Молитвы

Кондак 1 Избранней от всех родов Заступнице нашей и Царице, покровом Своея благости покрывающей пределы земли Дальнероссийския, благодарственная пения приносим Ти, раби Твои, Богородице. Ты же яко Всемилостивая Владычице, от всяких нас бед спаси и вечных мук свободи, да радующеся зовем Ти: Радуйся, Царице Препрославленная, пределы Дальнероссийския земли милостию Своею не оставляющая. Икос 1 Ангелов Творец избра Тя, Владычице, к благодатному человеков спасению и дарова Тя, помощницу православным людям, избавляющую нас от хинских нашествий, от глада и всяких напастей и житие наше устрояющее во всяком благочестии и чистоте. Темже и мы воспоминающе таковое о людях Твое благопромышление, со благодарением вопием Ти сице: Радуйся, неприступнаго Божества селение; Радуйся, непрестанное людей удивление. Радуйся, достоянию Твоему помощь и заступление; Радуйся, ходатаице нашего спасения. Радуйся, благодатное от нужд избавление; Радуйся, несокрушимый щите воинов наших. Радуйся, мечи и броня их неуязвимая; Радуйся, врагов поражение и устрашение. Радуйся, Царице Препрославленная, пределы Дальнероссийския земли милостию Своею не оставляющая. Кондак 2 Видяще Пресвятая Владычице, скорби сердечныя, муки душевныя и искреннее покаяние людей Твоих, благоволила еси явити икону Твою, в благословение и знамение торжества христолюбивому воинству Дальней России. Мы же к ней припадающе с верою и сокрушенным сердцем, из глубины души вопием Богу: Аллилуиа. Икос 2 Разум небесный даровася инокам и богомольцем земли Киевския, наставити их соорудити икону Пресвятыя Богородицы, и нарещи ю «Порт-Артурской», хотя видети ю Дальнероссийскою Вратарницею и Соратницею христолюбивому воинству нашему. Темже со умилением вопием Тебе таковая: Радуйся, от града Киева пришедшая к нам в заступление; Радуйся, православней веры утверждение. Радуйся, почитания святых икон освящение; Радуйся, хинскаго зловерия обличение. Радуйся, гордыни их низложение; Радуйся, скорбь нашу в радость претворяющая. Радуйся, демонские полки побеждающая; Радуйся, несумненною надеждою нас увеселяющая. Радуйся, Царице Препрославленная, пределы Дальнероссийския земли милостию Своею не оставляющая. Кондак 3 Сила Вышняго и благодать Владычицы укрепляше в видении некоего человека и подвигни е к собиранию средств для написания Ея Пречистаго образа. И иже с верою дерзающе о Господе, приступи к труду и исполняя повеление Богородицы, обрете подаяния от великаго множества иноков и богомольцев. И помощию Богоматере, сооруди икону и воззва к Богу: Аллилуиа. Икос 3 Имея благоутробное промышление о людях Дальнероссийския земли, в видении явила волю Свою, Владычице: да приемлют икону Мою христолюбивии вои Порт-Артура и Тоя помощию одолеют злочестивых хинов! Темже и мы вопием: Радуйся, молитвеннице неусыпающая ко Христу Богу, и на милость Его к нам приклоняющая; Радуйся, чрез благочестивых людей славу чудес Твоих грешным открывающая. Радуйся, гнев Божий предстательством Твоим от нас отводящая; Радуйся, Державная Скоропомощнице, во дни тяжких испытаний спасающая. Радуйся, Материнским покровом Твоим от несчастий нас сохраняющая; Радуйся, от рова погибели безнадежных милосердием Твоим исхищающая. Радуйся, от нашествия иноплеменных землю нашу сохраняющая; Радуйся, всемилостивая услышательнице молений наших в скорби и обстояниях. Радуйся, Царице Препрославленная, пределы Дальнероссийския земли милостию Своею не оставляющая. Кондак 4 Бурю смятений и брань врагами воздвигнутую в стране нашей утолити потщастеся благочестивыя людие града Киева, исполняя повеление Богоматере, не обинулися послати икону Твою в осажденную Квантунскую волость, яко щит и победное знамение над супостаты, вопия Богу: Аллилуиа. Икос 4 Слышавше православные людие, яко икона Царицы Небесной, шествоваше через многие грады и веси и богомольцы в великом множестве стекахуся сретати и поклонятися Ей, в молитвах со слезами умиления испрошати стране нашей на враги одоление, от глада и пагубы избавление, мира умирение. Темже и мы вопием к Преблагословенней: Радуйся, горняго мира украшение; Радуйся, дольняго мира заступление. Радуйся, Дщи благословенная Отца Небеснаго; Радуйся, Сына Предвечнаго неискусомужняя Родительнице. Радуйся, Божественныя благодати Подательнице; Радуйся, телес наших безмездная Целительнице. Радуйся, душ наших к Царствию горнему Путеводительнице; Радуйся, от вечныя смерти наша Свободительнице. Радуйся, Царице Препрославленная, пределы Дальнероссийския земли милостию Своею не оставляющая. Кондак 5 Боготечная звезда явися, Твоя, Богомати, икона, всю страну Российскую от запад бо до восток обтекающая лучами чудес Твоих, осиявающая блуждающих во тьме неверия и к покаянию их приводящая, тьму недуг и скорбей отгоняющая и наставляющая на путь спасения всех с верою к Тебе прибегающих и вопиющих к Богу: Аллилуиа. Икос 5 Во дни лютых скорбей и злых обстояний явила еси, Владычице, велию милость обретением честныя иконы Твоея «Порт-Артурския», да вси с верою молящеся пред нею приимут здравие и душ спасение. Сего ради и мы, прославляя милосердие Твое неизреченное, усердно вопием Ти сице: Радуйся, светило незаходимое, светом истиннаго богопознания нас просвещающее; Радуйся, Вратарнице, двери райския верным отверзающая. Радуйся, неистощимый источниче святыни; Радуйся, многотекущая реко Божественныя благостыни. Радуйся, грехов наших очищение; Радуйся, кающихся грешников с Богом примирение. Радуйся, добрые обеты приемлющая; Радуйся, благим начинаниям способствующая. Радуйся, Царице Препрославленная, пределы Дальнероссийския земли милостию Своею не оставляющая. Кондак 6 Проповедует Церковь Христова чудеса Твоя, Богородительнице, и несть града или страны идеже не совершашеся Тобою действо силы Божия: во избавление, спасение, просвещение и исцеление людей христоименитых, наипаче же чрез иконы Твоя святыя обыкла чудотворити, изливающи от них бездну милосердия и щедрот бедствующему человеческому роду. Сего ради славословяще Тя, Сыну Твоему и Богу нашему вопием: Аллилуиа. Икос 6 Возсияла еси, от Истиннаго Солнца правды, Дево Богоотроковице, Твоя святая икона «Порт-Артурская», достигшая града Владивостока и явися яко звезда пресветлая: просвещающая помраченныя очи и окамененныя сердца и влагающая разумение судеб Божиих христоименитым людям. Темже с ними и мы вопием: Радуйся, яко о Тебе радуется ангельский собор; Радуйся, яко о Тебе торжествует человеческий род. Радуйся, яко Твоя слава превосходит похвалы земныя и небесныя; Радуйся, Радосте наша, услаждающая скорбныя сердца к Тебе отверстыя. Радуйся, благая Заступнице, на помощь к нам ускоряющая; Радуйся, залог спасительный нам в иконе Твоей даровавшая. Радуйся, град Владивосток пришествием Своим от врагов сохранявшая; Радуйся, перенесением иконы Твоея в Порт-Артур, победу России обещавшая. Радуйся, Царице Препрославленная, пределы Дальнероссийския земли милостию Своею не оставляющая. Кондак 7 Хотя человек некий исполнити Волю Божию, и доставити в осажденную варварами крепость, икону Пресвятыя Богородицы «Порт-Артурскую», отправися в путь и достигши токмо града Дальняго, не обрете веры у воев наших в помощь Богоматери, и со слезами воззва к Богу: Аллилуиа. Икос 7 Новую показа милость всех Творец и Владыка наш Господь, егда положи во гневе Своем наказати человеческий род: огнем, мечем, гладом и болезньми, и сотвори в наказание поражение русских воев и полонение безбожными японцами иконы Твоея «Порт-Артурския». Сего ради, Владычице, припадаем и усердно молим Тя: не даждь нам до конца погибнути, но двери милосердия Твоего отверзи нам, вопиющим: Радуйся, Спасителя мира рождшая; Радуйся, спасения нашего главизна. Радуйся, Мати Божия, обреченная на страдание; Радуйся, Мати милосердия, отъемлющая всякую слезу от люте страждующих. Радуйся, слезы умиления нам подающая; Радуйся, от страстей нас избавляющая. Радуйся, погибающих грешников спасающая; Радуйся, Царице небеси и земли, молитвы раб Своих приемлющая. Радуйся, Царице Препрославленная, пределы Дальнероссийския земли милостию Своею не оставляющая. Кондак 8 Странни и пришельцы есмы на земли сей, житие наше суетно и маловременно есть. Мы же смерти безвестное во ум никогдаже приемлем, ни помышляем о Страшнем Судищи Христове, в нем же имамы праведному Судии предстати и дати ответ о всяком деле же и слове. Темже молим Тя, Владычице, возбуди ны от сна греховнаго, да сподобимся Твоим ходатайством получить прощение грехов и во гласе радования воспевати Христу Богу: Аллилуиа. Икос 8 Вся бывше горе, к небесным взята и земных не оставляеши, Пресвятая Богородице, святым Твоим предстательством и имаши велие дерзновение к Сыну Твоему и Богу нашему. Темже утверди в мире глубоце православных житие и вся полезная даруй рабом Твоим, да величающе воспеваем Ти: Радуйся, умным очесем нашим горький и страшный час смертный представляющая; Радуйся, на кийждо день, аки уже на последний жития нашего взирати нас научающая. Радуйся, любити мир и яже в мире нам воспрещающая; Радуйся, пристрастие к тленному богатству из сердца нашего искореняющая. Радуйся, славы человечи, аки тени преходящия искати нам возбраняющая; Радуйся, яко сладчайшее Имя Господа Иисуса Христа усты непрестанно произносити и в уме держати нас побуждаеши. Радуйся, яко от празднословия, многоглаголания, паче же от кощунства нас удерживаеши; Радуйся, яко Твое за нас ходатайство сильно есть пред Богом, еже не вверженными быти нам во тьму кромешную. Радуйся, Царице Препрославленная, пределы Дальнероссийския земли милостию Своею не оставляющая. Кондак 9 Всякое естество ангельское удивися великому делу Твоего милосердия, Господи, егда во дни гневнаго посещения Своего, не хотя дати погибнути до конца православней России, дарова державную Заступницу народу православному, невидимо сопребывающу и слышащу Тебе поющих: Аллилуиа. Икос 9 Витии суемудрии, непросвещеннии светом истиннаго богопознания поклонишася златому тельцу. Сего ради гневное Божие посещение всему миру зряще, мы же грешнии смиренно молим Тя, Владычице, умилостиви Создателя, преложити гнев Свой праведный на милость и помиловати нас вопиющих: Радуйся, Твоея помощи и заступления никогдаже нас лишаеши; Радуйся, ум наш, помраченный небрежением, светлым Твоим покровом озаряеши. Радуйся, душевныя наши раны спасительным елеем умащаеши; Радуйся, из рова беззаконий наших рукою Твоея помощи исхищаеши. Радуйся, греховный сон душевныя нашея лености отрясаеши; Радуйся, душевное умиление и сердечное сокрушение в нас рождаеши. Радуйся, к покаянию и исправлению нас возбуждаеши; Радуйся, яко всем твориши спастися, в державный Твой покров прибегающим. Радуйся, Царице Препрославленная, пределы Дальнероссийския земли милостию Своею не оставляющая. Кондак 10 Спасти хотя люди Дальнероссийския земли погибающих во тьме неверия, Пресвятая Богородице, в путь управи некия иноки во Святый Град поклонения ради Иерусалимских святынь и тамо на Крестнем Пути, у места реченнаго Лифостратон, благоволила явити милость Свою обретением честныя иконы Твоея «Порт-Артурской», темже и мы с ними радостно вопием Богу: Аллилуиа. Икос 10 Не благоволила еси икону Твою, Владычице, прежде возвратити в пределы земли Дальнероссийския, но утешила сестры обители Горненския Своим посещением и в ней пребывше три месяцы, якоже первее у сродницы Своей Елисаветы, и ныне обновлением иконы Своея воистину показа, Богородице, стену милосердия и щедрот христолюбивым людям неложно обещав покров Своея благости в воссоздании Российския страны, да врата адова не одолеют Православныя Церкве Христовы. Сего ради припадаем к вновь обретенной иконе Твоей «Порт-Артурской» и радостно вопием Ти сице: Радуйся, Российския страны покрове и ограждение; Радуйся, Дальнероссийския земли забрало и похваление. Радуйся, православныя Церкве столп и утверждение; Радуйся, всякия святыни защито и поклонение. Радуйся, сущих в пленении освобождение; Радуйся, за правду гонимых дерзновение. Радуйся, за веру страдавших терпение; Радуйся, от глада и болезней наше спасение. Радуйся, Царице Препрославленная, пределы Дальнероссийския земли милостию Своею не оставляющая. Кондак 11 Пением хвалебным и благодарственным молением вновь сретают икону Твою, Владычице, «Порт-Артурскую», Святитель Божий, священницы, монаси и людие града Владивостока, яко зарю солнечную и непостыдную Надежду свою. И мы все упование на Тя возложивше, радостно вопием Богу: Аллилуиа. Икос 11 Святый Убрус Сына Своего, яко светообразный омофор невидимо простираеши над нашею землею, Владычице, нечестия безлунную ночь прогоняющи, зарю же пакибытия возсиявающи, да в радости немолчно зовем: Радуйся, воистину в Солнце облеченная; Радуйся, венцем от звезд увязенная. Радуйся, рясны златыми преиспещренная; Радуйся, красото неизреченная. Радуйся, теплото солнца любезнейшая; Радуйся, Свете невечерний ангелов и человеков. Радуйся, темныя демонския полки далече отгоняющая; Радуйся, тьму неверия просвещающая. Радуйся, Царице Препрославленная, пределы Дальнероссийския земли милостию Своею не оставляющая. Кондак 12 Икона Твоя благодати причастная, яко сокровище драгоценное Церкве Христовы от Тебе, Богородице, подадеся, в ней бо обещалася еси пребывати с нами до скончания века, рекши к первописанней иконе Твоей: с нею Моя благодать и сила! Веруем, Пречистая, яко не оскудеет глагол сей и во иконе Твоей «Порт-Артурской», на всяцем месте и зде с нами пребываеши, идеже верно поется Сыну Твоему и Богу хвалебная песнь: Аллилуиа. Икос 12 Поюще Твоя чудеса, бывшая в древняя и настоящая времена, хвалим Тя, Владычице, и усердно припадаем к иконе Твоей «Порт-Артурской», с любовию лобызаем ю и яко присно сущей с нами молим Ти ся: милостиво воззри на ны, Мати Божия, и якоже ныне зрим Тя на иконе изображенную, тако сподоби нас узрети Тя в грозный час смертный от руки диаволи нас исхищающую и в Царствие Небесное приводящую державною десницею Твоею, да Тебе благодарственно воззовем: Радуйся, Церкве небесныя и земныя украшение; Радуйся, по Бозе наше первое прибежище и утешение. Радуйся, девства честный покрове и ограждение; Радуйся, во святом житии верных утверждение. Радуйся, в Царствие Небесное любящим Тя ходатайствуеши вхождение; Радуйся, от власти лютаго миродержца уповающих на Тя избавление. Радуйся, на воздушных мытарствах, славящих Тя избавление. Радуйся, нам райских врат отверзение. Радуйся, Царице Препрославленная, пределы Дальнероссийския земли милостию Своею не оставляющая. Кондак 13 О, Всепетая Мати, рождшая всех святых Святейшее Слово, от ангел восхваляемая на небеси, от человек воспеваемая на земли! Призри на смиренное наше моление пред пречистым Твоим образом и вся полезная даруй рабом Твоим, да спасаемии Тобою, вопием Богу: Аллилуиа.[Се́й конда́к глаго́лется три́жды.][Далее повторяем 1‑е икос и кондак:]Икос 1 Ангелов Творец избра Тя, Владычице, к благодатному человеков спасению и дарова Тя, помощницу православным людям, избавляющую нас от хинских нашествий, от глада и всяких напастей и житие наше устрояющее во всяком благочестии и чистоте. Темже и мы воспоминающе таковое о людях Твое благопромышление, со благодарением вопием Ти сице: Радуйся, неприступнаго Божества селение; Радуйся, непрестанное людей удивление. Радуйся, достоянию Твоему помощь и заступление; Радуйся, ходатаице нашего спасения. Радуйся, благодатное от нужд избавление; Радуйся, несокрушимый щите воинов наших. Радуйся, мечи и броня их неуязвимая; Радуйся, врагов поражение и устрашение. Радуйся, Царице Препрославленная, пределы Дальнероссийския земли милостию Своею не оставляющая. Кондак 1 Избранней от всех родов Заступнице нашей и Царице, покровом Своея благости покрывающей пределы земли Дальнероссийския, благодарственная пения приносим Ти, раби Твои, Богородице. Ты же яко Всемилостивая Владычице, от всяких нас бед спаси и вечных мук свободи, да радующеся зовем Ти: Радуйся, Царице Препрославленная, пределы Дальнероссийския земли милостию Своею не оставляющая. Молитва ко Пресвятей Богородице О, Пресвятая Госпоже Дево Богородице, превысшая Херувимов и Серафимов и Святейшая всех святых! Припадая к святей иконе Твоей, смиренно молимся: вонми гласу моления нашего, виждь скорби, виждь беды наша, и яко любвеобильная Мати, потщися на помощь нам беспомощным, умоли Сына Твоего и Бога нашего: да не предаст земли нашей на поругание варваров, да не погубит нас за беззакония наша, но явит человеколюбно нам милость Свою. Испроси нам, Владычице, у благости Его: телесное здравие и душевное спасение, мирное житие и земли плодоносие, воздуха благорастворение и благословение свыше на вся благая дела и начинания наша. И якоже древле милостиво явила нам икону Свою «Порт-Артурскую», яко защитницу земли Дальнероссийския, но за неверие и неблагоговение к святыням церковным язычниками плененную, тако и ныне припадаем к вновь обретенному Твоему образу и приносим наше усердное молитвословие. О, Царице Всепетая! Простри ко Господу богоносныя руце Твоя, имиже Богомладенца Иисуса Христа носила еси и умоли Его избавити нас от всякого зла. Яви, Владычице, милость Твою нам: болящия исцели, скорбящия утеши, бедствующим помози и сподоби нас благочестно житие земное совершити, христианскую кончину получити и Царствие Небесное наследити, Матерним Твоим ходатайством к Рождшемуся от Тебе Христу Богу нашему. Емуже со Безначальным Его Отцем и Пресвятым Духом, подобает всякая слава, честь и поклонение, ныне и присно и во веки веков. Аминь.

Краткий комментарий к канону Пасхи свящ. Михаил Желтов Объяснение Пасхального канона Михаил Зеленый Объяснение Пасхального канона свящ. Михаил Асмус Канон на Святую Пасху проф. Е.И. Ловягин Аудио. О Пасхальном каноне Л. Медведева Толкование на канон Пасхи преп. Никодим Святогорец Канон пасхальный свт. Андрея Критского прот. Фёдор Воскобойников и Антонина Гордиевич Хор Сретенского монастыря Песнь 1, глас 1-й Ирмос: Воскресе́ния день, просвети́мся, лю́дие. Па́сха, Госпо́дня Па́сха: от сме́рти бо к жи́зни и от земли́ к небеси́ Христо́с Бог нас преведе́, побе́дную пою́щия. Перевод. Воскресения день! Просияем люди! Пасха! Господня Пасха! Ибо от смерти к жизни и с земли к небесам Христос Бог нас перевел, песнь победную поющих. Припев: Христо́с Воскре́се из ме́ртвых. Перевод. Христос Воскрес из мертвых. Очи́стим чу́вствия, и у́зрим непристу́пным све́том Воскресе́ния, Христа́́ блиста́ющася, и ра́дуйтеся, реку́ща, я́сно да услы́шим, побе́дную пою́ще. Перевод. Очистим чувства и увидим неприступным светом воскресения сияющего Христа, и говорящего: “Радуйтесь!” ясно услышим, воспевая песнь победную. Припев: Христо́с Воскре́се из ме́ртвых. Небеса́ у́бо досто́йно да веселя́тся, земля́ же да ра́дуется, да пра́зднует же мир, ви́димый же весь и неви́димый, Христо́с бо воста́, весе́лие ве́чное. Перевод. Небеса достойно да веселятся, земля же да радуется, да празднует и весь мир, как видимый, так и невидимый: ибо Христос восстал, веселье вечное. Богородичны: (Поемыя со второго дня Пасхи и до отдания) Слава: Умерщвле́ния преде́л сломи́ла еси́, ве́чную жизнь ро́ждшая Христа́́, из гро́ба возсия́вшаго днесь, Де́во Всенепоро́чная, и мир просвети́вшаго. Перевод. Умерщвления предел сломила Ты, носив во чреве жизнь вечную, Христа, из гроба воссиявшего в сей день, Дева всенепорочная, и мир просветившего. И ныне: Воскре́сшаго ви́девши Сы́на Твоего́ и Бо́га, ра́дуйся со Апо́столы, Богоблагода́тная Чи́стая: и е́же ра́дуйся пе́рвее, я́ко всех ра́дости вина́, восприя́ла еси́́, Богома́ти Всенепоро́чная. Перевод. Воскресшим увидев Сына Твоего и Бога, радуйся с Апостолами, Богоблагодатная, Чистая! И первой слово “Радуйся”, как причина радости для всех, приняла Ты, Богоматерь всенепорочная. На катавасии снова ирмос: Воскресе́ния день, просвети́мся, лю́дие. Па́сха, Госпо́дня Па́сха: от сме́рти бо к жи́зни и от земли́ к небеси́ Христо́с Бог нас преведе́, побе́дную пою́щия. Христо́с Воскре́се из ме́ртвых, сме́ртию сме́рть попра́в и су́щим во гробе́х живо́т дарова́в. (Трижды) Песнь 3 Ирмос: Прииди́те пи́во пие́м но́вое, не от ќамене непло́дна чудоде́емое, но нетле́ния исто́чник, из гро́ба одожди́вша Христа́, в Не́мже утвержда́емся. Перевод. Придите, будем пить питие новое, не из камня бесплодного чудесно изводимое, но бессмертия источник, пролившийся из гроба Христом, на Котором мы утверждаемся. Припев: Христо́с Воскре́се из ме́ртвых. Ны́не вся испо́лнишася све́та, не́бо же и земля́ и преиспо́дняя: да пра́зднует у́бо вся тварь воста́ние Христо́во, в Не́мже утвержда́ется. Перевод. Ныне все исполнилось света, и небо, и земля и преисподняя: пусть же празднует все творение восстание Христа, на котором утверждается. Припев: Христо́с Воскре́се из ме́ртвых. Вчера́ спогребо́хся Тебе́, Христе́́, совостаю́ днесь воскре́сшу Тебе́, сраспина́хся Тебе́ вчера́, Сам мя спросла́ви, Спа́се, во Ца́рствии Твое́м. Перевод. Вчера я погребался с Тобою, Христе, – с Тобою воскресшим в сей день восстаю; распинался я с Тобою вчера: Сам прославь меня с Собой, Спаситель, в Царстве Твоем! Слава: На нетле́нную жизнь прихожду́ днесь бла́гостию ро́ждшагося из Тебе́, Чи́стая, и всем конце́м свет облиста́вшаго. Перевод. К жизни непорочной перехожу я в сей день, по благости Родившегося от Тебя, Чистая, и все мира концы светом озарившего. И ныне: Бо́га, Его́же родила́ еси́́ пло́тию, из ме́ртвых, я́коже рече́, воста́вша ви́девши, Чи́стая, лику́й, и Сего́ я́ко Бо́га, Пречи́стая, возвелича́й. Перевод. Увидев Бога, Которого по плоти носила Ты во чреве, Чистая, из мертвых восставшим, как сказал Он, ликуй, и как Бога, Непорочная, Его величай. На катавасии снова ирмос: Прииди́те пи́во пие́м но́вое, не от ќамене непло́дна чудоде́емое, но нетле́ния исто́чник, из гро́ба одожди́вша Христа́, в Не́мже утвержда́емся. Христо́с Воскре́се из ме́ртвых, сме́ртию сме́рть попра́в и су́щим во гробе́х живо́т дарова́в. (Трижды) Ипакои, глас 4-й Предвари́вшыя у́тро я́же о Мари́и, и обре́тшыя ка́мень отвале́н от гро́ба, слы́шаху от А́нгела: во све́те присносу́щнем Су́щаго, с ме́ртвыми что и́щете я́ко челове́ка? Ви́дите гро́бныя пелены́, тецы́те и ми́ру пропове́дите, я́ко воста́ Госпо́дь, умертви́вый смерть, я́ко есть Сын Бо́га, спаса́ющаго род челове́ческий. Перевод. Жены, пришедшие с Марией до рассвета и нашедшие камень отваленным от гроба, услышали от Ангела: “Во свете вечном Пребывающего что вы ищете среди мертвых как человека́ Посмотрите на погребальные пелены, бегите и миру возвестите, что восстал Господь, умертвив смерть, ибо Он – Сын Бога, спасающего род человеческий!” Песнь 4 Ирмос: На Боже́ственней стра́жи, Богоглаго́ливый Авваку́м да ста́нет с на́ми, и пока́жет светоно́сна А́нгела, я́сно глаго́люща: днесь спасе́ние ми́ру, я́ко воскре́се Христо́с, я́ко всеси́лен. Перевод. На божественной страже Богословесный Аввакум да станет с нами и покажет светоносного Ангела, ясно возглашающего: “В сей день – спасение миру, ибо воскрес Христос, как всемогущий”. Припев: Христо́с Воскре́се из ме́ртвых. Му́жеский у́бо пол, я́ко разве́рзый де́вственную утро́бу, яви́ся Христо́с, я́ко челове́к же, А́гнец нарече́ся, непоро́чен же, я́ко невку́сен скве́рны, на́ша Па́сха, и я́ко Бог и́стинен, соверше́н рече́ся. Перевод. Мужем, как разверзший девственное чрево, явился Христос; а как предлагаемый в пищу, назван Агнцем, непорочным же – как непричастный скверне, Он, наша Пасха; и, как Бог истинный, зовется совершенным. Припев: Христо́с Воскре́се из ме́ртвых. Я́ко единоле́тный а́гнец, благослове́нный нам вене́ц Христо́с, во́лею за всех закла́н бысть, Па́сха чисти́тельная, и па́ки из гро́ба кра́сное, пра́вды нам возсия́ Со́лнце. Перевод. Как однолетний агнец, для нас – добрый венец, Благословенный добровольно заколот за всех, как Пасха очистительная, и вновь воссиял нам из гроба прекрасным правды Солнцем. Припев: Христо́с Воскре́се из ме́ртвых. Богооте́ц у́бо Дави́д пред се́нным ковче́гом скака́ше игра́я, лю́дие же Бо́жии святи́и, образо́в сбытие́ зря́ще, весели́мся Боже́ственне, я́ко воскре́се Христо́с, я́ко всеси́лен. Перевод. Богоотец Давид пред ковчегом, подобным тени, скакал, играя; мы же, святой народ Божий, исполнение прообразов видя, возрадуемся боговдохновенно, ибо воскрес Христос, как всемогущий. Слава: Созда́вый Ада́ма, Твоего́ пра́отца, Чи́стая, зи́ждется от Тебе́, и сме́ртное жили́ще разори́ Свое́ю сме́ртию днесь, и озари́ вся Боже́ственными блиста́ньми Воскресе́ния. Перевод. Создавший Адама, Твоего праотца Чистая, созидается от Тебя, и в сей день Он смертью Своей упразднил чрез того пришедшую смерть, и всех озарил божественными блистаниями Воскресения. И ныне: Его́же родила́ еси́ Христа́, прекра́сно из ме́ртвых возсия́вша, Чи́стая, зря́щи, до́брая и непоро́чная в жена́х и кра́сная, днесь во спасе́ние всех, со Апо́столы ра́дующися Того́ прославля́й. Перевод. Видя Христа, Которого носила Ты в чреве, Чистая, прекрасно из мертвых воссиявшего в сей день для спасения всех, славная и непорочная среди жен, и прекрасная, с Апостолами радуясь, Его прославляй. На катавасии снова ирмос: На Боже́ственней стра́жи, Богоглаго́ливый Авваку́м да ста́нет с на́ми, и пока́жет светоно́сна А́нгела, я́сно глаго́люща: днесь спасе́ние ми́ру, я́ко воскре́се Христо́с, я́ко всеси́лен. Христо́с Воскре́се из ме́ртвых, сме́ртию сме́рть попра́в и су́щим во гробе́х живо́т дарова́в. (Трижды) Песнь 5 Ирмос: У́треннюем у́треннюю глубоку́, и вме́сто ми́ра песнь принесе́м Влады́це, и Христа́ у́зрим пра́вды Со́лнце, всем жизнь возсия́юща. Перевод. Бодрствовать будем с раннего утра и, вместо мира, песнь принесем Владыке, и Христа узрим – правды Солнце, всем жизнь излучающее. Припев: Христо́с Воскре́се из ме́ртвых. Безме́рное Твое́ благоутро́бие а́довыми у́зами содержи́мии зря́ще, к све́ту идя́ху Христе́, весе́лыми нога́ми, Па́сху хва́ляще ве́чную. Перевод. Безмерное Твое милосердие видя, Христе, связанные узами ада к свету устремлялись радостными стопами, восхваляя Пасху вечную. Припев: Христо́с Воскре́се из ме́ртвых. Присту́пим, свещено́снии, исходя́щу Христу́ из гро́ба я́ко жениху́, и спра́зднуим любопра́зднственными чи́нми Па́сху Бо́жию спаси́тельную. Перевод. Приблизимся со светильниками в руках ко Христу, выходящему из гроба, как Жениху, и отпразднуем вместе с торжествующими Небесными полками Пасху Божию спасительную. Слава: Просвеща́ется Боже́ственными луча́ми и живоно́сными Воскресе́ния Сы́на Твоего́, Богома́ти Пречи́стая, и ра́дости исполня́ется благочести́вых собра́ние. Перевод. Просвещается Божественными и живоносными лучами Воскресения Сына Твоего, Богоматерь Пречистая, и радости исполняется благочестивых собрание. И ныне: Не разве́рзл еси́ врата́ де́вства в воплоще́нии, гро́ба не разруши́л еси́ печа́тей, Царю́ созда́ния: отню́дуже Воскре́сшаго Тя зря́щи Ма́ти ра́довашеся. Перевод. Не отверз Ты врат девства при воплощении, не нарушил печатей гроба, Царь создания, и потому, воскресшим Тебя видя, Матерь радовалась. На катавасии снова ирмос: У́треннюем у́треннюю глубоку́, и вме́сто ми́ра песнь принесе́м Влады́це, и Христа́ у́зрим пра́вды Со́лнце, всем жизнь возсия́юща. Христо́с Воскре́се из ме́ртвых, сме́ртию сме́рть попра́в и су́щим во гробе́х живо́т дарова́в. (Трижды) Песнь 6 Ирмос: Снизше́л еси́ в преиспо́дняя земли́ и сокруши́л еси́ вереи́ ве́чныя, содержа́щыя свя́занныя, Христе́, и тридне́вен я́ко от ки́та Ио́на, воскре́сл еси́ от гро́ба. Перевод. Сошел Ты в глубочайшие места земли и сокрушил засовы вечные, державшие заключенных в оковы, Христе, и на третий день, как из кита Иона, воскрес из гроба. Припев: Христо́с Воскре́се из ме́ртвых. Сохрани́в це́ла зна́мения, Христе́, воскре́сл еси́ от гро́ба, ключи́ Де́вы невреди́вый в рождестве́ Твое́м, и отве́рзл еси́ нам ра́йския две́ри. Перевод. Сохранив печати целыми, Христе, Ты восстал из гроба, заключенного чрева Девы не повредивший при рождении Твоем, и открыл нам райские двери. Припев: Христо́с Воскре́се из ме́ртвых. Спа́се мой, живо́е же и неже́ртвенное заколе́ние, я́ко Бог Сам Себе́ во́лею приве́д Отцу́, совоскре́си́л еси́ всеро́днаго Ада́ма, воскре́с от гро́ба. Перевод. Спаситель мой, живая и не закалываемая жертва! Сам Себя, как Бог, добровольно принеся Отцу, Ты воскресил с Собою общего родоначальника Адама, воскреснув из гроба. Слава: Возведе́ся дре́вле держи́мое сме́ртию и тле́нием, воплоти́вшимся от Твоего́ пречи́стаго чре́ва, к нетле́нней и присносу́щней жи́зни, Богоро́дице Де́во. Перевод. Издревле удерживаемое смертью и тлением, возведено к нетленной и вечной жизни Воплотившимся от Твоего пречистого чрева, Богородица Дева. И ныне: Сни́де в преиспо́дняя земли́, в ложесна́ Твоя́, Чи́стая, сше́дый и всели́выйся, и воплоти́выйся па́че ума́, и воздви́же с Собо́ю Ада́ма, воскре́с от гро́ба. Перевод. Сошел в глубочайшие места земли в недра Твои, Чистая, Сошедший и вселившийся, и воплотившийся превыше ума; и воздвиг Он с Собою Адама, воскреснув из гроба. На катавасии снова ирмос: Снизше́л еси́ в преиспо́дняя земли́ и сокруши́л еси́ вереи́ ве́чныя, содержа́щыя свя́занныя, Христе́, и тридне́вен я́ко от ки́та Ио́на, воскре́сл еси́ от гро́ба. Христо́с Воскре́се из ме́ртвых, сме́ртию сме́рть попра́в и су́щим во гробе́х живо́т дарова́в. (Трижды) Кондак, глас 8-й А́ще и во гроб снизше́л еси́, Безсме́ртне, но а́дову разруши́л еси́ си́лу, и воскре́сл еси́, я́ко победи́тель, Христе́ Бо́же, жена́м мироно́сицам веща́вый: ра́дуйтеся, и Твои́м апо́столам мир да́руяй, па́дшим подая́й Воскресе́ние. Перевод. Хотя Ты и сошел во гроб, Бессмертный, но уничтожил силу ада и воскрес как победитель, Христе Боже, женам-мироносицам возгласив: “Радуйтесь!” и Твоим Апостолам мир даруя, Ты, дающий падшим воскресение. Икос Е́же пре́жде со́лнца Со́лнце заше́дшее иногда́ во гроб, предвари́ша ко у́тру, и́щущия я́ко дне мироно́сицы де́вы, и друга́ ко друзе́й вопия́ху: о други́ни, прииди́те, воня́ми пома́жем Те́ло живоно́сное и погребе́ное, плоть воскреси́вшаго па́дшаго Ада́ма, лежа́щую во гро́бе. И́дем, потщи́мся я́коже волсви́, и поклони́мся, и принесе́м ми́ра я́ко да́ры, не в пелена́х, но в плащани́це обви́тому, и пла́чим и возопи́им: о Влады́ко, воста́ни, па́дшим подая́й воскресе́ние. Перевод. Прежде солнца бывшее Солнце, зашедшее некогда во гроб, придя еще до наступления утра, искали как дневного света мироносицы-девы и одна к другой взывали: “О подруги, давайте помажем благовониями тело, источающее жизнь и погребенное, плоть Того, Кто воскрешает падшего Адама, лежащую в гробнице. Пойдемте, поспешим, как волхвы и поклонимся, и принесем миро, как дары уже не пеленами, а плащаницею Обвитому; и прольем слезы и воскликнем: О Владыка, восстань, дающий падшим воскресение!” Воскресная песнь Воскресе́ние Христо́во ви́девше, поклони́мся Свято́му Го́споду Иису́су, Еди́ному Безгре́шному, Кресту́ Твоему́ покланя́емся, Христе́, и свято́е Воскресе́ние Твое́ пое́м и сла́вим: Ты бо еси́ Бог наш, ра́зве Тебе́ ино́го не зна́ем, Имя Твое́ имену́ем. Прииди́те вси ве́рнии, поклони́мся свято́му Христо́ву Воскресе́нию: се бо прии́де Кресто́м ра́дость всему́ ми́ру. Всегда́ благословя́ще Го́спода, пое́м Воскресе́ние Его́: распя́тие бо претерпе́в, сме́ртию смерть разруши́. (Трижды). Перевод. Воскресение Христа увидев, поклонимся Святому Господу Иисусу, единому безгрешному. Кресту Твоему поклоняемся, Христе, и Святое воскресение Твоё поём и славим, ибо Ты – Бог наш, кроме Тебя иного не знаем, имя Твоё призываем. Придите, все верные, поклонимся святому Христову воскресению, ибо вот, пришла через Крест радость всему миру. Всегда благословляя Господа, воспеваем воскресение Его, ибо Он, распятие претерпев, смертию смерть сокрушил. Воскре́с Иису́с от гро́ба, я́коже прорече́, даде́ нам живо́т ве́чный и ве́лию ми́лость. (Трижды). Перевод. Воскрес Иисус из гроба, как предсказал, даровав нам вечную жизнь и великую милость. Песнь 7 Ирмос: О́троки от пе́щи изба́вивый, быв Челове́к, стра́ждет я́ко сме́ртен, и стра́стию сме́ртное в нетле́ния облачи́т благоле́пие, Еди́н благослове́н отце́в Бог и препросла́влен. Перевод. Отроков из печи Избавивший, став человеком, страдает как смертный, и Своим страданием облекает смертное в красоту бессмертия, Единый благословенный Бог отцов и препрославленный. Припев: Христо́с Воскре́се из ме́ртвых. Же́ны с ми́ры богому́дрыя в след Тебе́ теча́ху: Его́же я́ко ме́ртва со слеза́ми иска́ху, поклони́шася ра́дующияся Живо́му Бо́гу и Па́сху та́йную Твои́м, Христе́, ученико́м благовести́ша. Перевод. Жены Богомудрые с благовониями вслед Тебе спешили. Но Кого они, как смертного, со слезами искали, Тому с радостью поклонились, как живому Богу, и Пасху таинственную ученикам Твоим, Христе, благовествовали. Припев: Христо́с Воскре́се из ме́ртвых. Сме́рти пра́зднуем умерщвле́ние, а́дово разруше́ние, ино́го жития́ ве́чнаго нача́ло, и игра́юще пое́м вино́внаго, еди́наго благослове́ннаго отце́в Бо́га и препросла́вленнаго. Перевод. Смерти празднуем умерщвление, ада разрушение, иной – вечной – жизни начало, и в восторге воспеваем тому Виновника – Единого Благословенного Бога отцов и препрославленного. Припев: Христо́с Воскре́се из ме́ртвых. Я́ко вои́стинну свяще́нная, и всепра́зднственная сия́ спаси́тельная нощь, и светоза́рная, светоно́снаго дне, воста́ния су́щи провозве́стница: в не́йже безле́тный Свет из гро́ба пло́тски всем возсия́. Перевод. Поистине священна и достойна всякого торжества эта ночь, спасительная и светозарная, светоносного дня Воскресения предвестница, в которую вечный Свет из гроба во плоти для всех воссиял. Слава: Умертви́в Сын Твой смерть, Всенепоро́чная, днесь, всем сме́ртным пребыва́ющий живо́т во ве́ки веко́в дарова́, Еди́н благослове́нный отце́в Бог и препросла́вленный. Перевод. Умертвив в сей день смерть, Сын Твой, Всенепорочная, всем смертным жизнь, пребывающую во веки веков даровал, Единственный благословенный Бог отцов и препрославленный. И ныне: Всем ца́рствуяй созда́нием, быв челове́к, всели́ся в Твою́, Богоблагода́тная, утро́бу, и распя́тие претерпе́в и смерть, воскре́се боголе́пно, совозста́вив нас, я́ко Всеси́лен. Перевод. Царствующий над всем творением, став человеком, вселился в Твое чрево, Богоблагодатная, и распятие и смерть претерпев, воскрес как подобает Богу, воздвигнув нас с Собою, как всесильный. На катавасии снова ирмос: О́троки от пе́щи изба́вивый, быв Челове́к, стра́ждет я́ко сме́ртен, и стра́стию сме́ртное в нетле́ния облачи́т благоле́пие, Еди́н благослове́н отце́в Бог и препросла́влен. Христо́с Воскре́се из ме́ртвых, сме́ртию сме́рть попра́в и су́щим во гробе́х живо́т дарова́в. (Трижды) Песнь 8 Ирмос: Сей нарече́нный и святы́й день, еди́н суббо́т Царь и Госпо́дь, пра́здников пра́здник и торжество́ есть торже́ств, во́ньже благослови́м Христа́ во ве́ки. Перевод. Этот желанный и святой день, первый от субботы, царственный и главный, есть праздников праздник и торжество из торжеств. В сей день благословляем Христа вовеки! Припев: Христо́с Воскре́се из ме́ртвых. Прииди́те но́ваго виногра́да рожде́ния, Боже́ственнаго весе́лия, в наро́читом дни Воскресе́ния, Ца́рствия Христо́ва приобщи́мся, пою́ще Его́ я́ко Бо́га во ве́ки. Перевод. Придите, вкусим нового плода виноградной лозы, Божественного веселья, в славный день Воскресения, и примем участие в Царстве Христа, воспевая Его, как Бога, вовеки. Припев: Христо́с Воскре́се из ме́ртвых. Возведи́ о́крест о́чи твои́, Сио́не, и виждь: се бо приидо́ша к тебе́ я́ко богосве́тлая свети́ла, от за́пада, и се́вера, и мо́ря, и восто́ка ча́да твоя́, в тебе́ благословя́щая Христа́ во ве́ки. Перевод. Подними очи твои, Сион, и вокруг посмотри: ибо вот, сошлись к тебе, как божественно сияющие светила, от запада, и севера, и моря и востока дети твои, благословляющие в тебе Христа вовеки. Припев: Пресвята́я Тро́ице, Бо́же наш, сла́ва Тебе́. Отче Вседержи́телю, и Сло́ве, и Ду́ше, треми́ соединя́емое во ипоста́сех естество́, Пресу́щественне и Пребоже́ственне, в Тя крести́хомся и Тя благослови́м во вся ве́ки. Перевод. Отец Вседержитель, и Слово, и Дух, Единое в трех Лицах Существо, Всевышнее и Божественнейшее! В Тебя мы крещены и Тебя благословляем во все века. Слава: Прии́де Тобо́ю в мир Госпо́дь, Де́во Богоро́дице, и чре́во а́дово расто́рг, сме́ртным нам воскресе́ние дарова́: те́мже благослови́м Его́ во ве́ки. Перевод. Пришел в мир Творец чрез Тебя, Дева Богородица, и чрево ада расторгнув, нам, смертным, воскресение даровал. Потому мы благословляем Его вовеки. И ныне: Всю низложи́в сме́рти держа́ву, Сын Твой, Де́во, Свои́м воскресе́нием, я́ко Бог кре́пкий, совознесе́ нас и обожи́. Те́мже воспева́ем Его во ве́ки. Перевод. Низложив все могущество смерти, Сын Твой, Дева, Своим Воскресением, как Бог крепкий, вознес нас с Собою и обожил. Потому мы воспеваем Его вовеки. На катавасии снова ирмос: Сей нарече́нный и святы́й день, еди́н суббо́т Царь и Госпо́дь, пра́здников пра́здник и торжество́ есть торже́ств, во́ньже благослови́м Христа́ во ве́ки. Христо́с Воскре́се из ме́ртвых, сме́ртию сме́рть попра́в и су́щим во гробе́х живо́т дарова́в. (Трижды) Песнь 9 Припев: Вели́чит душа́ моя́ воскре́сшаго тридне́вно от гро́ба Христа́ Жизнода́вца. Ирмос: Свети́ся, свети́ся, но́вый Иерусали́ме: сла́ва бо Госпо́дня на тебе́ возсия́. Лику́й ны́не и весели́ся, Сио́не, Ты же, Чи́стая, красу́йся, Богоро́дице, о воста́нии Рожде́ства Твоего́. Перевод. Светись, светись, новый Иерусалим, ибо слава Господня над тобою взошла! Ликуй ныне и красуйся, Сион! Ты же радуйся, Чистая Богородица, о Воскресении Рожденного Тобой. Припев: Вели́чит душа́ моя́ во́лею страда́вша, и погребе́на и воскре́сшаго тридне́вно от гро́ба. Ирмос: Свети́ся, свети́ся, но́вый Иерусали́ме: сла́ва бо Госпо́дня на тебе́ возсия́. Лику́й ны́не и весели́ся, Сио́не, Ты же, Чи́стая, красу́йся, Богоро́дице, о воста́нии Рожде́ства Твоего́. Припев: Христо́с но́вая Па́сха, Же́ртва жива́я, А́гнец Бо́жий, взе́мляй грехи́ ми́ра. О боже́ственнаго, о любе́знаго, о сладча́йшаго Твоего́ гла́са! С на́ми бо нело́жно обеща́лся еси́ бы́ти до сконча́ния ве́ка, Христе́: Его́же ве́рнии, утвержде́ние наде́жды иму́ще, ра́дуемся. Перевод. О божественное, о возлюбленное, о сладчайшее Твое слово! Ибо Ты не ложно обещал быть с нами до кончины века Христе! Держась его, как якоря надежды нашей, мы, верные, радуемся! Припев: А́нгел вопия́ше Благода́тней: чи́стая Де́во, ра́дуйся, и па́ки реку́, ра́дуйся: Твой Сын воскре́се тридне́вен от гро́ба, и ме́ртвыя воздви́гнувый, лю́дие, весели́теся. О боже́ственнаго, о любе́знаго, о сладча́йшаго Твоего́ гла́са! С на́ми бо нело́жно обеща́лся еси́ бы́ти до сконча́ния ве́ка, Христе́: Его́же ве́рнии, утвержде́ние наде́жды иму́ще, ра́дуемся. Припев: Возбуди́л еси́, усну́в, ме́ртвыя от ве́ка, ца́рски рыка́вый, я́ко от Иу́ды лев. О боже́ственнаго, о любе́знаго, о сладча́йшаго Твоего́ гла́са! С на́ми бо нело́жно обеща́лся еси́ бы́ти до сконча́ния ве́ка, Христе́: Его́же ве́рнии, утвержде́ние наде́жды иму́ще, ра́дуемся. Припев: Магдали́на Мари́я притече́ ко гро́бу, и Христа́ ви́девши, я́ко вертогра́даря вопроша́ше. О боже́ственнаго, о любе́знаго, о сладча́йшаго Твоего́ гла́са! С на́ми бо нело́жно обеща́лся еси́ бы́ти до сконча́ния ве́ка, Христе́: Его́же ве́рнии, утвержде́ние наде́жды иму́ще, ра́дуемся. Припев: А́нгел облиста́яй жена́м вопия́ше: преста́ните от слез, я́ко Христо́с воскре́се. О боже́ственнаго, о любе́знаго, о сладча́йшаго Твоего́ гла́са! С на́ми бо нело́жно обеща́лся еси́ бы́ти до сконча́ния ве́ка, Христе́: Его́же ве́рнии, утвержде́ние наде́жды иму́ще, ра́дуемся. Припев: Христо́с воскре́се, смерть попра́вый, и ме́ртвыя воздви́гнувый, лю́дие весели́теся. О Па́сха ве́лия и свяще́ннейшая, Христе́! О му́дросте, и Сло́ве Бо́жий, и си́ло! Подава́й нам и́стее Тебе́ причаща́тися, в невече́рнем дни Ца́рствия Твоего́. Перевод. О Пасха великая и священнейшая, Христе! О, Мудрость, и Слово Божие, и Сила! Даруй нам совершеннее к Тебе приобщиться в вечно светлом дне Царства Твоего. Припев: Днесь вся́ка тварь весели́тся и ра́дуется, я́ко Христо́с воскре́се и ад плени́ся. О Па́сха ве́лия и свяще́ннейшая, Христе́! О му́дросте, и Сло́ве Бо́жий, и си́ло! Подава́й нам и́стее Тебе́ причаща́тися, в невече́рнем дни Ца́рствия Твоего́. Припев: Днесь Влады́ка плени́ а́да, воздви́гнувый ю́зники, я́же от ве́ка имя́ше лю́те одержи́мыя. О Па́сха ве́лия и свяще́ннейшая, Христе́! О му́дросте, и Сло́ве Бо́жий, и си́ло! Подава́й нам и́стее Тебе́ причаща́тися, в невече́рнем дни Ца́рствия Твоего́. Припев: Вели́чит душа́ моя́ Триипоста́снаго и Неразде́льнаго Божества́ держа́ву. О Па́сха ве́лия и свяще́ннейшая, Христе́! О му́дросте, и Сло́ве Бо́жий, и си́ло! Подава́й нам и́стее Тебе́ причаща́тися, в невече́рнем дни Ца́рствия Твоего́. Припев: Ра́дуйся, Де́во, ра́дуйся, ра́дуйся, Благослове́нная, ра́дуйся, Препросла́вленная: Твой бо Сын воскре́се тридне́вен от гро́ба. О Па́сха ве́лия и свяще́ннейшая, Христе́! О му́дросте, и Сло́ве Бо́жий, и си́ло! Подава́й нам и́стее Тебе́ причаща́тися, в невече́рнем дни Ца́рствия Твоего́. Припев: Вели́чит душа́ моя́ воскре́сшаго тридне́вно от гро́ба Христа́ Жизнода́вца. Богородичен: Согла́сно, Де́во, Тебе́ блажи́м ве́рнии: ра́дуйся, две́ре Госпо́дня, ра́дуйся, гра́де одушевле́нный; ра́дуйся, Ея́же ра́ди нам ны́не возсия́ свет, из Тебе́ Рожде́ннаго из ме́ртвых воскресе́ния. Перевод. Мы, верные, согласно прославляем Тебя, Дева: “Радуйся, Дверь Господня; радуйся Град одушевленный; радуйся, ибо благодаря Тебе в сей день нам воссиял свет Воскресения из мертвых от Тебя Рожденного”. Припев: Вели́чит душа́ моя́ во́лею страда́вша, и погребе́на, и Воскре́сшаго тридне́вно от гро́ба. Богородичен: Весели́ся и ра́дуйся, Боже́ственная две́ре Све́та: заше́дый бо Иису́с во гроб возсия́, просия́в со́лнца светле́е, и ве́рныя вся озари́в, Богора́дованная Влады́чице.

Минея, 1 Августа, Канон на Происхожде́ние честны́х древ Честна́го и Животворя́щего́ Креста́ Глас 6 Песнь 1 Ирмос: Я́ко по су́ху, пешеше́ствовав Изра́иль/ по бе́здне стопа́ми,/ гони́теля фарао́на/ ви́дя потопля́ема,/ Бо́гу побе́дную песнь пои́м, вопия́ше. Припев: Сла́ва, Го́споди, Кресту́ Твоему́ честно́му. Кресту́, ве́рных спасе́нию, покланя́юся,/ и те́пле облобыза́ю, и, объе́мля, вопию́:/ Дре́во всеблаже́нное Христо́во,/ ду́шу мою́ и ум просвети́, молю́ся. Припев: Сла́ва, Го́споди, Кресту́ Твоему́ честно́му. Победоно́сно яви́ся на стра́сти и бе́сы днесь зна́мение Креста́./ Те́мже, ве́рнии вси, све́тло просве́щше ду́ши, ны́не облобыза́ем. Припев: Сла́ва, Го́споди, Кресту́ Твоему́ честно́му. Лучеза́рная облиста́ет сия́ния Крест Честны́й/ и просвеща́ет ве́рно покланя́ющияся ему́ днесь,/ освяща́я ду́ши на́ша и телеса́. Сла́ва Отцу́ и Сы́ну и Свято́му Ду́ху. Жизнода́тельный Крест предлежа́щ и зримь/ светови́дную зарю́ препосыла́ет благода́тей:/ присту́пим и прии́мем просвеще́ние, весе́лие, и спасе́ние, и оставле́ние,/ хвале́ние Го́сподеви принося́ще. И ны́не и при́сно и во ве́ки веко́в. Ами́нь. Богородичен: Пресвята́я Де́во, Я́же Христа́ пло́тию ро́ждши,/ пострада́вшего́ нас ра́ди во́лею на Кресте́,/ Тя блажа́щия че́стно спаса́й мольба́ми Твои́ми. Песнь 3 Ирмос: Несть свят,/ я́коже Ты, Го́споди Бо́же мой,/ вознесы́й рог ве́рных Твои́х, Бла́же,/ и утверди́вый нас на ка́мени/ испове́дания Твоего́. Припев: Сла́ва, Го́споди, Кресту́ Твоему́ честно́му. Ору́жие дре́вле жи́зни блаже́нное дре́во дарова́ся храни́ти/ за преслуша́ние первозда́ннаго Ада́ма,/ Крест же сему́ путь сотвори́. Припев: Сла́ва, Го́споди, Кресту́ Твоему́ честно́му. Очи́ма, устна́ми и душа́ми, ли́цы и се́рдцы/ поклони́мся вси Пресвято́му Кресту́ Жизнода́вца Христа́,/ и́мже мир весь освяща́ется. Припев: Сла́ва, Го́споди, Кресту́ Твоему́ честно́му. Хра́мы Бо́гу проро́чески днесь бы́вше,/ покланя́ющеся дре́ву Пресвята́го Креста́,/ и насле́дницы Его́, со стра́хом вси того целу́ем. Сла́ва Отцу́ и Сы́ну и Свято́му Ду́ху. Песносло́вим тя, Кресте́, ве́рою моля́щиися си́ле твое́й:/ изми́ нас сете́й вра́жиих и упра́ви нас к приста́нищу всех спасе́ния, пою́щих тя. И ны́не и при́сно и во ве́ки веко́в. Ами́нь. Богородичен: Де́вою родила́ еси́ Сына,/ пре́жде Тебе́ рожде́ннаго от Отца́ пре́жде век, без ма́тере от Бо́га,/ распя́таго пло́тию, да спасе́т пре́жде согре́шшия. Седален, глас 6 Крест Твой, Го́споди, освяти́ся,/ в нем бо быва́ют исцеле́ния не́мощным во гресе́х,/ его́же ра́ди припа́даем Ти, поми́луй нас. Песнь 4 Ирмос: Христо́с моя си́ла,/ Бог и Госпо́дь,/ честна́я Це́рковь/ боголе́пно пое́т, взыва́ющи,/ от смы́сла чи́ста, о Го́споде пра́зднующи. Припев: Сла́ва, Го́споди, Кресту́ Твоему́ честно́му. Да кропи́т вся земля́ ра́дование, да веселя́тся древа́ дубра́вная,/ днесь обо́жена Всечестны́м Кресто́м, сия́ющи конце́м. Припев: Сла́ва, Го́споди, Кресту́ Твоему́ честно́му. Показа́вый орга́н умерщвле́ния,/ живоно́сно ми́рови, победотво́рное ору́жие непобеди́мое, пресла́вный Кре́сте,/ сердца́ на́ша просвети́. Припев: Сла́ва, Го́споди, Кресту́ Твоему́ честно́му. Ты Боже́ственная побе́да, ты соде́лование на́шего спасе́ния,/ ты ве́рным соодоле́ние и Боже́ственная же́ртва,/ о Всечестны́й Кре́сте, пою́щия тя освяти́. Сла́ва Отцу́ и Сы́ну и Свято́му Ду́ху. Не́бо всей земли́ свесели́тся,/ страстоте́рпцы, му́ченицы, апосто́ли, ду́ши пра́ведных ра́достно ны́не ра́дуются,/ и вся спаса́ет зри́мо предлежа́щее посреде́ жизнода́тельное Дре́во,/ и ве́рныя освяща́ет благода́тию. И ны́не и при́сно и во ве́ки веко́в. Ами́нь. Богородичен: Вои́стинну Ты яви́лася еси́,/ вои́стинну роди́ла еси́ Сы́на Вы́шняго,/ на Кресте́ ру́це просте́ршаго, Де́во Ма́ти Мари́е,/ и мир призва́вшаго. Песнь 5 Ирмос: Бо́жиим све́том Твои́м, Бла́же,/ у́тренюющих Ти ду́ши любо́вию озари́, молю́ся,/ Тя ве́дети, Сло́ве Бо́жий,/ и́стиннаго Бо́га,/ от мра́ка грехо́внаго взыва́юща. Припев: Сла́ва, Го́споди, Кресту́ Твоему́ честно́му. Поды́мем с ра́достию преблаже́нный Крест,/ в церква́х и гра́дех сей предло́женный, и поклони́мся,/ да долго́в прии́мем оставле́ние. Припев: Сла́ва, Го́споди, Кресту́ Твоему́ честно́му. Умерщвля́ется змий лука́вый ны́не, и́же тьмы нача́льник,/ сия́ния не терпя́, е́же облиста́ет Живоно́сный Крест,/ Боже́ственнаго Царя́ ски́птро честно́е. Припев: Сла́ва, Го́споди, Кресту́ Твоему́ честно́му. Я́ко пресве́тла звезда́ и я́ко би́сер благоле́пен и пресия́нное со́лнце,/ вся озаря́ет земли́ концы́ Крест Госпо́день,/ его́же облобыза́ем. Сла́ва Отцу́ и Сы́ну и Свято́му Ду́ху. Воскли́кните, язы́цы, воспо́йте, игра́йте, коле́на, и по́йте Бо́гу,/ да́вшему Креста́ неруши́мое утвержде́ние, е́же ны́не предлежи́т;/ вси ве́рнии, ра́дуемся, я́ко того́ ра́ди блага́я прие́млюще. И ны́не и при́сно и во ве́ки веко́в. Ами́нь. Богородичен: Спасе́нию Тя нача́ло, вси ве́рнии, ве́дуще, ублажа́ем, Чи́стая:/ Ты бо пре́жде Су́щаго пло́тию родила́ еси́,/ хоте́нием Свои́м пригвожде́нна на Кресте́. Песнь 6 Ирмос: Жите́йское мо́ре,/воздвиза́емое зря напа́стей бу́рею,/к ти́хому приста́нищу Твоему́ прите́к, вопию́ Ти:/возведи́ от тли живо́т мой,/ Многоми́лостиве. Припев: Сла́ва, Го́споди, Кресту́ Твоему́ честно́му. Я́ко Боже́ствен сосу́д, я́ко свети́льник све́тел, в церква́х дне́сь,/ и в хра́мех, и гра́дех Кре́ст предлежа́щ ви́дяще,/ и Уясни́вшаго сего́ воспое́м. Припев: Сла́ва, Го́споди, Кресту́ Твоему́ честно́му. Умерщвля́ется смерть, и уморя́ется тле́ние, и бесо́встии полцы́ отбега́ют,/ побе́дный и стра́шный днесь предлежа́щ ви́дяще Крест Христо́в,/ не сме́юще прикосну́тися ему́. Сла́ва Отцу́ и Сы́ну и Свято́му Ду́ху. Воспева́юще Тя, Бо́га, и Царя́, и Го́спода, я́ко дарова́л еси́ нам Крест сте́ну неруши́му,/ его́же ны́не облобыза́ем ра́достию и лю́тых отбега́ем. И ны́не и при́сно и во ве́ки веко́в. Ами́нь. Богородичен: Я́дом змии́ным пра́баба пи́щею, я́же во Еде́ме, пома́зася,/ Де́ва же, ро́ждши Нача́льника жи́зни,/ источи́ ми́ру нетле́ние и воскресе́ние. Кондак, глас 4 Вознесы́йся на Крест во́лею,/ тезоимени́тому Твоему́ но́вому жи́тельству/ щедро́ты Твоя́ да́руй, Христе́ Бо́же,/ возвесели ́нас си́лою Твое́ю,/ побе́ды дая́ нам на супоста́ты,/ посо́бие иму́щим Твое́ ору́жие ми́ра/ непобеди́мую побе́ду. Икос И́же до тре́тияго Небесе́ восхище́н бысть в рай,/ и глаго́лы слы́шав неизрече́нныя и Боже́ственныя,/ и́хже не леть язы́ки человече́скими глаго́лати,/ что гала́том пи́шет, я́ко рачи́телие писа́ний прочто́сте и позна́ете:/ мне, глаго́лет, хвали́тися да не бу́дет,/ то́кмо во еди́ном Кресте́ Госпо́дни, на не́мже страда́в, уби́ стра́сти./ Того́ у́бо и мы изве́стно да де́ржим, Крест Госпо́день, хвалу́ вси:/ есть бо нам спаси́тельное си́е Дре́во/ ору́жие, ми́ра непобеди́мая побе́да. Песнь 7 Ирмос: Росода́тельну убо пещь/ соде́ла А́нгел/ преподо́бным о́троком,/ халде́и же опаля́ющее/ веле́ние Бо́жие мучи́теля увеща́ вопи́ти:/ благослове́н еси́, Бо́же оте́ц на́ших. Припев: Сла́ва, Го́споди, Кресту́ Твоему́ честно́му. Спаси́тельному дре́ву поклони́мся, Кресту́ пресвято́му,/ ему́же слу́жат А́́нгельская вся во́инства,/ предлежа́щ ви́дяще, ве́рнии, источа́ющ нам освяще́ние и жизнь. Припев: Сла́ва, Го́споди, Кресту́ Твоему́ честно́му. Победоно́сный яви́ся пресвяты́й Крест Животода́вца Христа́,/ свы́ше же бесо́в всем мно́жество отгоня́, ва́рварское шата́ние,/ и победи́теля явля́я во́инство на́ше. Припев: Сла́ва, Го́споди, Кресту́ Твоему́ честно́му. Я́ко одушевле́нну, те́бе, припа́дая, взы́ваю:/ Кресте́ мой пресвяты́й, ты ми просвети́ ду́шу, и ум, и слух, и устне́,/ и язы́к, и дыха́ние, и о́чи к путе́м Ца́рства Христо́ва. Сла́ва Отцу́ и Сы́ну и Свято́му Ду́ху. Пое́м, сла́вим, и покланя́емся, и велича́ем Твою́, Христе́, держа́ву,/ я́ко подаде́ нам, рабо́м Твои́м, Крест Боже́ственный,/ сла́дость неисчерпа́емую и храни́лище душа́м и те́лом на́шим. И ны́не и при́сно и во ве́ки веко́в. Ами́нь. Богородичен: Ю́ноши три пещь не опали́, Рождество́ прообразу́ющи Твое́,/ и́бо Боже́ственный огнь Тя не опали́, всели́вся в Тя и вся научи́в пе́ти:/ Благослове́н Бог оте́ц на́ших. Песнь 8 Ирмос: Ужасни́ся, боя́йся, Не́бо,/ и да подви́жатся основа́ния земли́:/ се бо в мертвеце́х вменя́ется в Вы́шних Живы́й/ и во гроб мал странноприе́млется./ Его́же, о́троцы, Благослови́те,/ свяще́нницы, воспо́йте,/ лю́дие, превозноси́те во вся ве́ки. Припев: Сла́ва, Го́споди, Кресту́ Твоему́ честно́му. Твой Крест прообразу́я Иа́ков иногда́, на вну́ки поло́жь дла́ни преме́нно/ и благослови́в их, благода́ти во язы́цех науча́я:/ о́троцы, Благослови́те, свяще́нницы, по́йте,/ лю́дие, превозноси́те Его́ во ве́ки. Припев: Сла́ва, Го́споди, Кресту́ Твоему́ честно́му. О, неизрече́наго Твоего́, Христе́, сни́тия и неизглаго́ланных благи́х!/ Воплоти́ся и, распя́т быв, смерть прие́м,/ и реши́ши челове́ки от кля́твы, источи́в нетле́ние на треблаже́ннем Дре́ве,/ препросла́вленный Крест сей во ве́ки. Сла́ва Отцу́ и Сы́ну и Свято́му Ду́ху. Пресвяты́й Крест, Боже́ственную побе́ду, жи́зни нача́льника,/ ле́сти потреби́теля, днесь похва́лим Крест всесвяты́й Госпо́день,/ бесо́в губи́теля и ва́рваров прогони́теля, ве́рных победотво́рца и покрови́теля. И ны́не и при́сно и во ве́ки веко́в. Ами́нь. Богородичен: Гвоздьми́ пригвожде́на Христа́, копие́м прободе́на в нетле́нная ре́бра,/ тро́стием в главу́ бие́ма, желчь вкуша́юща, зря́щи, Де́ва вопия́ше:/ где Твоя́ добро́та за́йде, прекра́сное Сло́во,/ Препросла́вленне па́че сыно́в челове́ческих? Песнь 9 Ирмос: Бо́га/ челове́ком невозмо́жно ви́дети,/ на Него́же не сме́ют чи́ни А́нгельстии взира́ти;/ Тобо́ю бо, Всечи́стая, яви́ся челове́ком/ Сло́во воплоще́нно,/ Его́же велича́юще,/ с Небе́сными во́и Тя ублажа́ем. Припев: Сла́ва, Го́споди, Кресту́ Твоему́ честно́му. Тле́нни от преслуша́ния бы́хом, Бо́жия за́поведи престу́пницы я́вльшеся:/ се́го ра́ди смерть прии́де челове́ком./ Те́мже безсме́ртия процвете́ днесь побе́дный Крест Христо́в, его́же целу́ем. Припев: Сла́ва, Го́споди, Кресту́ Твоему́ честно́му. Се Дре́во пресвято́е кре́пкая наде́жда ве́рным яви́ся, кля́твы избавле́ние,/ челове́ком ра́дость предлежи́т, облича́я тьмы нача́льника,/ сему́ поклони́мся, ве́рнии, с весе́лием. Сла́ва Отцу́ и Сы́ну и Свято́му Ду́ху. Нача́ло благослове́ния, и утвержде́ние христиа́н, и стена́, и тве́рдое заступле́ние,/ и кля́твы избавле́ние яви́ся нам Дре́во вожделе́нное, ору́жие непобеди́мое,/ просвети́ и освяти́ нас, покланя́ющихся тебе́. И ны́не и при́сно и во ве́ки веко́в. Ами́нь. Богородичен: Xра́ме и две́ре освяще́ния, Престо́ле Бо́жий,/ о́блаче и све́щниче всесве́тлый и ковче́же благода́ти, Всенепоро́чная,/ че́стне покланя́ющияся о́бразу честно́му Единоро́днаго Твоего́ Сы́на покры́й и сохрани́. Светилен Крест – храни́тель всея́ вселе́нныя,/ Крест – красота́ Це́ркве,/ Крест – на́ша держа́ва,/ Крест – ве́рных утвержде́ние,/ Крест – А́нгелов сла́ва и де́монов я́зва.

Богородичны восьми гласов, которые поются, когда есть стихира святому в Минее положенная после «Слава»; тогда после «И ныне», поется богородичен того же гласа из числа следующих Глас 1 Глас 2 Глас 3 Глас 4 Глас 5 Глас 6 Глас 7 Глас 8   Глас 1 В неделю вечера: Небе́сных чино́в ра́дование, / на земли́ челове́ков кре́пкое предста́тельство, / Пречи́стая Де́во, / спаси́ ны, и́же к Тебе́ прибега́ющия, / я́ко на Тя упова́ние по Бо́зе, Богоро́дице, возложи́хом. Перевод: В воскресенье вечером Небесных полков радость, / на земле людям крепкая защита, / Пречистая Дева, / спаси нас, к Тебе прибегающих: / ибо мы на Тебя, Богородица, / надежду после Бога возложили. В понедельник на утрени: Святе́йшая святы́х всех Сил, / Честне́йшая всея́ тва́ри, Богоро́дице, Влады́чице ми́ра, / спаси́ ны, Спа́са ро́ждшая, / от прегреше́ний тмори́чных и бед / я́ко Блага́я моли́твами Твои́ми. Перевод: В понедельник утром Святейшая всех святых Сил, / выше всего творения чтимая, / Богородица, Владычица мира, / спаси нас, Спасителя родившая, / от согрешений бесчисленных и бед, / как благая, молитвами Твоими. В понедельник вечера: Де́во Всепе́тая, / ю́же в Тебе́ та́йну Моисе́й проро́ческима ви́де очи́ма, / купину́ горя́щу и неопаля́ему, / Божества́ бо О́гнь утро́бу Твою́, Чи́стая, не опали́. / Те́мже мо́лим Тя я́ко Ма́терь Бо́га на́шего, / мир испроси́ти ми́рови и ве́лию ми́лость. Перевод: В понедельник вечером Дева всепрославленная, / совершившееся в Тебе таинство / Моисей видел пророческими очами, / – куст терновый горящий и не опаляемый: / ибо огонь Божества чрева Твоего, Чистая, не опалил. / Потому молим Тебя, как Матерь Бога нашего, / миру испросить мир и великую милость. Во вторник утра: Блудни́цу, и блу́днаго аз, и разбо́йника победи́х, / и мытаря́ прегреше́нии премину́х, и ниневи́тяны. / Увы́ мне, что бу́ду? / ка́ко убе́гну му́ки, аз, окая́нный? / Чи́стая, припа́даю Ти, / уще́дри мя ми́лостию Твое́ю, / я́коже о́ныя Сын Твой спасл е́сть. Перевод: Во вторник утром Блудницу, и блудного сына, и разбойника / я беззакониями превозмог, / и мытаря согрешениями превзошел, и ниневитян. / Увы мне, что будет со мною? / Как избегну муки я, несчастный? / Припадаю к Тебе Чистая, / сжалься надо мною по милости Твоей, / как всех тех спас Сын Твой. В среду вечера: Ра́дуйся, ра́досте пра́дедов, / апо́столов и му́чеников весе́лие / и покро́в нас, Де́во, Твои́х рабо́в. Перевод: В среду вечером Радуйся, Дева, радость праотцев, / Апостолов и мучеников веселие, / и покров для нас, Твоих рабов. В четверток утра: Ра́дуйся, Богоро́дице Де́во, / ра́дуйся, похвало́ всея́ вселе́нныя, / ра́дуйся, Пречи́стая Ма́ти Бо́жия, Благослове́нная. Перевод: В четверг утром Радуйся, Богородица Дева, / радуйся Похвала всей вселенной, / радуйся Пречистая Матерь Божия, Благословенная. В пяток вечера: Вои́стинну па́че ума́ / чу́дная Твоя́ вели́чия, рождества́ Твоего́, Богоневе́сто, / я́же пропове́даша проро́цы вси́, / вся пресла́вная, / зача́тие и рождество́, Всепе́тая, недомы́сленно и несказа́нно, / и́мже мир спасл е́сть я́ко Милосе́рд. Перевод: В пятницу вечером Поистине превышают ум / чудеса Твоего величия, / явленные Рожденным Тобою, Божия Невеста, всепрославленная, / о которых все пророки проповедали: / и зачатие, и рождество, – все преславно, непознаваемо и невыразимо; / ими Он спас мир, как Милосердный. В субботу утра: Ра́дуйся, от нас Свята́я Богоро́дице Де́во, / чи́стый сосу́де всея́ вселе́нныя, / свеще́ неугаси́мая, вмести́лище Невмести́маго, / хра́ме необори́мый; / ра́дуйся, из Нея́же роди́ся А́гнец Бо́жий, / взе́мляй грехи́ всего́ ми́ра. Перевод: В субботу утром «Радуйся» прими от нас, / Святая Богородица Дева, / Сосуд чистейший во всей вселенной, / Свеча неугасимая, Вместилище Невместимого, Храм неприступный; / радуйся Та, от Которой родился Агнец Божий, / подъемлющий грехи всего мира. Глас 2 В неделю вечера: Ра́дуйся, Мари́е Богоро́дице, хра́ме неразруши́мый, / па́че же святы́й, я́коже вопие́т проро́к: / свят храм Твой, ди́вен в пра́вде. Перевод: В воскресенье вечером Радуйся, Мария Богородица, / Храм нерушимый, а главное – святой, / как взывает пророк: / «Свят Храм Твой, дивен в правде». В понедельник утра: На Тя упова́ние, Богоро́дице, возложи́хом, / ча́яния да не отпаде́м, / спаси́ нас от бед, Помо́щнице недоуме́емым, / и сопроти́вных сове́ты разори́: / Ты бо еси́ на́ше спасе́ние, / Благослове́нная. Перевод: В понедельник утром На Тебя, Богородица, мы упование возложили: / да не обманемся в надежде нашей! / Помощница недоумевающим, спаси нас от бед, / и противников замыслы расстрой: / ибо Ты наше спасение, Благословенная. В понедельник вечера: Непроходи́мая врата́, та́йно запеча́тствованная, / Благослове́нная Богоро́дице Де́во, / приими́ моле́ния на́ша / и принеси́ Твоему́ Сы́ну и Бо́гу, / да спасе́т Тобо́ю ду́ши на́ша. Перевод: В понедельник вечером Непроходимые Врата, таинственно запечатанные, / Благословенная Богородица Дева! / Прими моления наши и принеси их Твоему Сыну и Богу, / да спасет Он по молитвам Твоим души наши. Во вторник утра: Ра́дуйся, Мари́е Богоро́дице, хра́ме неразруши́мый, / па́че же святы́й, я́коже вопие́т проро́к: / свят храм Твой, ди́вен в пра́вде. Перевод: Во вторник утром Радуйся, Мария Богородица, / Храм нерушимый, а главное – святой, / как взывает пророк: / «Свят Храм Твой, дивен в правде». В среду вечера: Я́ко плодови́та ма́слина, / Де́ва израсти́ Тебе́, / Плода́ Живо́тнаго, / плодоноси́ти ми́рови / ве́лию и бога́тую ми́лость. Перевод: В среду вечером Как маслина плодовитая, / Дева произрастила Тебя, Плод Жизни, / чтобы миру принести / великую и богатую милость. В четверток утра: Все упова́ние мое́ / на Тя возлага́ю, Ма́ти Бо́жия, / сохрани́ мя под кро́вом Твои́м. Перевод: В четверг утром Всю надежду мою / на Тебя возлагаю, Матерь Божия, / сохрани меня под покровом Твоим. В пяток вечера: Спаси́ от бед рабы́ Твоя́, Богоро́дице Де́во, / я́ко вси по Бо́зе к Тебе́ прибега́ем, / я́ко к неруши́мей стене́ и предста́тельству. Перевод: В пятницу вечером Спаси от бед рабов Твоих, Богородица Дева, / ибо все мы после Бога к Тебе прибегаем, / как к нерушимой Стене и Заступнице. В субботу утра: Прииди́те, Ма́терь Све́та, пе́сньми немо́лчными зову́ще, / вси просла́вим, / Та бо ро́ди Спасе́ние на́ше, / и ра́дуйся принесе́м, я́ко Еди́ной, ро́ждшей всех Нача́льнейщаго, / И́же пре́жде век Бо́га; / ра́дуйся, Я́же Е́ву па́дшую па́ки назда́вшая; / ра́дуйся, Пречи́стая Де́во, Неискусобра́чная. Перевод: В субботу утром Придите, Матерь Света все прославим, / взывая песнями не умолкающими, / ибо Она родила Спасение наше, / и «Радуйся» принесем, как Единой родившей всего Начало – / прежде всех веков Сущего Бога. / «Радуйся, Еву падшую вновь воссоздавшая. / Радуйся, Пречистая Дева, брака не познавшая!» Глас 3 В неделю вечера: Богоро́дице, Предста́тельнице всех, моля́щихся Тебе́, / Тобо́ю дерза́ем и Тобо́ю хва́лимся, / и к Тебе́ все упова́ние на́ше е́сть, / моли́ Ро́ждшагося из Тебе́ / за непотре́бныя рабы́ Твоя́. Перевод: В воскресенье вечером Богородица, Защитница всех молящихся Тебе, / с Тобою мы дерзаем, и Тобою хвалимся, / и на Тебя – вся надежда наша; / моли Родившегося от Тебя / за непотребных рабов Твоих. В понедельник утра: Святопервочи́стая похвало́ су́щи Небе́сных чино́в, / апо́столов пе́ние / и проро́ков сбытие́, Влады́чице, / приими́ моли́твы на́ша. Перевод: В понедельник утром Ты, Святая, от начала чистая / – воистину хвала небесных полков, / Апостолов пение и пророков исполнение; / Владычица, прими молитвы наши. В понедельник вечера: В жена́х Свята́я Богоро́дице, / Ма́ти Безневе́стная, / моли́, Его́же родила́ еси́, Царя́ и Бо́га: / да спасе́т нас я́ко Человеколю́бец. Перевод: В понедельник вечером Святая между женами Богородица, / Матерь брака не познавшая! / Моли рожденного Тобою Царя и Бога, / да спасет Он нас, как Человеколюбец. Во вторник утра: Без семене зачала еси / от Духа Святаго, / и, славословяще, воспеваем Тя: / радуйся, Пресвятая Дево. Перевод: Во вторник утром Без се́мене зачала́ еси́ от Ду́ха Свята́го / и, славосло́вяще, воспева́ем Тя: / ра́дуйся, Пресвята́я Де́во. В среду вечера: Вельми́ согреша́юща мя, Отрокови́це, / исхити́ вели́кою Твое́ю моли́твою пла́мене ну́жднаго / и испра́ви, Чи́стая, Твои́ми мольба́ми, / ко спасе́нным стезя́м настав ляющи мя / ма́терними Твои́ми моли́твами. Перевод: В среду вечером Меня, тяжко согрешающего, Отроковица, / исторгни сильною Твоею молитвою из пламени неотвратимого / и укрепи, Чистая, Твоими мольбами, / ко стезям спасения направляя меня / материнскими Твоими молитвами. В четверток утра: Без се́мене зачала́ еси́ / от Ду́ха Свята́го, / и, славосло́вяще, воспева́ем Тя: / ра́дуйся, Пресвята́я Де́во. Перевод: В четверг утром Без семени зачала Ты от Духа Святого, / и мы, славословя, воспеваем Тебя: / «Радуйся, Пресвятая Дева!» В пяток вечера: В жена́х Свята́я Богоро́дице, / Ма́ти Безневе́стная, / моли́, Его́же родила́ еси́, Царя́ и Бо́га: / да спасе́т нас я́ко Человеколю́бец. Перевод: В пятницу вечером Святая между женами Богородица, / Матерь брака не познавшая! / Моли рожденного Тобою Царя и Бога, / да спасет Он нас, как Человеколюбец. В субботу утра: Без се́мене зачала́ еси́ / от Ду́ха Свята́го, / и, славосло́вяще, воспева́ем Тя: / ра́дуйся, Пресвята́я Де́во. Перевод: В субботу утра Без семени зачала Ты от Духа Святого, / и мы, славословя, воспеваем Тебя: / «Радуйся, Пресвятая Дева!» Глас 4 В неделю вечера: Ра́дуйся, Све́та о́блаче; / ра́дуйся, све́щниче све́тлый; / ра́дуйся, ру́чко, в не́йже ма́нна; / ра́дуйся, же́зле Ааро́нов; / ра́дуйся, купино́ неопали́мая; / ра́дуйся, черто́же; ра́дуйся, престо́ле; / ра́дуйся, горо́ свята́я; / ра́дуйся, прибе́жище; / ра́дуйся, Боже́ственная трапе́зо; / ра́дуйся, две́ре та́йная; / ра́дуйся, всех ра́досте. Перевод: В воскресенье вечером Радуйся, Облако Света; / радуйся, Светильник сияющий; / радуйся, Сосуд с манной; / радуйся, Жезл Ааронов; / радуйся, несгорающий Терновый Куст; / радуйся, Чертог; радуйся, Престол; / радуйся, Гора Святая; радуйся, Прибежище; / радуйся, Божественная Трапеза; / радуйся, Дверь таинственная; / радуйся, всех Радость! В понедельник утра: Богоро́дице, всех Цари́це, / правосла́вных похвало́, / ерети́чествующих шата́ния разори́ / и лица́ их посрами́, / не кла́няющихся, ниже́ чту́щих, Пречи́стая, / честны́й Твой о́браз. Перевод: В понедельник утром Богородица всех Царица, / православных похвала! / Дерзость еретичествующих пресеки / и лица их покрой стыдом, / не чтущих священный образ Твой, Пречистая, / и не поклоняющихся ему. В понедельник вечера: Изба́ви нас от нужд на́ших, / Ма́ти Христа́ Бо́га, / ро́ждшая всех Творца́, / да вси зове́м Ти: / ра́дуйся, еди́но предста́тельство душ на́ших. Перевод: В понедельник вечером Избавь нас от бедствий наших, / Матерь Христа Бога, / родившая всех Творца, / чтобы все мы взывали Тебе: / «Радуйся, единственная Защита душ наших!» Во вторник утра: От всех бед рабы́ Твоя́ сохраня́й, / Благослове́нная Богоро́дице, / да Тя сла́вим, наде́жду душ на́ших. Перевод: Во вторник утром От всех бед рабов Твоих сохраняй, / благословенная Богородица, / дабы мы славили Тебя, / надежду душ наших. В среду вечера: Иму́ще Тя, Богоро́дице, упова́ние и предста́тельство, / вра́жиих наве́т не убои́мся, / я́ко спаса́еши ду́ши на́ша. Перевод: В среду вечером Имея Тебя, Богородица, надеждою и защитой, / вражьих наветов не убоимся, / ибо Ты спасаешь души наши. В четверток утра: Тя, сте́ну стяжа́хом, Богоро́дице Пречи́стая, / и благоути́шное приста́нище, и утвержде́ние. / Те́мже молю́ся, / и́же в житии́ обурева́емь / окорми́ и спаси́ мя. Перевод: В четверг утром В Тебе мы стену обрели, Богородица Пречистая, / и тихую пристань, и утверждение. / Потому молюсь, бурею житейскою носимый: / «Направь, как кормчий, и спаси меня!» В пяток вечера: Свеще́ неугаси́мая, престо́ле пра́ведный, / Пречи́стая Влады́чице, / моли́ спасти́ся душа́м на́шим. Перевод: В пятницу вечером Свеча неугасимая, Престол правды, / Пречистая Владычица, / моли о спасении душ наших. В субботу утра: Еди́на Чи́стая и Пречи́стая Де́во, / Я́же Бо́га безсе́менно ро́ждшая, / моли́ спасти́ся душа́м на́шим. Перевод: В субботу утром Единая чистая и непорочная Дева, / Бога без семени родившая, / моли о спасении душ наших. Глас 5 В неделю вечера: Стра́шно, и пресла́вно, и ве́лие та́инство: / Невмести́мый во чре́ве вмести́ся / и Ма́ти по рождестве́ па́ки пребы́сть Де́ва / Бо́га бо роди́, из Нея́ воплоще́нна. / Тому́ возопии́м, Тому́ пе́снь рцем, / с А́нгелы воспева́юще: / Свят еси́, Христе́ Бо́же, / И́же нас ра́ди вочелове́чивыйся, сла́ва Тебе́. Перевод: В воскресенье вечером Страшно и преславно и велико таинство: / Невместимый во чрево вместился, / и Матерь по рождестве по прежнему осталась Девой, / ибо родила Она Бога, от Нее воплотившегося. / Ему воззовем, Ему песнь возгласим, / с Ангелами воспевая: / «Свят Ты, Христе Боже, / нас ради вочеловечившийся, слава Тебе!» В понедельник утра: Обра́дованная, хода́тайствуй Твои́ми моли́твами / и испроси́ душа́м на́шим мно́жество щедро́т / и очище́ние мно́гих прегреше́ний, мо́лимся. Перевод: В понедельник утром Благодатная, ходатайствуй Твоими молитвами, / и испроси душам нашим множество щедрот / и очищение от многих согрешений, молимся. В понедельник вечера: Утоли́ боле́зни / многовоздыха́ющия души́ моея́, / утоли́вшая вся́ку сле́зу от лица́ земли́: / Ты бо челове́ков боле́зни отго́ниши / и гре́шных ско́рби разруша́еши. / Тебе́ бо вси стяжа́хом наде́жду и утвержде́ние, / Пресвята́я Ма́ти Де́во. Перевод: В понедельник вечером Облегчи болезни / много воздыхающей души моей, / удалившая всякую слезу с лица земли: / ибо Ты от людей болезни отгоняешь, / и уныние грешных прекращаешь. / Ибо в Тебе все мы обрели надежду и утверждение, / Пресвятая Матерь-Дева. Во вторник утра: Обра́дованная, хода́тайствуй Твои́ми моли́твами / и испроси́ душа́м на́шим мно́жество щедро́т / и очище́ние мно́гих прегреше́ний, мо́лимся. Перевод: Во вторник утром Благодатная, ходатайствуй Твоими молитвами / и испроси душам нашим множество щедрот / и очищение от многих согрешений, молимся. В среду вечера: Блажи́м Тя, Богоро́дице Де́во, / и сла́вим Тя, ве́рнии, по до́лгу, / град непоколеби́мый, сте́ну необори́мую, / тве́рдую Предста́тельницу / и прибе́жище душ на́ших. Перевод: В среду вечером Блаженною именуем Тебя, Богородица Дева, / и славим Тебя мы, верные, как подобает, – / град непоколебимый, стену непреодолимую, / твердую Защитницу, / и прибежище душ наших. В четверток утра: Блажи́м Тя, Богоро́дице Де́во, / я́ко из Тебе́ возсия́ Со́лнце пра́вды, Христо́с, / име́яй ве́лию ми́лость. Перевод: В четверг утром Блаженною мы именуем Тебя, Богородица Дева, / ибо из Тебя воссияло Солнце правды – Христос, / имеющий великую милость. В пяток вечера: Тебе́ мо́лимся я́ко Бо́жий Ма́тери: / Благослове́нная, моли́ / о спасе́нии душ на́ших. Перевод: В пятницу вечером Тебе мы молимся как Божией Матери: / «Благословенная, моли / о спасении душ наших!» В субботу утра: О́ле окая́нная душе́! / Кий отве́т и́маши рещи́ Судии́ во он час, / егда́ Престо́ли поста́вятся на Суде́ / и Судия́ прии́дет от Небе́с, / соше́д со тьма́ми а́нгельскими? / Егда́ ся́дет на Суди́щи / прю сотвори́ти с рабы́ непотре́бными, подо́бными мне, / что отвеща́ти и́маши? / что же принести́ тогда́? / Пои́стинне ничто́же, / ум и те́ло оскверни́вши твое́. / Те́мже припади́ к Де́ве и зови́ непреста́нно, / пода́ти тебе́ бога́тно грехо́в проще́ние. Перевод: В субботу утром О несчастная душа! / Какой ответ ты сможешь дать Судии в тот час, / когда престолы будут поставлены на суде, / и Судия придет с небес, / сойдя с мириадами Ангелов? / Когда Он сядет на судейском месте, / чтобы тяжбу совершить с рабами непотребными, подобными мне, / что сможешь ты тогда сказать в ответ? / и что привести в оправдание? / Поистине ничто, ибо осквернила ум и тело твое. / Потому припади к Деве и зови непрестанно, / да подаст тебе щедро грехов прощение. Глас 6 В неделю вечера: Арха́нгельски воспои́м, ве́рнии, / Небе́сный черто́г и две́рь запеча́танну вои́стинну: / ра́дуйся, Ея́же ра́ди отрасте́ нам Спас всех, Христо́с, / Жизнода́вец и Бог, / низложи́, Влады́чице, мучи́тели, / безбо́жныя враги́ на́ша / руко́ю Твое́ю, Пречи́стая, / упова́ние христиа́н. Перевод: В воскресенье вечером Воспоем, как Архангел, верные, / Небесный Чертог и Дверь запечатанную воистину: / «Радуйся, ибо через Тебя произрос для нас Спаситель всех Христос, / Податель жизни и Бог. / Низложи рукою Твоею мучителей, / безбожных врагов наших, / Владычица Пречистая, / упование христиан. В понедельник утра: Архангельское слово прияла еси, / и херувимский престол показалася еси, / и на объятиях Твоих носила еси, Богородице, / Надежду душ наших. Перевод: В понедельник утром Арха́нгельское сло́во прия́ла еси́, / и Херуви́мский престо́л показа́лася еси́, / и на объя́тиих Твои́х носи́ла еси́, Богоро́дице, / Наде́жду душ на́ших. В понедельник вечера: Никто́же, притека́яй к Тебе́, / посра́млен от Тебе́ исхо́дит, / Пречи́стая Богоро́дице Де́во, / но про́сит благода́ти / и прие́млет дарова́ние к поле́зному проше́нию. Перевод: В понедельник вечером Никто из прибегающих к Тебе / посрамленным от Тебя не уходит, / Пречистая Богородица Дева: / но просит благодати и на пользу принимает дар / по своему прошению. Во вторник утра: Вели́ких дарова́ний, Чи́стая Де́во Богома́ти, / Ты сподо́билася еси́, / я́ко родила́ еси́ пло́тию Еди́наго от Тро́ицы, / Христа́ Жизнода́вца / во спасе́ние душ на́ших. Перевод: Во вторник утром Великих дарований Ты удостоилась, / Чистая Дева Богоматерь, / ибо родила во плоти Единого от Троицы, / Подателя жизни Христа, / во спасение душ наших. В среду вечера: О́ко се́рдца моего́ / воспуща́ю к Тебе́, Влады́чице: / не пре́зри ма́лаго моего́ воздыха́ния / в час, егда́ су́дит Сын Твой ми́ру, / бу́ди ми покро́в и Помо́щница. Перевод: В среду вечером Око сердца моего / возвожу к Тебе, Владычица: / не презри малого моего воздыхания; / в час, когда Сын Твой судить будет мир, / стань для меня Покровом и Помощницей. В четверток утра: Преложе́ние скорбя́щих, / премене́ние боля́щих еси́, Богоро́дице Всепе́тая, / спаси́ град и лю́ди, / бори́мых умире́ние, обурева́емых тишина́, / Еди́на Предста́тельнице ве́рных. Перевод: В четверг утром Утешение скорбящим, исцеление болящих Ты, / Богородица всепрославленная; / спасай город и народ, / мир для подвергающихся нападению, / тишина носимым бурей, / единая Заступница верных. В пяток вечера: Моли́твами Ро́ждшия Тя, Христе́, / му́ченик Твои́х, и апо́стол, и проро́к, / и святи́телей, преподо́бных, и пра́ведных, и всех святы́х / усо́пшия рабы́ Твоя́ упоко́й. Перевод: В пятницу вечером Молитвами Родившей Тебя, Христе, / мучеников Твоих, и Апостолов, и пророков, / и святителей, преподобных и праведных, и всех святых, / усопших рабов Твоих упокой. В субботу утра: Бо́га, из Тебе́ воплоти́вшагося, разуме́хом, Богоро́дице Де́во: / Того́ моли́ о спасе́нии душ на́ших. Перевод: В субботу утром Бога, от Тебя воплотившегося, / мы познали, Богородица Дева: / Его моли о спасении душ наших. Глас 7 В неделю вечера: Е́же ра́дуйся, Тебе́ зове́м со А́нгелом, Богоневе́сто, / черто́г, и две́рь, и престо́л о́гненный нарица́юще Тебе́, / и несеко́мую го́ру, и купину́ неопали́мую. Перевод: В воскресенье вечером «Радуйся» взываем Тебе с Ангелом, Божия Невеста, / Чертогом, и Дверью, и Престолом огненным называя Тебя, / и не рассекаемой Горой, / и Кустом Терновым несгорающим. В понедельник утра: Умири́ моли́твами Богоро́дицы жи́знь на́шу, / вопию́щих Ти: / Ми́лостиве Го́споди, сла́ва Тебе́. Перевод: В понедельник утром Умиротвори жизнь нашу / по ходатайствам Богородицы, / когда мы Тебе взываем: / «Милостивый Господи, слава Тебе!» В понедельник вечера: Ра́дуйся, Со́лнца о́блаче мы́сленнаго и неизрече́ннаго, Влады́чице; / ра́дуйся, всесве́тлая свеще́; / ра́дуйся, све́щниче всезлаты́й. / Тобо́ю, Пресвята́я, Е́ва изба́влен от кля́твы. / Но я́ко иму́щи дерзнове́ние / ко Благопреме́нному Сы́ну Твоему́ и Бо́гу, / ма́тернею Твое́ю моли́твою / не оскуде́й моли́тися, Пречи́стая. Перевод: В понедельник вечером Радуйся, Владычица, / Облако невещественного и неописуемого Солнца; / радуйся, светлейшая Свеча; / радуйся, Светильник, весь из золота! / Тобою, Пресвятая, Ева от проклятия избавилась. / Но, как имеющая дерзновение / к незлопамятному Сыну Твоему и Богу, / не прекращай молиться Ему / материнской Твоей молитвою, Пречистая. Во вторник утра: Цвет, Христе́, прозя́бл еси́ от Де́вы / и просвети́л еси́ род челове́ческий. / Го́споди, сла́ва Тебе́. Перевод: Во вторник утром Ты как Свет, Христе, произошел от Девы / и просветил род человеческий; / Господи, слава Тебе. В среду вечера: Еди́ну по Рождестве́ Пречи́стую Де́ву воспои́м, / я́ко Ма́терь Бо́га Сло́ва, / глаго́люще: сла́ва Тебе́. Перевод: В среду вечером Единственную после родов непорочную / Деву воспоем, как Матерь Бога Слова, / возглашая: «Слава Тебе!» В четверток утра: Роди́лся еси́ от Де́вы несказа́нно, Христе́, / и просвети́л еси́ су́щия во тьме́, вопию́щия: / Го́споди, сла́ва Тебе́. Перевод: В четверг утром Родился Ты от Девы неизъяснимо, Христе, / и просветил тех, кто во тьме, взывающих: / «Господи, слава Тебе!» В пяток вечера: Я́же, Еди́на Невмести́маго прии́мши / и ро́ждши Бо́га Сло́ва воплоще́нна, / моли́ спасти́ся душа́м на́шим. Перевод: В пятницу вечером Одна Невместимого вместившая, / и родившая Бога – Слово воплощенное, / моли о спасении душ наших. В субботу утра: Моли, Дево, / со апостолы и мученики / обрести на Суде преставльшимся / велию милость. Перевод: В субботу утром Моли́, Де́во, со апо́столы и му́ченики / обрести́ на Суде́ преста́вльшимся / ве́лию ми́лость. Глас 8 В неделю вечера: Арха́нгела Гаврии́ла глас восприи́мше, рцем: / ра́дуйся, Ма́ти Бо́жия, / Я́же Жизнода́вца Христа́ ми́ру ро́ждши. Перевод: В воскресенье вечером Архангела Гавриила возглас подхватив, / воскликнем: «Радуйся, Матерь Божия, / жизни Подателя Христа миру родившая!» В понедельник утра: Небе́сная пою́т Тя, / Обра́дованная, Ма́ти Безневе́стная, / и мы славосло́вим неизсле́дованное Твое́ Рождество́, / Богоро́дице, моли́ спасти́ся душа́м на́шим. Перевод: В понедельник утром Небесные силы воспевают Тебя, благодатная, / Матерь, брака не познавшая, / и мы славословим неизъяснимое рождение Тобою Христа, Богородица; / моли о спасении душ наших. В понедельник вечера: Ра́дуйся, вселе́нныя похвало́; / ра́дуйся, хра́ме Госпо́день; / ра́дуйся, горо́ приосене́нная; / ра́дуйся, всех прибе́жище; / ра́дуйся, све́щниче златы́й; / ра́дуйся, сла́во правосла́вных честна́я; / ра́дуйся, Мари́е, Ма́ти Христа́ Бо́га; / ра́дуйся, раю́; ра́дуйся, Боже́ственная трапе́зо; / ра́дуйся, се́не; ра́дуйся, ру́чко всезлата́я; / ра́дуйся, всех упова́ние. Перевод: В понедельник вечером Радуйся, вселенной Похвала; / радуйся, Храм Господень; / радуйся, Гора Тенистая; / радуйся, всех Прибежище; / радуйся, Светильник Золотой; / радуйся, Слава православных, Священная; / радуйся, Мария, Матерь Христа Бога; / радуйся, Рай; радуйся, Божественная Трапеза; / Радуйся, Скиния; радуйся, Сосуд, весь из золота; / Радуйся, всех Упование! Во вторник утра: Кров Твой, Богоро́дице Де́во, / врачевство́ е́сть духо́вное: / в о́нь бо прибега́юще, / от душе́вных неду́г избавля́емся. Перевод: Во вторник утром Покров Твой, Богородица Дева, / – источник врачевания духовного: / ибо мы, прибегая к нему, / от душевных недугов избавляемся. В среду вечера:

Великаго во отцех подражая Паисия,/ якоже он в пустыню, тако и ты в пещеру вселился еси,/ идеже труды прилагая, блаженне, ко трудом,/ и псаломскому пению выну прилежал еси,/ моли о нас, поющих тя.

Послушание иноческое кровию мучения обагривша,/ ублажаем тя любезне,/ преподобномучениче Памво,/ и, покланяющеся честным мощем, верно молим:/ молися Господеви непрестанно о всех нас.

Скорый в бедах и скорбех заступниче,/ отче иерарше страны Сибирский,/ святителю Софроние,/ на Небеси предстояй с первоиерархом Иркутския Церкве и всеми святыми,/ выну имаши благоволение Господа славы,/ призри на люди, притекающия к честным останкам святых мощей твоих,/ с верою и любовию слезно просящия твоея помощи и заступления,/ моли, Егоже проповедал еси людем Сибири,/ избавити я от находящих зол и наветов вражиих,/ просветити людей оляденевшая древле неверием сердца,/ даровати утверждение веры Христовы/ и спасти души наша.

Всеблагая Чистая Богородице,/ к Тебе прибегаем, вернии,/ Тобою бо познахом милость Божию,/ чудную икону Твою,/ от ней же вси здравие и спасение приемлем.

Апостолов преемниче,/ архиереев сопрестольниче,/ России всея пастырю и учителю,/ всеблаженне отче Константине,/ Владыце всех молися/ мир пастве твоей даровати/ и спасение душам нашим и велию милость.

Иоанне премудре,/ земныя славы не возлюбив,/ того ради яко неистов ся творя,/ желая Царство Небесное наследовати,/ ударения и укорения приемля,/ наготу и зной терпя,/ тем ныне со Ангелы ликуеши,/ моли Христа Бога о душах наших.

Отечества, преподобне, удалився,/ в пустыню вселился еси,/ и, на остров Селигера езера возшед,/ жестоко житие показал еси,/ и, многих добродетельми удивив,/ дарования чудес от Христа приял еси./ Поминай нас, чтущих память твою, да зовем ти:// радуйся, Ниле, отче наш.

Яко трие велицыи светила, явистеся,/ озаряюще всю подсолнечную/ богоданною вам благодатию чудес,/ и просветисте молитвами своими верных сердца,/ вашу память чтущих честнаго пренесения./ И Владыку Христа, всех Творца, молите/ стране нашей на враги победу подати,/ яко имуще дерзновение,/ и нам просите велия милости, вопиющим к вам:/ радуйтеся, поборницы по Христове Церкви/ и многочестная светила, святителие славнии.

Христове смерти подобяся, и Того испити чашу возжелев, яко живота, за Него же мужески подвизався, презрев земное царство, от безбожных варвар пострадав до смерти, Георгие богомудре; тем моли спастися христолюбивому императору нашему молитвами твоими.

Днесь Едес град веселится,/ прием тобою Крещения баню,/ и Авгарь, страстей пременен, твою память славит./ С нимиже поем и мы:/ веселия духовнаго исполни живот наш/ и страсти исцели,/ Фаддее апостоле, молитвами твоими.

Днесь пастырь Кронштадтский/ предстоит Престолу Божию/ и усердно молит о верных/ Христа Пастыреначальника,/ обетование давшаго:/ созижду Церковь Мою, // и врата адова не одолеют ей.

Величаем тя,/ благоверный княже Александре,/ и чтим святое успение твое,/ и ныне молиши за нас// Христа, Бога нашего.

Акафист преподобному отцу нашему Феодору Освященному в формате pdf

Кондак 1 Возбранный чудотворче и предивный постниче, великий угодниче Христов, преподобне отче Тихоне, граду и стране нашей источаяй многочудесныя цельбы и милости, восхваляем тя любовию, достохвальне; ты же, яко имея дерзновение ко Господу, от всяких нас бед свободи, да зовем ти: Радуйся, преподобне отче наш Тихоне чудотворче. Икос 1 Ангелов Творец, в Троице Бог славимый, предуведевый чистаго сердца твоего изволение, показа тя мирови истиннаго ревнителя благочестия и добродетелей подвижника, вся земная вменившего в уметы. Того ради мы, любовию побеждаеми, вопием ти сице: Радуйся, богоносне, небесный человече; Радуйся, земный ангеле. Радуйся, обиталище Пресвятаго Духа; Радуйся, яко Бога ради отечества страну оставил еси. Радуйся, яко в пустыню вселился еси; Радуйся, яко слезами оную напоил еси. Радуйся, яко теми оную многоплодну сотворил еси; Радуйся, яко Божественными песнопении сию просветил еси. Радуйся, яко в той ученик стадо собрал еси; Радуйся, яко страху Божию тех научил еси. Радуйся, яко и ныне непрестанно молишися ко Господу о совершающих благочестно память твою; Радуйся, яко и нас соблюдаеши от врагов видимых и невидимых. Радуйся, преподобне отче наш Тихоне чудотворче. Кондак 2 Видяще, яко дана тебе бысть от Господа, преподобне отче наш Тихоне, благодать подавати скорое вспоможение всем, с верою к святым твоим мощем приходящим, и содевати преславная чудеса, мы, веселящеся, яко имеем таковаго милостиваго помощника, прославляем всесильнаго Бога и вопием Ему: Аллилуиа. Икос 2 Разум богомудрый стяжав и усмотрев суету мира сего, преподобне отче Тихоне, помышляя о небесном, вселился еси в пустыню, и в ней преславный храм боголепнаго преображения Господня и обитель устроив, собрал еси ту множество ученик. Сего ради вернии научишася воспевати тебе сице: Радуйся, яко стаду твоему отец и наставник был еси; Радуйся, яко смиренномудрием тех исправлял еси. Радуйся, яко обычай кроток имел еси; Радуйся, яко незлобиво сердце стяжал еси. Радуйся, яко земная отринув, умом твоим к небесным возшел еси; Радуйся, яко к вышнему течение твое выну исправлял еси. Радуйся, яко в добродетелех преславен обрелся еси; Радуйся, яко кроткому пастырю Христу последовал еси. Радуйся, яко алчущих питал еси; Радуйся, яко жаждущия напоял еси. Радуйся, яко всегда едино пред очима имел, еже со Христом быти; Радуйся, яко Той тя пресели в вечныя обители блаженства. Радуйся, преподобне отче наш Тихоне чудотворче. Кондак 3 Силою, данною ти свыше, блаженне Тихоне, долготу летнюю, пустынное озлобление и в потребных скудость пред очима имея, терпел еси благодарно, и тем Христа обрет в души твоей, Тому выну воспевал еси: Аллилуиа. Икос 3 Имуще тя воистинну, отче Тихоне, подвижника крепкаго и молитвенника бодраго, и мысленно взирающе на досточудныя твоя подвиги и труды, мы, любовию твоею побеждаеми, умильно вопием ти сице: Радуйся, яко ангельски на земли пожил еси; Радуйся, яко жития чистотою страну нашу просветил еси. Радуйся, яко тяготу вара дневнаго понесл еси; Радуйся, яко слезными потоки землю сердца твоего напоил еси. Радуйся, яко теми лукавых духов ополчения попрал еси; Радуйся, яко молчанием язык обуздал еси. Радуйся, яко благою жизнию твоею образ терпения и смиренномудрия нам явил еси; Радуйся, яко высоту добродетелей достигл еси. Радуйся, яко восприял еси Святаго Духа озарение; Радуйся, яко воистинну честна смерть твоя, преподобне. Радуйся, яко и по смерти с нами пребываеши; Радуйся, яко верно почитающим тя во всяких нуждах помогаеши. Радуйся, преподобне отче наш Тихоне чудотворче. Кондак 4 Буря недоумения смущает ум наш, како бо возможем исчислити подвиги твоя, блаженне Тихоне: бдение и сухоядение, непрестанныя молитвы и прочия добродетели; но мы дивно Богу, в тебе прославляющемуся, дерзаем воспевати: Аллилуиа. Икос 4 Слышавше ближнии и дальнии, преподобне отче наш Тихоне, ангелоподобное твое житие, и яко молитвою твоею мнози, с верою притекающии к раце мощей твоих, исцеление приемлют от разнообразных недугов, благодарно воспоминающе о толиких твоих благодеяниих, радостно взывают к тебе таковая: Радуйся, недугующих врачу; Радуйся, скорбным сострадателю. Радуйся, в душевных и телесных немощех скорый целителю; Радуйся, елей милости подающий. Радуйся, светильник, благочестием сияющий; Радуйся, яко древо благорасленное при водах. Радуйся, яко многи ветви добродетелей израстил еси; Радуйся, яко под сень пустыни твоея хотящих спасения приимал еси. Радуйся, яко о тех молитвенник тепл в жизни твоей был еси; Радуйся, яко благими делы душу твою украсил еси. Радуйся, яко велику благодать и силу от Бога приял еси; Радуйся, просящим милости подателю. Радуйся, преподобне отче наш Тихоне чудотворче. Кондак 5 Боготечная звезда явился еси во стране нашей, наставляя всех на путь спасения; призывающих бо тя вскоре предваряеши и от всяких бед и напастей избавляеши, верныя же научаеши спасающему тобою Богу взывати: Аллилуиа. Икос 5 Видевши российстии народи богоспасаемыя страны сея пречудное по Бозе житие твое, Тихоне преподобне, яко аще и последи лет нам возсиял еси, но древних отец чести сподобился еси, дарования чудес достойно приим от Бога, того ради научишася пети тебе: Радуйся, великий Богу угодниче; Радуйся, яко во временней жизни, любве ради ко Господу, выну во спасение души твоея трудился еси. Радуйся, яко Его же помощию оставль тленная стяжал еси блага неистленная; Радуйся, яко благодатию Божиею сподобился еси стояти у Престола Владычня. Радуйся, яко тако сподобился еси быти причастником славы вечныя; Радуйся, тамо получивый благодать ходатайствовати о нас. Радуйся, скорый помощниче призывающим тя; Радуйся, готовый пособителю христианом. Радуйся, православному нашему царству защитителю; Радуйся, многая чудеса благодатию Святаго Духа содеявый. Радуйся, тем слепым прозрение подаваяй; Радуйся, хромым хождение исправляяй. Радуйся, преподобне отче наш Тихоне чудотворче. Кондак 6 Проповедует Калужская наша страна труды твоя и подвиги, богомудре Тихоне, подъятые тобою душевнаго ради твоего спасения, егоже ради прослави тя Господь славою благолепною. Темже в пустыни яко древо благоплодовитое явился еси, от негоже духовно питаемся, благодаряще Бога и вопиюще к Нему: Аллилуиа. Икос 6 Возсия православней российстей земли нашей просвещение совершенных твоих добродетелей и чудес, преподобне отче Тихоне, о нихже благодаряще Бога, давшаго тебе таковую благодать, к тебе, яко к теплому о нас молитвеннику, радостная воспеваем, глаголюще: Радуйся, живый ангельски на земли; Радуйся, от страстей греховных себе удаливши. Радуйся, образ истиннаго терпения бывый; Радуйся, совершенное смирение нам в себе явивый. Радуйся, наставниче спасению; Радуйся, грешных приводяй ко исправлению. Радуйся, Христовых заповедей исполнителю; Радуйся, душ немощных целителю. Радуйся, лукавых духов прогонителю; Радуйся, благочестия ревнителю. Радуйся, неоскудный милости подателю; Радуйся, благих желаний исполнителю. Радуйся, преподобне отче наш Тихоне чудотворче. Кондак 7 Хотя избран дом Духу Святому себе сотворити, потщался еси тесным и прискорбным путем, ведущим в жизнь вечную, ити, еже благодатию Божиею от юности твоея совершив непорочно, тем достигл еси в небесном всерадостном пребывании воздаяния, и тамо благодарственно поеши Богу: Аллилуиа. Икос 7 Новую благодать показа всех Владыка тебе, богомудре Тихоне: многая бо и преславная чудеса в мире живущим людем действуеши и скорым твоим ходатайством пособствуеши. Темже вопием тебе таковая: Радуйся, иноком добрый наставниче; Радуйся, пустыню имевый яко тихое пристанище. Радуйся, яко в той аки безплотен пожил еси; Радуйся, аки многомятежие мира презрел еси. Радуйся, непостоянную суету яко прах вменивый; Радуйся, яко к премирным ум твой возвел еси. Радуйся, яко безмолвием воздержал еси телесныя чувства; Радуйся, яко тем Богу угодил еси. Радуйся, ангельскую жизнь стяжавый; Радуйся, яко ко отшествию от мира сего всегда себе готовил еси. Радуйся, яко благими делы душу твою украшал еси; Радуйся, о людех неложный молитвенниче. Радуйся, преподобне отче наш Тихоне чудотворче. Кондак 8 Странное чудо и выше ума: ты бо преславную от Бога прием благодать, с верою прибегающим к тебе источаеши дарования исцелений, преподобне отче Тихоне; сего ради славит тя священная твоя обитель, идеже положено святое твое тело, и мы, усердное моление зде приносяще, благодарим прославльшаго тя Господа и выну вопием Ему: Аллилуиа. Икос 8 Весь еси и всем воистинну, преподобне отче Тихоне, дивен явился еси: аще бо и плоть в мире носил еси, но вся плотская мудрования презрев, ангельски на земли пожил еси. Мы же, видевше толикия твоя подвиги, благодарными устнами вопием ти: Радуйся, собеседниче ангелов; Радуйся, украшение праведных. Радуйся, ластовице сладкопеснивая; Радуйся, органе Духа Святаго. Радуйся, цевнице духовная; Радуйся, отче чадолюбивый. Радуйся, стада твоего пастырю добрый; Радуйся, благий и верный рабе. Радуйся, делателю винограда Христова; Радуйся, данный тебе талант от Бога усугубивый. Радуйся, неподвижимый благочестия столпе; Радуйся, непоколебимое ограждение веры. Радуйся, преподобне отче наш Тихоне чудотворче. Кондак 9 Всякия болезни наша и печали утоли, великий наш заступниче, преподобне отче Тихоне, и подаждь нам последовати твоему житию, славу земную ни во чтоже вменяти и честь временную презирати; тоя бо ради добродетели прослави тя Бог на небеси, идеже ныне Ему ты предстоиши и непрестанно воспеваеши: Аллилуиа. Икос 9 Вития многовещанныя недоумеют достойно славити тя, преподобне отче Тихоне, ибо многая и преславная чудодействия источаеши благодатию Божиею. Мы же, любовию побеждаеми, дерзаем пети тебе сице: Радуйся, слепых просветителю; Радуйся, хромых исправителю. Радуйся, разслабленных целителю; Радуйся, злых помыслов прогонителю. Радуйся, скорбящих утешение; Радуйся, яко хульныя уста вражия заградил еси. Радуйся, яко ослабленная сердца к вере и упованию наставил еси; Радуйся, яко твоими молитвами тех спасл еси. Радуйся, яко тьму суеверия прогнал еси; Радуйся, яко к небесному свету многих направил еси. Радуйся, светильниче, сияющий добродетельми; Радуйся, единаго Бога истинный исповедниче. Радуйся, преподобне отче наш Тихоне чудотворче. Кондак 10 Спасти хотя душу твою, преподобне отче Тихоне, в юности возраста своего оставя отечество твое и страну, достигл еси царствующаго града Москвы, и конечнаго ради смирения своего восприяв иноческий образ, вселился еси в пустыне, идеже устроив храм боголепнаго преображения и собрав ученик множество, богоугодно подвизался еси в посте и воздержании, терпя различная искушения благодарно и работая Господеви, Емуже на небесех предстоя, ныне вопиеши: Аллилуиа. Икос 10 Стена твердая явился еси всем человеком, к заступлению твоему прибегающим, преподобне отче Тихоне, темже и нас, к тебе притекающих и твоея святыя помощи просящих, от всяких бед и напастей заступай и ограждай, за еже мы вопием к тебе таковая: Радуйся, богатства мира сего возненавидевый; Радуйся, нетленная сокровища на небесех возлюбивый. Радуйся, единаго безценнаго бисера Христа Бога приобретый; Радуйся, иноческую нищету возлюбивый. Радуйся, яко с тою во все дни иноческия жизни твоея пребыл еси неразлучно; Радуйся, яко тою стяжал еси богатая сокровища на небеси. Радуйся, яко ангельския достигл еси чины, ихже житию непорочно поревновал еси; Радуйся, яко уневестил еси душу твою жениху Христу. Радуйся, яко от Него на небесех обрел еси мзду трудов твоих; Радуйся, яко вшел еси в радость Господа твоего. Радуйся, яко тамо наслаждаешися вечныя славы Его; Радуйся, преподобне отче наш Тихоне чудотворче. Кондак 11 Пение благодарственное Христу Богу, тя, преподобне отче Тихоне, прославляющему, вси православнии возсылают, яко Господь даровал есть ти многих чудес силу всякия недуги исцеляти. Ему же ты предстоиши у Престола Его на небесех, нас же земных всех научаеши в Троице Единому Богу воспевати: Аллилуиа. Икос 11 Светозарным светом блистает преславный храм твой, преподобне отче Тихоне чудотворче, имея цельбоносный твой гроб, яко светильник пресветлый, да входяще видим, и благоговейно чествуя тя, дерзаем глаголати тебе: Радуйся, светильниче света небеснаго; Радуйся, яко лучами святыни твоея нас озаряеши. Радуйся, яко блистанием чудес твоих нашу страну просвещаеши; Радуйся, яко притекающих к тебе утешаеши. Радуйся, врачу душ наших благоприятнейший; Радуйся, скорбящих грехами всерадостное утешение. Радуйся, отчаянных надежда спасения; Радуйся, обидимых скорый заступниче. Радуйся, правды истинный хранителю; Радуйся, крепкий наш столпе и забрало. Радуйся, пламень, пожигаяй злочестие; Радуйся, росоносный облак благодати, возращаяй благочестие. Радуйся, преподобне отче наш Тихоне чудотворче. Кондак 12 Благодать, данную тебе от Бога, преподобне отче Тихоне, сведуще, тебе нашего милостиваго отца прилежно просим: пролей ныне теплую твою молитву о нас грешных ко Господу, да утвердит и укрепит нашу страну российскую, церковь же святую и веру православную да сохранит и вся православныя христианы помилует, всегда вопиющия Ему: Аллилуиа. Икос 12 Поюще дивнаго во святых Своих Бога нашего, преподобне отче наш Тихоне, и почитающе всечестное твое успение, яко и по преставлении твоем не оставляеши нас благодатными чудес даровании, скорое твое нам во всяких нуждах и печалех поможение прославляем, и вопием к тебе сице: Радуйся, великий наш молитвенниче; Радуйся, известный Бога умилостивителю. Радуйся, всех православных скорый помощниче; Радуйся, в бедах всем скорый заступниче. Радуйся, сильный в напастех защитниче; Радуйся, алчущим кормителю. Радуйся, скорый врачу всем к тебе прибегающим; Радуйся, всяких исцелений источниче. Радуйся, люте страждущим помощниче; Радуйся, везде и всем скорый предстателю. Радуйся, страны нашея похвало и утверждение; Радуйся, православному воинству нашему сила и укрепление. Радуйся, преподобне отче наш Тихоне чудотворче. Кондак 13 О великий и преславный чудотворче и заступниче наш, Тихоне блаженне! Приими сие приносимое тебе моление и благоприятным твоим ходатайством умоли Господа Сил всем нам избавитися от всяких скорбей, бед и напастей, и грядущая в небесных благая улучити вопиющим Ему: Аллилуиа.[Се́й конда́к глаго́лется три́жды.][Далее повторяем 1‑е икос и кондак:]Икос 1 Ангелов Творец, в Троице Бог славимый, предуведевый чистаго сердца твоего изволение, показа тя мирови истиннаго ревнителя благочестия и добродетелей подвижника, вся земная вменившего в уметы. Того ради мы, любовию побеждаеми, вопием ти сице: Радуйся, богоносне, небесный человече; Радуйся, земный ангеле. Радуйся, обиталище Пресвятаго Духа; Радуйся, яко Бога ради отечества страну оставил еси. Радуйся, яко в пустыню вселился еси; Радуйся, яко слезами оную напоил еси. Радуйся, яко теми оную многоплодну сотворил еси; Радуйся, яко Божественными песнопении сию просветил еси. Радуйся, яко в той ученик стадо собрал еси; Радуйся, яко страху Божию тех научил еси. Радуйся, яко и ныне непрестанно молишися ко Господу о совершающих благочестно память твою; Радуйся, яко и нас соблюдаеши от врагов видимых и невидимых. Радуйся, преподобне отче наш Тихоне чудотворче. Кондак 1 Возбранный чудотворче и предивный постниче, великий угодниче Христов, преподобне отче Тихоне, граду и стране нашей источаяй многочудесныя цельбы и милости, восхваляем тя любовию, достохвальне; ты же, яко имея дерзновение ко Господу, от всяких нас бед свободи, да зовем ти: Радуйся, преподобне отче наш Тихоне чудотворче. Молитва преподобному Тихону Калужскому О преподобне отче наш Тихоне! Моли милостиваго Бога о нас, смиренных и недостойных, раб Божиих (имена), да избавит храм (дом) сей и приход наш от всяких бед и зол, да отпустит нам вся прегрешения наша, да спасет нас благодатию Своею и сподобит радости вечныя наслаждатися в горнем оном Иерусалиме купно с тобою и со всеми святыми, от века Ему благоугодившими, в них же в Троице славимый Бог благословен есть всегда, ныне и присно и во веки веков.

Аудио: Кондак 1 Возбра́нный Чудотво́рче и изря́дный уго́дниче Христо́в, ми́ру всему́ источа́яй многоце́нное ми́лости ми́ро и неисчерпа́емое чуде́с мо́ре, восхваля́ю тя любо́вию, святи́телю Нико́лае; ты же, я́ко име́яй дерзнове́ние ко Го́споду, от вся́ких мя бед свободи́, да зову́ ти: Обороняющий нас чудотворец и избранный служитель Христов, всему миру источающий многоценное милости миро и чудес неисчерпаемое море! Восхваляю тебя с любовью, святитель Николай; ты же, как имеющий дерзновение к Господу, от всяких бед меня освободи, дабы я взывал тебе: Ра́дуйся, Нико́лае, вели́кий Чудотво́рче. Радуйся, Николай, великий чудотворец! Икос 1 А́нгела о́бразом, земна́го су́ща естество́м, яви́ тебе́ всея́ тва́ри Созда́тель: благопло́дную бо добро́ту души́ твоея́ прови́дев, преблаже́нне Нико́лае, научи́ всех вопи́ти тебе́ си́це: Ангела образом, земного естеством, – таким явил тебя всего творения Создатель, ибо многоплодную красоту души твоей провидев, преблаженный Николай, научил Он всех так возглашать тебе: Ра́дуйся, от утро́бы ма́терния очище́нный; Радуйся, от чрева материнского очищенный ра́дуйся, да́же до конца́ освяще́нный. радуйся, даже до конца освящённый. Ра́дуйся, рожде́нием свои́м роди́телей удиви́вый; Радуйся, рождением своим родителей удививший; ра́дуйся, си́лу душе́вную а́бие по рождестве́ яви́вый. радуйся, силу душевную сразу же по рождестве явивший. Ра́дуйся, са́де земли́ обетова́ния; Радуйся, отрасль земли обетования; ра́дуйся, цве́те Боже́ственнаго сажде́ния. радуйся, цвет Божественного насаждения. Ра́дуйся, лозо́ доброде́тельная виногра́да Христо́ва; Радуйся, лоза добродетельная виноградника Христова; ра́дуйся, дре́во чудото́чное рая́ Иису́сова. радуйся, древо чудотворное рая Иисуса. Ра́дуйся, кри́не ра́йскаго прозябе́ния; Радуйся, лилия райского произрастания; ра́дуйся, ми́ро Христо́ва благоуха́ния. радуйся, миро Христова благоухания. Ра́дуйся, я́ко тобо́ю отго́нится рыда́ние; Радуйся, ибо тобою отгоняется рыдание; ра́дуйся, я́ко тобо́ю прино́сится ра́дование. радуйся, ибо тобою приносится радость. Ра́дуйся, Нико́лае, вели́кий Чудотво́рче. Радуйся, Николай, великий чудотворец! Кондак 2 Ви́дяще твои́х мир излия́ние, Богому́дре, просвеща́емся душа́ми и телесы́, ди́внаго тя мирото́чца живоно́сна, Нико́лае, разуме́юще: чудесы́ бо, я́ко вода́ми, благода́тию Бо́жиею излива́ющимися, напая́еши ве́рно вопию́щих Бо́гу: Аллилу́иа. Видя излияние твоего мира, богомудрый, мы просвещаемся душевно и телесно, уразумевая в тебе, Николай, дивного живоносного мироточца: ибо чудесами, как водами, по Божией благодати изливающимися, напояешь ты с верою взывающих к Богу: Аллилуйя. Икос 2 Ра́зум неуразуме́нный вразумля́я о Святе́й Тро́ице, был еси́ в Нике́и со святы́ми отцы́ побо́рник испове́дания правосла́вныя ве́ры: ра́вна бо Отцу́ Сы́на испове́дал еси́, соприсносу́щна и сопресто́льна, А́рия же безу́мнаго обличи́л еси́. Сего́ ра́ди ве́рнии научи́шася воспева́ти тебе́: Постигая недоступное познанию учение о Святой Троице, был ты в Никее со святыми отцами поборником исповедания православной веры: ибо равным Отцу Сына исповедал, столь же вечным и равным властью, Ария же безумного обличил. Потому верные научились воспевать тебе: Ра́дуйся, вели́кий благоче́стия сто́лпе; Радуйся, великий благочестия столп; ра́дуйся, ве́рных прибе́жища гра́де. радуйся, город убежища верным. Ра́дуйся, тве́рдое Правосла́вия укрепле́ние; Радуйся, твёрдое православия укрепление; ра́дуйся, честно́е Пресвяты́я Тро́ицы носи́ло и похвале́ние. радуйся, Пресвятой Троицы драгоценная колесница и восхваление. Ра́дуйся, Отцу́ равноче́стна Сы́на пропове́давый; Радуйся, Сына Божия равным честью Отцу провозгласивший; ра́дуйся, А́рия возбеси́вшагося от Собо́ра святы́х отгна́вый. радуйся, Ария, впавшего в безумие, от сонма святых отогнавший. Ра́дуйся, о́тче, отце́в сла́вная красото́; Радуйся, отец, отцов славная красота; ра́дуйся, всех богому́дрых прему́драя добро́то. радуйся, всех богомудрых премудрое благолепие. Ра́дуйся, о́гненная словеса́ испуща́яй; Радуйся, огненные слова испускающий; ра́дуйся, до́бре ста́до свое́ наставля́яй. радуйся, стадо своё прекрасно наставляющий. Ра́дуйся, я́ко тобо́ю ве́ра утвержда́ется; Радуйся, ибо тобою вера утверждается; ра́дуйся, я́ко тобо́ю е́ресь низлага́ется. радуйся, ибо тобою ересь низлагается. Ра́дуйся, Нико́лае, вели́кий Чудотво́рче. Радуйся, Николай, великий чудотворец! Кондак 3 Си́лою, да́нною ти свы́ше, слезу́ вся́ку отъя́л еси́ от лица́ лю́те стра́ждущих, богоно́сне о́тче Нико́лае: а́лчущим бо яви́лся еси́ корми́тель, в пучи́не морсте́й су́щим изря́дный прави́тель, неду́гующим исцеле́ние и всем всяк помо́щник показа́лся еси́, вопию́щим Бо́гу: Аллилу́иа. Силою, данною тебе свыше, всякую слезу отёр ты с лица тяжко страждущих, богоносный отче Николай: ибо алчущим явился ты питателем, в морской пучине плавающим искусным кормчим, недужным исцелением и во всём оказываешься помощником для всех, взывающих Богу: Аллилуйя. Икос 3 Име́яше вои́стину, о́тче Нико́лае, с Небесе́ песнь тебе́ воспева́ема быти, а не от земли́: ка́ко бо кто от челове́к возмо́жет твоея́ святы́ни вели́чия пропове́дати? Но мы, любо́вию твое́ю побежда́еми, вопие́м ти си́це: Должна была бы воистину, отче Николай, с небес песнь тебе воспеваться, а не от земли; ибо как кто-либо из людей сможет о величии святости твоей провозгласить? Но мы, любовью твоею побеждаемые, взываем тебе так: Ра́дуйся, о́бразе а́гнцев и па́стырей; Радуйся, образ агнцам и пастырям; ра́дуйся, свято́е очисти́лище нра́вов. радуйся, святое очищение нравов. Ра́дуйся, доброде́телей вели́ких вмести́лище; Радуйся, добродетелей великих вместилище; ра́дуйся, святы́ни чи́стое и честно́е жили́ще. радуйся, святыни чистое и драгоценное жилище. Ра́дуйся, свети́льниче всесве́тлый и вселюби́мый; Радуйся, светильник всем светящий и всеми любимый; ра́дуйся, све́те златоза́рный и непоро́чный. радуйся, свет златозарный и непорочный. Ра́дуйся, досто́йный А́нгелов собесе́дниче; Радуйся, достойный Ангелов собеседник; ра́дуйся, до́брый челове́ков наста́вниче. радуйся, добрый людей наставник. Ра́дуйся, пра́вило ве́ры благочести́выя; Радуйся, правило веры благочестивой; ра́дуйся, о́бразе кро́тости духо́вныя. радуйся, образ кротости духовной. Ра́дуйся, я́ко тобо́ю от страсте́й теле́сных избавля́емся; Радуйся, ибо мы тобою от страстей телесных избавляемся; ра́дуйся, я́ко тобо́ю сла́достей духо́вных исполня́емся. радуйся, ибо тобою мы наслаждений духовных исполняемся. Ра́дуйся, Нико́лае, вели́кий Чудотво́рче. Радуйся, Николай, великий чудотворец! Кондак 4 Бу́ря недоуме́ния смуща́ет ми ум, ка́ко досто́йно есть пе́ти чудеса́ твоя́, блаже́нне Нико́лае? Никто́же бо мо́жет я исчести́, а́ще бы и мно́ги язы́ки име́л и глаго́лати восхоте́л; но мы, ди́вно Бо́гу в тебе́ прославля́ющемуся, дерза́ем воспева́ти: Аллилу́иа. Буря недоумения смущает мой ум: как достойно воспеть чудеса твои, блаженный Николай? Ибо никто не может их исчислить, хотя бы и много языков имел и вещать ими восхотел. Но мы Богу, дивно в тебе прославляющемуся, дерзаем воспевать: Аллилуйя. Икос 4 Слы́шаша, богому́дре Нико́лае, бли́жнии и да́льнии вели́чие чуде́с твои́х, я́ко по возду́ху ле́гкими благода́тными крила́ми навы́кл еси́ су́щих в беда́х предваря́ти, ско́ро от тех избавля́я всех, вопию́щих к тебе́ такова́я: Услышали, богомудрый Николай, ближние и дальние о величии чудес твоих: обычно для тебя первым спешить на помощь как по воздуху на лёгких крыльях благодати к находящимся в бедах, от них скоро избавляя всех, взывающих к тебе так: Ра́дуйся, избавле́ние от печа́ли; Радуйся, избавление от печали; ра́дуйся, подая́ние благода́ти. радуйся, податель благодати. Ра́дуйся, неча́емых зол прогони́телю; Радуйся, нежданных зол прогонитель; ра́дуйся, жела́емых благи́х насади́телю. радуйся, желанных благ насадитель. Ра́дуйся, ско́рый уте́шителю в беде́ су́щих; Радуйся, скорый утешитель в беде пребывающих; ра́дуйся, стра́шный наказа́телю оби́дящих. радуйся, страшный отмститель обидчикам. Ра́дуйся, чуде́с пучи́но, Бо́гом излия́нная; Радуйся, чудес пучина, Богом излитая; ра́дуйся, зако́на Христо́ва скрижа́ли, Бо́гом пи́санныя. радуйся, скрижали закона Христова, Богом писанные. Ра́дуйся, кре́пкое па́дающих возведе́ние; Радуйся, крепкое падающих восстановление; ра́дуйся, пра́во стоя́щих утвержде́ние. радуйся, право стоящих утверждение. Ра́дуйся, я́ко тобо́ю всякая лесть обнажа́ется; Радуйся, ибо тобою всякая ложь обличается; ра́дуйся, я́ко тобо́ю всякая и́стина сбыва́ется. радуйся, ибо тобою всякая истина сбывается. Ра́дуйся, Нико́лае, вели́кий Чудотво́рче. Радуйся, Николай, великий чудотворец! Кондак 5 Боготе́чная звезда́ яви́лся еси́, наставля́я по мо́рю пла́вающих лю́те, и́мже смерть предстоя́ше вско́ре иногда́, а́ще не бы ты предста́л еси́ призыва́ющим тя в по́мощь, Чудотво́рче святы́й Нико́лае; уже́ бо несты́дно бесо́м лета́ющим и погрузи́ти корабли́ хотя́щим запрети́в, отгна́л еси́ их, ве́рныя же научи́л еси́ спаса́ющему тобо́ю Бо́гу взыва́ти: Аллилу́иа. Богом движимой звездой явился ты, направляя некогда по морю плавающих бедственно, которым смерть предстояла вскоре, если бы ты не предстал призывающим на помощь, тебя, святой чудотворец Николай; ведь когда бесы уже не таясь летали и потопить корабли старались, ты, запретив, их отогнал, верных же научил взывать через тебя спасающему Богу: Аллилуйя. Икос 5 Ви́деша отрокови́цы, на брак скве́рный нищеты́ ра́ди угото́ванныя, вели́кое твое́ к ни́щим милосе́рдие, преблаже́нне о́тче Нико́лае, егда́ ста́рцу роди́телю их но́щию узельцы́ три зла́та тая́ся пода́л еси́, самаго́ со дще́рьми избавля́я от паде́ния грехо́внаго. Того́ ра́ди слы́шиши от всех си́це: Увидели отроковицы, к браку позорному из-за нищеты приготовленные, великое твоё к нищим милосердие, преблаженный отче Николай, когда ты старцу, родителю их, ночью три узелка золота тайно подал, его самого с дочерями избавляя от падения греховного. Потому слышишь от всех такие похвалы: Ра́дуйся, ми́лости превели́кия сокро́вище; Радуйся, величайшей милости сокровищница; ра́дуйся, промышле́ния о лю́дех прия́телище. радуйся, промысла о людях вместилище. Ра́дуйся, пи́ще и отра́до к тебе́ прибега́ющих; Радуйся, пища и отрада к тебе прибегающим; ра́дуйся, хле́бе неснеда́емый а́лчущих. радуйся, хлеб неистощимый алчущим. Ра́дуйся, бога́тство, бе́дне живу́щим на земли́, Бо́гом да́нное; Радуйся, богатство, бедно живущим на земле Богом данное; ра́дуйся, воздви́жение ско́рое убо́гих. радуйся, скорое возвышение убогих. Ра́дуйся, бы́строе ни́щих услы́шание; Радуйся, быстро нищих слышащий; ра́дуйся, скорбя́щих прия́тное попече́ние. радуйся, о скорбящих благостное попечение. Ра́дуйся, трие́х дев непоро́чный невести́телю; Радуйся, трёх дев непорочным браком сочетавший; ра́дуйся, чистоты́ усе́рдный храни́телю. радуйся, чистоты усердный хранитель. Ра́дуйся, ненаде́жных наде́яние; Радуйся, безнадёжных надежда; ра́дуйся, всего́ ми́ра наслажде́ние. радуйся, всего мира наслаждение. Ра́дуйся, Нико́лае, вели́кий Чудотво́рче. Радуйся, Николай, великий чудотворец! Кондак 6 Пропове́дует мир весь тебе́, преблаже́нне Нико́лае, ско́раго в беда́х засту́пника: я́ко мно́гажды во еди́нем часе́, по земли́ путеше́ствующим и по мо́рю пла́вающим, предваря́я, посо́бствуеши, ку́пно всех от злых сохраня́я, вопию́щих к Бо́гу: Аллилу́иа. Проповедует весь мир о тебе, преблаженный Николай, как о скором в бедах заступнике, ибо многократно в одно и то же время по земле путешествующим и по морю плавающим первым приходя на помощь, вместе от зол сохраняешь всех, взывающих к Богу: Аллилуйя. Икос 6 Возсия́л еси́ свет живо́тный, избавле́ние нося́ воево́дам, непра́ведную смерть прия́ти иму́щим, тебе́, до́брый па́стырю Нико́лае, призыва́ющим, егда́ вско́ре я́влься во сне царе́ви, устраши́л еси́ его́, сих же неврежде́нных отпусти́ти повеле́л еси́. Сего́ ра́ди с ни́ми ку́пно и мы благода́рственно вопие́м ти: Воссиял ты, как свет жизни, принося избавление воеводам, которым предстояло смерть неправедную принять, и тебя, добрый пастырь Николай, призывавшим, когда ты, вскоре явившись во сне царю, устрашил его, их же невредимыми отпустить повелел. Потому и мы вместе с ними благодарственно взываем тебе: Ра́дуйся, усе́рдно призыва́ющим тя помога́яй; Радуйся, усердно призывающим тебя помогающий; ра́дуйся, от непра́веднаго убие́ния избавля́яй. радуйся, от неправедного убийства избавляющий. Ра́дуйся, от ле́стныя сохраня́яй клеветы́; Радуйся, сохраняющий от коварной клеветы; ра́дуйся, непра́ведныя разруша́яй сове́ты. радуйся, разрушающий неправедные советы. Ра́дуйся, растерза́яй лжу я́ко паучи́ну; Радуйся, разрывающий ложь, как паутину; ра́дуйся, возноша́яй сла́вно и́стину. радуйся, возвышающий славно истину. Ра́дуйся, непови́нных от уз разреше́ние; Радуйся, невинных от уз освобождение; ра́дуйся, и мертвеце́в оживле́ние. радуйся, и мертвецов оживление. Ра́дуйся, прояви́телю пра́вды; Радуйся, являющий правду; ра́дуйся, помрачи́телю непра́вды. радуйся, помрачающий неправду. Ра́дуйся, я́ко тобо́ю непови́ннии избавлени от меча́; Радуйся, ибо тобою неповинные избавлены от меча; ра́дуйся, я́ко тобо́ю наслади́шася све́та. радуйся, ибо благодаря тебе они насладились светом. Ра́дуйся, Нико́лае, вели́кий Чудотво́рче. Радуйся, Николай, великий чудотворец! Кондак 7 Хотя́ богоху́льное ерети́ческое отгна́ти злосмра́дие, ми́ро вои́стину благово́нное, та́инственное яви́лся еси́, Нико́лае: лю́ди Мире́йския упа́сл еси́ и весь мир свои́м благода́тным ми́ром испо́лнил еси́. И от нас у́бо богоме́рзкое грехо́вное злосмра́дие отжени́, да благоприя́тно Бо́гу вопие́м: Аллилу́иа. Желая отогнать богохульный еретический смрад, миром воистину благоуханным, таинственный ты явился, Николай: людей Мир Ликийских пас, и весь мир своим благодатным миром исполнил. И от нас богомерзкий греховный смрад отгони, дабы мы взывали благоугодно Богу: Аллилуйя. Икос 7 Но́ваго тя Но́я, наста́вника ковче́га спаси́тельнаго разуме́ем, о́тче святы́й Нико́лае, бу́рю всех лю́тых разгоня́ющаго направле́нием свои́м, тишину́ же Боже́ственную принося́щаго вопию́щим такова́я: Нового Ноя, кормчего ковчега спасительного видим мы в тебе, святой отче Николае, бурю всех лютых бед разгоняющего управлением своим, тишину же Божественную приносящего взывающим так: Ра́дуйся, обурева́емых ти́хое приста́нище; Радуйся, носимых бурей тихое пристанище; ра́дуйся, утопа́ющих изве́стное храни́лище. радуйся, утопающих надёжная охрана. Ра́дуйся, пла́вающих посреде́ пучи́н до́брый ко́рмчий; Радуйся, плавающим среди пучин добрый кормчий; ра́дуйся, треволне́ния морска́я уставля́ющий. радуйся, треволнения морские прекращающий. Ра́дуйся, превожде́ние су́щих в ви́хрех; Радуйся, проводник застигнутым вихрями; ра́дуйся, согре́яние су́щих во мра́зех. радуйся, согревающий страждущих от морозов. Ра́дуйся, сия́ние, ско́рбный мрак разгоня́ющее; Радуйся, сияние, мрак скорбей разгоняющее; ра́дуйся, свети́ло, вся концы́ земли́ просвеща́ющее. радуйся, светило, все концы земли просвещающее. Ра́дуйся, от бе́здны грехо́вныя челове́ки избавля́яй; Радуйся, от бездны греховной людей избавляющий; ра́дуйся, в бе́здну а́дскую сатану́ вверга́яй. радуйся, в бездну адскую сатану ввергающий. Ра́дуйся, я́ко тобо́ю дерзнове́нно бе́здну милосе́рдия Бо́жия призыва́ем; Радуйся, ибо мы через тебя бездну милосердия Божия дерзновенно призываем; ра́дуйся, я́ко тобо́ю от пото́па гнева изба́вльшеся, мир с Бо́гом обрета́ем. радуйся, ибо тобою от потопа гнева избавленные, мир с Богом обретаем. Ра́дуйся, Нико́лае, вели́кий Чудотво́рче. Радуйся, Николай, великий чудотворец! Кондак 8 Стра́нное чу́до явля́ется притека́ющим к тебе́, блаже́нне Нико́лае, свяще́нная твоя́ це́рковь: в ней бо и ма́лое моле́ние принося́ще, ве́лиих неду́гов прие́млем исцеле́ние, а́ще то́кмо по Бо́зе упова́ние на тя возложи́м, ве́рно вопию́ще: Аллилу́иа. Необычайным чудом является прибегающим к тебе, блаженный Николай, священная твоя церковь: ибо в ней даже малое моление принося, мы получаем великих недугов исцеление, если только после Бога надежду на тебя заступника нашего возложим, с верою взывая: Аллилуйя. Икос 8 Весь еси́ всем вои́стину помо́щник, богоно́се Нико́лае, и собра́л еси́ вку́пе вся прибега́ющия к тебе́, я́ко свободи́тель, пита́тель и врач ско́рый всем земны́м, на похвалу́ всех подвизая вопи́ти к тебе́ си́це: Весь ты всем воистину помощник, богоносный Николай, и собрал вместе всех, к тебе прибегающих, как освободитель, питатель и врач скорый всем земным, всех подвигая на похвалу, да взывают тебе так: Ра́дуйся, вся́ких исцеле́ний исто́чниче; Радуйся, всяких исцелений источник; ра́дуйся, лю́те стра́ждущим помо́щниче. радуйся, тяжко страждущим помощник. Ра́дуйся, заре́, сия́ющая в нощи́ грехо́вней блужда́ющим; Радуйся, заря, сияющая в ночи греховной блуждающим; ра́дуйся, росо́ небото́чная в зно́и трудо́в су́щим. радуйся, роса с небес источающаяся зноем трудов томимым. Ра́дуйся, подава́яй тре́бующим благострое́ние; Радуйся, подавающий нуждающимся благопотребное; ра́дуйся, уготовля́яй прося́щим изоби́лие. радуйся, готовящий просящим изобилие. Ра́дуйся, мно́гажды проше́ние предваря́яй; Радуйся, многократно наши прошения опережающий; ра́дуйся, ста́рым седи́нам си́лу обновля́яй. радуйся, старым сединам силу обновляющий. Ра́дуйся, мно́гих заблу́ждших от пути́ и́стиннаго обличи́телю; Радуйся, многих сбившихся с пути истинного обличитель; ра́дуйся, та́ин Бо́жиих ве́рный служи́телю. радуйся, таин Божиих верный служитель. Ра́дуйся, я́ко тобо́ю за́висть попира́ем; Радуйся, ибо с тобою мы зависть попираем; ра́дуйся, я́ко тобо́ю благонра́вное житие́ исправля́ем. радуйся, ибо благодаря тебе благонравное житие исправляем. Ра́дуйся, Нико́лае, вели́кий Чудотво́рче. Радуйся, Николай, великий чудотворец! Кондак 9 Вся́кия утоли́ боле́зни, вели́кий наш засту́пниче Нико́лае, растворя́я благода́тная врачева́ния, услажда́ющая ду́ши на́ша, сердца́ же веселя́щая всех усе́рдно к по́мощи твое́й притека́ющих, Бо́гу же вопию́щих: Аллилу́иа. Всякие облегчи болезни, великий наш заступник Николай, приготовляя благодатные лекарства, услаждающие души наши, и веселящие сердца всех, усердно к помощи твоей прибегающих, Богу же взывающих: Аллилуйя. Икос 9 Вити́я суему́дренныя нечести́вых ви́дим тобо́ю посра́мленныя, богому́дре о́тче Нико́лае: А́рия бо ху́льника, разделя́юща Божество́, и Саве́ллия, смеша́юща Святу́ю Тро́ицу, препре́л, нас же во Правосла́вии укрепи́л еси́. Сего́ ра́ди вопие́м ти си́це: Витий тщетно мудрствующих нечестивых видим тобою посрамлёнными, богомудрый отче Николай: ибо Ария-хулителя, разделяющего Божество, и Савеллия, вносящего смешение в Святую Троицу, ты в споре победил, нас же в православии укрепил. Потому мы взываем тебе так: Ра́дуйся, щи́те, защища́яй благоче́стие; Радуйся, щит, защищающий благочестие; ра́дуйся, мечу́, посеца́яй злоче́стие. радуйся, меч, истребляющий нечестие. Ра́дуйся, учи́телю Боже́ственных веле́ний; Радуйся, учитель Божественных велений; ра́дуйся, губи́телю богопроти́вных уче́ний. радуйся, губитель богопротивных учений. Ра́дуйся, ле́ствице, Бо́гом утвержде́нная, е́юже восхо́дим к Небеси́; Радуйся, лестница, Богом утверждённая, по которой мы восходим к небесам; ра́дуйся, покро́ве, Бо́гом зда́нный, и́мже покрыва́ются мно́зи. радуйся, кров, Богом созданный, под которым укрываются многие. Ра́дуйся, нему́дрых умудри́вый твои́ми словесы́; Радуйся, немудрых умудривший твоими речами; ра́дуйся, лени́вых подви́гнувый твои́ми нра́вы. радуйся, ленивых воздвигший твоими нравами. Ра́дуйся, све́тлосте за́поведей Бо́жиих неугаси́мая; Радуйся, светлость заповедей Божиих неугасимая; ра́дуйся, луче́ оправда́ний Госпо́дних пресве́тлая. радуйся, уставов Господних луч пресветлый. Ра́дуйся, я́ко уче́нием твои́м сокруша́ются ерети́ческия главы́; Радуйся, ибо учением твоим сокрушаются головы еретиков; ра́дуйся, я́ко тобо́ю ве́рнии сподобля́ются сла́вы. радуйся, ибо тобою верные сподобляются славы. Ра́дуйся, Нико́лае, вели́кий Чудотво́рче. Радуйся, Николай, великий чудотворец! Кондак 10 Спасти́ хотя́ ду́шу, плоть твою́ ду́хови покори́л еси́ вои́стину, о́тче наш Нико́лае: молча́ньми бо пре́жде и боре́ньми с по́мыслы, дея́нию богомы́слие приложи́л еси́, богомы́слием же ра́зум соверше́н стяжа́л еси́, и́мже дерзнове́нно с Бо́гом и А́нгелы бесе́довал еси́, всегда́ вопия́: Аллилу́иа. Спасти желая душу, ты плоть свою духу покорил поистине, отче наш Николай, ибо, прежде всего в молчании и борении с помыслами к деянию богомыслие присовокупил, богомыслием же разум совершенный приобрёл и им дерзновенно с Богом и Ангелами беседовал, всегда взывая: Аллилуйя. Икос 10 Стена́ еси́ похваля́ющим, преблаже́нне, чудеса́ твоя́ и всем к заступлению твоему́ прибега́ющим; те́мже и нас, в доброде́тели убо́гих, от нищеты́, напа́сти, неду́гов и нужд разли́чных свобожда́й, вопию́щих ти с любо́вию такова́я: Стена ты, преблаженный, восхваляющим чудеса твои и всем к заступничеству твоему прибегающим; потому и нас, скудных добродетелью, от нищеты, напастей, недугов и бед различных освобождай, взывающих тебе с любовью так: Ра́дуйся, от убо́жества ве́чнаго изыма́яй; Радуйся, от нищеты вечной избавляющий; ра́дуйся, бога́тство нетле́нное подава́яй. радуйся, богатство нетленное подающий. Ра́дуйся, бра́шно неги́блющее а́лчущим пра́вды; Радуйся, пища неистощимая алчущим правды; ра́дуйся, питие́ неисчерпа́емое жа́ждущим жи́зни. радуйся, питие неисчерпаемое жаждущим жизни. Ра́дуйся, от мяте́жа и бра́ни соблюда́яй; Радуйся, от мятежа и брани сохраняющий; ра́дуйся, от уз и плене́ния свобожда́яй. радуйся, от уз и плена освобождающий. Ра́дуйся, пресла́вный в беда́х засту́пниче; Радуйся, преславный в бедах заступник; ра́дуйся, превели́кий в напа́стех защи́тниче. радуйся, величайший в напастях защитник. Ра́дуйся, мно́гих от поги́бели исхи́тивый; Радуйся, многих от гибели исторгший; ра́дуйся, безчи́сленных неврежде́нно сохрани́вый. радуйся, бесчисленных невредимо сохранивший. Ра́дуйся, я́ко тобо́ю лю́тыя сме́рти гре́шнии избега́ют; Радуйся, ибо благодаря тебе грешные лютой смерти избегают; ра́дуйся, я́ко тобо́ю жизнь ве́чную ка́ющиися получа́ют. радуйся, ибо по твоим ходатайствам кающиеся жизнь вечную получают. Ра́дуйся, Нико́лае, вели́кий Чудотво́рче. Радуйся, Николай, великий чудотворец! Кондак 11 Пе́ние Пресвяте́й Тро́ице па́че ины́х прине́сл еси́, преблаже́нне Нико́лае, умо́м, сло́вом и де́лом: мно́гим бо испыта́нием правове́рная повеле́ния уясни́л еси́, ве́рою, наде́ждою и любо́вию наставля́я нас в Тро́ице Еди́ному Бо́гу воспева́ти: Аллилу́иа. Пение Пресвятой Троице более иных принёс ты, преблаженный Николай, умом, словом и делом; ибо с великой точностью догматы правой веры изъяснил, верою, надеждою и любовью наставляя нас в Троице Единому Богу воспевать: Аллилуйя. Икос 11 Светоза́рную лучу́ во мра́це жития́ су́щим неугаси́мую ви́дим тя, Бо́гом избра́нне о́тче Нико́лае: с невеще́ственными бо а́нгельскими све́ты бесе́дуеши о несозда́нном Тро́ическом Све́те, ве́рных же ду́ши просвеща́еши, вопию́щих ти такова́я: Светозарный луч неугасимый во мраке жития пребывающим видим мы тебя, Богом избранный отче Николай: ибо с невещественными ангельскими светами беседуешь ты о несотворённом Троическом Свете и просвещаешь души верных, взывающих тебе так: Ра́дуйся, озаре́ние Трисо́лнечнаго Све́та; Радуйся, озарение Трисолнечного Света; ра́дуйся, денни́це незаходи́маго Со́лнца. радуйся, утренняя звезда не заходящего Солнца. Ра́дуйся, свеще́, Боже́ственным пла́менем возжже́нная; Радуйся, свеча, Божественным пламенем зажжённая; ра́дуйся, я́ко угаси́л еси́ бесо́вский пла́мень нече́стия. радуйся, ибо ты угасил бесовское пламя нечестия. Ра́дуйся, све́тлое правове́рия пропове́дание; Радуйся, ясная правоверия проповедь; ра́дуйся, доброзра́чное све́та ева́нгельскаго сия́ние. радуйся, прекрасное света Евангельского сияние. Ра́дуйся, мо́лние, е́реси пожига́ющая;

Кондак 1 Избранной Богом от идолослужительнаго рода на просвещение языков, богомудрей и преславней невесте Христовой Ирине, благодарственное и хвалебное пение воспоем ти молитвенницы твои, святая и многострадальная великомученице Ирино. Ты же, имущи дерзновение ко Господу, от всяких нас бед и скорбей свободи, да зовем ти: Радуйся, Ирино, невеста Христова преславная. Икос 1 Ангельскую честную и вселюбезную чистоту, святая мученице Ирино непорочно сохранила еси, со Ангелы купно сподобилася еси Богу трисвятую песнь воспевати на небеси, услыши нас, тебе верно поющих на земли: Радуйся, отроковице, Богом Отцем предуставленная быти сообразна в страдании образу Сына Его; радуйся, Сыном Божиим из тьмы в благодатный свет призванная. Радуйся, яко приимше Духа Святаго в отрочестве идолослужение отринула еси; радуйся, земнаго обручника паче Небеснаго знати не восхотела еси. Радуйся, убелившая ризы твоя в крови Агнчей на земли; радуйся, в Небеснем Чертозе со Христом царствуеши на Небеси; Радуйся, Ирино, невесто Христова преславная. Кондак 2 Видяще, святая мученице Ирино себе на величественнем столпе от Отца поставлену, помышляше себе, о Промысле Божием разумевая, о творчестем создании небеси и земли и бездушных идолех, умне восходяще от тьмы ко свету, от идолослужения к истинному Богу, Емуже вернии воспевают: Аллилуиа. Икос 2 Божией Премудрости вместилище ты была еси, непорочная отроковице, измлада от любви к миру и вся, яже в мире, отвергшаяся. Всею душею Твоею Христа Жениха возлюбила еси, Емуже равноапостольно послужила еси, среди неверных проповедуя им Истиннаго Бога. Сего ради таковому твоему разуму дивяся, глаголем: Радуйся, премудрая Евангельская Дево, правой веры и дел благих исполненная; радуйся, паче мудрецов мира сего разумнейшая. Радуйся, о проповедании веры благоглаголивыя уста апостольския; радуйся, христианских дев украшение. Радуйся, оружием Креста Христова демоны отгоняющая; радуйся, верная ко Господу о нашем спасении молитвеннице. Радуйся, Ирино, невесто Христова преславная. Кондак 3 Сила Божия дадеся тебе, святая великомученице Ирино, во святем Крещении, егда пресвитер Тимофей, просветив тя, даде тебе послание святых апостолов, сим призывая тя на великое апостольское служение. Ты же, исполнившись Духа Премудрости, пред лицем царя, отца твоего Ликиния, все златые идолы безбоязненно сокрушила еси и яко раба Господня едину православную веру в Бога Отца и Сына и Святаго Духа исповедала еси, зовуще Ему: Аллилуиа. Икос 3 Имущи, святая Ирино, свыше данную тебе премудрость и силу, егда многажды понукаема от Ликиния, отца твоего, поклонитися идолом, именуя тя Пенелопиею, но ты рекла ему: «Не извращай моего имене, Ирина аз есмь, нареченная Ангелом в видении, и тако наименовася во святем Крещении. Не поклонюся бесам, имже вы поклоняетесь, аз Единому Богу, Создателю моему, поклоняюся и яко Жениха моего люблю». За такое убо дерзновение приими от нас похвалу сию: Радуйся, столпе веры, утверждение Христианскаго жития; радуйся, детище, Богом просвещенное во святем Крещении. Радуйся, орлице Царя Небеснаго, Богом дарованная на просвящение языков; радуйся, в стране царствования Отца Твоего идольскаго служения искоренительнице. Радуйся, яко подвиг твой многострадальный предвозвестили голубь, кокош и вран, принесши ти маслину, венец и змия; радуйся, яко предрек тебе Апелиан учитель: маслина — твое добронравие, венец — венец славы, а змии — враг, гласит страдания. Радуйся, Ирино, невесто Христова, преславная. Кондак 4 Бури тяжких искушений воздвигл на тя враг души спасения, егда отец казнить приказал тя, поврещи свирепым коням на глумление и удов раздробление. Но егда ты помолишася, свирепейший конь, отрешившись, оторваша Ликинию руку и топташа его. Тебя же человеческим гласом славною мученицею нарекл есть. Ты же была невредима, воскресила отца своего во имя Христа Сына Божия. Он же со множеством народа уверовавше, восхвалил Бога: Аллилуиа. Икос 4 Слышав от тебе злочестивый царь Седекия словеса разумна о вере Христовой, распылашася на тя злобою; паче же егда рекла ему: «Не сяду с сонмом суетным и с законопреступниками не вниду, готова аз на всякия пытки и не пощажу плоти моея за Христа, Господа моего». И вверже тя в глубину рва, идеже гады ядовиты. И тамо пребыша десять дний невредимо со Ангелом, хранящим тя. Видящи вси сия тобою чудодеемая, взываше: Радуйся, младая страстотерпице, за мужественное исповедание веры много пострадавшая; радуйся, агнице кроткая, идольския суетныя лести обличительнице. Радуйся, яко тобою посрамися лукавый враг, видя себе побежденным; радуйся, о тебе бо радуются вся небесныя силы, видя побеждающу лютых мучителей. Радуйся, твоими подвигами многи богохульники правители к Богу приведшая; радуйся, многострадальная дщи немилостиваго царя Ликиния. Радуйся, Ирино, невесто Христова преславная. Кондак 5 Богосветлой звезде подобна была еси, великомученице Ирино, множество племен и языков ко спасению приведшая. Три идолоязыческия страны со епархами и клевретами просветила еси. Тяжкия страдания от мучителей Седекия и Саваха претерпела еси, трижды железною пилою перепиливаема и на мельничном колесе была раздробляема. О великомученице! Твоих страданий небесная стихия, гром и молния, не стерпеша и нечестивыя поразиша. Люди же увероваше, со трепетом Бога прославляя и поя Ему: Аллилуиа. Икос 5 Видевше царь Савах, яко сила Божия, в тебе чудодействуемая, поборяет и посрамляет его безумныя веления, ополчив сто тысящь воинов на Магеддон, град, идеже ты молилася Господу о поражении слепотою грядущих и по ослеплении их паки умолила Всевышняго даровати им зрение. Сия радости мы исполненны, глаголем тебе сице: Радуйся, святая Ирино, тобою бо свет Христов возсия в странах языческих; радуйся, богопротивных царей и воинов дивное вразумление. Радуйся, града Магеддона преславное защищение; радуйся, веры православныя исповедание и света Евангельскаго сияние. Радуйся, закона Божия верная хранительнице; радуйся, многострадальная Богоневесто, от лютаго Седекия многажды палимая. Радуйся, Ирино, невесто Христова преславная. Кондак 6 Проповедником Богоносным апостолом поревновала еси, пред мучителями безбоязненно Христа Бога проповедовала еси, Егоже ради тяжкия раны, узы и темницу претерпела еси; во огни на костре в медных пещех палима была еси, но сохранил тя Ангел Господень во славу Божию, и мы взываем Богу Всемогущему: Аллилуиа. Икос 6 Возсиял есть в сердцы твоем свет богоразумия, свет Господа Иисуса Христа. Той, яко Жених твой возлюбленный, укрепляше тя страдающу сопричастницу Его страданий, егда вонзили тебе в пяты острые гвозди и обуздавши яко осля, пять поприщ насильно ведоша тя, ты же в страшнем страдании своем моляся Богу, тысящи народа просветила, беззаконных же мучителей разверзшаяся земля поглотила есть, мы же вопием ти: Радуйся, Ирино, рабе Господня и молитвеннице наша; радуйся, голубице кроткая, язвы ради Господа носившая. Радуйся, от гвоздичных, кровию истекающих ран, Ангелом исцеленная; радуйся, яко тебе Господь даровал силу и мудрость побеждати противостоящих истине. Радуйся, яко тобою от многих ран и болезней кающиися исцеляются; радуйся, яко твоею молитвою бесы прогоняются и прокаженнии очищаются. Радуйся, Ирино, невесто Христова преславная. Кондак 7 Восхотев безумный мучитель тя, святая Ирино, ко идолослужению преклонити, увещевая тя пожрети идолом жертву, ты же, Крестом оградившись, воскликнула: «Аз приношу жертву Богу Всевышнему, Иже обладает жизнию и смертию всех людий. Вразумись же, царю, прельщенный сатаною!» Осверепевший мучитель, скрежеща зубами, приказал в медных пещех трикраты палити тя, но Ангел Господень, пламень остудив, сохранил тя невредно на славу славящим Бога песнью: Аллилуиа. Икос 7 Новую показа ярость безчеловечия злобный Вавадон, егда тебя, святая мученице Ирино, повелев, железными цепями привязану к раскаленней решотце, поливать на тя масло и смолу. Ты же, Божия страдалице, бе в пламени горяща, со Ангелом отрешившим от решотцы и охлаждающим тя, Бога славила. Изумившись мучитель таковому чуду, пал к стопам твоим, прося прощения и святых молитв за всю страну, обратившуюся ко Господу. Мы же с любовию взываем к тебе: Радуйся, многострадальная мученице, за Христову Церковь много претерпевшая; радуйся, святая девице, Христа ради в пещех и на кострех палимая. Радуйся, за спасение людей на раскаленней решотце жегомая; радуйся, великая страстотерпице, Христа ради тяжко мучимая. Радуйся, яко твоими страданиями мног народ к признанию Бога истиннаго привела еси; радуйся, врагов Церкви победительнице и в бедах наших скорая помощнице. Радуйся, Ирино, невесто Христова преславная. Кондак 8 Странные и страшные страдания святой мученицы видевше, вернии удивишася, како младая отроковица, суще в юном телеси, мужественно за Христа муки претерпевает, да и мы исполнишеся умиления, благодарно возопиим Богу: Аллилуиа. Икос 8 Весь сладчайший Иисус сладость тебе бысть, мученице Ирино, ты же горькия муки и тяжкия истязания за Христа и спасение людий от седми мучителий претерпела еси, и яко агница от нечестиваго Савария мечем усечена и погребена была еси, и после же из мертвых возстала с райскою ветвию в руках, и в Месемврии к царю явилася на вразумление и посрамление богохульников. Со страхом к твоим ногам пал царь-убийца, взывая: «Велик Бог Христианский» Просвети и нас, святая Ирино, да зовем ти: Радуйся, святая равноапостольная Ирино, просветительница стран языческих; радуйся, реко исполненая благодати Божией. Радуйся, боговозлюбленная ластовице, из небожителей возванная на спасение богохульных и отверженных; радуйся, преславная мученице, многая богопротивныя просветившая. Радуйся, яко силою Божиею демонстии коварства упразднила еси; радуйся, блаженная страстотерпице, райскую ветвь от Христа приимшая. Радуйся, Ирино, невесто Христова преславная. Кондак 9 Вся небесныя силы возрадовася, восхваляя Бога, даровавшаго тебе таковое мужество и непоколебимую твердость побеждати во брани душепагубных аспидов. Ты бо, укрепляемая силою Божиею, в тысящах языки просвещая, радовалася воспевая Богу: Аллилуиа. Икос 9 Ветии многовещании риторскими своими языки не возмогут изрещи твоих болезненных страданий и мученических подвигов, яже за Христа претерпела еси. Кто может исчести твоя безчисленная страдания, кия содрагают нас, поющих тебе: Радуйся, чудодейственное зрелище Ангелом, и человеком; радуйся, яко твоим терпением мучителей удивила еси. Радуйся, кровь свою за Христа Жениха твоего источила еси; радуйся, учеников похвало и верных радование. Радуйся, лозо плодовитая сада Иисусова; радуйся, доброплодная ветвь винограда Христова. Радуйся, Ирино, невесто Христова преславная. Кондак 10 Спасти восхотевши души, во тьме идолослужения погибающия, боголюбивая мученице Ирино, ты, ревнуя о Господе, якоже Илиа, силою Божиею идолы сокрушала, бесы прогоняла, мучителей обличала и посрамляла. Богу же победную песнь непрестанно воспевала: Аллилуиа. Икос 10 Стена еси крепка и непоколебима во исповедании православныя веры пребыла еси; не пощадила ты сладкоцветущей юности твоея, презрела еси вся царская достояния отца своего. Возжелала чрез мученическую смерть уневеститися Христу и с Ним быти в Ангельстем ликостоянии. Мы же, поминающе твоя подвиги и страдания, ублажаем тя сице: Радуйся, течение мученическаго пути добре скончавшая; радуйся, житием твоим равноапостольстим Господу послужившая. Радуйся, силою свыше на брань с сопротивными препоясанная; радуйся, верным христианом крепкое заступление. Радуйся, безпомощным заступнице, сирот покровительнице; радуйся, мучеников радование, девственников славо. Радуйся, Ирино, невеста Христова преславная. Кондак 11 Пение наше хвалебное по достоянию воспевати недоумевает ум наш, святая мученице Ирино, ты бо подражала еси распятому Агнцу — Христу. Положила еси душу свою за други своя, ибо больше сия любве никтоже имать. Обаче мы, вси благодарни суще, поем Богу: Аллилуиа. Икос 11 Светозарный светильник истиннаго света сущим на земли ты являешися, богоизбранная отроковице, просвещаеши сердца верных, исцеляеши недужных и прокаженных, притекающих к тебе с любовию, разслабленным и слепорожденным здравие подаеши, благодарящим тя тако: Радуйся, о спасении грешных сильная ходатаице; радуйся, обидимых заступнице, злочестивых поборающая. Радуйся, сосуде благ небесных; радуйся, златая кадильнице, фимиам молитвы о нас Богу приносящая. Радуйся, сокровище даров Божиих неиждиваемое; радуйся, яко тебе Господь Царство свое даровал есть. Радуйся, Ирино, невеста Христова преславная. Кондак 12 Благодать тебе дана, яко апостолом, слово Божие грешному миру вещати, омраченныя от идолослужения отвращати и всем в подвизех земных помогати. О достославная раба Господня, много потрудившаяся за род христианский, молися за нас ко Всемилостивому Богу, Спасителю нашему, да сподобит и нас в сем и в будущем веце Бога в Троице прославляти: Аллилуиа. Икос 12 Воспеваем твоя славная подвиги, почитаем страдания твоя, хвалим долготерпение, ублажаем святую твою кончину, славим твое в немощнем теле непобедимое мужество, имже попрала еси вся мудрования мира сего. В память твоих подвигов и страданий приими от нас хвалебное пение: Радуйся, от девственных ликов в чертог небесный введенная; радуйся, от мученических полков под венец славы во гласе радования провождаемая. Радуйся, от небожителей досточудное о Господе приемшая целование; радуйся, яко награда твоя радость вечная во светлости святых. Радуйся, яко тобою от нечаянныя смерти уповаем сохранитися; радуйся, твоим заступлением Царствия Божия чаем сподобитися. Радуйся, Ирино, невесто Христова преславная. Кондак 13 О преславная и всехвальная святая великомученице Ирино! Приими от нас сие малое хвалебное пение и не престани молитися о нас ко Господу Богу, да избавит нас от враг видимых и невидимых и твоим заступлением сподобит нас вечнаго Царствия, идеже вкупе с тобою и всеми святыми чаем воспевати Богу: Аллилуиа.[Се́й конда́к глаго́лется три́жды.][Далее повторяем 1‑е икос и кондак:]Икос 1 Ангельскую честную и вселюбезную чистоту, святая мученице Ирино непорочно сохранила еси, со Ангелы купно сподобилася еси Богу трисвятую песнь воспевати на небеси, услыши нас, тебе верно поющих на земли: Радуйся, отроковице, Богом Отцем предуставленная быти сообразна в страдании образу Сына Его; радуйся, Сыном Божиим из тьмы в благодатный свет призванная. Радуйся, яко приимше Духа Святаго в отрочестве идолослужение отринула еси; радуйся, земнаго обручника паче Небеснаго знати не восхотела еси. Радуйся, убелившая ризы твоя в крови Агнчей на земли; радуйся, в Небеснем Чертозе со Христом царствуеши на Небеси; Радуйся, Ирино, невесто Христова преславная. Кондак 1 Избранной Богом от идолослужительнаго рода на просвещение языков, богомудрей и преславней невесте Христовой Ирине, благодарственное и хвалебное пение воспоем ти молитвенницы твои, святая и многострадальная великомученице Ирино. Ты же, имущи дерзновение ко Господу, от всяких нас бед и скорбей свободи, да зовем ти: Радуйся, Ирино, невеста Христова преславная. Молитва великомученице Ирине О многострадальная и преславная Ирино, невесто Христова всехвальная, угоднице Божия! Ты предстоиши у Престола Пресвятыя Троицы и наслаждаешися неизреченнаго блаженства. Призри убо милостивно на нас, приносящих ти хвалебное пение сие, испроси нам милость, отпущение грехов у Преблагаго Господа, вемы бо, воистинну вемы, яко вся, елико восхощеши, испросити у Него можеши. Темже убо смиренно припадаем к тебе и просим: умилостиви Владыку неба и земли, да подаст нам дух твоея ревности ко хранению святых Его заповедей, яко да возможем земное поприще в добродетельном житии проводити, райских селений унаследовати и тамо с тобою и всеми святыми прославляти Отца и Сына и Святаго Духа во веки веков. Аминь.