Молитвы

См. также: ВЕРА Молитва свт. Тихона Московского Милосе́рдный Го́споди, Бо́же си́л! Из глубины́ душе́вныя смире́нно вопие́м Ти́: си́лою Креста́ Твоего́ смири́ де́рзость ненави́дящих и ху́лящих и́мя Твое́ свято́е, оскверня́ющих и разрушающих святы́ню хра́мов Твои́х и лю́те гоня́щих ве́рных ча́д святы́я Це́ркви Твоея́. Все́м стра́ждущим и изнемога́ющим за испове́дание ве́ры во и́мя Твое́ посли́ а́нгелов Твои́х святы́х, да укрепля́ются ве́рныя лю́ди Твои́ в несе́нии блага́го и́га Твоего́ а́нгельским покро́вом и предста́тельством Пресвяты́я Богоро́дицы и все́х святы́х Твои́х. Многоми́лостивый Го́споди! Боле́зненным се́рдцем, со слеза́ми мо́лимся Тебе́: при́зри на во́пль, стена́ние и умиле́нныя моли́твы все́х ве́рных люде́й, от нападе́ния враго́в Твои́х, Го́споди, стра́ждущих, святы́ни хра́мов Твои́х и благода́ти святы́х Та́инств Твои́х лише́нных. Уми́лостивися, Го́споди, над младе́нцы, све́том Свята́го Креще́ния не озаре́нныя и печа́тию да́ра Ду́ха Свята́го не запечатленныя. Пощади́, Го́споди, о́троки, ю́ноши и де́вы, соблазняемыя ненавистниками и́мени Твоего́ на вся́кое неве́рие, нече́стие, богохульство, распу́тное житие́, за́висть и зло́бу к бли́жнему своему́. Умилосердись, Го́споди, на ста́рцы и боля́щия, лише́нныя в предсме́ртный ча́с благода́тнаго утеше́ния в елеопомазании и прича́стии Святы́х Та́йн Твои́х и не чающия христиа́нскаго погребе́ния. Огради́, Го́споди, мона́шествующих ли́к, из святы́х оби́телей изгна́нных и поноше́ния терпя́щих. Наипа́че же утверди́, Го́споди, кре́постию Ду́ха Твоего́ свяще́нники Твоя́, дабы́ небоя́зненно, да́же до сме́рти, во едине́нии стоя́ли на стра́же ста́да Твоего́. Все́х же, Тебе́ ра́ди прия́вших му́ченическую кончи́ну, сподо́би со святы́ми Твои́ми в ве́чной сла́ве Твое́й ца́рствовати. На Кресте́ моли́выйся за распина́телей Твои́х и прие́мый в после́дний ча́с разбойничье покая́ние, не погуби́, о Го́споди, отсту́пников, хули́телей и гони́телей святы́я ве́ры и святы́я Це́ркви Твоея́, но а́ще возмо́жно сие́, да́руй и и́м ра́дость позна́ти Тя́, Боже́ственную Любо́вь и Прему́дрость, и дни́ свои́ в и́стинном покая́нии сконча́ти. На Тя́, Го́споди, упова́ем и не постыди́мся во ве́к, Ты́ бо еси́ Засту́пниче на́ш, по́мощь и побе́да, победи́вшая ми́р, Све́т па́че вся́каго све́та, Ра́дость па́че вся́кия ра́дости, Упова́ние па́че вся́каго упова́ния, Жи́знь и́стинная и спасе́ние ве́чное, и Тебе́, в Тро́ице покланя́емому, сла́ву вси́ возсыла́ем, ны́не и при́сно и во ве́ки веко́в. Ами́нь. Псалом 26 Госпо́дь просвеще́ние мое́ и Спаси́тель мо́й, кого́ убою́ся? Госпо́дь защи́титель живота́ моего́, от кого́ устрашу́ся? Внегда́ приближа́тися на мя́ зло́бующым, е́же сне́сти пло́ти моя́, оскорбля́ющии мя́ и врази́ мои́, ти́и изнемого́ша и падо́ша. А́ще ополчи́тся на мя́ по́лк, не убои́тся се́рдце мое́: а́ще воста́нет на мя́ бра́нь, на него́ а́з упова́ю. Еди́но проси́х от Го́спода, то́ взыщу́: е́же жи́ти ми́ в дому́ Госпо́дни вся́ дни́ живота́ моего́, зре́ти ми́ красоту́ Госпо́дню и посеща́ти хра́м святы́й его́. Я́ко скры́ мя в селе́нии свое́м в де́нь зо́л мои́х, покры́ мя в та́йне селе́ния своего́, на ка́мень вознесе́ мя. И ны́не се́, вознесе́ главу́ мою́ на враги́ моя́: обыдо́х и пожро́х в селе́нии его́ же́ртву хвале́ния и воскликнове́ния: пою́ и воспою́ Го́сподеви. Услы́ши, Го́споди, гла́с мо́й, и́мже воззва́х, поми́луй мя́ и услы́ши мя́. Тебе́ рече́ се́рдце мое́: Го́спода взыщу́, взыска́ тебе́ лице́ мое́, лица́ твоего́, Го́споди, взыщу́. Не отврати́ лица́ твоего́ от мене́ и не уклони́ся гне́вом от раба́ твоего́: помо́щник мо́й бу́ди, не отри́ни мене́ и не оста́ви мене́, Бо́же, спаси́телю мо́й. Я́ко оте́ц мо́й и ма́ти моя́ оста́виста мя́, Госпо́дь же восприя́т мя́. Законоположи́ ми, Го́споди, в пути́ твое́м, и наста́ви мя́ на стезю́ пра́вую вра́г мои́х ра́ди. Не преда́ждь мене́ в ду́шы стужа́ющих ми́: я́ко воста́ша на мя́ свиде́теле непра́веднии, и солга́ непра́вда себе́. Ве́рую ви́дети блага́я Госпо́дня на земли́ живы́х. Потерпи́ Го́спода, мужа́йся, и да крепи́тся се́рдце твое́, и потерпи́ Го́спода. Перевод: Господь — свет мой и спасение мое: кого мне бояться? Господь крепость жизни моей: кого мне страшиться? Если будут наступать на меня злодеи, противники и враги мои, чтобы пожрать плоть мою, то они сами преткнутся и падут. Если ополчится против меня полк, не убоится сердце мое; если восстанет на меня война, и тогда буду надеяться. Одного просил я у Господа, того только ищу, чтобы пребывать мне в доме Господнем во все дни жизни моей, созерцать красоту Господню и посещать [святый] храм Его, ибо Он укрыл бы меня в скинии Своей в день бедствия, скрыл бы меня в потаенном месте селения Своего, вознес бы меня на скалу. Тогда вознеслась бы голова моя над врагами, окружающими меня; и я принес бы в Его скинии жертвы славословия, стал бы петь и воспевать пред Господом. Услышь, Господи, голос мой, которым я взываю, помилуй меня и внемли мне. Сердце мое говорит от Тебя: «ищите лица Моего»; и я буду искать лица Твоего, Господи. Не скрой от меня лица Твоего; не отринь во гневе раба Твоего. Ты был помощником моим; не отвергни меня и не оставь меня, Боже, Спаситель мой! ибо отец мой и мать моя оставили меня, но Господь примет меня. Научи меня, Господи, пути Твоему и наставь меня на стезю правды, ради врагов моих; не предавай меня на произвол врагам моим, ибо восстали на меня свидетели лживые и дышат злобою. Но я верую, что увижу благость Господа на земле живых. Надейся на Господа, мужайся, и да укрепляется сердце твое, и надейся на Господа.* Псалом 58 Изми́ мя от вра́г мои́х, Бо́же, и от востаю́щих на мя́ изба́ви мя́: изба́ви мя́ от де́лающих беззако́ние, и от му́ж крове́й спаси́ мя. Я́ко се́, улови́ша ду́шу мою́, нападо́ша на мя́ кре́пцыи: ниже́ беззако́ние мое́, ниже́ гре́х мо́й, Го́споди: без беззако́ния теко́х и испра́вих: воста́ни в сре́тение мое́ и ви́ждь. И ты́, Го́споди Бо́же си́л, Бо́же Изра́илев, вонми́ посети́ти вся́ язы́ки: да не уще́дриши вся́ де́лающыя беззако́ние. Возвратя́тся на ве́чер, и вза́лчут я́ко пе́с, и обы́дут гра́д. Се́, ти́и отвеща́ют усты́ свои́ми, и ме́чь во устна́х и́х: я́ко кто́ слы́ша? И ты́, Го́споди, посмее́шися и́м, уничижи́ши вся́ язы́ки. Держа́ву мою́ к тебе́ сохраню́: я́ко ты́, Бо́же, засту́пник мо́й еси́. Бо́г мо́й, ми́лость его́ предвари́т мя́: Бо́г мо́й, яви́т мне́ на вразе́х мои́х. Не уби́й и́х, да не когда́ забу́дут зако́н тво́й: расточи́ я́ си́лою твое́ю и низведи́ я́, защи́тниче мо́й, Го́споди, гре́х у́ст и́х, сло́во усте́н и́х: и я́ти да бу́дут в горды́ни свое́й, и от кля́твы и лжи́ возвестя́тся в кончи́не, во гне́ве кончи́ны, и не бу́дут: и уве́дят, я́ко Бо́г Влады́чествует Иа́ковом и концы́ земли́. Возвратя́тся на ве́чер, и вза́лчут я́ко пе́с, и обы́дут гра́д: ти́и разы́дутся я́сти: а́ще ли же не насы́тятся, и поро́пщут. А́з же воспою́ си́лу твою́ и возра́дуюся зау́тра о ми́лости твое́й: я́ко бы́л еси́ засту́пник мо́й и прибе́жище мое́ в де́нь ско́рби моея́. Помо́щник мо́й еси́, тебе́ пою́: я́ко Бо́г засту́пник мо́й еси́, Бо́же мо́й, ми́лость моя́. Избавь меня от врагов моих, Боже мой! защити меня от восстающих на меня; избавь меня от делающих беззаконие; спаси от кровожадных, ибо вот, они подстерегают душу мою; собираются на меня сильные не за преступление мое и не за грех мой, Господи; без вины моей сбегаются и вооружаются; подвигнись на помощь мне и воззри. Ты, Господи, Боже сил, Боже Израилев, восстань посетить все народы, не пощади ни одного из нечестивых беззаконников: вечером возвращаются они, воют, как псы, и ходят вокруг города; вот они изрыгают хулу языком своим; в устах их мечи: «ибо», думают они, «кто слышит?» Но Ты, Господи, посмеешься над ними; Ты посрамишь все народы. Сила — у них, но я к Тебе прибегаю, ибо Бог — заступник мой. Бог мой, милующий меня, предварит меня; Бог даст мне смотреть на врагов моих. Не умерщвляй их, чтобы не забыл народ мой; расточи их силою Твоею и низложи их, Господи, защитник наш. Слово языка их есть грех уст их, да уловятся они в гордости своей за клятву и ложь, которую произносят. Расточи их во гневе, расточи, чтобы их не было; и да познают, что Бог владычествует над Иаковом до пределов земли. Пусть возвращаются вечером, воют, как псы, и ходят вокруг города; пусть бродят, чтобы найти пищу, и несытые проводят ночи. А я буду воспевать силу Твою и с раннего утра провозглашать милость Твою, ибо Ты был мне защитою и убежищем в день бедствия моего. Сила моя! Тебя буду воспевать я, ибо Бог — заступник мой, Бог мой, милующий меня.* * Синодальный перевод.

За любовь Господню, преподобная Матроно,/ покоя желание возненавидела еси,/ лощением дух твой просветивши,/ но твоими молитвами и противных шатания разори,/ крепко бо звери победила еси.

В молитвах Господеви предстоя,/ якоже звезда солнцу предтекий,/ и желаемое сокровище Царствия узрел еси,/ радости неизреченныя исполняяся./ Безсмертному Царю в безконечныя веки,/ от Ангел безпрестани хвалимому, поеши, Андрее Стратилате,// с нимиже молися непрестанно о всех нас.

Чистотою душевною Божественныя благодати дары стяжав,/ блаженную жизнь совершил еси,/ и путь ко спасению всем указал еси,/ и богомудрый начальник монахов явился еси./ Темже имея дерзновение ко Святей Троице,/ поминай нас, чтущих память твою, да зовем ти:/ радуйся, преподобне Иринарше, монашествующих похвало.

К сословию послан мучеников,/ мученик был еси истинен,/ пострадав за Христа крепчайше, всехвальне,/ мощми же возвратился еси верою пославшей тя, Вонифатие блаженне,/ моли Христа Бога// прияти нам грехов прощение.

К Богородице прилежно ныне притецем грешнии и смиреннии, и припадем к дивному образу Ея, иже на горе Почаевстей: к немуже умильно взирающе и молящеся Царице Владычице из глубины душевныя вопием: О Пречудная Дево, Мати Господа Вышняго, от лет древних избравшая обитель Почаевскую в место селения Своего! Землю отечественную нашу в православии и мире утверди, и спаси всех предстоящих и молящихся Тебе умиленною душею и сокрушенным сердцем, пред Пречистым Твоим образом со слезами. Не отврати рабы Твоя тщи: Тя бо едину Надежду имами.

Страстотерпцы Господни,/ Феодоре со Иоанном отроком, славнии!/ Блаженна земля Русская, напившаяся кровьми вашими,/ и радуется отечество наше,/ в немже вы первии, идолы посрамивше,/ Христа со дерзновением исповедаете/ и за Него пострадаете./ Того, яко Блага, молите,/ до скончания века в стране нашей Церковь Православную непоколебиму утвердити/ и всех русских людей во истинней вере и благочестии сохранити.

Наста днесь всечестный новый праздник,/ пренесение честных мощей/ блаженнаго князя Гавриила,/ веселящи изрядно всех благочестивых множества,/ темже, вси вернии,/ сошедшеся во святый храм Живоначальныя Троицы, возопием:/ блаженне княже Гаврииле,/ имея дерзновение ко Христу Богу,/ моли спастися празднующим любовию память твою.

Не имамы иныя помощи,/ не имамы иныя надежды,/ разве Тебе, Владычице./ Ты нам помози,/ на Тебе надеемся/ и Тобою хвалимся,/ Твой бо есмы раби,/ да не постыдимся.

Святителю Игнатию (Брянчанинову) Преподобному Ефрему Сирину Преподобным Соловецким чудотворцам Зосиме и Савватию Преподобному Александру Свирскому Преподобному Амвросию Оптинскому Святителю Игнатию (Брянчанинову) О, вели́кий и пречу́дный уго́дниче Христо́в, святи́телю о́тче Игна́тие! Ми́лостиво приими́ моли́твы на́ша с любо́вию и благодаре́нием тебе́ приноси́мыя! Услы́ши на́с, си́рых и безпомо́щных (имена́), к тебе́ с ве́рою и любо́вию припа́дающих и твоего́ те́плаго предста́тельства о на́с пред Престо́лом Го́спода Сла́вы прося́щих. Ве́мы, я́ко мно́го мо́жет моли́тва пра́ведника, Влады́ку умилостивля́ющая. Ты́ от ле́т младе́нческих Го́спода пла́менно возлюби́л еси́ и Ему́ Еди́ному служи́ти восхоте́в, вся́ кра́сная ми́ра сего́ ни во что́ же вмени́л еси́. Ты́ отве́ргся себе́ и, взе́м кре́ст тво́й, Христу́ после́довал еси́. Ты́ пу́ть у́зкий и приско́рбный жития́ и́ноческаго во́лею себе́ избра́л еси́ и на се́м пути́ доброде́тели вели́кия стяжа́л еси́. Ты́ писа́ньми твои́ми се́рдца челове́ков глубочайшаго благогове́ния и поко́рности пред Всемогу́щим Творцо́м исполня́л еси́, гре́шников же па́дших му́дрыми словесы́ твои́ми в сознании своего́ ничто́жества и своея́ греховности, в покая́нии и смире́нии прибега́ти к Бо́гу наставля́л еси́, ободря́я и́х упова́нием на Его́ милосе́рдие. Ты́ николи́же притека́вших к тебе́ отверга́л еси́, но все́м оте́ц чадолюби́вый и па́стырь до́брый бы́л еси́. И ны́не не оста́ви на́с, усе́рдно тебе́ моля́щихся и твоея́ по́мощи и предста́тельства прося́щих. Испроси́ на́м у Человеколюби́ваго Го́спода на́шего здра́вие душе́вное и теле́сное, утверди́ ве́ру на́шу, укрепи́ си́лы на́ша, изнемога́ющия во искуше́ниих и ско́рбех ве́ка сего́, согре́й огне́м моли́твы охладевшая се́рдца и, помоги́ на́м, покая́нием очистившим христиа́нскую кончи́ну живота́ сего́ получи́ти и в черто́г Спа́сов преукраше́нный вни́ти со все́ми избра́нными и та́мо с тобо́ю покланя́тися Отцу́ и Сы́ну и Свято́му Ду́ху во ве́ки веко́в. Ами́нь. * * * Преподобному Ефрему Сирину О, уго́дниче Христо́в, о́тче на́ш Ефре́ме! Принеси́ моли́тву на́шу к ми́лостивому и всеси́льному Бо́гу и испроси́ на́м (имена́), у бла́гости Его́ вся́ я́же на по́льзу душа́м и телесе́м на́шим: ве́ру пра́ву, наде́жду несумне́нну, любо́вь нелицеме́рну, кро́тость и незло́бие, во искуше́ниях му́жество, в злострада́ниях терпе́ние, во благоче́стии преспе́яние, да не во зло́ обрати́м да́ры Всеблага́го Бо́га. Не забу́ди, чудотво́рче святы́й, и святы́й хра́м (до́м) се́й и прихо́д на́ш: сохрани́ и соблюди́ и́х моли́твами твои́ми от вся́каго зла́. Е́й, свя́тче Бо́жий, сподо́би на́с кончи́ну благу́ю улучи́ти и Ца́рствие Небе́сное унасле́дити, да просла́вим ди́внаго во святы́х Свои́х Бо́га, Ему́же подоба́ет вся́кая сла́ва, че́сть и держа́ва, во ве́ки веко́в. Ами́нь. * * * Преподобным Соловецким чудотворцам Зосиме и Савватию О, преподо́бнии отцы́, вели́цыи засту́пницы и ско́рии услы́шателие моли́тв, уго́дницы Бо́жии и чудотво́рцы Зоси́мо и Савва́тие! Не забу́дите, я́коже обеща́стеся, посеща́ти ча́да ва́ша: а́ще бо и отыдосте от на́с те́лом, но Ду́хом при́сно с на́ми пребыва́ете: мо́лим у́бо ва́с, о преподо́бнии: изба́вите ны́ от огня́ и меча́, от наше́ствия иноплеме́нников и междоусо́бныя бра́ни, от тлетво́рных ве́тров и от внеза́пныя сме́рти, и от все́х прило́г бесо́вских, находя́щих на ны́: услы́шите на́с, гре́шных ча́д свои́х (имена́), и приими́те моли́тву сию́ и моле́ние на́ше, я́ко кади́ло благово́нное, я́ко же́ртву благоуго́дную, и души́ на́ша, злы́ми де́лы и сове́ты и по́мыслы умерщвленныи, оживи́те; и я́коже уме́ршую отрокови́цу возста́висте и от духо́в нечи́стых зле́ мучимую изба́висте: та́ко и на́с, содержи́мых во у́зах вра́жиих, изымите, и от сете́й диа́вола изба́вите из глубины́ прегреше́ний изведи́те, и ми́лостивым ва́шим посеще́нием и хода́тайством от вра́г ви́димых и неви́димых огради́те ны́, благода́тию и си́лою Пресвяты́я Тро́ицы, всегда́, ны́не и при́сно и во ве́ки веко́в.. * * * Преподобному Александру Свирскому О, свяще́нная главо́, а́нгеле земны́й и челове́че небе́сный, преподо́бне и богоно́сне о́тче на́ш Алекса́ндре, изря́дный уго́дниче Пресвяты́я и единосу́щныя Тро́ицы, мно́гия ми́лости живу́щим во святе́й оби́тели твое́й и все́м, с ве́рою и любо́вию притека́ющим к тебе́, явля́яй! Испроси́ на́м вся́ к житию́ сему́ вре́менному бла́го потре́бная, па́че же к ве́чному спасе́нию на́шему ну́жная: посо́бствуй предста́тельством твои́м, уго́дниче Бо́жий, да в ми́ре глубо́це пребу́дет свята́я Правосла́вная Це́рковь Христо́ва, и во благострое́нии Оте́чество зи́ждется, во вся́ком благоче́стии неруши́мо: бу́ди все́м на́м, чудотво́рче святы́й, во вся́кой ско́рби и обстоя́нии ско́рый помо́щник: наипа́че же в ча́с кончи́ны на́шея яви́ся на́м засту́пник благосе́рдный, да не пре́дани бу́дем на мыта́рствах возду́шных вла́сти зло́бнаго мироде́ржца, но да сподо́бимся непреткнове́ннаго восхо́да во Ца́рствие Небе́сное. Е́й, о́тче, моли́твенниче на́ш при́сный! Не посрами́ упова́ния на́шего, но при́сно о на́с, раба́х Бо́жиих (имена́), пред престо́лом Живонача́льныя Тро́ицы предста́тельствуй, да сподо́бимся вку́пе с тобо́ю и со все́ми святы́ми, а́ще и недосто́йни есмы́, в селе́ниих ра́йских сла́вити вели́чие, благода́ть и ми́лость еди́наго в Тро́ице Бо́га, Отца́ и Сы́на и Свята́го Ду́ха, во ве́ки веко́в. Ами́нь. * * * Преподобному Амвросию Оптинскому* О, вели́кий ста́рче и уго́дниче Бо́жий, преподо́бне о́тче наш Амвро́сие, о́птинская похвало́ и всея́ Руси́ учи́телю благоче́стия! Сла́вим твое́ во Христе́ смире́нное житие́, и́мже Бог превознесе́ и́мя твое́, еще́ на земли́ тебе́ су́щу, наипа́че же увенча́ тя Небе́сною че́стию по отше́ствии твое́м в черто́г сла́вы ве́чныя. Приими́ ны́не моле́ние нас, недосто́йных чад твои́х (имена), чту́щих тя и призыва́ющих и́мя твое́ свято́е, изба́ви нас твои́м предста́тельством пред Престо́лом Бо́жиим от всех ско́рбных обстоя́ний, душе́вных и теле́сных неду́гов, злых напа́стей, тлетво́рных и лука́вых искуше́ний, низпосли́ Оте́честву на́шему от великодарови́таго Бо́га мир, тишину́ и благоде́нствие, бу́ди непрело́жный покрови́тель святы́я оби́тели, в не́йже в преуспе́янии сам подвиза́лся еси́ и угоди́л еси́ все́ми в Тро́ице сла́вимому Бо́гу на́шему, Ему́же подоба́ет вся́кая сла́ва, честь и поклоне́ние, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь. * Минея дополнительная. 10.10. Преподобнаго Амвросия, старца Оптинскаго. См. раздел МОНАШЕСТВО

Молитвы Богу Тропарь, глас 4-й Кондак, глас 2 Молитва 1-я, пред иконою Спасителя, Исцелителя расслабленного Молитва 2-я Молитвы ко Пресвятой Богородице Тропарь, глас 4 Кондак, глас 6-й Молитва 1-я Молитва 2-я, пред иконою Пресвятой Богородицы «Всех скорбящих радость» Молитва 3-я, пред иконою Пресвятой Богородицы «Млекопитательница» Молитва 4-я, пред иконою Пресвятой Богородицы «Целительница» Молитва святителю и чудотворцу Николаю Молитва св. великомученику и целителю Пантелеимону Молитва св. праведному Симеону Богоприимцу Молитва св. мученику младенцу Гавриилу Белостокскому Молитвы Богу Тропарь, глас 4-й Ско́pый в заступле́нии Еди́н сый, Хpисте́,/ ско́pое свы́ше покажи́ посеще́ние стра́ждущим раба́м Твои́м (стра́ждущему рабу́ Твоему́, стра́ждущей рабе́ Твое́й),/ и изба́ви от неду́г и го́pьких боле́зней;/ и воздви́гни во е́же пе́ти Тя и сла́вити непpеста́нно,// моли́твами Богоpо́дицы, Еди́не Человеколю́бче. Перевод: Ты – единственный скорый Заступник, Христе, яви же свыше скорую помощь страдающему рабу Твоему, избавь его от недугов и тяжких болезней, подними его по молитвам Богородицы, чтобы он непрестанно воспевал и славил Тебя, Единый Человеколюбец. Кондак, глас 2 На одре́ боле́зни лежа́щих (лежа́щаго) и сме́ртною ра́ною уя́звленных (уя́звленнаго),/ я́коже иногда́ воздви́гл еси́, Спа́се, Петро́ву те́щу,/ и рассла́бленнаго, на одре́ носи́маго,/ си́це и ны́не, Милосе́рде, стра́ждущих (стра́ждущаго) посети́ и исцели́:/ Ты бо Еди́н еси́ неду́ги и боле́зни ро́да на́шего понесы́й,// и вся моги́й, я́ко Многоми́лостив. Перевод: Как некогда Ты, Спаситель, поднял тещу Петрову и расслабленного, принесенного на одре, так ныне, Милосердный, посети и исцели лежащего на одре болезни, пораженного смертельною раною и страдающего, ибо Ты один взял на Себя все недуги и болезни рода нашего и все можешь, как многомилостивый. Молитва 1-я, пред иконою Спасителя, Исцелителя расслабленного Благий Человеколюбче, премилосердый Господи, недуги наша понесый и ранами Твоими нас исцеливый! Пред Твоим величеством рабски припадающе, смиренно молимся: призри, благосерде, на рабы Твоя, и якоже древле исцелил еси разслабленнаго, тридесять осмь лет в недузе своем лежавшаго, тако и ныне, целителю благий, милостию и щедротами Твоими рабы Твоя посети. Ты убо разслабленному древле рекл еси: востани, возьми одр твой и ходи. Темже и мы, грешнии и недостойнии раби Твои, на Божественная Твоя словеса сия надеющеся, пред Твоим же величеством смиренно припадающе, Твое Божественное милосердие и неизреченное человеколюбие умильно просим: отверзи нам двери милости Твоея и прости вся согрешения наша вольная и невольная, имиже Твою благость прогневахом и Твое человеколюбие раздражихом; уврачуй нашу болезнь греховную; недуги наша душевныя и телесныя во здравие претвори, немощи в силу преложи, печали в радость и скорби во утешение премени; отыми же от нас всякое уныние и забвение; ум наш укрепи и цел соблюди, во еже всегда в заповедех Твоих поучатися; вся уды наша исправи, во еже волю Твою благую и совершенную творити. Ты бо еси целитель благий, воздвижение немощным, болящим врач, недужным исцеление, здравым здравия хранитель, и Тебе славу возсылаем, со Безначальным Твоим Отцем, и с Пресвятым и Благим и Животворящим Твоим Духом, ныне и присно и во веки веков. Аминь. Перевод: Благой Человеколюбец, премилосердный Господь, болезни наши взявший и ранами Твоими нас исцеливший! Перед Твоим величием рабски припадая, смиренно молимся: обрати внимание, Благосердный, на рабов Твоих, и как некогда исцелил расслабленного, тридцать восемь лет в болезни своей лежащего, так и сейчас, Целитель Благой, милостью и щедротами Твоими рабов Твоих посети. Ибо Ты некогда сказал расслабленному: встань, возьми постель твою и ходи. Поэтому и мы, грешные и недостойные рабы Твои, на Божественные Твои слова эти надеясь, перед Твоим же величием смиренно припадая, Твое Божественное милосердие и неизреченное человеколюбие сокрушенно просим: открой нам двери милости Твоей и прости все согрешения вольные и невольные, коими Твою благость прогневали и Твое человеколюбие оскорбили; исцели нашу болезнь греховную; недуги наши душевные и телесные в здоровье претвори, немощи в силу обрати, печали в радость и скорби в утешение перемени; забери от нас всякое уныние и забвение; разум наш укрепи и в чистоте сохрани, чтобы всегда в заповедях Твоих поучаться; все члены наши утверди, чтобы волю Твою благую и совершенную исполнять. Ибо Ты целитель благой, помощь немощным, больным врач, недужным исцеление, здоровым хранитель здоровья, и Тебе славу воссылаем, с Безначальным Твоим Отцом, и с Пресвятым Благим и Животворящим Твоим Духом, ныне и всегда и вовеки. Аминь. Молитва 2-я Влады́ко, Вседержи́телю, Святы́й Царю́, наказу́яй и не умерщвля́яй, утвержда́яй низпа́дающия и возводя́й низве́рженныя, теле́сныя челове́ков ско́рби исправля́яй, мо́лимся Тебе́, Бо́же наш, раба́ Твоего́ (и́мя) немощству́юща посети́ ми́лостию Твое́ю, прости́ ему́ вся́кое согреше́ние во́льное и нево́льное. Ей, Го́споди, враче́бную Твою́ си́лу с Небесе́ низпосли́, прикосни́ся телеси́, угаси́ огне́вицу, укроти́ стра́сть и вся́кую не́мощь тая́щуюся, бу́ди врач раба́ Твоего́ (и́мя), воздви́гни его́ от одра́ боле́зненнаго и от ло́жа озлобле́ния це́ла и всесоверше́нна, да́руй его́ Це́ркви Твое́й благоугожда́юща и творя́ща во́лю Твою́. Твое́ бо есть, е́же ми́ловати и спаса́ти ны, Бо́же наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь. Перевод: Владыка Вседержитель, Святой Царь, наставляющий и не умерщвляющий, поддерживающий падающих и восстановляющий низверженных, телесные страдания человеческие исцеляющий, молимся Тебе, Боже наш, посети Твоею милостью страдающего немощью раба Твоего (имя), прости ему всякое согрешение его вольное и невольное. Господи, пошли с небес врачующую силу Твою, прикоснись к его телу, угаси в нем жар, прекрати страдание и исцели всякую находящуюся в нем немощь; будь врачом раба Твоего (имя) и подними его с одра болезни, с ложа страдания целым и совершенно здоровым; сделай его благоугождающим Церкви Твоей и исполняющим волю Твою. Ибо в Твоей власти миловать и спасать нас, Боже наш, и мы воссылаем Тебе славу, Отцу и Сыну и Святому Духу, ныне и всегда и во веки вечные. Аминь. Молитвы ко Пресвятой Богородице Тропарь, глас 4 К Богоро́дице приле́жно ны́не притеце́м, гре́шнии и смире́ннии, и припаде́м, в покая́нии зову́ще из глубины́ души́: Влады́чице, помози́, на ны́ милосе́рдовавши, потщи́ся, погиба́ем от мно́жества прегреше́ний, не отврати́ Твоя́ рабы́ тщи́, Тя́ бо и еди́ну наде́жду и́мамы. Перевод: К Богородице ныне усердно прибегнем мы, грешные и смиренные, и к Ней припадем, в покаянии взывая из глубины души: «Владычица, помоги, над нами сжалившись, поспеши, мы погибаем от множества согрешений! Не отпусти Твоих рабов ни с чем: ибо в Тебе имеем мы единственную надежду!» Кондак, глас 6-й Не и́мамы ины́я по́мощи, не и́мамы ины́я наде́жды, ра́зве Тебе́, Влады́чице. Ты нам помози́, на Тебе́ наде́емся, и Тобо́ю хва́лимся. Твои́ бо есмы́ раби́, да не постыди́мся. Перевод: Не имеем иной помощи, не имеем иной надежды, кроме Тебя, Владычица. Ты нам помоги: на Тебя надеемся и Тобою хвалимся, ибо мы – Твои рабы; да не постыдимся! Молитва 1-я Цари́це моя́ Преблага́я, Наде́ждо моя́, Богоро́дице, Прия́телище си́рых и стра́нных Предста́тельнице, скорбя́щих Ра́досте, оби́димых Покрови́тельнице! Зри́ши мою́ беду́, зри́ши мою́ скорбь; помози́ ми, я́ко не́мощну, окорми́ мя, я́ко стра́нна! Оби́ду мою́ ве́си, разреши́ ту, я́ко во́лиши: яко не и́мам ины́я по́мощи, ра́зве Тебе́, ни ины́я Предста́тельницы, ни благи́я Уте́шительницы, то́кмо Тебе́, о Богома́ти! Я́ко да сохрани́ши мя и покры́еши во ве́ки веко́в. Ами́нь. Перевод: Царица моя Преблагая, Надежда моя, Богородица, Приют сирот и странников Защитница, скорбящих Радость, обиженных Покровительница! Видишь мою беду, видишь мою скорбь; помоги мне, как немощному, направь меня, как странника. Обиду мою знаешь: разреши ее по Своей воле. Ибо не имею я иной помощи, кроме Тебя, ни иной Защитницы, ни благой Утешительницы – только Тебя, о Богоматерь: да сохранишь меня и защитишь во веки веков. Аминь. Молитва 2-я, пред иконою Пресвятой Богородицы «Всех скорбящих радость» О, Пресвята́я Влады́чице Богоро́дице, Преблагослове́нная Ма́ти Христа́ Бо́га Спаси́теля на́шего, все́х скорбя́щих Ра́досте, больны́х посеще́ние, немощны́х покро́ве и засту́пнице, вдови́ц и си́рых покрови́тельнице, ма́терей печа́льных всенаде́жная уте́шительнице, младе́нцев немощны́х кре́посте, и все́м безпомо́щным всегда́ гото́вая по́моще и ве́рное прибе́жище! Тебе́, о, Всеми́лостивая, даде́ся от Всевы́шняго благода́ть во е́же все́х заступа́ти и избавля́ти от ско́рби и боле́зней, зане́ Сама́ лю́тыя ско́рби и боле́зни претерпе́ла еси́, взира́ющи на во́льное страда́ние Сы́на Твоего́ возлю́бленнаго и Того́ на кресте́ распина́ема зря́щи, егда́ ору́жие Симео́ном предрече́нное се́рдце Твое́ про́йде. Те́мже у́бо, о Ма́ти чадолюби́вая, вонми́ гла́су моле́ния на́шего, уте́ши на́с в ско́рби су́щих, я́ко ве́рная ра́дости Хода́таица: предстоя́щи престо́лу Пресвяты́я Тро́ицы, одесну́ю Сы́на Твоего́, Христа́ Бо́га на́шего, мо́жеши, а́ще восхо́щеши, вся́ на́м поле́зная испроси́ти. Сего́ ра́ди с ве́рою серде́чною и любо́вию от души́ припа́даем к Тебе́ я́ко Цари́це и Влады́чице и псало́мски вопи́ти Тебе́ дерза́ем: слы́ша, Дщи́, и ви́ждь, и приклони́ у́хо Твое́, услы́ши моле́ние на́ше, и изба́ви на́с от обстоя́щих бе́д и скорбе́й; Ты́ бо проше́ния все́х ве́рных, я́ко скорбя́щих ра́дость, исполня́еши, и душа́м и́х ми́р и утеше́ние пода́еши. Се́ зри́ши беду́ на́шу и ско́рбь: яви́ на́м ми́лость Твою́, посли́ утеше́ние уя́звленному печа́лию се́рдцу на́шему, покажи́ и удиви́ на на́с гре́шных бога́тство милосе́рдия Твоего́, пода́ждь на́м сле́зы покая́ния ко очище́нию грехо́в на́ших и утоле́нию гне́ва Бо́жия, да с чи́стым се́рдцем, со́вестию благо́ю и наде́ждою несумне́нною прибега́ем ко Твоему́ хода́тайству и заступле́нию: приими́, всеми́лостивая на́ша Влады́чице Богоро́дице, усе́рдное моле́ние на́ше Тебе́ приноси́мое, и не отри́ни на́с, недосто́йных, от Твоего́ благосе́рдия, но пода́ждь на́м избавле́ние от ско́рби и боле́зни, защити́ на́с от вся́каго наве́та вра́жия и клеветы́ челове́ческая, бу́ди на́м помо́щница неотсту́пная во все́ дни́ жи́зни на́шея, я́ко да под Твои́м ма́терним покро́вом всегда́ пребу́дем це́ли и сохране́ни Твои́м заступле́нием и моли́твами к Сы́ну Твоему́ и Бо́гу Спаси́телю на́шему, Ему́ же подоба́ет вся́кая сла́ва, че́сть и поклоне́ние, со безнача́льным Его́ Отце́м и Святы́м Ду́хом, ны́не и при́сно и во ве́ки веко́в. Ами́нь. Перевод: О Пресвятая Владычица Богородица, Преблагословенная Матерь Христа Бога Спасителя нашего, всех скорбящих Радость, больных посещение, немощных покров и заступница, вдов и сирот покровительница, матерей тревожащихся надежнейшая утешительница, младенцев немощных защита, и всем беспомощным всегда готовая помощь и верное прибежище! Тебе, о Всемилостивая, дана от Всевышнего благодать, чтобы всех защищать и избавлять от скорбей и болезней, так как Сама жестокие скорби и страдания претерпела, взирая на добровольное страдание Сына Твоего возлюбленного и Того на кресте распинаемого видя, когда оружие, Симеоном предсказанное, прошло Твое сердце (Лк.). Поэтому, о Матерь чадолюбивая, внемли голосу моления нашего, утешь нас, скорбящих, как неизменная радости Ходатаица: предстоя престолу Пресвятой Троицы, по правую руку Сына Твоего, Христа Бога нашего, можешь, если захочешь, всего для нас полезного испросить. Поэтому с верой сердечной и любовью от души припадаем к Тебе как Царице и Владычице и словами псалма воспевать Тебя дерзаем: слушай, Дочь, и смотри, и приклони ухо Твое, услышь моление наше, и избавь нас от осаждающих бед и скорбей; ибо Ты прошения всех верных, как скорбящих радость, исполняешь, и душам мир и утешение подаешь. Так, видя беду нашу и скорбь, окажи нам милость Твою, пошли утешение уязвленному печалью сердцу нашему, покажи на нас грешных дивное богатство милосердия Твоего, подай нам слезы покаяния для очищения грехов наших и утоления гнева Божия, дабы с чистым сердцем, совестью благой и надеждой несомненной прибегали к Твоему ходатайству и заступничеству. Прими, всемилостивая наша Владычица Богородица, усердное моление наше Тебе приносимое, и не отринь нас, недостойных, от Твоего благосердия, но подай нам избавление от скорби и болезни, защити нас от всякого покушения вражеского и клеветы человеческой, будь нам помощницей неотступной во все дни жизни нашей, да под Твоим материнским покровом всегда пребудем здоровы и охраняемы Твоим заступничеством и молитвами к Сыну Твоему и Богу Спасителю нашему, Которому подобает всякая слава, честь и поклонение, со безначальным Его Отцом и Святым Духом, ныне и всегда и вовеки. Аминь. Молитва 3-я, пред иконою Пресвятой Богородицы «Млекопитательница» Приими́, Госпоже́ Богороди́тельнице, сле́зная моле́ния рабо́в Твои́х, к Тебе́ притека́ющих. Зри́м Тя́ на святе́й ико́не на рука́х нося́щую и млеко́м пита́ющую Сы́на Твоего́ и Бо́га на́шего, Го́спода Иису́са Христа́. А́ще и безболе́зненно родила́ еси́ Его́, оба́че ма́терния ско́рби ве́си и не́мощи сыно́в и дще́рей челове́ческих зри́ши. Те́мже те́пле припа́дающе к цельбоно́сному о́бразу Твоему́ и умиле́нно се́й лобыза́юще, мо́лим Тя́, Всеми́лостивая Влады́чице: на́с гре́шных, осужде́нных в боле́знех роди́ти и в печа́лех пита́ти ча́да на́ша, ми́лостивно пощади́ и сострада́тельно заступи́, младе́нцы же на́ша, та́кожде и роди́вшия и́х, от тя́жкаго неду́га и го́рькия ско́рби изба́ви. Да́руй им здра́вие и благомо́щие, да и пита́емии от си́лы в си́лу возраста́ти бу́дут, и пита́ющия и́х испо́лнятся ра́достию и утеше́нием, я́ко да и ны́не предста́тельством Твои́м из у́ст младе́нцев и ссу́щих Госпо́дь соверши́т хвалу́ Свою́. О, Ма́ти Сы́на Бо́жия! Умилосе́рдися на ма́тери сыно́в челове́ческих и на немощны́я лю́ди Твоя́: постига́ющия на́с боле́зни ско́ро исцели́, належа́щия на на́с ско́рби и печа́ли утоли́, и не пре́зри сле́з и воздыха́ний рабо́в Твои́х. Услы́ши на́с в де́нь ско́рби пред ико́ною Твое́ю припа́дающих, и в де́нь ра́дости и избавле́ния приими́ благода́рная хвале́ния серде́ц на́ших. Вознеси́ мольбы́ на́ша ко престо́лу Сы́на Твоего́ и Бо́га на́шего, да ми́лостив бу́дет ко грехо́м и не́мощем на́шим и проба́вит ми́лость Свою́ ве́дущим и́мя Его́, я́ко да и мы́, и ча́да на́ша просла́вим Тя́, милосе́рдную Засту́пницу и ве́рную Наде́жду ро́да на́шего во ве́ки веко́в, Ами́нь. Перевод: Прими, Госпожа Богородительница, слёзная молитвы рабо́в Твои́х, которые к Тебе́ прибегают. Видим Тебя на святой ико́не на рука́х носящую и молоком пита́ющую Сы́на Твоего́ и Бо́га на́шего, Го́спода Иису́са Христа́. Если и безболезненно родила Его́, впрочем материнские ско́рби знаешь и не́мощи сыновей и дочерей челове́ческих видишь. Поэтому мы с теплом припадая к цельбоносному образу Твоему и сокрушением его лобызая, молим Тебя, Всемилостивая Владычица: на́с гре́шных, осуждённых в болезнях рожать и в печалях кормить детей наших, милостивно пощади и сострада́тельно заступи́, младенцев наших, также и родивших и́х, от тяжёлого недуга и горькой скорби избавь. Дай им здра́вие и благомо́щие, да и питаемые от си́лы в си́лу возрастать бу́дут, и питающих и́х исполнят радостью и утешением, так и сегодня предстательством Твоим из уст младенцев и грудных детей Ты устроишь хвалу (Пс.8:3) Свою. О Матерь Сына Бо́жия! Умилосердись на матерей сыновей челове́ческих и на немощных людей Твоих: настигающие на́с боле́зни ско́ро исцели́, теснящие нас скорби и печа́ли утоли́, и не пренебреги слёз и воздыханий рабо́в Твои́х. Услышь на́с в де́нь ско́рби перед иконой Твоей припа́дающих, и в де́нь ра́дости и избавле́ния прими благодарные хваления сердец на́ших. Вознеси мольбы́ на́ши к престо́лу Сы́на Твоего́ и Бо́га на́шего, да ми́лостив бу́дет ко грехам и немощям на́шим и продолжит ми́лость Свою́ знающим и́мя Его́, как и мы́, так и дети наши просла́вим Тебя, милосе́рдную Засту́пницу и ве́рную Наде́жду ро́да на́шего во ве́ки веко́в, Ами́нь. Молитва 4-я, пред иконою Пресвятой Богородицы «Целительница» Приими́, о, Всеблагослове́нная и Всемо́щная Госпоже́ Влады́чице Богоро́дице Де́во, сия́ моли́твы, со слеза́ми Тебе́ ны́не приноси́мыя от на́с, недосто́йных ра́б Твои́х, ко Твоему́ цельбоно́сному о́бразу пе́ние возсыла́ющих со умиле́нием, я́ко Тебе́ Само́й зде́ су́щей и вне́млющей моле́нию на́шему. По коему́ждо бо проше́нию исполне́ние твори́ши, ско́рби облегча́еши, немощны́м здра́вие да́руеши, разсла́бленныя и неду́жныя исцеля́еши, от бе́сных бе́сы прогоня́еши, оби́димыя от оби́д избавля́еши, прокаже́нныя очища́еши и ма́лыя де́ти ми́луеши; еще́ же, Госпоже́ Влады́чице Богоро́дице, и от у́з и темни́ц свобожда́еши и вся́кия многоразли́чныя стра́сти врачу́еши: вся́ бо су́ть возмо́жна хода́тайством Твои́м к Сы́ну Твоему́, Христу́ Бо́гу на́шему. О, Всепе́тая Ма́ти, Пресвята́я Богоро́дице! Не преста́й моли́тися о на́с недосто́йных раба́х Твои́х, сла́вящих Тя́ и почита́ющих Тя́, и поклоня́ющихся со умиле́нием Пречи́стому о́бразу Твоему́, и наде́жду иму́щих невозвра́тну и ве́ру несумне́нну к Тебе́, Присноде́ве Пресла́вней и Непоро́чней, ны́не и при́сно и во ве́ки веко́в. Ами́нь. Перевод: Прими, о Всеблагословенная и Всемогущая Госпожа Владычица Богородица Дева, эти молитвы, со слезами Тебе ныне приносимые от нас, недостойных рабов Твоих, к Твоей целительной иконе пение воссылающих с сокрушением, как к Тебе Самой здесь находящейся и внимающей молению нашему. Ибо каждое прошение выполняешь, скорби облегчаешь, немощным здоровье даруешь, обездвиженных и болеющих исцеляешь, от бесноватых бесов прогоняешь, обижаемых от обид избавляешь, прокаженных очищаешь и малых детей жалеешь; еще, Госпожа Владычица Богородица, и от уз и тюрем освобождаешь и всяческие многообразные страсти врачуешь: потому что всё возможно по ходатайству Твоему к Сыну Твоему, Христу Богу нашему. О Воспеваемая всеми Матерь, Пресвятая Богородица! Не прекращай молиться о нас, недостойных рабах Твоих, прославляющих Тебя и почитающих Тебя, и поклоняющихся с сокрушением Пречистой иконе Твоей, и надежду имеющих необратимую и веру несомненную к Тебе, Приснодеве Преславной и Непорочной, ныне и всегда и вовеки. Аминь. Молитва святителю и чудотворцу Николаю О, до́брый наш па́стырю и богому́дрый наста́вниче, святи́телю Христо́в Нико́лае! Услы́ши нас гре́шных (имена), моля́щихся тебе́ и призыва́ющих в по́мощь ско́рое предста́тельство твое́; виждь нас не́мощных, отвсю́ду уловля́емых, вся́каго бла́га лише́нных и умо́м от малоду́шия помраче́нных; потщи́ся, уго́дниче Бо́жий, не оста́вити нас в грехо́внем плену́ бы́ти, да не бу́дем в ра́дость враго́м на́шим и не у́мрем в лука́вых дея́ниих на́ших. Моли́ о нас недосто́йных Соде́теля на́шего и Влады́ку, Ему́же ты со безпло́тными ли́ки предстои́ши: ми́лостива к нам сотвори́ Бо́га на́шего в ны́нешнем житии́ и в бу́дущем ве́це, да не возда́ст нам по дело́м на́шим и по нечистоте́ серде́ц на́ших, но по свое́й бла́гости возда́ст нам. На твое́ бо хода́тайство упова́юще, твои́м предста́тельством хва́лимся, твое́ заступле́ние на по́мощь призыва́ем, и ко пресвято́му о́бразу твоему́ припа́дающе, по́мощи про́сим: изба́ви нас, уго́дниче Христо́в, от зол находя́щих на нас, и укроти́ во́лны страсте́й и бед возстаю́щих на нас, да ра́ди святы́х твои́х моли́тв не обы́мет нас напасть и не погря́знем в пучи́не грехо́вней и в ти́не страсте́й на́ших. Моли́, святи́телю Христо́в Нико́лае, Христа́ Бо́га на́шего, да пода́ст нам ми́рное житие́ и оставле́ние грехо́в, душа́м же на́шим спасе́ние и ве́лию ми́лость, ны́не и при́сно и во ве́ки веко́в. Ами́нь. Перевод: О прекрасный наш пастырь и богомудрый наставник, святитель Христов Николай! Услышь нас, грешных (имена), молящихся тебе и призывающих на помощь скорое заступничество твое; увидь нас немощных, со всех сторон похищаемых, всего доброго лишенных и умом от малодушия помраченных. Поспеши, угодник Божий, не оставь нас в греховном плену, да не будем в радость врагам нашим и не умерем в злых делах наших. Моли о нас, недостойных, Создателя нашего и Владыку, Которому ты с сонмом бесплотных предстоишь: да проявит милость к нам Бог наш в этой жизни и в будущем веке, да не воздаст нам по делам нашим и по нечистоте сердец наших, но по Своей благости воздаст нам. На твое ходатайство уповая, твоим предстательством хвалимся, твое заступничество на помощь

Агница Твоя, Иисусе, Харитина/ зовет велиим гласом:/ Тебе, Женише мой, люблю/ и, Тебе ищущи, страдальчествую,/ и сраспинаюся, и спогребаюся крещению Твоему,/ и стражду Тебе ради, яко да царствую в Тебе,/ и умираю за Тя, да и живу с Тобою;/ но, яко жертву непорочную, приими мя с любовию, пожершуюся Тебе./ Тоя молитвами,/ яко Милостив, спаси души наша.

В чистоте жития источник слез твоих, исповедания трудовныя поты совокупил еси, и купель духовную источил еси, священный Сергие, преподобне, омывавши сугубстве творящим любовию па­мять твою скверны обоямы душевныя и телесныя. Сих ради, чада твоя суще, вопием ти: моли, отче, Святую Троицу о душах наших.

Яко первосвятителя великаго и апостолов сообщника,/ Церковь прославляет тя людей твоих, преподобне,/ но яко имея дерзновение ко Христу Богу,/ молитвами твоими от всяких нас бед спасай, да зовем ти:/ радуйся, отче Савво Богомудре.

Свет Трисиянный, всельшийся в душу твою,/ сосуд избран показа тя, всеблаженне,/ являюща Божественная концем,/ неудобопостижных разумений ты сказуяй, блаженне,/ и Троицу всем, Максиме, возпроповедуяй ясно,// Пресущную, Безначальную.

Пророче Божий Иезекииле,/ предзревый затворенная Духом врата/ и Плотоносца, во исходе сих, Единаго сказавый Бога,/ Того моли, молимся,/ да отверзет дверь милости Своей/ и спасет души благочестно поющих память твою.

Готовися, Вифлееме,/ отверзися всем, Едеме,/ красуйся, Евфрафо,/ яко древо живота в вертепе процвете от Девы:/ рай бо Оноя чрево явися мысленный,/ в немже Божественный сад,/ от негоже ядше, живи будем,/ не якоже Адам умрем.// Христос раждается прежде падший возставити образ.

Яко светильник всесветел,/ явился еси во острове Селигера езера,/ преподобне отче Ниле,/ ты бо, крест Христов от юности своея на рамо взем,/ усердно Тому последовал еси,/ чистотою Богови приближився,/ отонудуже и чудес дарованием обогатился еси./ Тем и мы, притекающе к раце мощей твоих, умильно глаголем:/ отче преподобне,/ моли Христа Бога// спастися душам нашим.

От юности твоей добре воспитався трудами,/ воздержанием, постом и молитвами,/ чисту и непорочну сотворил еси душу твою,/ сего ради на престоле святительства сел еси,/ и яко звезда многосветлая, просвещая верных сердца/ зарими чудес твоих, отче наш, святителю Феодоре,/ и ныне моли Христа Бога да спасет души наша.

Аудио: Конда́к 1 Избра́нный Женише́ ду́ш и серде́ц, вочелове́чением Свои́м и сме́ртию на Кресте́, обручи́вый Себе́ на ве́ки ве́сь ро́д челове́чь, и да́вый на́м в зало́г ве́чныя жи́зни са́мое пречи́стое Те́ло и Кро́вь Свою́, се́ по гла́су Твоему́ и а́з, недосто́йный, дерза́я прихожду́ к боже́ственной трапе́зе Твое́й и, пораже́н вели́чием ея́, вопию́: Иису́се, Бо́же се́рдца моего́, прииди́ и соедини́ мя с Тобо́ю на ве́ки. Икос 1 Ангела Твоего́ к прови́дцу Иса́ии со у́глем горя́щим от алтаря́ небе́снаго посла́л еси́, во е́же очи́стити те́м устне́ его́, егда́ ви́дев Тя́, седя́ща на престо́ле, о нечистоте́ свое́й сокруша́шеся; а́з же, оскверне́нный душе́ю и те́лом, ка́ко дерзну́ приступи́ти ко причаще́нию Боже́ственных Твои́х Та́ин, а́ще не Ты́ Са́м очи́стиши мя́ свы́ше? Те́мже из глубины́ души́ вопию́ Ти́: Иису́се Всеблаги́й, косни́ся огне́м благода́ти Твоея́ и мои́х нечи́стых усте́н; Иису́се, попали́ те́рние мои́х мно́гих прегреше́ний. Иису́се, сози́жди во мне́ се́рдце чи́сто, и обнови́ во утро́бе мое́й ду́х пра́вый; Иису́се, изведи́ из темни́цы страсте́й бе́дную ду́шу мою́. Иису́се, потреби́ во мне́ нечи́стыя по́мыслы и зла́я похоте́ния; Иису́се, напра́ви сла́быя стопы́ моя́ на пу́ть за́поведей Твои́х. Иису́се, Бо́же се́рдца моего́, прииди́ и соедини́ мя с Тобо́ю на ве́ки. Конда́к 2 Жела́нием возжела́вый я́сти со ученики́ после́днюю пред страда́нием Твои́м па́сху, да препода́си и́м, среди́ ея́, после́дний и наибо́льший зало́г любви́ Твоея́, пре́жде двою́ дню́ предпосла́л еси́ два́ от ни́х во Иерусали́м, да ше́дше угото́вают ю́. Поуча́яся отсю́да, ка́ко и на́м подоба́ет благовре́менне уготовля́ти себе́ к снеде́нию на́шея Боже́ственныя Па́схи, си́речь Те́ла и Кро́ви Твоея́, благода́рственно зову́ Ти́: Аллилу́ия. Икос 2 «Иззу́й сапоги́ от но́гу твое́ю, земля́ бо, на не́йже стои́ши, свята́ е́сть», — ре́кл еси́ Моисе́ю из купины́, горе́вшей и несгора́вшей, от неви́димаго во о́ной прису́тствия Твоего́. Сосу́д с Боже́ственным Те́лом и Кро́вию Твое́ю вои́стину бо́лее и святе́е неопали́мыя купины́ е́сть; а́з же пе́рстен, нечи́ст, про́дан под гре́х. Те́мже со смире́нием и ве́рою вопию́ Ти́: Иису́се Всемогу́щий, совлеки́ мя́ ве́тхаго челове́ка с дея́ньми его́; Иису́се, умертви́ се́мя тли́, во мне́ гнездя́щееся. Иису́се, расто́ргни у́зы греха́, и́миже связа́ мя́ вра́г; Иису́се, пода́ждь ми́ се́рдце смире́нно и ду́х сокруше́н. Иису́се, отжени́ от мене́ искуше́ния и собла́зны; Иису́се, утверди́ мя́ в ве́ре и любви́ к Тебе́. Иису́се, Бо́же се́рдца моего́, прииди́ и соедини́ мя с Тобо́ю на ве́ки. Конда́к 3 «Отцы́ ва́ши ядо́ша ма́нну в пусты́ни и умро́ша; Аз е́смь Хле́б, сходя́й с небесе́, да а́ще кто́ я́ст от него́, жи́в бу́дет во ве́ки; и Хле́б, его́же Аз да́м, Пло́ть Моя́ е́сть, ю́же Аз да́м за живо́т ми́ра», — ре́кл еси́ иуде́ом, иска́вшим ви́дети от Тебе́ зна́мение с небеси́, подо́бное ма́нне Моисе́евой. Его́ же мы́ слы́шаще и сбытие́ предрече́ннаго ви́дяще, со стра́хом зове́м: Аллилу́ия. Икос 3 «Воста́в с ве́чери, — я́коже повеству́ет святы́й Иоа́нн, — и препоя́сався ле́нтием, умы́л еси́ но́ги ученико́мъ», науча́я си́м, да не приступа́ем к Боже́ственней трапе́зе Твое́й, неомы́тые слеза́ми покая́ния, во греха́х на́ших. Ощуща́я презе́льную ну́жду сего́ та́инственнаго омове́ния и ску́дость сле́з ожесточе́ннаго се́рдца моего́, с Петро́м вопию́ Ти́: Иису́се Преблаги́й, Са́м ми́ умы́й не но́зе то́кмо, но и ру́це и главу́; Иису́се, обнажи́ предо мно́ю бе́здну душе́внаго моего́ растле́ния. Иису́се, разве́рзи во мне́ исто́чник сокруше́ния серде́чнаго; Иису́се, ороси́ мя́ ка́плями Твоего́ милосе́рдия. Иису́се, обве́й мя́ стра́хом суда́ и му́к ве́чных; Иису́се, возбуди́ со́весть, спя́щую во мне́, и укрепи́ гла́с ея́. Иису́се, Бо́же се́рдца моего́, прииди́ и соедини́ мя с Тобо́ю на ве́ки. Конда́к 4 «Не се́й ли е́сть Иису́с, сы́н Ио́сифов, Его́же мы́ зна́ем отца́ и ма́терь? Ка́ко у́бо глаго́лет Се́й, я́ко с небесе́ снидо́х? И ка́ко мо́жет да́ти на́м Пло́ть Свою́ я́сти?» — глаго́лаху между́ собо́ю жи́дове, услы́шавше о пресла́вном обеща́нии Твое́м да́тися в сне́дь ве́рным, не ве́дуще, по окамене́нию серде́ц свои́х, со смире́нием ве́ровати и взыва́ти к Тебе́: Алли́луия. Икос 4 «Аще не сне́сте Пло́ти Сы́на Челове́ческаго и не пие́те Кро́ве Его́, живота́ не и́мате в себе́», — провеща́л еси́ ко́сным во е́же ве́ровати иуде́ом, е́же сло́во же́стоко к слы́шанию показа́ся и не́киим от учени́к Твои́х, неве́дущим еще́ та́ин Ца́рствия Бо́жия. Мы́ же, озаре́нные све́том Ева́нгелия и открове́нным лице́м Боже́ственную сла́ву Твою́ зря́ще, с ве́рою и любо́вию зове́м Ти́: Иису́се, вся́ моги́й вели́чеством си́лы и держа́вы Твоея́; Иису́се, творя́й и соверша́яй па́че, не́же мо́жем разуме́ти и помы́слити. Иису́се, ма́нну с не́ба, не́когда в зна́мение настоя́щаго та́инства, одожди́вый; Иису́се, к прообразова́нию того́жде, во́ду из ка́мене источи́вый. Иису́се, о́блак кра́стелей в напита́ние а́лчущим в пусты́не иуде́ом посла́вый; Иису́се, пред о́чию сами́х сумня́щихся иуде́ев, пятию́ хле́бы пя́ть ты́сящ наро́да насы́тивый. Иису́се, Бо́же се́рдца моего́, прииди́ и соедини́ мя с Тобо́ю на ве́ки. Конда́к 5 «Яду́щим на ве́чери ученико́м, прие́м хле́б, благослови́в и преломи́в, по́дал еси́ и́м, ре́к: приими́те, яди́те, сие́ е́сть Те́ло Мое́, за вы́ ломи́мое, во оставле́ние грехо́в; пото́м же ча́шу пода́в, ре́кл еси́: пи́йте от нея́ вси́, сия́ е́сть Кро́вь Моя́, за вы́ излива́емая, во оставле́ние грехо́въ». — Сему́ боже́ственному и пресла́дкому гла́су вне́млюще, со благодаре́нием зове́м: Аллилу́ия. Икос 5 «Яды́й Мою́ Пло́ть и пия́й Мою́ Кро́вь во Мне́ пребыва́ет и Аз в не́м; то́й и́мать живо́т ве́чный и Аз воскрешу́ его́ в после́дний де́нь», си́ е́сть в воскресе́ние живота́ и блаже́нства. Сего́ у́бо вожделе́ннаго воскресе́ния в живо́т ища́ сподо́битися, из глубины́ души́ вопию́ Ти́: Иису́се, прибли́зися ко и́щущему соедине́ния с Тобо́ю; Иису́се, вни́ди во утро́бу, во вся́ соста́вы и вся́ ко́сти моя́. [Иису́се, бу́ди све́том моего́ помраче́ннаго ума́;] Иису́се, напо́лни Собо́ю ненасы́тимую все́м ми́ром бе́здну моего́ се́рдца. Иису́се, веща́й гла́сом моея́ со́вести; Иису́се, дви́жи и управля́й мое́ю во́лею. Иису́се, Бо́же се́рдца моего́, прииди́ и соедини́ мя с Тобо́ю на ве́ки. Конда́к 6 «Ами́нь, ами́нь, глаго́лю ва́м: еди́н от ва́с преда́ст Мя́», — ре́кл еси́ в ско́рби ду́ха ученико́м Твои́м на ве́чери. Они́ же, а́ще и чи́сти от за́мысла преда́ния, «еда́ а́з е́смь», вопроша́ху Тя́ ки́йждо, показу́я си́м глубину́ своего́ смиренному́дрия. Аз же, что́ реку́ Ти́, седми́жды на де́нь па́даяй и изменя́яй Тебе́? Оба́че Ты́ Са́м соблюди́ мя́, да не отпаду́ в коне́ц, взыва́я Ти́ благода́рне: Аллилу́ия. Икос 6 «Якоже розга́ не мо́жет плода́ твори́ти о себе́, а́ще не бу́дет на лозе́, та́ко и вы́, а́ще во Мне́ не пребу́дете; а и́же бу́дет во Мне́ и Аз в не́м, то́й сотвори́т пло́д мно́гъ», — си́це, тайноде́йствуя, поуча́л еси́ возлю́бленные ученики́ Твоя́ на пути́ в Гефсима́нию. Сему́ у́бо наставле́нию вне́мля, и ве́дый не́мощь естества́ моего́ без благода́ти Твое́й, приле́жно вопию́ Ти́: Иису́се, пренебе́сный де́лателю, Са́м мя́ всади́ в живоно́сный вертогра́д Тво́й; Иису́се, лоза́ и́стинная, прикрепи́ мя́ к Тебе́, я́ко ро́згу ди́кую. Иису́се, ко́реню неизсыха́ющий, испо́лни мя́ со́ком жи́зни ве́чныя; Иису́се, победи́телю вся́кия ме́ртвенности, отреби́ е́же изсо́хло е́сть во мне́ от зно́я страсте́й. Иису́се, кра́сный добро́тою, украси́ мя́ цвета́ми благи́х чу́вств и помышле́ний; Иису́се, бога́тый в ми́лости, уще́дри мя́ плода́ми и́стиннаго покая́ния и пра́вды. Иису́се, Бо́же се́рдца моего́, прииди́ и соедини́ мя с Тобо́ю на ве́ки. Конда́к 7 «И кто́ е́сть предая́й Тя́», — вопроси́вшу ученику́, и́же возлеже́ на ве́чери на пе́рсях Твои́х. — «То́й е́сть, — отвеща́л еси́, — ему́же Аз, омочи́в в соли́ло хле́б, пода́мъ». И омо́чь хле́б, по́дал еси́ Иу́де Си́монову Искарио́тскому, подвиза́я его́ на покая́ние. Он же, ожесточе́н сы́й ду́хом зло́бы, не восхоте́ разуме́ти гла́са любве́ своего́ Учи́теля и Го́спода. Какова́го жестокосе́рдия да бу́ду изба́влен благода́тию Твое́ю, зовя́ Ти́ вы́ну: Аллилу́ия. Икос 7 Щадя́ не́мощь естества́ на́шего, отвраща́ющагося вкуше́ния пло́ти челове́ческой, не я́ве, но под ви́дом хле́ба и вина́ благоволи́л еси́ препода́ти на́м Пречи́стое Те́ло и Кро́вь Твою́. Чудя́ся о таково́м снисхожде́нии прему́дрости Твоея́ к не́мощи естества́ на́шего, благода́рне славосло́влю Тя́ си́це: Иису́се, прему́дре и человеколю́бне стро́яй все́ де́ло спасе́ния на́шего; Иису́се, са́мыя спаси́тельныя та́инства Твои́ приспособля́яй к не́мощи на́шего разуме́ния и чу́вств. Иису́се, во увере́ние сумня́щихся на свято́й трапе́зе мно́гажды вме́сто хле́ба и вина́, са́мое Те́ло и Кро́вь Твою́ прояви́вый; Иису́се, досто́йным служи́телям алтаря́ Ду́ха Пресвята́го, на освяще́ние даро́в сходя́ща, показа́вый. Иису́се, вме́сто недосто́йных служи́телей алтаря́ а́нгелов Твои́х неви́димо, для соверше́ния боже́ственнаго та́инства, посыла́яй; Иису́се, явле́нием чуде́с на святе́й трапе́зе мно́гия из са́мых злове́рных к ве́ре обрати́вый. Иису́се, Бо́же се́рдца моего́, прииди́ и соедини́ мя с Тобо́ю на ве́ки. Конда́к 8 «И по хле́бе», си́речь по вкуше́нии от по́даннаго Тобо́ю хле́ба преда́телю, я́коже повеству́ет святы́й Иоа́нн, «вни́де в о́нь сатана́». Оле, стра́шныя ка́зни за неве́рие! Оле, злополу́чнаго жре́бия преда́теля! Еже во спасе́ние долженствова́ло бы́ти, в сме́рть и поги́бель ему́ обре́теся. Пред таковы́м у́бо судо́м пра́вды Твоея́ благогове́я, со стра́хом и тре́петом зову́ Ти́: Аллилу́ия. Икос 8 «Сие́ твори́те в Мое́ воспомина́ние», — ре́кл еси́ ученико́м на ве́чери, препода́в и́м под ви́дом хле́ба Те́ло, а под ви́дом вина́ Кро́вь Свою́. «Те́мже у́бо ели́жды от хле́ба яди́м и ча́ши пие́м, сме́рть Твою́ возвеща́емъ», по сло́ву свята́го Па́вла. Воспомина́я у́бо ны́не страда́ния Твоя́, со умиле́нием зову́ Ти́: Иису́се, в ру́це враго́в Твои́х для спасе́ния ми́ра Себе́ произво́льне преда́вый; Иису́се, легио́ном а́нгелов в защи́ту Твою́ яви́тися не попусти́вый. Иису́се, неве́рнаго ученика́ воззре́нием на него́ и гла́сом але́ктора к покая́нию обрати́вый; Иису́се, Каиа́фе и Пила́ту, неразу́мно вопроси́вшим Тя́, отве́та не да́вый. Иису́се, со Креста́ распе́ншим Тя́ у Отца́ отпуще́ние грехо́в проси́вый; Иису́се, Ма́тери Твое́й возлю́бленнаго ученика́ премилосе́рдне усынови́вый. Иису́се, Бо́же се́рдца моего́, прииди́ и соедини́ мя с Тобо́ю на ве́ки. Конда́к 9 «Иу́до, лобза́нием ли Сы́на Челове́ческаго предае́ши?» — воззва́л еси́ го́рце к ученику́ неве́рному, егда́ о́н прии́де со спи́рою в вертогра́д Гефсима́нский, ища́ преда́ти Тя́ лобза́нием. Оба́че и се́й прео́стрый глаго́л не порази́ раска́янием души́, во зле́ ожесточе́нныя. Ве́дый у́бо непостоя́нство и моея́ во́ли, страшу́ся, да не да́м Ти́ когда́ и а́з, неблагода́рный, лобза́ния Иу́дина. Ты́ Са́м у́бо укрепи́ мя́ благода́тию Твое́ю, да со благоразу́мным разбо́йником вы́ну зову́: Аллилу́ия. Икос 9 «Отче, да вси́ еди́но бу́дут, я́коже Ты́ во Мне́ и Аз в Тебе́, да и ти́и в На́с еди́но бу́дут, да и ми́р ве́ру и́мет, я́ко Аз от Тебе́ изыдо́хъ», — та́ко возгласи́л еси́ в после́дней вели́кой моли́тве ко Отцу́. Сему́ пресла́дкому гла́су Твоему́ после́дуя и о си́ле моли́твы Твоея́ дерза́я, с ве́рою возглаша́ю Ти́: Иису́се, вся́ совокупля́яй во еди́но, возсоедини́ все́х на́с неразлу́чне с Тобо́ю и Отце́м Твои́м; Иису́се, вся́ примиря́яй, да́ждь, да бу́дем все́ единомы́сленни в ве́ре и любви́ к Тебе́. Иису́се, не терпя́й вражды́ и разделе́ний, потреби́ злочести́выя е́реси и раско́лы; Иису́се, все́х любя́й и ми́луяй, собери́ во еди́но ста́до вся́ заблу́дшия о́вцы. Иису́се, ми́р все́м подава́яй, утоли́ за́висть и пререка́ния между́ призыва́ющими и́мя Твое́; Иису́се, причаща́яй мя́ самаго Те́ла и Кро́ви Твоея́, да бу́ду вои́стину пло́ть от пло́ти Твоея́ и ко́сть от косте́й Твои́х. Иису́се, Бо́же се́рдца моего́, прииди́ и соедини́ мя с Тобо́ю на ве́ки. Конда́к 10 На ве́чери в Ка́не Галиле́йстей, во́ду в вино́ претвори́в, пе́рвое си́м зна́мение Боже́ственныя си́лы Твоея́ показа́л еси́. Отходя́ же на кре́ст, я́ко Жени́х ду́ш, после́днее чу́до любви́ ве́рующим в Тя́ яви́л еси́, претвори́в хле́б в Те́ло Твое́ и вино́ в Кро́вь Твою́, и́мже насыща́яся и а́з в живо́т ве́чный, благода́рне зову́ Ти́: Аллилу́ия. Икос 10 В де́нь Воскресе́ния Твоего́, двою́ от учени́к Твои́х спутеше́ствуя во о́бразе стра́нника во Еммау́с, поуча́л еси́ и́х о та́йне страда́ний Твои́х: о́нема же держа́стася о́чи, да Тя́ не позна́ста, а́ще и се́рдце и́х горя́ бе́ в ни́х от сла́дости слове́с Твои́х. Егда́ же прекло́нься на моле́ние и́х, вше́л еси́ с ни́ми облещи́, и благослови́в хле́б, по́дал еси́ и́м: а́бие отверзо́стеся и́ма о́чи, да Тя́ позна́ста. Подо́бясь си́м ученика́м, дерза́ю и а́з со смире́нием вознести́ к Тебе́ сицевы́й гла́с: Иису́се, долготерпели́вый, не оста́ви и мене́ еди́наго на пути́ жи́зни за ску́дость ве́ры моея́; Иису́се, научи́ мя́, я́коже и о́нех, разуме́ти проро́чествия о Тебе́ и та́йну благода́тнаго соедине́ния с Тобо́ю. Иису́се, согре́й и воспламени́, я́коже и о́нех ученико́в, и мое́ хла́дное се́рдце; Иису́се преблаги́й, обля́зи и со мно́ю, я́ко уже́ преклони́лся е́сть к ве́черу де́нь моея́ жи́зни. Иису́се, да́ждь ми́ позна́ти Тя́ вои́стину в настоя́щем преломле́нии та́инственнаго хле́ба и в питии́ от ча́ши; Иису́се, сотвори́, да и а́з, позна́в си́лу любве́ Твоея́, бу́ду провозве́стником о́ныя для бра́тий мои́х. Иису́се, Бо́же се́рдца моего́, прииди́ и соедини́ мя с Тобо́ю на ве́ки. Конда́к 11 Побежда́ющему обеща́л еси́ да́ти я́сти от дре́ва живо́тнаго, е́же е́сть посреди́ рая́ Бо́жия, и от ма́нны сокрове́нныя. К сему́ вкуше́нию на небеси́, да бу́дет ми́ приуготовле́нием на земли́ причаще́ние Те́ла и Кро́ви Твоея́, к нему́же а́з, недосто́йный, ны́не приступа́я, зову́: Аллилу́ия. Икос 11 «Яды́й и пия́й недосто́йне, су́д себе́ я́ст и пие́т, не разсужда́яй Те́ла и Кро́ви Госпо́дни», — вразумля́ет приступа́ющих к причаще́нию небоше́ственный Па́вел. Те́мже и а́з страшу́сь и трепе́щу своего́ недосто́инства, но да не надо́лзе удаля́яся Твоего́ обще́ния, от мы́сленнаго во́лка звероуловле́н бу́ду, прихожду́ к Тебе́ со гла́сом таковы́м: Иису́се, приими́ мя́, я́коже прия́л еси́ мытаря́, блудни́цу и разбо́йника; Иису́се, не возгнуша́йся вни́ти под кро́в души́ моея́, а́ще и ве́сь пу́ст и па́лся е́сть. Иису́се, разве́рзи и моя́ душе́вныя о́чи, я́коже разве́рзл еси́ сле́пу от рожде́ния; Иису́се, прорцы́ и мне́, я́коже о́ному разсла́бленному: возста́ни и ходи́. Иису́се, уста́ви то́к нечи́стых пожела́ний души́ моея́, я́коже уста́вил еси́ то́ки жены́ кровоточи́выя; Иису́се, уврачу́й прока́зу души́ и со́вести моея́. Иису́се, Бо́же се́рдца моего́, прииди́ и соедини́ мя с Тобо́ю на ве́ки. Конда́к 12 За́вистию диа́вола, усты́ зми́я глаго́лавшаго, ве́сь ро́д челове́ческий вкуше́нием от плода́ запреще́ннаго ра́й погуби́ и сме́рти предаде́ся. Вкуше́нием же от Пречи́стаго Те́ла и Кро́ве Твоея́, вси́ земноро́днии, па́ки ве́чныя сподобля́ются жи́зни и восхо́дят на пе́рвое достоя́ние. Врачество́ бо от я́да змии́на и се́мя безсме́ртия е́сть причаще́ние животворя́щих Та́ин Твои́х. Те́мже благода́рне зову́ Ти́: Аллилу́ия. Икос 12 Се́ пред сосу́дом с Боже́ственными Та́йнами Твои́ми предстою́, злы́х же помышле́ний мои́х не отступа́ю; еди́на всемогу́щая благода́ть Твоя́ ободря́ет и привлека́ет мя́. Те́мже, поверга́я себя́ в бе́здну милосе́рдия Твоего́, вопию́: Иису́се, призыва́яй к поко́ю в Тебе́ все́х тружда́ющихся и обремене́нных, приими́ и мене́, утружде́ннаго суето́ю ми́ра; Иису́се, прише́дый призва́ти не пра́ведныя, но гре́шныя на покая́ние, разреши́ и мя́ от грехо́в и страсте́й мои́х. Иису́се, исцеля́яй вся́кий неду́г и вся́кую я́зву, уврачу́й ра́ны и гное́ние души́ моея́; Иису́се, насыща́яй а́лчущия, насы́ти мя́ Те́лом и Кро́вию Твое́ю. Иису́се, воскреша́яй ме́ртвыя, оживи́ мя́, уме́ршаго греха́ми; Иису́се, победи́телю а́да, извлеки́ мя́ из че́люстей ду́ха зло́бы. Иису́се, Бо́же се́рдца моего́, прииди́ и соедини́ мя с Тобо́ю на ве́ки. Кондак 13 О, Пресла́дкий и Всеще́дрый Иису́се! Вы́ну сходя́й, я́ко ма́нна с небесе́, для пита́ния ду́ш и теле́с на́ших в Та́инстве Пречи́стаго Те́ла и Кро́ви Твоея́, сподо́би мя́ неосужде́нно причасти́тися Боже́ственных Та́ин Твои́х, да исцеле́н, насыще́н, освяще́н и обоже́н Тобо́ю на ве́ки, благода́рно зову́ Ти́: Аллилу́ия. [Се́й конда́к глаго́лется три́жды.] [Далее повторяем 1-е икос и кондак:] Икос 1 Ангела Твоего́ к прови́дцу Иса́ии со у́глем горя́щим от алтаря́ небе́снаго посла́л еси́, во е́же очи́стити те́м устне́ его́, егда́ ви́дев Тя́, седя́ща на престо́ле, о нечистоте́ свое́й сокруша́шеся; а́з же, оскверне́нный душе́ю и те́лом, ка́ко дерзну́ приступи́ти ко причаще́нию Боже́ственных Твои́х Та́ин, а́ще не Ты́ Са́м очи́стиши мя́ свы́ше? Те́мже из глубины́ души́ вопию́ Ти́: Иису́се Всеблаги́й, косни́ся огне́м благода́ти Твоея́ и мои́х нечи́стых усте́н; Иису́се, попали́ те́рние мои́х мно́гих прегреше́ний. Иису́се, сози́жди во мне́ се́рдце чи́сто, и обнови́ во утро́бе мое́й ду́х пра́вый; Иису́се, изведи́ из темни́цы страсте́й бе́дную ду́шу мою́. Иису́се, потреби́ во мне́ нечи́стыя по́мыслы и зла́я похоте́ния; Иису́се, напра́ви сла́быя стопы́ моя́ на пу́ть за́поведей Твои́х. Иису́се, Бо́же се́рдца моего́, прииди́ и соедини́ мя с Тобо́ю на ве́ки. Конда́к 1 Избра́нный Женише́ ду́ш и серде́ц, вочелове́чением Свои́м и сме́ртию на Кресте́, обручи́вый Себе́ на ве́ки ве́сь ро́д челове́чь, и да́вый на́м в зало́г ве́чныя жи́зни са́мое пречи́стое Те́ло и Кро́вь Свою́, се́ по гла́су Твоему́ и а́з, недосто́йный, дерза́я прихожду́ к боже́ственной трапе́зе Твое́й и, пораже́н вели́чием ея́, вопию́: Иису́се, Бо́же се́рдца моего́, прииди́ и соедини́ мя с Тобо́ю на ве́ки.