арха́нгел и всея́ тва́ри честне́йшая, чи́стая Де́во Мари́е, ми́ру блага́я Помо́щнице, и все́м лю́дем утвержде́ние, и во вся́ких ну́ждах избавле́ние! При́зри и ны́не, Госпоже́ Всеми́лостивая, на рабы́ Твоя́, Тебе́ умиле́нною душе́ю и сокруше́нным се́рдцем моля́щияся, со слеза́ми к Тебе́ припа́дающия и покланя́ющияся пречи́стому и цельбоно́сному о́бразу Твоему́, и по́мощи и заступле́ния Твоего́ прося́щия. О, Всеми́лостивая и Премилосе́рдая Де́во Богоро́дице Чи́стая! Воззри́, Госпоже́, на лю́ди Твоя́: мы́ бо гре́шнии не и́мамы ины́я по́мощи, ра́зве Тебе́ и от Тебе́ ро́ждшагося Христа́ Бо́га на́шего. Ты́ еси́ засту́пница и предста́тельница на́ша. Ты́ еси́ оби́димых защище́ние, скорбя́щим ра́дование, си́рым прибе́жище, вдо́вам храни́тельница, де́вам сла́ва, пла́чущим весе́лие, больны́м посеще́ние, немощны́м исцеле́ние, гре́шным спасе́ние, Сего́ ра́ди, о Богома́ти, к Тебе́ прибега́ем, и на Тво́й Пречи́стый о́браз с Предве́чным на руку́ Твое́ю держи́мым Младе́нцем, Го́сподем на́шим Иису́сом Христо́м взира́юще, умиле́нное пе́ние Тебе́ прино́сим и вопие́м: поми́луй на́с, Ма́ти Бо́жия, и проше́ние на́ше испо́лни, вся́ бо су́ть возмо́жна хода́тайству Твоему́: я́ко Тебе́ сла́ва подоба́ет ны́не и при́сно и во ве́ки веко́в. Ами́нь. О Пресвятая Владычица Богородица, Царица Неба и земли, высшая Ангелов и Архангелов и честнейшая всех творений, чистая Дева Мария, миру благая Помощница, и всем людям утверждение, и во всяких нуждах избавление! Обрати своё внимание и ныне, Госпожа Всемилостивая, на рабов Твоих, к Тебе смиренной душой и сокрушённым сердцем молящихся, со слезами к Тебе припадающих и поклоняющихся пречистому и целительному Твоем образу, и помощи, и заступления Твоего просящих. О Всемилостивая и Премилосердная Дева Богородица Чистая! Посмотри, Госпожа, на людей Твоих: мы грешные не имеем другой помощи, кроме Тебя и от Тебя родившегося Христа Бога нашего. Ты — наша заступница и предстательница. Ты — защита обиженных, скорбящим радость, сиротам прибежище, вдовам хранительница, девам слава, плачущим веселие, больным посещение, немощным исцеление, грешным спасение, поэтому, о Богоматерь, к Тебе прибегаем, и на Твой Пречистый образ с Предвечным Младенцем на руках Твоих, Господом нашим Иисусом Христом взирая, умиленное пение Тебе приносим и взываем: помилуй нас, Матерь Божья, и прошения наши исполни, всё возможно Твоим ходатайством: ибо Тебе слава подобает ныне и всегда и вовеки веков. Аминь. [1] Минея. Октябрь. В 22-й день [2] Акафист Пресвятой Богородице пред иконой «Казанская»

Воспоем ныне предивнаго в чудесех,/ возсиявшаго во области Белаозера, просиявшаго, яко солнце./ О неистощимый источниче чудес, святче Божий Филиппе!/ всегда Святей Троице предстоя/ и молением предваряя за страну нашу и о всем мире,/, не забуди и нас, твоих раб,/ призывающих тя молебным пением,/ честную память твою творящих,/ помолися о нас ко Господу во святых своих молитвах,/ да спасет души наша.

Благодать приимше исцелений,/ простираете здравие сущим в нуждах,/ врачеве, чудотворцы преславнии,/ но вашим посещением ратников дерзости низложите,// мир исцеляюще чудесы.

Аще и в море ввержена бысть святая икона Твоя, Богородице,/ от вдовицы, не могущия спасти сию от врагов,/ но явилася есть хранительница Афона/ и вратарница обители Иверския, враги устрашающая/ и в православней Российстей стране// чтущия Тя от всех бед и напастей избавляющая.