Кондак 1
Избранныя от великаго народа восточнаго, прехвальныя страстотерпцы, богоносный отче Митрофане с паствою верною, от рук единоплеменников ваших, подобно древним мучеником пострадавшия, с ними же купно Творца всех восславляющие, милостивно примите моление наше, да с любовию величаем вас, кровию вашею землю Китайскую осветивших, верность же Христу до конца сохраньших, зовуще вам сице:
Радуйтеся, всеславные мученицы Китайстии, подобно звездам лучезарным, на Востоце возсиявшия.
Икос 1
Ангелов и человеков Творец, в деснице Своей судьбы народов и царств содержаяй и в каждом колене верных чад Своих имеяй, произрасти вас, богоблаженнии страстотерпцы от потомков пленников российских, в державе Китайстей новую отчизну снискавших и среди народа ея единоверцев своих обретших. Вы бо, мученицы благоверныя, славу земную ни во что же вменившии, сокровища нетленныя на Небесех стяжали есте, яко посрамили есте кровию вашею безчеловечную ярость людскую и демонское коварство. Мы же ныне, вся сия воспоминающе, похвалы таковыя с надеждою и любовию вам возносим:
Радуйтеся, Отца Небеснаго чада верныя и возлюбленныя;
Радуйтеся, Христовы страстотерпцы и мученицы добропобедныя;
Радуйтеся, лучезарныя лампады Духа Святаго;
Радуйтеся, пламень бесовский водами крещения угасившия;
Радуйтеся, торжество Пасхи Новыя в стране языческой явившия;
Радуйтеся, народу востока путь к истинней вере указующия;
Радуйтеся, и нас во уповании на Спасителя утверждающия;
Радуйтеся, пречудное милосердие Божие к нам приклоняющия;
Радуйтеся, всеславнии мученицы Китайстии, подобно звездам лучезарным на Востоце возсиявшия.
Кондак 2
Видением в веках грядущих от Господа одаренный, всехвальный Исайя – пророк возвести, яко придут верныя чада Божия издалече от земли Синиим; ныне мы же сего проречения сбытия зрим, яко в земли на востоце дальнем, Синиим рекомей, вы, страстотерпцы богоносныя, пришли есте к Агнцу Божию, богопросвещенным Исайей проповеданному, людие добрыя, путем Крестным за Христом Распятым последовали есте, воспевая Ему: Аллилуйя.
Икос 2
Разумом Божественным просвещенныя и одаренныя, святою любовию ко Христу пламенеющия, мученицы святыя и велехвальныя, кумиром и их служителем бесоводимым не поклонистеся, яко древле в пленение Пекинское приведенныя, правнуцы и сонаследницы казаков Абалазинских, веру Православную соблюдоста, и за Христа Распятаго, живот свой положиша, обрели есте свободу чад Божиих, и ныне Святую Троицу умоляете о всех, восхваляющих вас сице:
Радуйтеся, младенцы Церкви Христовой, от новаго Ирода заклание приявшия;
Радуйтеся, землю Отчизны вашея кровию мученическою, аки водами крещения омывшия;
Радуйтеся, чрез златыя врата во Иерусалим Небесный во гласе радования вшедшия;
Радуйтеся, чада Израиля Новаго, на лоне Авраамовом упокоение вечное обретшия;
Радуйтеся, аки адаманты многоценныя в сокровищнице Небесней сияющия;
Радуйтеся, со всеми мученики и праведники хвалу Творцу воспевающие;
Радуйтеся, путь истинный, к житию вечному ведущий, в стране дорог шелковых, озаряющия;
Радуйтеся, Предвечнаго Бога более империи земной любити научающия;
Радуйтеся, всеславныя мученицы Китайстии, подобно звездам лучезарным, на Востоце возсиявшия.
Кондак 3
Силою благодати Божественныя укрепленныя, мученицы всеславныя, подвиг высоких и славных во смирении сердечнем не искали есте, николиже древним мучеником великим уподобитися, но токмо веры Христовы течение соблюсти возжелали есте, и верою же движимыя, самих себе в жертву благоугодную Спасителю принесли есте. Мы же, сия поминающе, усердно просим вы: укрепите нас в уповании на Христа, да сподобимся купно с вами воспевати Ему: Аллилуйя.
Икос 3
Имуще надежду непостыдную на всеблагое предстательство ваше, велехвальныя мученицы Китайстии, пред престолом Царя Царствующих и Господа Господствующих, величаем и прославляем вас, богосиянныя звезды Солнца Правды, небо восточное светом предвечной Истины Христовой озарившия, и во вся концы земли лучи подвиг ваших богоприятных испустившия, страстотерпцы богоблаженныя двести двадесят и два, молитеся Господеви, да оживотворит теплохладную веру нашу и приимите славословия сия:
Радуйтеся, лилии благоуханныя, благодатию Божиею взращенныя;
Радуйтеся, слово Божие, на новом наречии проповедавшия;
Радуйтеся, пламень адский водою жизни вечней угасившия;
Радуйтеся, пагоды языческия потоками крови вашея освятившия;
Радуйтеся, прехвальныя наследницы Соломоновы, нерукотворныя храмы Христу сотворившия;
Радуйтеся, через истинное покаяние грехи наши в прах обращающия;
Радуйтеся, со светильники горящими Спасителя сретати нас научающия;
Радуйтеся, подлинною премудростию души наша окрыляющия;
Радуйтеся, всеславныя мученицы Китайстии, подобно звездам лучезарным на Востоце возсиявшия.
Кондак 4
Бурю сомнений и страхований силою благодати победили есте, всехвальныя мученицы Пекинския, егда видя чад и мужей пред очима своима от исчадий сатанинских убиваемых, и иних многих от ран и мучений во смерти их предварявших, отчаяния же богомудро удалишеся, упование всяческое на Христа Распятаго за ны возложиша, обезсиленнии и безгласнии в духе мученичестем всех укреплявшему Творцу и Подвигоположнику воспевая: Аллилуиа.
Икос 4
Слышаша окрест воин и оружий шум, уповаша людие христианстии на Бога паче, неже на нечестивых властителей империи Поднебесней. Мы же, ныне просим вас, богоносныя страстотерпцы, в стране восточней за Христа от единоплеменников пострадавшия, ризы своя в крови Агнчей убелившия, и жало смерти вечной млатом мук ваших притупившия, сице молим вас: испросите нам животворную благодать Божию, яко да воспрянем духом и с надеждою вопием вам сице:
Радуйтеся, вами же безумие боксеров злочестивых посрамися;
Радуйтеся, вами же Христос Спаситель прославися;
Радуйтеся, мудрых превосходящие разумом;
Радуйтеся, верных вдохновляющие мысли и сердца;
Радуйтеся, и сердца неверующих умягчающие;
Радуйтеся, злых ко добру приводящие;
Радуйтеся, страданиями вашими слезы и у неверующих исторгающия;
Радуйтеся, и житием и смертию вашею Бога прославившие;
Радуйтеся, всеславныя мученицы Китайския, подобно звездам лучезарным, на Востоце возсиявшия.
Кондак 5
Боготечныя звезды Китайския земли, прехвальныя страстотерпцы, хитоны ваши истечением кровей мученических обагрившия, столпи истины Христовей бысте и тесным прискорбным путем востекли есте на Горний Сион. Плоть свою распясте со страстьми и похотьми, обрели есте благодать Святаго Духа. Сице молим вас: путь спасения нам укажите нам, да единым сердцем и едиными усты Богу, спасшему вас, вопием: Аллилуиа.
Икос 5
Видевши вас, мученицы Распятаго Христа, бесоподобнии воины китайстии, яко смело и дерзновенно Бога Истиннаго пред единоплеменниками и властителями империи поднебесней исповедуете. Вы же не крепостию ратною и оружием изощренным гордилися есте, но токмо слабостию и немощею вашею, и, Христом укрепляемы, похвалялися есте. Сия убо поминающее, просим вы, укрепите надежду нашу, в вере и любви утвердите ны, да поем вам сице:
Радуйтеся, сквозь огнь и воду мучений в покой вечный вшедшия;
Радуйтеся, в терпении твердее адаманта явившияся;
Радуйтеся, в страданиях, яко злато в горниле, очистившияся;
Радуйтеся, по успении вашем чудесы преславныя сотворившия;
Радуйтеся, огнем молитвы вашея стрелы вражия попаляющия;
Радуйтеся, светильницы Христовы, внутренний мрак душ наших озаряющия;
Радуйтеся, от уныния, тяготы сердечней и малодушия избавляющия;
Радуйтеся, от неверия и сомнений благодатно всех нас исцеляющия;
Радуйтеся, всехвальныя мученицы Китайстии, подобно звездам лучезарным на Востоце возсиявшия.
Кондак 6
Проповедует вся Церковь Божия вашу славу, блазии страстотерпцы. Веру несумненную, надежду крепкую в Иисуса Христа вы сподобистеся имети в душе, жизни своя положисте за слово Владыки Христа, исповедници бысте. Егда Предвечный Бог, к вечной жизни воззовет весь род человеческий, тогда убо помяните и нас, недостойных, стояще одесную Престола Господня, тамо Ему вопиюще: Аллилуиа.
Икос 6
Возсиял еси богодарованною мудростию и ревностию пастырскою во граде Пекине, всехвальный отче наш Митрофане, от равноапостольнаго и богоноснаго святителя Николая Японскаго, утверждение в вере и сан пресвитерский приявый; в годину же гонений явился еси истинным служителем Истиннаго Господа, Коего злочестивыя ихетуани врагом наименоваша. Мы же, вспоминая, яко углие пылающия ненависти их дождием добродетелей, молитв и терпения угасили есте, величаем вас, богоносныя страстотерпцы, и глаголем вам сице:
Радуйтеся, всеблагия свидетелие и мученицы Логоса Предвечнаго, от единоплеменных пострадавшия;
Радуйтеся, рубиновыя диадимы от Подвигоположника Христа принявшия;
Радуйтеся, ученицы святаго Николая, им в Истине Божественней во веки утвержденныя;
Радуйтеся, путем крестным за Иисусом Сладчайшим шествовавшия;
Радуйтеся, аки ветвие плодоносныя на древе Жизни процветшия;
Радуйтеся, лед грубости и неприязни в сердцах наших растопляющия;
Радуйтеся, духом благости и миролюбия нас обогащающия;
Радуйтеся, всехвальныя мученицы Китайстии, подобно звездам лучезарным на Востоце возсиявшия.
Кондак 7
Хотящее выну и во всем Спасителю нашему последовати, во след апостолу помышляли есте, яко аще живете Господеви живете, умираете с Господем сочетаетеся, всехвальные сродницы и ближние сподвижницы богоноснаго Митрофана, прехвальная матушко Татиана, иже чад своих в благочестии воспитала еси и к мученическому подвигу предуготовила еси, Павле Ван Вэньхэн с материю Екатериною, супружницею Сарою и чадами Иоанном и Александрою, Иоакиме, розго юная вертограда Христова, Иннокентие и иных верных чад Христовых, иже мученически востекоша в чертози Отчии и за нас ныне молитеся, воспевая Царю Царствующих: Аллилуйя.
Икос 7
Новый Рим языческий бе для вас, верныя чада Бога Истиннаго, град Пекин, новый Колизей явися подворие Бейгуань, яко вы, древлим мучеником Христовым, кумиром не поклонистеся и от рук служителей империи язычестей за веру святую, терпеливо поношения, оклеветания, мучения и смерть лютую прияша. Вы бо всем житием вашим явистеся свидетелями Христа, и носителями света Его, иже возсия пред соплеменники вашими, и нас озари радостию надежды и упования на Христа, милующего и спасающего ны. Сего ради мы в похвалу вам зовем сице:
Радуйтеся, светом Христовым мрак язычества и безбожия озаряющия;
Радуйтеся, немолчным гласом в пустынех восточных к Богу Истинному присно взывающия;
Радуйтеся, молитвами вашими пути проповедником Евангелия предуготовляющия;
Радуйтеся, идолослужебныя жертвенники и кадильницы всепобедно попирающия;
Радуйтеся, аки многоценный ладан в кадильнице Небесней благоухающия;
Радуйтеся, злобу мира сего верою в высшее милосердие побеждати научающия;
Радуйтеся, во всяцем человеце зрети образ Божий присно наставляющия;
Радуйтеся, Христа Спасителя паче всего земнаго почитати всех нас подвизающия;
Радуйтеся, всеславныя мученицы Китайстии, подобно звездам лучезарным, на Востоце возсиявшия.
Кондак 8
Странное и непостижимое разумению человеков чудо днесь являете нам, доброгласнии новомученицы китайстии. Удивляемся вам зело, како в гонениих и теснотах сохранити возмогли есте благодать Святаго Духа. Вы житием своим святи есте, Отца всеблаженнаго блаженная чада есте, Сына Божия вернии друзи есте, Духа Святаго покорнии слуги, есте. Днесь велегласно вас прославляем, всепобедныя ученицы Христовы, Богу Предвечному о вас поюще: Аллилуиа.
Икос 8
Вся радости мира сего презревшии, святии новомученицы, жертву спасительную, своя телеса, во всесожжение тучное отдати изволили есте, вас же мукам и казням и лютой смерти предаша, вы же, благовестницы Божии, исходяще оттуда не телом, но душею, не прах, прилепший вам от града, оттрясосте им от ног ваших, но телеса ваша, за благовестие Христа умученная, остависте во свидетельство на ня в день судный, темже благоговейно взываем вам:
Радуйтеся, всемощнии помощницы наша во всяком доброделании.
Радуйтеся, крепции защитницы наша пред престолом Божиим от всякаго обстояния.
Радуйтеся, прешедшии от земли на небо в обители райския;
Радуйтеся, Святую Троицу тамо выну созерцающии.
Радуйтеся, Пресвятыя Богородицы вернии слуги;
Радуйтеся, благодати Святаго Духа преисполненнии.
Радуйтеся, небеснии граждане и жителие вечнаго града Иерусалима;
Радуйтеся, всего рода христианскаго украшение.
Радуйтеся, всеславныя мученицы Китайския, подобно звездам лучезарным, на Востоце возсиявшия.
Кондак 9
Всякое слово человече немотствует, помышляя о днех страданий ваших, мученицы достославнии, егда слезами и воплем исполнися земля китайская, вы бо чрез смерть временную востекли есте в чертози Царствия Нетленнаго, идеже к древу жизни вечной, аки новые ветви, привишася и расцветоша тамо лепотою велиею, нам же присно источаете аромат благоухания духовнаго и радости, сего ради на предстательство ваше уповая, Богу вопием: Аллилуиа.
Икос 9
Витии многовещаннии не возмогут изрещи вам достойныя хвалы, мученицы Христовы, богомудре отче Митрофание, матушко Татиано со чады Исаией, Иоанном, и сродники Мариею купно со служители церковныма Виттом Хай, Климентом Куй Лином, Матфеем Хай Цюанем под меч бо преклонисте выи Христа ради, преклоньшаго небеса и сошедшаго, и излиясте кровь вашу, общницы Его страстей бывше. Мы же, недостойнии, сия песненныя дары приносим вам, глаголюще:
Радуйтеся, златыя мироварницы, дарми исцелений наполненнии;
Радуйтеся, Царствия Божия жемчужныя бисеры многоценнии;
Радуйтеся, благозвучныя цевницы, Ангельских ликов сожителие;
Радуйтеся, немолчная уста, херувимскую песнь у Престола Владычня поющая;
Радуйтеся, златыя кадильницы, фимиам молитвы о нас Богу приносящии;
Радуйтеся, и нас сущих в скорбех лучами надежды осиявающие;
Радуйтеся, малодушие и безсилие в сердцах наших прогоняющие;
Радуйтеся, демонскаго омрачения и страстей тлетворных нас изымающие;
Радуйтеся, всеславныя мученицы Китайския, подобно звездам лучезарным, на Востоце возсиявшия.
Кондак 10
Спасти пришедшаго мир, любовию Сына Божия разжигаемыя, прехвальныя страстотерпцы Евгение воине, Акилино Гуан, Агафия Жуй, Анно Бай, Даниил Дэ, Николай Фу, Лев Хай Ли и иных множество в мучениех тяжких и страшных адамантов несожигаемых сильнее и крепче явилися есте; от любве же Христовы никакоже разлучилися, Тому пели есте умиленно и ныне взываете Спасителю: Аллилуиа.
Икос 10
Стена есте молитвенная необоримая, мученицы доблии, иже некогда за стеною, ныне слезами ближних ваших омоченною, от воинов злочестивых муки претерпевая, плакасте молитвенно, ко Стене и Пристанищу христиан, Богородице Деве, прибегая. Мы же, со слезами во гресех наших каяся, к вам со умилением взываем тако:
Радуйтеся, светильницы трисолнечного света, умы и сердца верных озаряющия.
Радуйтеся, потемненныя грехми очеса душ наших светом евангельским просвещающия.
Радуйтеся, грехов оставление и в добродетельном житии укрепление нам подающия;
Радуйтеся, плодами духовными, веселящими нас, души наша оплодотворяющии;
Радуйтеся, трудолюбивых земледельцев плодами земными награждающии;
Радуйтеся, трудящихся во спасение дарами небесными исполняющии.
Радуйтеся, в поте лица хлеб свой добывающим благами земныма увеселяющии;
Радуйтеся, слезы ближних ваших молитвами на небесех утешающие.
Радуйтеся, всеславныя мученицы Китайския, подобно звездам лучезарным, на Востоце возсиявшия.
Кондак 11
Пение похвальное приносим вам, всеславныя страстотерпцы, за пределами града Пекина, в селении Дундинань от ихетуаней звероподобных, избиения тяжкия и смерть лютую приявшия, вы бо, святи мученицы Алексее Чжан, Ефимие Чжан со чады Евдокиею, Никитою, Михаилом и младенцем Мариею, Стефане Ван Юйгуан и Ирино Юйсян, аки агнцы на заклание приведостеся и самих себе принесоша Господеви в жертву всесожжения, воспевая венчавшему вас венцы нетленными Подвигоположнику Христу: Аллилуйя.
Икос 11
Светозарному небеси уготовали души ваша, святии новомученицы Китайския, всякия муки приявшии, огня и меча и иных ведомых и неведомых тяжких обстоятельствах страдальческую кончину приявшии и замученныя, непоколебими в вере Христовой пребывшии, небесной славы достигшии и венцами мученическими увенчанныя, приимите и от нас похвалы сия:
Радуйтеся, яко вы Царствие Небесное земному предпочли есте.
Радуйтеся, яко славу земную ни во что вменили есте.
Радуйтеся, Христа Господа всею душею возлюбившия.
Радуйтеся, Ему Единому усердно послужившия.
Радуйтеся, орли небопарнии, от земнаго долу смело горе возлетевшии.
Радуйтеся, ластовицы сладкогласнии, всю вселенную исполнившии велелепотою молитв ваших.
Радуйтеся, яко вас Господь, еще на земли, прослави благодатию чудотворений и дарами исцелений.
Радуйтеся, яко души ваша, солнцу подобящеся, светом сияют незаходимым.
Радуйтеся, всеславныя мученицы Китайския, подобно звездам лучезарным, на Востоце возсиявшия.
Кондак 12
Благодать Господа нашего Иисуса Христа, и любовь Бога и Отца, и причастие Святаго Духа испросите нам, вси святии в земли Китайстей просиявшии, поименованнии зде и не поименованнии, да будите нам, яко звезды многосветлии, путевожди в сем житии нашем земнем, да и нас приведете ко Господу Христу, дабы купно с вами воспевали Жизнодавцу во веки: Аллилуия.
Икос 12
Поюще великий и пресветлый полк ваш, все святии мученицы Китайския, от соплеменник ваших, иже яростию безчеловечною на вы разгорешася, яко огненному запалению в храме и в домах ваших вас предаша, побиению каменному, усечению мечному, в блата смрадныя и кладезеподобныя рви ввергоша, телес иссечению и иным страданиям нестерпимым вас умучаша. Мы же благодарне величаем прославльшаго вас Господа, Егоже милость и прощение нам грешным испросите и приимите похвалы сия:
Радуйтеся, присно благоухающие хризантемы Новаго Едема;
Радуйтеся, прекрасныя стеблие лотоса, в долине вечной радости расцветшия;
Радуйтеся, Искупившего ны Богочеловека в век безбожия исповедавшия;
Радуйтеся, юноши и девы, в чистоте непорочней к Богу яко мученицы отшедшия;
Радуйтеся, и плотию и сердцем за Христа страдавшие и мзду нетленую обретшия;
Радуйтеся, паче древних мудрецов державы вашея мудрость вечную стяжавшия;
Радуйтеся, в подвизех и страданиих ваших начаток столетия мученическаго явившия;
Радуйтеся, от камней соблазнов духовныя дороги наши очищающия;
Радуйтеся, к истинному богопознанию соплеменников ваших приводящия;
Радуйтеся, всеславныя мученицы Китайстии, подобно звездам лучезарным на Востоце возсиявшия.
Кондак 13
О, пречуднии и кротции страстотерпцы Христовы, преславныя Мученицы Китайския, всем с верою и любовию вас призывающим скорые и теплыя помощницы, приимите от нас недостойных малое сие со усердием приносимое вам благодарение и заступите ны от всех врагов видимых и невидимых, да с вами в невечернем дни Царствия Божия воспоем Господеви: Аллилуия.[Се́й конда́к глаго́лется три́жды.][Далее повторяем 1‑е икос и кондак:]Икос 1
Ангелов и человеков Творец, в деснице Своей судьбы народов и царств содержаяй и в каждом колене верных чад Своих имеяй, произрасти вас, богоблаженнии страстотерпцы от потомков пленников российских, в державе Китайстей новую отчизну снискавших и среди народа ея единоверцев своих обретших. Вы бо, мученицы благоверныя, славу земную ни во что же вменившии, сокровища нетленныя на Небесех стяжали есте, яко посрамили есте кровию вашею безчеловечную ярость людскую и демонское коварство. Мы же ныне, вся сия воспоминающе, похвалы таковыя с надеждою и любовию вам возносим:
Радуйтеся, Отца Небеснаго чада верныя и возлюбленныя;
Радуйтеся, Христовы страстотерпцы и мученицы добропобедныя;
Радуйтеся, лучезарныя лампады Духа Святаго;
Радуйтеся, пламень бесовский водами крещения угасившия;
Радуйтеся, торжество Пасхи Новыя в стране языческой явившия;
Радуйтеся, народу востока путь к истинней вере указующия;
Радуйтеся, и нас во уповании на Спасителя утверждающия;
Радуйтеся, пречудное милосердие Божие к нам приклоняющия;
Радуйтеся, всеславнии мученицы Китайстии, подобно звездам лучезарным на Востоце возсиявшия.
Кондак 1
Избранныя от великаго народа восточнаго, прехвальныя страстотерпцы, богоносный отче Митрофане с паствою верною, от рук единоплеменников ваших, подобно древним мучеником пострадавшия, с ними же купно Творца всех восславляющие, милостивно примите моление наше, да с любовию величаем вас, кровию вашею землю Китайскую осветивших, верность же Христу до конца сохраньших, зовуще вам сице:
Радуйтеся, всеславные мученицы Китайстии, подобно звездам лучезарным, на Востоце возсиявшия.
Молитва ко Святым Мученикам и Страстотерпцам Китайским
О святии новомученицы Китайския, от единоплеменников пострадавшие и безбожными властями, яко агнцы, на заколение преданные. К Богу Предвечному чрез предстательство ваше моляся, чтим подвиги ваши сточисленнии, лобызаем духовно язвы ваша, хвалим долготерпение ваше и любовь, ихже во страданиих ваших миру в научение явисте. Младенцы ангелоподобнии, отроцы и отроковицы чистии, девы и юноши в славней земле христианстей воспитаннии, мужие и жены вернейшие, старцы и старицы веру православную чрез лета гонений добле сохранившие: вси есте мученицы Христовы, поелику от христоненавистников яко православнии христианы безвинно пострадасте и в заточении страшнем подвиг любви и милосердия друг ко другу сотвористе. Ныне же, на небесех Бога славяще, умолите всех Владыку, да дарует Церкви Своей неложное всех просвещение, от лукавнующих супостат и разбойной власти избавление, народу нашему мир, благоденствие и во благочадородии умножение, от глада и бедствий, от лихоимцев иудейских и слуг их чинимых, свобождение, скорбей и браней утишение, недуг духовных и телесных исцеление; Да низпослет нам Господь велию милость свою, яко да укрепимся верою, надеждою и любовию, выну подвиг ваших благоговейно святую память имуще, и да достигнем, путь земной прейдя, Царствия Небеснаго Христа Бога нашего, Ему же подобает всякая слава, честь и поклонение, со Безначальным Его Отцем и Пресвятым, Благим и Животворящим Его Духом, ныне и присно и во веки веков. Аминь.
Молитва вторая
О предивнии и пресветлии мученицы, у Христа Владыки великую благодать стяжавшии; убо преклонша колена, всесмиренно молим вас: умолите Христа Бога и да излиет на нас благодатную милость Свою, и благословит, дабы во всей вселеннней утвердился дух Правой веры и благочестия, дух любви и мира, и радости о Дусе Святе; да се мы духовно и телесно очищеннии, поклонимся Богу духом и истиной, и потщимся во век потрудитися во исполнение заповедей Божиих и во спасение душ наших. Архипастырям и пастырям Церкви испросите у Господа святую ревность и тщание о спасении вверенной им паствы. Силою любви вашея поддержите и укрепите их в делании святом: да верных утверждают в вере, неверных да просвещают, несмысленных да поучают и увещевают, усомнившихся да убеждают и в вере утверждают, грешных да сподвигают на покаяние, кающихся утешают, на путь спасения сподвигают и в праведной жизни утверждают. Да словом и делом руководят паству свою путем Евангельскаго следования Христу к вечному Царству святых: сие бо есть награда за жизнь праведную. Молитеся еще и за мир всего мира. Да се приидет конец всем войнам и всякому кровопролитию на земли; да се нигде и никогда не пролиется кровь людская, аки вода; да се не прейдет в людех праведность и чистота; да се не разорятся храмы Божии на земли и не истребится святое Богослужение. Паки молимся, да воцарится мир Божий во всем мире: да меж всех людей и народов пребудут любовь и согласие и всякое понимание; да вси люди возмогут быти сынове миру, дабы отныне пожили в любви и согласии, и купно с вами и всеми святыми славили Бога: Отца и Сына и Святаго Духа, Троицу Единосущную и нераздельную, всегда: ныне и присно и во веки веков. Аминь.
Благословлено для келейного чтения. Автор сего акафиста Евгений Владимирович Храповицкий. При создании использовалась английская версия акафиста.