Молитвы

Боже щедрот и всякия благодати! Призри с высоты Святаго жилища Твоего на нас грешных и недостойных рабов Твоих, молящихся Тебе и просящих дати долгов разрешение усопшему (-ей) рабу Твоему (рабе Твоей). Молим Тя, Благость вечная, не вниди в суд с рабом (-ою) Твоим (-ею), яко созданием Твоей Премудрости, но обаче милости сподоби его (ю); яви ему (ей) благоутробие Твое, Всеблагий Владыко, и не отвержи его (ю) от лица Твоего, Человеколюбче Господи: спаси от вечныя смерти, яже есть смерть вторая, душу его (ея), да тако усопший (-шая) не престанет славословити Твою безконечную благость и превозносити имя Твое во веки. Тебе, Сердцеведче, ведомы дела, намерения и помышления усопшаго (-шия) раба Твоего (рабы Твоея) и вся содеянная им (ею) благая же и злая пред Тобою нага и объявлена суть. Но что убо пред Тобою, Святый, вся благая наша? Яко капля в мори, тако суть пред Тобою и пред Твоею правдою и Святостию вся благая наша, содеваемая в веце сем. Безмерны согрешения наши; велико и тяжко бремя грехов наших, но неизреченно велики и безпредельны заслуги Единороднаго Сына Твоего, Господа нашего Иисуса Христа, Егоже по безпредельной любви Твоей дал еси нам грешным, да всяк веруяй в Онь, не погибнет, но имать живот вечный. Зело грешны есмы пред Тобою и недостойны Твоея милости, но Твое человеколюбие соделывает нас достойными; велики беззакония наша, но неистощимо Твое милосердие: безмерныя заслуги Возлюбленнаго Твоего Сына, принесшаго Себя в жертву за грехи наши, побеждают всяк грех, всяко беззаконие; того ради со умилением и со дерзновением молим Тя, Источниче жизни нашея, со дерзновением упования молим, да усвоятся усопшему (-ей) рабу Твоему (рабе Твоей) (имя) сии драгоценныя для нас искупительныя и спасительныя заслуги Единороднаго Сына Твоего; умоляем Твое милосердие слезами сокрушения, покрый грехи усопшаго (-шия) раба Твоего (рабы Твоея) величием сих дражайших заслуг Искупителя нашего; прости все согрешения его (ея) и не погуби его (ю) со беззаконми его (ея) в геенне огненней. Пощади, пощади, Владыко, отшедшаго (-ую) к Тебе раба Твоего (рабу Твою) (имя) и вечных мучений избави, избави ради безмерных и неизглаголанных душевных скорбей и болезней Единороднаго Сына Твоего, понесенных Им пред испитием горькой чаши страданий Своих; пощади его (ю) и спаси от вечныя смерти ради поношения и биения Спасителя нашего, ради заушения и заплевания; помилуй ради дражайшия Крове Его из пречистых ребр Его пролиянныя. Молим Тя, Отче щедрот и всякаго милосердия, пречистыми и животворящими Его ранами, Его святою Кровию уврачуй смертоносныя и греховныя язвы усопшаго (-шия) раба Твоего (рабы Твоея), и тако да исцелеет духовне и да сподобится в неприступном свете Твоем, Светодавче Господи, славословит и прославляти Пресвятое имя Твое во веки. Аминь.

Первая седмица Великого Поста с древних времен называется «зарей воздержания» и «неделей чистой». В эту неделю Церковь убеждает своих чад выйти из того греховного состояния, в которое невоздержанием наших прародителей ниспал весь род человеческий, утратив райское блаженство, и которое каждый из нас умножает сам своими грехами, — выйти путем веры, молитвы, смирения и Богоугодного поста. Се время покаяния, говорит Церковь, се день спасительный, пощения вход: душе, бодрствуй, и страстей входа затвори, ко Господу взирающе  (из первой песни трипеснца на утрени понедельника первой седмицы Великого Поста). Подобно ветхозаветной церкви, которая особенно святила первый и последний день некоторых великих праздников, православные христиане, приготовленные и воодушевленные матерними внушениями своей Церкви, издревле, согласно ее уставу, с особенным усердием и строгостью проводят первую и последнюю седмицу Великого Поста. На первой седмице совершаются особенно продолжительные богослужения и подвиг телесного воздержания значительно более строгий, чем в последующие дни Святой Четыредесятницы. В первые четыре дня Великого Поста великое повечерие совершается с чтением Великого Покаянного Канона преп. Андрея Критского, который как бы задает «тон», определяет всю последующую тональность, «мелодию» Великого Поста. На первой седмице Поста Канон делится на четыре части. Дивное творение св. Андрея Критского полностью предлагается нашему вниманию и в четверг (точнее в среду вечером) пятой седмицы Св. Четыредесятницы для того, чтобы мы, видя приближающееся окончание Поста, не разленились к духовным подвигам, не сделались небрежными, не забылись и не перестали во всем строго следить за собой. Каждый стих Великого Канона сопровождается псаломским припевом Помилуй мя, Боже, помилуй мя! К канону присоединяется несколько тропарей в честь самого автора — св. Андрея и преп. Марии Египетской. Еще при жизни св. Андрея Иерусалимская Церковь ввела у себя в употребление Великий Канон. Отправляясь в 680 году на Шестой Вселенский Собор в Константинополь, св. Андрей принес туда и сделал известным свое великое творение и житие преп. Марии Египетской, написанное его соотечественником и учителем патриархом Иерусалимским Софронием. Житие египетской подвижницы читается совместно с Великим Каноном на утрени в среду пятой седмицы Великого Поста. Из всех молитвословий Великого Поста, больше всех других поражает душу Великий Канон. Великий Канон — это чудо церковной гимнографии, это тексты удивительной силы и поэтической красоты. Канон составлен в 7-м веке св. Андреем, Архиепископом Критским, составившим также много других канонов, которые Церковь использует в течение всего богослужебного года. Церковь именовала этот канон великим, не столько из-за его объема (в нем 250 тропарей или стихов), сколько по его внутреннему достоинству и силе. Великий канон представляет собой беседу кающегося с собственной душой. Вот как он начинается: Откуда начну плакати окаянного моего жития деяний? Кое ли положу начало, Христе, нынешнему рыданию? Но яко благоутробен даждь ми прегрешений оставление — с чего же начать мне каяться, ведь это так трудно. Затем следует чудный тропарь: Гряди, окаянная душе, с плотию твоею. Зиждителю всех исповеждься и останися прочее преждняго безсловесия, и принеси Богу в покаянии слезы. Удивительные слова, тут и христианская антропология, и аскетика: плоть тоже должна участвовать в покаянии, как неотъемлемая часть человеческого естества. Своего апогея эта беседа с душой, постоянные уговоры ее, призывы покаяться, достигают в кондаке, который поется после 6-й песни Канона: Душе моя, душе моя, востани, что спиши? Конец приближается, и имаши смутитися; воспряни убо, да пощадит тя Христос Бог, везде сый, и вся исполняяй. Эти слова произносит, обращаясь к себе, великий светильник Церкви, тот, к кому самому применимо было бы выражение, употребленное им относительно преп. Марии Египетской, которая действительно была «ангел во плоти». И вот он так к себе обратился, упрекая себя за то, что душа его спит. Если он видел себя таким, то какими должны видеть себя мы? Погруженные уже не только в беспробудный духовный сон, но в какое-то омертвение… Когда мы внимаем словам кондака из канона святителя Андрея Критского, нужно спросить себя: что мне делать? Если бы человек как должно исполнял Божий закон, его жизнь была бы заполнена совсем другим содержанием. Вот для того Церковь и предлагает нам этот глубокий, проникновенный великопостный покаянный канон, чтобы мы заглянули поглубже в свою душу и посмотрели бы, что там. А душа-то спит… В этом и горе наше и беда наша. В замечательной молитве преп. Ефрема Сирина, которую мы повторяем в продолжение всего Великого Поста, говорится: Господи Царю, даруй ми зрети моя прегрешения! — Я их не вижу, душа моя заснула, задремала и я этих грехов, как должно, даже и не вижу. Как же я буду каяться в них! И вот потому нужно в дни Великого Поста побольше сосредотачиваться на себе, оценивая свою жизнь и ее содержание евангельской мерой, а не какой-нибудь другой. К основным особенностям Великого канона относится очень широкое использование образов и сюжетов из Священного Писания, как Ветхого, так и Нового Завета. Жаль, что мы плохо знакомы со Святой Библией. Многим из нас имена людей, упомянутых в Великом Каноне, ничего не говорят, потому что мы плохо знаем Библию. А между тем Библия — это не только история израильского народа, но и грандиозная летопись души человеческой — души, которая падала и вставала перед лицом Бога, которая согрешала и каялась. Если мы посмотрим на жизнь людей, о которых говорится в Библии, то увидим, что каждый из них представлен не столько как исторический персонаж, не столько как личность, совершившая те или иные дела, сколько как человек, предстоящий перед лицом Живого Бога. Исторические и иные заслуги человека отходят на второй план, остается то, что всего важнее: сохранил человек верность Богу или нет. Если мы будем читать Библию и Великий Канон под таким углом зрения, то увидим, что многое из того, что говорится о древних праведниках и грешниках, является не чем иным, как летописью нашей души, наших падений и восстаний, наших грехов и покаяния. Один церковный писатель по этому поводу очень кстати замечает: «Если в наши дни столь многие находят его (Великий Канон) скучным и не относящимся к нашей жизни, это происходит оттого, что вера их не питается из источника Священного Писания, которое для Отцов Церкви было именно источником их веры. Мы должны вновь научиться воспринимать мир таким, каким он открывается нам в Библии, научиться жить в этом библейском мире; и нет лучшего способа научиться этому, как именно через церковное богослужение, которое не только передает нам библейское учение, но и открывает нам библейский образ жизни» (Протопр. Александр Шмеман, «Великий Пост», стр. 97). Итак, в Великом Каноне перед нами проходит в лицах и событиях вся ветхозаветная и новозаветная история. Автор указывает на грехопадение прародителей и растление первобытного мира, на добродетели Ноя и нераскаянность и ожесточение жителей Содома и Гоморры, воскрешает перед нами память благочестивых патриархов и доблестных мужей: Моисея, Иисуса Навина, Гедеона и Иефая, представляет нашему взору благочестие царя Давида, его падение и умиленное покаяние, указывает на нечестие Ахава и Иезавели и на великие образцы покаяния — неневитян, Манассию, блудницу и благоразумного разбойника, и в особенности на Марию Египетскую, неоднократно останавливает читателя у Креста и Гроба Господня — везде поучая покаянию, смирению, молитве, самоотвержению. На этих примерах постоянно происходит увещание души — вспомни этого праведника, он так угодил Богу, вспомни и этого праведника, он так угодил — ты ничего подобного не сделала. Об одних перснонажах Библии говорится в положительном смысле, о других в отрицательном, кому-то нужно подражать, а кому-то нет. Колесничник Илия, колесницею добродетелей вшед, яко на Небеса, ношашеся превыше иногда от земных. Сего убо, душе моя, восход помышляй — помышляй, душа моя, о восхождении ветхозаветных праведников. Гиезиев подражала еси, окаянная, разум скверный всегда, душе, егоже сребролюбие отложи поне на старость, бегай геенскаго огня, отступивши злых твоих — хотя бы в старости отринь сребролюбие Гиезии, душа, и оставив свои злодеяния, избегай геенского огня. Как видите, тексты довольно трудные, поэтому к восприятию Великого канона необходимо заранее готовиться. В заключительной песни первого дня после всех воспоминаний следуют тропари удивительной силы: Закон изнеможе, празднует Евангелие, писание же все в тебе небрежено бысть, пророцы изнемогоша, и все праведное слово: струпи твои, о душе, умножишася, не сущу врачу исцеляющему тя — нечего вспоминать из Ветхого Завета, все бесполезно. Буду приводить тебе примеры из Нового Завета, может быть, тогда ты покаешься: Новаго привожду ти писания указания, вводящая тя, душе, ко умилению: праведным убо поревнуй, грешных же отвращайся, и умилостиви Христа молитвами же и пощеньми и чистотою и говением. Наконец, духовный писатель, представив все ветхозаветное, восходит к Жизнодавцу, Спасителю душ наших, восклицая, как разбойник: Помяни мя!, взывая, как мытарь: Боже милостив буди мне грешному!, подражая в неотступности Хананеянке и слепцам на распутии: Помилуй мя, сыне Давидов!, источая слезы, вместо мира, на главу и ноги Христа, подобно блуднице, и горько плача над собою, как Марфа и Мария над Лазарем. Далее в Каноне подчеркивается, что самые страшные грешники покаялись и придут в Царство Небесное прежде нас: Христос вочеловечися, призвав к покаянию разбойники и блудницы: душе, покайся, дверь отверзеся Царствия уже, и предвосхищают о фарисее и мытарии и прелюбодеи кающиися. Когда же, в некоем духовном ужасе, следуя издали за чудесами Спасителя и умиляясь над каждым подвигом Его земной жизни, автор Канона доходит до страшного заколения Христа, - силы сердца его оскудевает и, вместе со всей тварью, он умолкает на трепещущей Голгофе, в последний раз воскликнув: Судие мой и ведче мой, хотяй паки приити со ангелы, судити миру всему, милостивным твоим оком тогда, видев мя пощади и ущедри мя, Иисусе, паче всякого естества человеча согрешивша. Великий канон, всеми средствами подвигая нас к покаянию, в последних тропарях как бы открывает нам свою «методику»: как я с тобой беседовал, душа, и праведников ветхозаветных тебе напоминал, и новозаветные образы тебе в пример приводил, и все напрасно: ихже не поревновала еси, душе, ни деянием, ни житию: но горе тебе, внегда будеши судитися — горе тебе, когда предстанешь на суд! Вслушиваясь в слова Великого Канона, всматриваясь в историю жизни людей, бежавших от Бога, но настигнутых Им, людей, которые оказывались в безднах, но которых Бог выводил оттуда, подумаем о том, как Бог выводит каждого из нас из бездны греха и отчаяния для того, чтобы мы принесли Ему плоды покаяния. Не нужно думать, что покаяние заключается в том, чтобы копаться в собственных грехах, заниматься самобичеванием, стараться выявить в себе как можно больше злого и темного. Истинное покаяние — это когда мы обращаемся от тьмы к свету, от греха к праведности; когда мы понимаем, что прежняя наша жизнь была недостойна высокого призвания, когда перед лицом Бога мы сознаем, как ничтожны мы сами, и сознаем, что единственная наша надежда — Сам Бог. Истинное покаяние — это когда перед лицом Бога, по слову Апостола Петра «призвавшего нас из тьмы в чудный Свой свет» (1 Пет. 2: 9), мы понимаем, что жизнь дана нам для того, чтобы стать детьми Божиими, чтобы приобщиться к Божественному свету. Истинное покаяние — то, которое выражается не столько в словах, но и в делах, в готовности прийти на помощь людям, в открытости по отношению к ближним, а не в обращенности на себя. Истинное покаяние — это когда мы понимаем, что, хотя и не в наших силах стать настоящими христианами, Бог в силах сделать нас таковыми. Как говорится в Великом Каноне, идеже бо хощет Бог, побеждается естества чин. Другими словами там, где Бог хочет, происходят сверхъестественные события: Савл становится Павлом, Иона изводится из чрева кита, Моисей проходит через море по суше, умерший Лазарь воскресает, Мария Египетская из блудницы превращается в великую праведницу. Ибо, по словам Спасителя, «человекам это невозможно, Богу же все возможно» (Мф. 19: 26). ©Протоиерей Виктор Потапов февраль 2001 г. www.stjohndc.org

О, святый мучениче Уаре досточудный, ревностию по Владыце Христу разжигаемь, Небеснаго Царя пред мучителем исповедал еси, и о Нем усердно пострадал еси, и ныне предстоиши Ему со ангелы, и в вышних ликуеши, и зриши ясно Святую Троицу, и светом Безначальнаго Сияния наслаждаешися, воспомяни и наших сродников томление, умерших в нечестии, приими наше прошение, и якоже Клеопатрин род неверный молитвами твоими от вечных мук свободил еси, тако воспомяни елицы противобожне погребенныя, умершия некрещенными, потщися испросити оным от вечныя тьмы избавление, да вси едиными усты и единем сердцем восхвалим Премилосерднаго Творца во веки веков. Аминь

Святой Николай родился от благородных и благочестивых родителей во времена императора Валериана (ок. 280 г.) в Ликийском городе Патаре. Благодать Божия почивала на нем явно с самого юного возраста, проявляясь в его строгом постничестве и горячей молитве. По достижении зрелого возраста св. Николай был поставлен пресвитером, а позже - избран епископом города Миры и для всех явился образцом несокрушимой веры, безмерного смирения, чистоты, человеколюбия и милосердия. При гонителе христиан Диоклетиане вместе с другими был подвергнут заключению и освобожден был только Константином Великим. Присутствуя в 325 году на I Вселенском Соборе, св. Николай обличил и посрамил лжеучение Ария. Еще при жизни св. Николай именовался "отцом сирот и утешителем страждущих" за свою глубокую христианскую любовь. В России почитание святителя Николая столь велико, что нет не только ни одного храма, но и ни одного православного дома, где не имелось бы иконы святого и где ему не возносились бы самые искренние и горячие молитвы.   Молитва О всеблагий отче Николае, пастырю и учителю всех, верою притекающих к твоему заступлению и теплою молитвою тебе призывающих, скоро потщися и избави Христово стадо от волков, губящих е, и всяку страну христианскую огради и сохрани святыми твоими молитвами от мирскаго мятежа, труса, нашествия иноплеменников и междоусобныя брани, от глада, потопа, огня, меча и напрасныя смерти. И якоже помиловал еси триех мужей, в темнице седящих, и избавил еси их царева гнева и посечения мечнаго, тако помилуй и мене, умом, словом и делом во тьме грехов суща, и избави мя гнева Божия и вечныя казни, яко да твоим ходатайством и помощию, Своим же милосердием и благодатию, Христос Бог тихое и безгрешное житие даст ми пожити в веце сем и избавит мя шуйяго стояния, сподобит же деснаго со всеми святыми. Аминь.

Боже святый и во святых почиваяй, трисвятым гласом на небеси от ангел воспеваемый, на земли от человек во святых Своих хвалимый, давый Святым Твоим Духом коемуждо благодать по мере дарования Христова, и тою поставивый Церкви Твоей Святей овы апостолы, овы пророки, овы же благовестники, овы пастыри и учители, ихже словом проповеди, Тебе Самому действующему вся во всех, мнози совершишася святии в коемждо роде и роде, различными благодетельми благоугодившии Тебе, и к Тебе, нам образ добрых подвигов своих оставивше, в радости прешедший, готови, в немже сами искушсни быша, и нам напаствуемым помогати. Сих святых всех и святого праведного Иова воспоминая и их богоугодное похваляя житие, Тебе Самаго, в них действовавшаго, восхваляю, и онех благотворения Твоя дарования быти веруя, прилежно молю Тя, Святе святых, даждь ми грешному последовати их учению, житию, любви, вере, долготерпению, и их молитвенною помощию, паче же Твоею вседействующею благодатию, небесныя с ними сподобитися славы, хваляще Пресвятое имя Твое, Отца и Сына и Святаго Духа во веки. Аминь.

Господи Боже и Создателю наш, образом Своим нас, людей, украсивший, избранных Твоих научивший закону Твоему, так что внимающие ему дивятся; детям тайны премудрости открывший, Соломону и всем ищущим ее даровавший — открой сердца, умы и уста рабов Твоих сих (имена), чтобы уразуметь силу закона Твоего и успешно познать преподаваемое им полезное учение для славы Пресвятого имени Твоего, для пользы и устроения Святой Твоей Церкви и разумения благой и совершенной воли Твоей. Избавь их от всяких козней вражеских, сохрани их в вере Христовой и чистоте во все время жизни их, — да будут крепки разумом и исполнением заповедей Твоих, и так наученные прославят Пресвятое имя Твое и будут наследниками Царствия Твоего, — ибо Ты Бог крепок милостию и благ крепостью, и Тебе подобает всякая слава, честь и поклонение, Отцу и Сыну и Святому Духу, всегда, ныне и присно и во веки веков. Аминь.

О, священная главо, ангеле земный и человече небесный, преподобне и богоносне отче наш Александре, изрядный угодниче Пресвятыя и Единосущныя Троицы, многия милости живущим во святей обители твоей и всем, с верою и любовию притекающим к тебе, являяй. Испроси нам вся к житию сему временному благопотребная, паче же к вечному спасению нашему нужная. Пособствуй предстательством твоим, угодниче Божий, правителем страны нашея России. И да в мире глубоце пребудет святая православная Церковь Христова. Буди всем нам, чудотворче святый, во всякой скорби и обстоянии скорый помощниче. Наипаче же в час кончины нашея явися нам, заступниче благосердый, да не предани будем на мытарствах воздушных власти злобнаго миродержца, но да сподобимся непреткновеннаго восхода в Царствие Небесное. Ей, отче, молитвенниче наш присный! Не посрами упования нашего, не презри смиренных молений наших, но присно о нас пред Престолом Живоначальныя Троицы предстательствуй, да сподобимся вкупе с тобою и со всеми святыми, аще и недостойны есмы, в селениих райских славити величие, благодать и милость Единаго в Троице Бога, Отца и Сына и Святаго Духа во веки веков. Аминь.

Моли́твами святы́х оте́ц на́ших, Го́споди Иису́се Христе́ Бо́же наш, поми́луй нас. Ами́нь. Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша. Святы́й Бо́же, Святы́й Кре́пкий, Святы́й Безсме́ртный, поми́луй нас. (Tрижды) Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь. Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди. Го́споди, поми́луй. (Трижды) Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь. О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Го́споди, поми́луй. (12 раз) Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь. Прииди́те, поклони́мся Царе́ви на́шему Бо́гу. (Поклон) Прииди́те, поклони́мся и припаде́м Христу́, Царе́ви на́шему Бо́гу. (Поклон) Прииди́те, поклони́мся и припаде́м Самому́ Христу́, Царе́ви и Бо́гу на́шему. (Поклон) Псалом 22 Госпо́дь пасе́т мя, и ничто́же мя лиши́т. На ме́сте зла́чне, та́мо всели́ мя, на воде́ поко́йне воспита́ мя. Ду́шу мою́ обрати́, наста́ви мя на стези́ пра́вды, и́мене ра́ди Своего́. А́ще бо и пойду́ посреде́ се́ни сме́ртныя, не убою́ся зла, я́ко Ты со мно́ю еси́, жезл Твой и па́лица Твоя́, та мя уте́шиста. Угото́вал еси́ пре́до мно́ю трапе́зу сопроти́в стужа́ющим мне, ума́стил еси́ еле́ом главу́ мою́, и ча́ша Твоя́ упоява́ющи мя, я́ко держа́вна. И ми́лость Твоя́ пожене́т мя вся дни живота́ моего́, и е́же всели́ти ми ся в дом Госпо́день, в долготу́ дний. Псалом 23 Госпо́дня земля́, и исполне́ние ея́, вселе́нная и вси живу́щии на ней. Той на моря́х основа́л ю́ есть, и на река́х угото́вал ю́ есть. Кто взы́дет на го́ру Госпо́дню? Или́ кто ста́нет на ме́сте святе́м Его́? Непови́нен рука́ма и чист се́рдцем, и́же не прия́т всу́е ду́шу свою́, и не кля́тся ле́стию и́скреннему своему́. Сей прии́мет благослове́ние от Го́спода, и ми́лостыню от Бо́га, Спа́са своего́. Сей род и́щущих Го́спода, и́щущих лице́ Бо́га Иа́ковля. Возми́те врата́, кня́зи ва́ша, и возми́теся врата́ ве́чная, и вни́дет Царь сла́вы. Кто есть сей Царь сла́вы? Госпо́дь кре́пок и си́лен, Госпо́дь си́лен в бра́ни. Возми́те врата́, кня́зи ва́ша, и возми́теся врата́ ве́чная, и вни́дет Царь сла́вы. Кто есть сей Царь сла́вы? Госпо́дь сил, Той есть Царь сла́вы. Псалом 115 Ве́ровах, те́мже возглаго́лах, аз же смири́хся зело́. Аз же рех во изступле́нии мое́м: всяк челове́к ложь. Что возда́м Го́сподеви о всех, я́же воздаде́ ми? Ча́шу спасе́ния прииму́, и и́мя Госпо́дне призову́, моли́твы моя́ Го́сподеви возда́м пред все́ми людьми́ Его́. Честна́ пред Го́сподем смерть преподо́бных Его́. О, Го́споди, аз раб Твой, аз раб Твой и сын рабы́ни Твоея́; растерза́л еси́ у́зы моя́. Тебе́ пожру́ же́ртву хвалы́, и во и́мя Госпо́дне призову́. Моли́твы моя́ Го́сподеви возда́м пред все́ми людьми́ Его́, во дво́рех до́му Госпо́дня, посреде́ тебе́, Иерусали́ме. Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь. Аллилу́ия. (Трижды с тремя поклонами) Тропари, глас 8 Беззако́ния моя́ пре́зри, Го́споди, от Де́вы рожде́йся, и се́рдце мое́ очи́сти, храм то творя́ пречи́стому Твоему́ Те́лу и Кро́ви, ниже́ отри́ни мене́ от Твоего́ лица́, без числа́ име́яй ве́лию ми́лость. Сла́ва Отцу́ и Сы́ну и Свято́му Ду́ху. Во прича́стие святы́нь Твои́х ка́ко дерзну́ [вни́ду], недосто́йный? А́ще бо дерзну́ к Тебе́ приступи́ти с досто́йными, хито́н мя облича́ет, я́ко несть вече́рний, и осужде́ние исхода́тайствую многогре́шной души́ мое́й. Очи́сти, Го́споди, скве́рну души́ моея́, и спаси́ мя, я́ко Человеколю́бец. И ны́не и при́сно и во ве́ки веко́в. Ами́нь. Мно́гая мно́жества мои́х, Богоро́дице, прегреше́ний, к Тебе́ прибего́х, Чи́стая, спасе́ния тре́буя: посети́ немощству́ющую мою́ ду́шу, и моли́ Сы́на Твоего́ и Бо́га на́шего, да́ти ми оставле́ние, я́же соде́ях лю́тых, еди́на Благослове́нная. [Во Святу́ю же Четыредеся́тницу: Егда́ сла́внии ученицы́ на умове́нии ве́чери просвеща́хуся, тогда́ Иу́да злочести́вый сребролю́бием неду́говав омрача́шеся, и беззако́нным судия́м Тебе́ пра́веднаго Судию́ предае́т. Виждь, име́ний рачи́телю, сих ра́ди удавле́ние употреби́вша: бежи́ несы́тыя души́, Учи́телю такова́я дерзну́вшия. И́же о всех благи́й Го́споди, сла́ва Тебе́.] Псалом 50 Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой пре́до мно́ю есть вы́ну. Тебе́ еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниих зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твое́го и Ду́хом Влады́чним утверди́ мя. Научу́ беззако́ныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́. Канон, глас 2 Песнь 1 Ирмо́с: Гряди́те лю́дие, пои́м песнь Христу́ Бо́гу, разде́льшему мо́ре, и наста́вльшему лю́ди, я́же изведе́ из рабо́ты еги́петския, я́ко просла́вися. Припев: Се́рдце чи́сто сози́жди во мне, Бо́же, и дух прав обнови́ во утро́бе мое́й. Хлеб живота́ ве́чнующаго да бу́дет ми Те́ло Твое́ Свято́е, благоутро́бне Го́споди, и Честна́я Кровь, и неду́г многообра́зных исцеле́ние. Припев: Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́. Оскверне́н де́лы безме́стными окая́нный, Твоего́ Пречи́стаго Те́ла и Боже́ственныя Кро́ве недосто́ин есмь, Христе́, причаще́ния, его́же мя сподо́би. Припев: Пресвята́я Богоро́дице, спаси́ нас. Богородичен: Земле́ блага́я, благослове́нная Богоневе́сто, клас прозя́бшая неора́нный и спаси́тельный ми́ру, сподо́би мя сей яду́ща спасти́ся. Песнь 3 Ирмо́с: На ка́мени мя ве́ры утверди́в, разшири́л еси́ уста́ моя́ на враги́ моя́. Возвесели́ бо ся дух мой, внегда́ пе́ти: несть свят, я́коже Бог наш, и несть пра́веден па́че Тебе́, Го́споди. Се́рдце чи́сто сози́жди во мне, Бо́же, и дух прав обнови́ во утро́бе мое́й. Сле́зныя ми пода́ждь, Христе́, ка́пли, скве́рну се́рдца моего́ очища́ющия: я́ко да благо́ю со́вестию очище́н, ве́рою прихожду́ и стра́хом, Влады́ко, ко причаще́нию Боже́ственных Даро́в Твои́х. Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́. Во оставле́ние да бу́дет ми прегреше́ний Пречи́стое Те́ло Твое́, и Боже́ственная Кровь, Ду́ха же Свята́го обще́ние, и в жизнь ве́чную, Человеколю́бче, и страсте́й и скорбе́й отчужде́ние. Пресвята́я Богоро́дице, спаси́ нас. Хле́ба живо́тнаго Tрапе́за Пресвята́я, свы́ше ми́лости ра́ди сше́дшаго, и ми́рови но́вый живо́т даю́щаго, и мене́ ны́не сподо́би недосто́йнаго, со стра́хом вкуси́ти сего́, и жи́ву бы́ти. Песнь 4 Ирмо́с: Прише́л еси́ от Де́вы, не хода́тай, ни а́нгел, но Сам, Го́споди, вопло́щься, и спасл еси́ всего́ мя челове́ка. Тем зову́ Ти: сла́ва си́ле Твое́й, Го́споди. Се́рдце чи́сто сози́жди во мне, Бо́же, и дух прав обнови́ во утро́бе мое́й. Восхоте́л еси́, нас ра́ди вопло́щься, Многоми́лостиве, закла́н бы́ти я́ко овча́, грех ра́ди челове́ческих; те́мже молю́ Тя: и моя́ очи́сти согреше́ния. Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́. Исцели́ души́ моея́ я́звы, Го́споди, и всего́ освяти́, и сподо́би, Влады́ко, я́ко да причащу́ся та́йныя Твоея́ Боже́ственныя ве́чери, окая́нный. Пресвята́я Богоро́дице, спаси́ нас. Уми́лостиви и мне Су́щаго от утро́бы Твоея́, Влады́чице, и соблюди́ мя нескве́рна раба́ Твое́го и непоро́чна, я́ко да прие́м у́мнаго би́сера, освящу́ся. Песнь 5 Ирмо́с: Све́та Пода́телю и веко́в Тво́рче, Го́споди, во све́те Твои́х повеле́ний наста́ви нас: ра́зве бо Тебе́ ино́го бо́га не зна́ем. Се́рдце чи́сто сози́жди во мне, Бо́же, и дух прав обнови́ во утро́бе мое́й. Я́коже предре́кл еси́, Христе́, да бу́дет у́бо худо́му рабу́ Твоему́, и во мне пребу́ди, я́коже обеща́лся еси́: се бо Те́ло Твое́ ям Боже́ственное и пию́ Кровь Твою́. Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́. Сло́ве Бо́жий и Бо́же, угль Те́ла Твое́го да бу́дет мне помраче́нному в просвеще́ние, и очище́ние оскверне́нной души́ мое́й Кровь Твоя́. Пресвята́я Богоро́дице, спаси́ нас. Мари́е, Ма́ти Бо́жия, благоуха́ния честно́е селе́ние, Твои́ми моли́твами сосу́д мя избра́нный соде́лай, я́ко да освяще́ний причащу́ся Сы́на Твое́го. Песнь 6 Ирмо́с: В бе́здне грехо́вней валя́яся, неизсле́дную милосе́рдия Твое́го призыва́ю бе́здну: от тли, Бо́же, мя возведи́. Се́рдце чи́сто сози́жди во мне, Бо́же, и дух прав обнови́ во утро́бе мое́й. Ум, ду́шу и се́рдце освяти́, Спа́се, и те́ло мое́, и сподо́би неосужде́нно, Влады́ко, к стра́шным Та́йнам приступи́ти. Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́. Да бых устрани́лся от страсте́й, и Твоея́ благода́ти име́л бы приложе́ние, живота́ же утвержде́ние, причаще́нием Святы́х, Христе́, Та́ин Твои́х. Пресвята́я Богоро́дице, спаси́ нас. Бо́жие, Бо́же, Сло́во Свято́е, всего́ мя освяти́, ны́не приходя́щаго к Боже́ственным Твои́м Та́йнам, Святы́я Ма́тере Твоея́ мольба́ми. Кондак, глас 2 Хлеб, Христе́, взя́ти не пре́зри мя, Те́ло Твое́, и Боже́ственную Твою́ ны́не Кровь, пречи́стых, Влады́ко, и стра́шных Твои́х Та́ин причасти́тися окая́ннаго, да не бу́дет ми в суд, да бу́дет же ми в живо́т ве́чный и безсме́ртный. Песнь 7 Ирмо́с: Те́лу злато́му прему́дрыя де́ти не послужи́ша, и в пла́мень са́ми поидо́ша, и бо́ги их обруга́ша, среди́ пла́мене возопи́ша, и ороси́ я а́нгел: услы́шася уже́ уст ва́ших моли́тва. Се́рдце чи́сто сози́жди во мне, Бо́же, и дух прав обнови́ во утро́бе мое́й. Исто́чник благи́х, причаще́ние, Христе́, безсме́ртных Твои́х ны́не Та́инств да бу́дет ми свет, и живо́т, и безстра́стие, и к преспея́нию же и умноже́нию доброде́тели Боже́ственнейшия хода́тайственно, еди́не Бла́же, я́ко да сла́влю Тя. Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́. Да изба́влюся от страсте́й, и враго́в, и ну́жды, и вся́кия ско́рби, тре́петом и любо́вию со благогове́нием, Человеколю́бче, приступа́яй ны́не к Твои́м безсме́ртным и Боже́ственным Та́йнам, и пе́ти Тебе́ сподо́би: благослове́н еси́, Го́споди, Бо́же оте́ц на́ших. Пресвята́я Богоро́дице, спаси́ нас. Спа́са Христа́ ро́ждшая па́че ума́, Богоблагода́тная, молю́ Тя ны́не, раб Твой, Чи́стую нечи́стый: хотя́щаго мя ны́не к пречи́стым Та́йнам приступи́ти, очи́сти всего́ от скве́рны пло́ти и ду́ха. Песнь 8 Ирмо́с: В пещь о́гненную ко отроко́м евре́йским снизше́дшаго, и пла́мень в ро́су прело́жшаго Бо́га, по́йте дела́ я́ко Го́спода, и превозноси́те во вся ве́ки. Се́рдце чи́сто сози́жди во мне, Бо́же, и дух прав обнови́ во утро́бе мое́й. Небе́сных, и стра́шных, и Cвяты́х Твои́х, Христе́, ны́не Та́ин, и Боже́ственныя Твоея́ и та́йныя ве́чери о́бщника бы́ти и мене́ сподо́би отча́яннаго, Бо́же Спа́се мой. Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́. Под Твое́ прибе́г благоутро́бие, Бла́же, со стра́хом зову́ Ти: во мне пребу́ди, Спа́се, и аз, я́коже рекл еси́, в Тебе́; се бо дерза́я на ми́лость Твою́, ям Те́ло Твое́, и пию́ Кровь Твою́. Пресвята́я Тро́ице, Бо́же наш, сла́ва Тебе́. Тро́ичен: Трепе́щу, прие́мля огнь, да не опалю́ся я́ко воск и я́ко трава́; о́ле стра́шнаго та́инства! о́ле благоутро́бия Бо́жия! Ка́ко Боже́ственнаго Те́ла и Кро́ве бре́ние причаща́юся и нетле́нен сотворя́юся? Песнь 9 Ирмо́с: Безнача́льна Роди́теля Сын, Бог и Госпо́дь, вопло́щься от Де́вы нам яви́ся, омраче́нная просвети́ти, собра́ти расточе́нная: тем всепе́тую Богоро́дицу велича́ем. Се́рдце чи́сто сози́жди во мне, Бо́же, и дух прав обнови́ во утро́бе мое́й. Христо́с е́сть, вкуси́те и ви́дите: Госпо́дь нас ра́ди, по нам бо дре́вле бы́вый, еди́ною Себе́ прине́с, я́ко приноше́ние Отцу́ Своему́, при́сно закала́ется, освяща́яй причаща́ющияся. Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́. Душе́ю и те́лом да освящу́ся, Влады́ко, да просвещу́ся, да спасу́ся, да бу́ду дом Твой причаще́нием Свяще́нных Та́ин, живу́щаго Тя име́я в себе́ со Отце́м и Ду́хом, Благоде́телю Многоми́лостиве. Возда́ждь ми ра́дость спасе́ния Твое́го и Ду́хом Владычним утверди́ мя. Я́коже огнь да бу́дет ми, и я́ко свет, Те́ло Твое́ и Кровь, Спа́се мой, пречестна́я, опаля́я грехо́вное вещество́, сжига́я же страсте́й те́рние, и всего́ мя просвеща́я, покланя́тися Божеству́ Твоему́. Пресвята́я Богоро́дице, спаси́ нас.  Бог воплоти́ся от чи́стых крове́й Твои́х; те́мже вся́кий род пое́т Тя, Влады́чице, у́мная же мно́жества сла́вят, я́ко Тобо́ю я́ве узре́ша все́ми Влады́чествующаго, осуществова́вшагося челове́чеством. Далее Досто́йно е́сть я́ко вои́стинну блажи́ти Тя Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую херуви́м и сла́внейшую без сравне́ния серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем. Святы́й Бо́же, Святы́й Кре́пкий, Святы́й Безсме́ртный, поми́луй нас. (Tрижды) Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь. Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди. Го́споди, поми́луй. (Трижды) Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь. О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Если неделя, тропарь воскресный по гласу. Если же нет, настоящие тропари, глас 6: Поми́луй нас, Го́споди, поми́луй нас; вся́каго бо отве́та недоуме́юще, сию́ Ти моли́тву я́ко Влады́це гре́шнии прино́сим: поми́луй нас. Сла́ва Отцу́ и Сы́ну и Свято́му Ду́ху. Го́споди, поми́луй нас, на Тя бо упова́хом; не прогне́вайся на ны зело́, ниже́ помяни́ беззако́ний на́ших, но при́зри и ны́не я́ко благоутро́бен, и изба́ви ны от враг на́ших; Ты бо еси́ Бог наш, и мы лю́дие Твои́, вси́ дела́ руку́ Твое́ю, и и́мя Твое́ призыва́ем. И ны́не и при́сно и во ве́ки веко́в. Ами́нь. Милосе́рдия две́ри отве́рзи нам, благослове́нная Богоро́дице, наде́ющиися на Тя да не поги́бнем, но да изба́вимся Тобо́ю от бед: Ты бо еси́ спасе́ние ро́да христиа́нскаго. Го́споди, поми́луй (40 раз). И поклоны сколько хочешь. И стихи: Хотя́ я́сти, челове́че, Те́ло Влады́чне, Стра́хом приступи́, да не опали́шися: огнь бо е́сть. Боже́ственную же пия́ Кровь ко обще́нию, Пе́рвее примири́ся тя опеча́лившим. Та́же дерза́я, та́инственное бра́шно яждь. Пре́жде прича́стия стра́шныя же́ртвы, Животворя́щаго Те́ла Влады́чня, Сим помоли́ся о́бразом со тре́петом:

Отче святителю Евфимие! Ты от юности твоея Христа возлюбил еси и благодатию Его укрепляем, вся плотская мудрования умертвил еси, чистым житием и кротким нравом угодил еси Господеви, и по благодати Его на престоле святительства подвизался, явился еси пастве Христове Великаго Новаграда пастырь добрый, полагаяй душу твою о стаде твоем. Темже и по смерти твоей прослави тя Пастыреначальник Христос подаянием чудес, от тебе истекающих, образ добродетельнаго жития в Тебе нам показуя. Темже и аз грешный и унылый, к к раце мощей Твоих припадая, молюся тебе усердно: даждь ми руку помощи, воздвигни мя молитвами твоими из глубины греховныя, се бо волнами страстей плотских и уныния, и иными тьмочисленными житейскими треволнении обуреваюся и погибаю. Буди убо мне, многогрешному, теплый ко Христу предстатель и молитвенник, да и аз, от потопления греховнаго избавлен, ко пристанищу непорочнаго жития благодатию Христовою достигну, и чистым житием прославлю Спасителя моего, кровию Своею мене искупившаго: и тако житие скончав, получу живот вечный во Царствии Небеснем, идеже славится пречестное и великолепое имя Отца и Сына и Святаго Духа, ныне и присно и во веки веков. Аминь.

О святии равноапостольнии Мефодие и Кирилле! Ныне к вам усердно прибегаем и в сокрушении сердец наших молимся: молите Господа, да наставит и обратит нас, на путь спасения. Не оставите нас, недостойных чад ваших (имена), дадите нам, молитвами вашими, о православии ревность, да ею возгреваеми, отеческая предания добре сохраним, уставы и обычаи церковныя верно соблюдати потщимся, всяких лжеучений странных отбежим, и тако в житии богоугоднем на земли преспевающе, жизни райския на небеси сподобимся, и тамо с вами вкупе Владыку всех, в Троице Единаго Бога, прославим во веки веков.

К вам, святии безсребренницы и чудотворцы Космо и Дамиане, яко к скорым помощником и теплым молитвенником о спасении нашем мы, недостойнии, преклонше колена, прибегаем и припадающе усердно вопием: не презрите моления нас грешных, немощных, во многая беззакония впадших, и по вся дни и часы согрешающих. Умолите Господа, да прибавит нам, недостойным рабом Своим, великия и богатыя Своя милости: избавите нас от всякия скорби и болезни, вы бо прияли есте от Бога и Спаса нашего Иисуса Христа неоскудную благодать исцелений, ради твердыя веры, безмезднаго врачевания и мученическия кончины вашея... Ей, угодницы Божии, не престайте молящеся за ны, с верою к вам притекающия: аще бо по множеству грехов наших и несмы достойни милосердия вашего, обаче вы вернии подражателие человеколюбия Божия суще, сотворите молитвами вашими, да плоды достойны покаяния приносяще, и в вечный покой достигнем, хваляще и благословяще дивнаго во святых Своих Господа и Бога и Спаса нашего Иисуса Христа, и Пречистую Матерь Его, и ваше теплое заступление всегда, ныне и присно и во веки веков. Аминь.

Господи, обрати к Тебе и сердца врагов наших, если же не возможно ожесточенным обратиться, то положи преграду зла и защити от них избранных Твоих. Аминь.

Молитва первая Господи! Имя Тебе Любовь: не отвергни меня, заблуждающегося человека! Имя Тебе – Сила: подкрепи меня изнемогающего и падающего! Имя Тебе – Свет: просвети мою душу, омраченную житейскими страстями! Имя Тебе - Мир: умири мятущуюся душу мою! Имя Тебе – Милость: не переставай миловать меня. Молитва вторая Господи, Ты Судия земли, Ты не любишь неправду, услыши молитву мою недостойную и пошли силу Твою, и пошли помощь Твою там, где встретят меня враги видимые и невидимые, и чтобы стали столпы на месте том, где их встретит сила Твоя. Аминь. Молитва третья Тебе, Господи, единому Благому и Непамятозлобному, исповедую грехи моя; Тебе припадаю, вопия, недостойный: согреших, Господи, согреших, и несмь достоин воззрети на высоту небесную от множества неправд моих. Но, Господи мой, Господи, даруй ми слезы умиления, единый Блаже и Милостивый, яко да ими Тя умолю, очиститися прежде конца от всякаго греха: страшно бо и грозно место имам пройти, тела разлучився, и множество мя мрачное и безчеловечное демонов срящет, и никтоже в помощь спутствуяй, или избавляяй. Тем припадаю Твоей благости, не предаждь обидящим мя, ниже да похвалятся о мне врази мои, Благий Господи, ниже да рекут: в руки наша пришел еси и нам предан еси. Ни, Господи, не забуди щедрот Твоих и не воздаждь ми по беззаконием моим, и не отврати лица Твоего от мене; но Ты, Господи, накажи мя, обаче милостию и щедротами, враг же мой да не возрадуется о мне, но угаси его на мя прещения и все упраздни его действо. И даждь ми к Тебе путь неукорный, Благий Господи, занеже, и согрешив, не прибегох ко иному врачу и не прострех руки моея к богу чуждему. Не отрини убо моления моего, но услыши мя Твоею благостию и утверди мое сердце страхом Твоим; и да будет благодать Твоя на мне, Господи, яко огнь попаляяй нечистыя во мне помыслы. Ты бо еси, Господи, свет паче всякаго света, радость паче всякия радости, упокоение паче всякаго упокоения, жизнь истинная и спасение, пребывающее во веки веков. Аминь.

Кондак 1 Избранный Богом от Воинства Небеснаго и низпосланный на землю в служение роду человеческому, святый Архангеле Рафаиле, целебниче недугов наших и молитвенниче о нас пред Господем, помози нам избавитися от бед, скорбей и болезней, с верою и любовию в похвалу тебе зовущим: Радуйся, Архангеле Божий Рафаиле, недугов наших целителю и усердный о нас молитвенниче. Икос 1 Архангели, и Ангели, и вся Воинства Небесная, предстояще пред Престолом Святыя Троицы, непрестанно славословят Творца неба и земли; с ними же и ты, славный Рафаиле, воспевая хвалебныя песни Вседержителю, молишися о нас, земнородных, похвальное пение приносящих тебе сицевое: Радуйся, предстоящий Престолу Святыя Троицы. Радуйся, со всеми Небесными Силами воспевающий Трисвятую песнь Богови. Радуйся, на служение людем от Господа низпосылаемый. Радуйся, волю Божию выну исполняющий. Радуйся, Архангеле Божий Рафаиле, недугов наших целителю и усердный о нас молитвенниче. Кондак 2 Видяще очесами веры силу и величие молниеноснаго зрака твоего, Архангеле Божий, мы, земнороднии, аще убо и грешнии, и недостойнии, обаче с любовию и благодарением дерзаем вкупе с тобою и со всеми святыми Ангелы взывати: Аллилуиа. Икос 2 Разум чист и свободен от страстей испроси нам, Архангеле Божий Рафаиле, и не остави нас, беззащитных, в борьбе со грехом и соблазнами мира сего, да тобою от вечных мук избавляеми, в радости духовней воззовем ти сице: Радуйся, безплотный воине Царя Небеснаго. Радуйся, немощных целебниче и путешествующих покровителю. Радуйся, слуго Господень, творящий волю своего Владыки. Радуйся, приемый от Бога повеление и власть человеком помогати. Радуйся, Архангеле Божий Рафаиле, недугов наших целителю и усердный о нас молитвенниче. Кондак 3 Силу необоримыя ревности по славе Божией в себе являя, помози нам, Архангеле Рафаиле, вся козни вражия, на нас воздвизаемыя, разрушити, Творцу и Создателю нашему с верою и любовию вопия: Аллилуиа. Икос 3 Имуще тя великаго помощника и крепкаго поборника на сопротивныя силы, молим тя, Архангеле Божий: буди нам покровитель на всех путех жизни нашея, да со благодарением взываем ти сице: Радуйся, яко споспешествуеши нам во временнем житии нашем. Радуйся, яко на путь спасения стопы наша наставляеши. Радуйся,яко заповеди Господни исполняти нас научаеши. Радуйся, яко от зла и греха нас сохраняеши. Радуйся, Архангеле Божий Рафаиле, недугов наших целителю и усердный о нас молитвенниче. Кондак 4 Бури искушений и бед нас избави, Архангеле Божий, и не остави нас безпомощных в скорбныя дни житейских обстояний и болезней, за беззаконное житие нам попущаемыя. Мы же, тобою от напастей избавляеми, благодаряще тя, воззовем Богу, Благодателю нашему: Аллилуиа. Икос 4 Слышаще о твоих благодеяниях роду человеческому, смиренно молим тя, Архангеле Рафаиле: буди нам в земнем странствии нашем непрестанный помощник и к Царствию Небесному верный руководитель, да зовем ти хвалебно: Радуйся, предстателю наш пред Богом и молитвенниче. Радуйся, яко со Архангелами Михаилом, Гавриилом, Уриилом, Селафиилом, Иегудиилом, Варахиилом и Иеремиилом непрестанно прославляеши Святую Троицу. Радуйся, милостивый ходатаю о нас пред Богом. Радуйся, скорый помощниче во обстоянии сущим. Радуйся, Архангеле Божий Рафаиле, недугов наших целителю и усердный о нас молитвенниче. Кондак 5 Путеводительною звездою был еси, Архангеле Божий, отроку Товии, егда отец посла его к сроднику своему в страну далече: и не токмо спутник добрый был еси ему, но и врачеватель изрядный показася, егда повелел ему в реце рыбу изловити и изъяти из нея сердце, печень и желч, да си демона-убийцу каждением от девицы отженети, слепоту отца своего уврачует. Сего ради тобою облагодетельствовани, воспеша Богу благодарственную песнь: Аллилуиа. Икос 5 Видяще тя благонадежна спутника Товии бывша, молим тя: буди нам помощник в житии нашем многомятежнем, сохраняя нас от греха, всякаго злаго обстояния и от врагов видимых и невидимых, да здрави суще, в мире и благоденствии прославим Отца Небеснаго и тебе, Архангеле, воспоим сице: Радуйся, путешествовати хотящим добрый спутниче и руководителю. Радуйся, отроку Товии путь его безмятежен сотворивый. Радуйся, мудрый и добрый советодатель ему бывый. Радуйся, яко по твоему словеси, воскурением сердца и печени в жилище девицы, демон-убийца изгнан бысть. Радуйся, яко Товит помазанием очес желчию рыбы от слепоты исцелися. Радуйся, Архангеле Божий Рафаиле, недугов наших целителю и усердный о нас молитвенниче. Кондак 6 Проповедует мир весь служение твое роду человеческому, святый Архангеле, яко провозвестника судеб Божиих и молитвенника. Сего ради благодарным сердцем и усты поем Богу, благоизволившему послати нам Ангелы Своя: Аллилуиа. Икос 6 Возвестив волю Божию Товиту, Архангеле Божий, ты, представ пред ним аки юноша добронравный, предложив себе в спутники сыну его Товии в путь дальний; и егда совершив повеленная ти от Бога и возвратив отрока здрава и благополучна, отшел еси в Небесныя обители к Пославшему тя. Сего ради с любовию вопием ти: Радуйся, провозвестниче судеб Божиих и добрый путеводителю. Радуйся, яко выну ходатайствуеши пред Богом о всех болящих и страждущих. Радуйся, яко возносиши молитвы наша ко Престолу Вседержителя. Радуйся, яко праведный гнев Божий, на нас движимый, твоим предстательством отвращаеши. Радуйся, Архангеле Божий Рафаиле, недугов наших целителю и усердный о нас молитвенниче. Кондак 7 Хотяй всем спастися и в разум истины приити, сердцеведец Господь посылает Ангелы Своя на служение человеком, дая коемуждо свое послушание. Тебе же, славный Архангеле, даде Бог власть и силу врачевати болезни телесныя и душевныя и быти спутником путешествующим. Мы же, за таковое твое служение нам, грешным, благодарным сердцем и усты славим Милосердаго Бога ангельскою песнию: Аллилуиа. Икос 7 Дивно показуя Господь, яко жизнь человеческая не самослучайна суть, но в деснице Его выну содержится, многая благодеяния яви нам чрез Архангела Своего Рафаила. Сего ради, благодаряще Бога за велию милость Его к нам, яко дарова нам толикаго помощника и целителя, со умилением служителю Его воззовем: Радуйся, христианом несокрушимая оградо. Радуйся, врагом веры Христовы необоримая преградо. Радуйся, верным радость от Престола Вседержителя износящий. Радуйся, неверных на стезю правды и истины приводящий. Радуйся, Архангеле Божий Рафаиле, недугов наших целителю и усердный о нас молитвенниче. Кондак 8 Странное чудо силы Божия уведе на себе Товия, егда той, по реченному тобою, Архангеле, из Сарры злаго духа каждением изгна. Мы же, удивляяся сему, с трепетом и верою вопием Создателю нашему: Аллилуиа. Икос 8 Всем убо хощеши спастися, присный наш ходатаю, Архангеле Рафаиле: помози убо нам, заступниче наш, в житии нашем и сохрани нас от деяний и помышлений греховных, вопиющих тебе сице: Радуйся, тихую радость на сердце полагаяй. Радуйся, души наша умиления исполняяй. Радуйся, верный руководителю в земном странствии нашем. Радуйся, скорый помощниче всем призывающим тя. Радуйся, Архангеле Божий Рафаиле, недугов наших целителю и усердный о нас молитвенниче. Кондак 9 Всяк земнородный, познав скорую помощь твою, радости благоговейныя исполняется, яко имеет таковаго молитвенника и предстателя у Престола Святыя Троицы, идеже ты, о, Архангеле Божий, непрестанно взываеши: Аллилуиа. Икос 9 Витийствующий язык не возможет изрещи славу твою на небеси, святый Архангеле Рафаиле, с огненными лики Небесных Сил у страшнаго Престола Царя царствующих и Господа господствующих предстоящаго, и благость и милосердие Его о чтущих тя людех умоляющаго. Мы же, благоговения и трепета исполнени, благодарственно вопием ти: Радуйся, верный слуго Господень, возвещающий людем волю Божию. Радуйся, Ангелов начальниче и человеков наставниче и заступниче. Радуйся, ум наш просвещаяй твоими молитвами. Радуйся, яко любящих и чтущих тя избавляеши от бед и обстояний. Радуйся, Архангеле Божий Рафаиле, недугов наших целителю и усердный о нас молитвенниче. Кондак 10 Спастися хотящим нам буди помощник крепок, Архангеле Рафаиле, избавляя нас и сохраняя от всяких бед и напастей, наипаче же от грехопадений наших. Сего ради от сетей вражиих тобою присно избавляеми, благодарным сердцем и усты зовем Создателю нашему: Аллилуиа. Икос 10 Стена еси тверда и ограждение всем, прибегающим к твоему заступлению и помощи, Архангеле Божий: сего ради сохраняй нас под кровом крил твоих от коварства врагов видимых и невидимих, да тобою от болезней исцеляеми и в пути тобою храними, благодарно взываем ти сице: Радуйся, яко дана тебе власть и сила отражати демонския на нас нападения. Радуйся, яко от всяких козней диавольских нас защищаеши и спасаеши. Радуйся, яко молитвы наша, яко кадило, к Богу возносиши. Радуйся, яко немощи наша душевныя и телесныя милостивно врачуеши. Радуйся, Архангеле Божий Рафаиле, недугов наших целителю и усердный о нас молитвенниче. Кондак 11 Пение Пресвятей Троице на небесех непрестанно воспевают чини Ангельстии, со страхом взывающе: «Свят, Свят, Свят Господь Саваоф, исполнь небо и земля славы Твоея»; помози же и нам, Архангеле Божий, на земли чистым сердцем и усты такожде воспевати Триединому Богу песнь: Аллилуиа. Икос 11 Светильник мой угасе, елея же добрых дел несть во мне; сном греховным отягченный, трепещу, бояся услышати в полунощи глас: «Се Жених грядет!» Помози мне, Архангеле Божий, воспрянути от сна греховнаго и наполнити сосуд души моея елеем благих дел, да приношу ти пение сие: Радуйся, яко по Бозе и Пресвятей Богородице ты еси крепкое мое упование. Радуйся, яко теплым предстательством твоим ходатайствуеши мне христианскую кончину. Радуйся, яко в час смерти моея явитися и защитити душу мою от злых демонов тя умоляю. Радуйся, яко на Страшнем Суде Христовом ходатайством твоим деснаго предстояния сподобитися уповаю. Радуйся, Архангеле Божий Рафаиле, недугов наших целителю и усердный о нас молитвенниче. Кондак 12 Благодать велию приял еси от Бога целити всяку болезнь и всяку язву в людех, о, великий Архангеле Рафаиле: подаждь убо и нашим душам и телесем исцеление от недугов нас гнетущих, да здрави суще, благодарно воспоем Богу: Алиллуиа. Икос 12 Поюще многообразная твоя чудеса во спасение наше содеянная, хвалим тя вси, святый покровителю наш и теплый предстателю о нас пред Господем, и молим: не остави нас зде, в земнем странствии нашем и тамо, на Страшнем Суде Божием, буди нам крепкий заступник и помощник, да безпреткновенно прейдем мытарства злых духов и Царствие Небесное унаследуем, зовуще тебе сице: Радуйся, немощных духом силою благодати Божия исполняяй. Радуйся, сирот, болящих и безпомощных благий утешителю. Радуйся, изнемогающих от уныния и скорбей всеоружием веры и надежды облекаяй. Радуйся, яко твоими молитвами чтущии тя оставление грехов приемлют. Радуйся, Архангеле Божий Рафаиле, недугов наших целителю и усердный о нас молитвенниче. Кондак 13 О, преславный Архангеле Божий Рафаиле! За предивное служение твое роду человеческому приими от нас, грешных и недостойных, сие малое хваление и благодарение и, яко исполнь силы Божией, покрый нас невещественныма крилома твоима от всех враг видимых и невидимых, умоли Христа Бога сподобитися нам христианския мирныя кончины, избавления вечных мук и Царствия Небеснаго наследия, да вкупе с тобою и со всеми святыми радостно воспоем Богу: Аллилуиа.[Се́й конда́к глаго́лется три́жды.][Далее повторяем 1‑е икос и кондак:]Икос 1 Архангели, и Ангели, и вся Воинства Небесная, предстояще пред Престолом Святыя Троицы, непрестанно славословят Творца неба и земли; с ними же и ты, славный Рафаиле, воспевая хвалебныя песни Вседержителю, молишися о нас, земнородных, похвальное пение приносящих тебе сицевое: Радуйся, предстоящий Престолу Святыя Троицы. Радуйся, со всеми Небесными Силами воспевающий Трисвятую песнь Богови. Радуйся, на служение людем от Господа низпосылаемый. Радуйся, волю Божию выну исполняющий. Радуйся, Архангеле Божий Рафаиле, недугов наших целителю и усердный о нас молитвенниче. Кондак 1 Избранный Богом от Воинства Небеснаго и низпосланный на землю в служение роду человеческому, святый Архангеле Рафаиле, целебниче недугов наших и молитвенниче о нас пред Господем, помози нам избавитися от бед, скорбей и болезней, с верою и любовию в похвалу тебе зовущим: Радуйся, Архангеле Божий Рафаиле, недугов наших целителю и усердный о нас молитвенниче. Молитва О, святый, славный Архангеле Божий Рафаиле, скорый помощниче и теплый пред Богом о нас заступниче и молитвениче! Предстоя пред Престолом Святыя Троицы, испроси нам у Господа прощение согрешений наших, да преложит Он на милость гнев Свой праведный, грех ради наших движимый на нас. Не остави же нас, о, Архангеле Божий, помощию и заступлением твоим, прославляющих имя твое святое, аще и многогрешни есмы, обаче не хощем в беззакониих наших погибнути. Укрепи благодатию Господнею слабую волю нашу на дела благая; буди и нам, якоже отроку Товии, путеводитель и советодатель в нашем многоскорбнем житии; помози нам избавитися от гнетущих нас болезней, якоже и Товита избавил еси от многолетней слепоты его; егда же приблизится час скончания нашего, не остави нас, беззащитных, Архангеле Божий, на воздушных мытарствах противу духов злобы, преграждающих восход в горняя: да тобою охраняеми, достигнем обителей Небесных и купно с тобою и со всеми святыми прославим Отца и Сына и Святаго Духа, во веки веков. Аминь.

Услыши недостойную молитву нас, грешных (имена), избави нас, преподобная мати, от страстей, воюющих на души наша, от всякия печали и находящия напасти, от внезапныя смерти и от всякого зла, в час же разлучения души и тела отжени, святая угодница, всякую лукавую мысль и лукавые бесы, яко да приимет души наша с миром в место светло Христос Господь Бог наш, яко от него очищение грехов, и Той есть спасение душ наших, Емуже подобает всякая слава, честь; и поклонение со Отцем и Святым Духом во веки веков. Аминь.

Благодарим Тя, о Преблагая и Пречистая, Преблагословенная Дево, Владычице, Мати Христа Бога нашего, о всех благодеяниих Твоих, яже показала еси роду человеческому, наипаче же нам, христоименитым людем российским, о нихже ниже самый ангельский язык к похвалению доволен будет. Благодарим Тя, якоже и ныне удивила еси неизреченную Твою милость на нас, недостойных рабех Твоих, преестественным самопришествием Пречистыя Твоея иконы, ею же всю просветила еси Российскую страну. Темже и мы, грешнии, со страхом и радостию покланяющеся, вопием Ти: о Пресвятая Дево, Царице и Богородице, спаси и помилуй люди Твоя, и подаждь им победы на вся враги их, и сохрани царствующия грады, и вся грады и страны христианския, и сей святый храм от всякаго навета вражия избави, и всем вся на пользу даруй, ныне пришедшим с верою и молящимся рабом Твоим, и поклоняющимся Пресвятому образу Твоему, яко благословенна еси с рождшимся от Тебе Сыном и Богом, ныне и присно и во веки веков. Аминь.

О, многострадальный и всехвальный мучениче Вонифатие! Ко твоему заступлению ныне прибегаем, молений нас, поющих тебе, не отвержи, но милостивно услыши нас. Виждь братию и сестры наша, тяжким недугом пианства одержимыя, виждь того ради от матери своея, Церкве Христовой, и вечнаго спасения отпадающия. О, святый мучениче Вонифатие, коснися сердцу их данною ти от Бога благодатию, скоро возстави от падений греховных и ко спасительному воздержанию приведи их. Умоли Господа Бога, Егоже ради страдал еси, да простив нам согрешения наша, не отвратит милости Своея от сынов Своих, но да укрепит в нас трезвение и целомудрие, да поможет Своею десницею трезвящимся спасительный обет свой до конца сохранити во дни и нощи, в Нем бодрствующе и о Нем добрый ответ на страшное судилище дати. Приими, угодниче Божий, молитвы матерей, о чадех своих слезы проливающих; жен честных, о мужех своих рыдающих, чад сирых и убогих, от пианиц оставленных, всех нас, к иконе твоей припадающих, и да приидет сей вопль наш молитвами ко Престолу Всевышняго даровати всем по молитвам их здравие и спасение душ и телес, наипаче же Царство Небесное. Покрый и соблюди нас от лукаваго ловления и всех козней вражиих, в страшный час исхода нашего помози прейти непреткновенно воздушныя мытарства и молитвами твоими избави вечнаго осуждения. Умоли же Господа даровати нам к отечеству нашему любовь нелицемерную и непоколебимую, пред врагами Церкве Святыя видимыми и невидимыми, да покроет нас милость Божия в нескончаемыя веки веков. Аминь.

Трисолнечного Света светозарная звездо, вводящая в мир Трисолнечный Свет апостольскими твоими, богоевангельскаго проповедания священноучении, священномучениче, иерарше Христов, Богоблаженне Ипатие. Ты приял еси от Святые Троицы равноапостольную благодать, серафимскую в горечестии к Богу любовь, яко же верховнейший апостолов Петр, и херувимскую многоочитую во учении премудрость, яко же вторый Павел. Просветивый премудрым твоим благочестия учением тьмочисленныя народы, присноусердно подражая всемирнаго Учителя, Господа Бога и Спаса нашего Иисуса Христа. Его же ради всесмиренно молю богоподражательное отеческое твое благоутробие: призри милостивно богосветлыми очима твоима на сущее недостоинство мое, яко всечадолюбивый по Бозе отец, и присноусердный нашего спасения наставниче, и всех в Горних правонеизменный строитель, адамантная Православию стена и пресветлый столп, вводящий второноваго Израиля во всепросветлейший Горний Сион. Потщися вскоре помоществовати на бранех воинству нашему. Проси же присно у Святыя Троицы всем православным христианом мира и тишины, душевного спасения и многолетняго в телеси здравия, воздуха благорастворения, земли благоплодия, неплодствующим благочадия, и в законе Господнем воспитания, и всех благих умножения. А после жития коемуждо жизни сея сподоби святыми твоими молитвами улучити христианскую кончину благу, непостыдну и мирну, со всепреподобнейшим исповеданием и со причастием Святых Безсмертных Небесных и Животворящих Христовых Тайн, и с молитвомаслием безпрепятное воздушных мытарств прошествие, наследие со святыми всерадостныя присносущныя жизни, в ней же купно со ангельскими чинми непрестанныя хвалы вознесем Отцу со Единородным Его Сыном и с Пресвятым, Благим и Животворящим Его Духом, и тебе, великое твое отеческое милостивое заступление, ныне, и присно, и во веки веков. Аминь.

О великий архистратиже Божий архангеле Варахииле! Предстоя Престолу Божию и оттоли принося благословения Божия в домы верных раб Божиих, испроси у Господа Бога милосердия и благословения на домы наша, да благословит Господь Бог нас и умножит изобилие плодов земных, и подаст нам здравие и спасение, во всем благое поспешение, и на врагов победу и одоление, и сохранит нас на многая лета, всегда. Ныне и присно и во веки веков. Аминь.

О всехвальная и предивная равноапостольная Нино, к тебе прибегаем и умильно тебе просим: огради нас (имена) от всяких зол и скорбей, вразуми врагов святыя Церкви Христовы и посрами противников благочестия и умоли Всеблагаго Бога Спасителя нашего, Емуже ты ныне предстоиши, да дарует народу православному мир, долгоденствие и во всяком добрем начинании поспешение, и да приведет Господь нас в Небесное Свое Царствие, идеже вси святии славословят всесвятое Его имя, ныне и присно и во веки веков. Аминь.