Молитвы

От земли воззвавый тя к Небесным селением/ соблюдает и по смерти невредимо тело твое, святе Евдокиме:/ ты бо в целомудрии и чистом жительстве, блаженне,/ жительствовал еси, не осквернив плоти.// Темже со дерзновением моли Христа Бога спастися нам.

Мученьми странноужасными/ и доблестию терпения/ всех преудивил еси, княже Романе:/ честных бо членов твоих по составом резание/ и всего телесе твоего раздробление/ претерпел еси за веру Христову./ Темже и возшел еси к Престолу Царя Христа Бога/ и явился еси новый предстатель Церкве Рязанский./ Молися убо ко Господу,/ да мир и благоденствие дарует граду нашему,/ и испроси у Него милость и спасение/ чтущим священную память твою, многострадальна.

Плоды добродетелей на земли принесше,/ преподобнии отцы,/ в Небесных чертозех ныне благоухаете, яко райстии цвети,/ и лицем к лицу зрите Пресвятую Троицу,/ Юже дерзновенно молите,/ спастися душам нашим.

Звезду Российскую днесь почтим,/ от востока возсиявшую и на запад пришедшую,/ всю бо страну сию чудесы и добротою обогатившу и вся ны/ содеянием и благодатию монашескаго устава,// блаженнаго Феодосия.

Божественнаго верно Евтихия вси поюще, людие,/ любовию да ублажим, яко пастыря велика и служителя,/ и учителя премудра, и прогонителя ересей,/ молит бо Господа о всех нас.

От юности своей весь Богу поработился еси, блаженне,/ Того ради любве отечество и род оставил еси,/ и, в пустыню вселився,/ в ней жестокое житие показал еси,/ и чудес дарования от Господа приял еси,/ преподобне Иннокентие,/ моли Христа Бога спастися душам нашим.

Сиянием Духа Пресвятаго, мудре Севастиане, просвещся, оставил еси яже в житии молвы, пустыню же достиг, преподобне отче, воз­веселил еси иже над всеми Бога и Зиждителя. Сего ради прославляет тя Христос, блаженне, Великий Дародатель.

Яко подвижника благочестия искусна,/ и страдальца произволением честнаго,/ и пустыни жителя и всельника,/ в песнех достойно восхвалим Мартиниана присночестнаго:// той бо змия попра.

Христовы ради любве отечество и род оставил еси,/ и, ангельскому житию поревновав,/ в пустыню вселился еси,/ в нейже многотрудное житие явил еси/ и чудес дарования от Бога приял еси,/ Паисие преподобне,/ моли Христа Бога спастися душам нашим.

Кондак 1 Избранный Богом от чрева матери своея на подвиг юродства призван был еси, силою Божией от воднаго потопления многажды хранимый, подвигом поста и молитвы врага рода человеческаго посрамивый. Сего ради, совершая память твою, молим тя, предивный отче Феофиле, избави нас от враг видимых и невидимых, с любовию зовущих ти: Радуйся, преподобне отче наш Феофиле, подвигом юродства твоего на путь спасения нас наставляющий. Икос 1 Ангели небеснии и человецы земнии богоизбранному житию твоему удивляшеся, отче Феофиле, како ти младенцу сущу от млека матери своея лице свое отвращал еси, принимая пищу токмо постную. Сим знамением Господь показа людем, яко ты еси избранник Божий, не от мира сего бысть. Дивящеся таковому постническому воздержанию твоему, со умилением зовем ти сице: Радуйся, избранниче Божий от чрева матери; Радуйся, пречестная отрасль иерея Божия. Радуйся, постническим подвигом твоим Крестителю Господню уподобивыйся. Радуйся, воздержанием таковым родителей и сродников своих удививый. Радуйся, измлада Бога возлюбивый. Радуйся, заповеди Его верно сохранивый. Радуйся, преподобне отче наш Феофиле, подвигом юродства твоего на путь спасения нас наставляющий. Кондак 2 Видяще тя сосуд Духа Святаго, Богом избранный, враг рода человеческаго не могий терпети тя, возжеле погубити тя, младенче святый, подвигнувый на сие детоубийство матерь твою. Бог же, хранящий младенцы Своя, не попусти злодеянию сему совершитися. За таковую милость Его к тебе, поем Ему: Аллилуиа. Икос 2 Разум матери твоея по наущению диавольскому помрачися, и возненавидяше тя, непорочна младенца. Сего ради повеле служащей в доме девице утопити тя в реце. Ангел же Божий сохрани тя невредима. Мы же, дивящеся чуду сему, с радостию вопием ти: Радуйся, сосуде, Богом избранный и Им же хранимый. Радуйся, младенче святый, диавола устрашивый. Радуйся, от пелен младенческих гонение от матери своея претерпевый. Радуйся, от потопления силою Божией сохраненный. Радуйся, от чрева матери на служение Богу предызбранный. Радуйся, Промыслом Божиим в жизни твоей всегда водимый. Радуйся, преподобне отче наш Феофиле, подвигом юродства твоего на путь спасения нас наставляющий. Кондак 3 Чудо преславное тобою сотвори Господь, егда ты бысть вверженый в реце, силою Божией держимый на версе воды невредимый и, аки в колыбели мягцей, на волнах безмятежно спал еси. Девица же, ввергшая тя, исполнися страха и умиления, возопи дивному Богу: Аллилуиа. Икос 3 Боящеся принести тя в дом к жестокой матери твоей, девица со слезами жалости к тебе, осени тя крестным знамением и паки вверже тя спящаго в воду. И паки чудо произыде: волны речныя аки крыла ангельския понесоша тя к брегу земли. И девица, аки Моисея, взя из воды тя и понесе в дом твой, трепеща и ужасашеся. Мы же, дивящеся таковому промышлению Божию о тебе, глаголем: Радуйся, яко тобою дивен Бог во святых Своих прославляется. Радуйся, яко ангел твой хранитель пестуном бысть тебе. Радуйся, яко ты Моисею, волнами речными носимому, уподобивыйся. Радуйся, яко и тебе, аки Ноя, от потопления Бог сохранивый. Радуйся, сим чудом в страх и трепет окрест живущих приведый. Радуйся, яко тобою и мы уповати на Бога научаемся. Радуйся, преподобне отче наш Феофиле, подвигом юродства твоего на путь спасения нас наставляющий. Кондак 4 Бурю ярости и злобы воздвиже на тя мати твоя, егда видя тя жива и здрава после потопления, и сама своима рукама возжеле погубити тя, святый младенче; побеже, окаянная, к реце и вверже тя в воду под самое колесо мельничное. Обаче и на сей раз Господь дивно сохрани тя жива, дабы вси, видящие чудо сие, воспевали Ему благодарственно-хвалебную песнь: Аллилуиа. Икос 4 Рече псалмопевец, яко «Господь сохранит тя от всякого зла. Господь сохранит вхождение твое и исхождение от ныне и до века», и «не убоюся, что сотворит мне человек» — сии словеса сбышася воочию на тебе, предивный отче Феофиле. Силою Божией колесо водное остановися, а вода воспенишася. Мельник же в изумлении побеже и, видя тя лежаща под колесом, взяша тя, аки драгоценный дар Божий, взывая к тебе тако: Радуйся, сокровище многоценное, мне Богом данное. Радуйся, Богом хранимый младенче святый. Радуйся, яко сила Божия тобою нам является. Радуйся, яко имя Божие тобою прославляется. Радуйся, сосуде избранный, во еже служити Богови и наставляти люди ко спасению нам дарованный. Радуйся, яко крест долготерпения и злострадания уготовася тебе. Радуйся, преподобне отче наш Феофиле, подвигом юродства твоего на путь спасения нас наставляющий. Кондак 5 Страх и трепет объят всех окрест живущих, видящих дивное чудо сие. Мати же твоя, не уразуме силу Божию, на тебе являемую, паче озлобися лютостию зело великою и даде клятву погубити тя. Тогда отец твой, иерей Божий, дабы сохранити тя жива, скры тя у сродников своих. Мы же дивящеся коварству матери-убийцы, и, славя премудрость Божию, поем: Аллилуиа. Икос 5 «Не приидет к тебе зло и рана не приближится телеси твоему, яко ангелом Своим заповесть о тебе, сохранити тя на всех путех твоих». Сии словеса из Псалтири, с нею же ты не разлучавыйся во вся дни жития твоего, преславно сбышася на тебе, о предивный отче Феофиле. И в память трикратнаго спасения от смерти ты железный обруч с иконою Богоявления на теле своем всегда носивый. Мы же, радующеся таковому о тебе Божию промышлению, со умилением зовем тебе: Радуйся, яко от потопления воднаго трижды силою Божиею сохраненный. Радуйся, яко сим чудом Божию Премудрость нам явивый и коварство диавола посрамивый. Радуйся, трикратным погружением в воду Святую Троицу прославивый. Радуйся, яко и ныне со всеми святыми предстоиши у Престола Святыя Троицы. Радуйся, яко непрестанным чтением Псалтири ты душу свою услаждавый и людем образец молитвы показавый. Радуйся, отче Феофиле, предивный чудотворче и молитвенниче о душах наших. Радуйся, преподобне отче наш Феофиле, подвигом юродства твоего на путь спасения нас наставляющий. Кондак 6 Чуждый мира и всего яже в нем, ты всегда презираемый бысть сверстники твоими. Глумления над тобою и жестокия биения от них претерпевая, ты безропотно тяжкий крест жития своего понесый. С воплем и обильными слезами, убегая в дебри лесныя, ты младенческими усты своими безгрешно, яки ангел Божий, взывал к Отцу Небесному: Аллилуиа. Икос 6 Странником и пришельцем явился еси на земли сей, многострадальне отче Феофиле. Еще живу быти родителем твоим, ты был изгнан из дома отеческаго. А родившая тя еще подъя и руце своя, дабы секирою умертвити тя. Добрый же ктитор, объя тя окровавленнаго, спасе тя от матери-убийцы. И ты, не имея где главы преклонити и чем препитатися, водимый Духом Святым, устремился еси во храм Божий, идеже излиял Богу скорбь младенческия души твоея. За таковое страдальческое житие твое мы ублажаем тя сице: Радуйся, яко и ныне Господь сохрани тя от рук матери-убийцы. Радуйся и ты, яко Борис и Глеб, неповинно пролиявый кровь свою святую от сродников своих. Радуйся, яко пpискорбным житием своим ты Христу, странствующему на земли, уподобивыйся. Радуйся, яко с Ним и во обителех Отца Небеснаго вселивыйся. Радуйся, яко во вся дни живота твоего гонения, заушения и всякое злострадание претерпевый. Радуйся, яко никомуже злом за зло воздавый и, по глаголу Христову, за врагов своих моливыйся. Радуйся, преподобне отче наш Феофиле, подвигом юродства твоего на путь спасения нас наставляющий. Кондак 7 Хотяй человеколюбец Господь явити тя страждущим людем новаго молитвенника и обличителя их пороков, приведе тя в Киево-Братский монастырь, дабы в молитвенных подвизех уготовати душу твою для приятия Божественныя благодати. Ты же, аки елень на потоки водныя, устремися изучати Божественное Писание в духовнем училище, там бывшем. Исполняя послушание звонаря, ты зело рано, взыйдя на колокольню, созерцая с высоты творение Божие, предавался тамо богомыслию и тайной молитве, в ликовании духовнем воспевая Создателю всея видимая и невидимая твари: Аллилуиа. Икос 7 Новое житие твое во обители святей бысть в сладость сердцу твоему. Аки после бури житейскаго моря ты притекл еси к тихому пристанищу, с черноризцами проводя Богоугодное житие твое в послушании, бдении, коленопреклонении и чтении Псалтири. Чиноначалие же обители, видя твое усердное рвение к духовным подвигом, удостои тя иноческаго пострига и сана иеродиакона. Предстоя у Святаго Престола, ты с вящим рвением устремися подобитися равноангельскому житию. Мы же, ублажая твои подвиги и любовь к Сладчайшему Иисусу, глаголем сице: Радуйся, яко Господь умилосердися над тобою и призва тя во обитель святую. Радуйся, яко ты старцем-подвижникам в послушании и молитвенных подвизех подражавый. Радуйся, душу твою соблюдый страстьми непорабощенну. Радуйся, прельщения юнаго возраста победивый. Радуйся, образ терпения и послушания нам показавый. Радуйся, Христу работати и искренне ему служити всех людей научавый. Радуйся, преподобне отче наш Феофиле, подвигом юродства твоего на путь спасения нас наставляющий. Кондак 8 Не хотяй смерти грешников, Господь и матерь твою призва к покаянию. Пораженная неисцельною болезнию, уведе на себе гнев Божий за жестокое на тя гонение, раскаяся в своем злодеянии и с воплем велиим и рыданиями взывала к Богу о прощении. Ты же, незлобив сый, простив ей вся бывшая и погребше тело ея, возвратися в обитель свою, в радости духовней поя Промыслителю Богу: Аллилуиа. Икос 8 Весь добродетелей и незлобия исполненный, воистину был еси во плоти Ангел, досточудне Феофиле, являя для братии образ кротости и послушания, смирения и целомудрия. Служа у Престола Божия в священном сане, ты, аки преподобные Сергий Радонежский и Серафим Саровский, сподобивыйся видети Ангелов небесных, сослужащих тебе в Божественной литургии и благодать Божию, сходящую на Святые Дары. Благоговея пред твоею святостию, со страхом и умилением вопием ти: Радуйся, человече небесный и ангеле земный. Радуйся, сосуде, Божией благодати исполненный. Радуйся, в сердце твоем образ Христа непрестанно носивый. Радуйся, Его же ради плоть свою распявый со страстьми и похотьми. Радуйся, усердный молитвенниче о всех, притекающих к тебе. Радуйся, скорый помощниче всем страждущим и заблудшим. Радуйся, преподобне отче наш Феофиле, подвигом юродства твоего на путь спасения нас наставляющий. Кондак 9 Все житие твое бысть исполненно скорбей и печалей, досаждений и укорений. Ты же во имя любви к Богу приял ecu на себя подвиг юродства Христа ради. И бысть многими гонимый, оскорбляемый и презираемый, ты, смиренный сердцем и кроткий духом, аки Христос на Кресте, моливыйся за врагов своих и хулителей, глаголя: «Господи, прости им, не ведят бо, что творят», и в веселии сердца всегда пел Богу: Аллилуиа. Икос 9 Видя Господь подвиги твоя, любовь и милосердие твое к страждущим людем, даде тебе дар прозорливости и врачевания. И ты, обличая их тайныя и явныя грехопадения, наставлял еси на путь спасения, врачуя и душевныя, и телесныя их язвы. Сам же, ycугубляя подвиги своя, денно и нощно в дебрех лесных, аки преподобный Серафим, молился коленопреклоненно на пне древа. За таковыя подвиги твоя приими от нас похвалы сия: Радуйся, яко своими подвигами ты преподобным отцем Киево-Печерским уподобивыйся. Радуйся, чистоты душевныя и телесныя усердный хранителю. Радуйся, своими подвигами искушения от плоти, мира и диавола победивый. Радуйся, яко за твою ревность и любовь ко Христу, дар прозорливости и чудотворения от Нero приявый. Радуйся, яко душевныя и телесныя недуги ты единым словом врачевавый. Радуйся, обидимым и сущим в напастех скорый помощниче. Радуйся, преподобне отче наш Феофиле, подвигом юродства твоего на путь спасения нас наставляющий. Кондак 10 Помощник скорый и утешитель был еси, отче Феофиле, не токмо к тебе приходящим, но и сам, с чтением Псалтири, ездяй на тельце по граду Киеву, утешал еси скорбящих и обидимых; одевая и питая нищих, грозно обличая виновных и, предсказуя грядущее яко настоящее, многих обратил еси на путь покаяния. Мы же, дивящеся твоему таковому милосердию и человеколюбию к людем, поем Всемилостивому Богу: Аллилуиа. Икос 10 Царем тварей бысть Адам в раю до грехопадения, вси бо зверие ему повиновахуся. И тебе, безгрешному и освященному Духом Святым, такожде повиновахуся и скоти, и рыбы, и птицы. По твоему речению безсловесныя животныя послушно исполняли волю твою. На удивление всем твой телец, управляемый силою Божией, привозих тя, идеже душа твоя святая возжелала помолитися или сотворити помощь нуждающимся. Дивящеся таковому о тебе Божию промышлению, со умилением глаголем сицевая: Радуйся, обличителю тайных и явных грехолюбцев. Радуйся, заблудших наставниче и скорбящих утешителю. Радуйся, просящих твоея помощи скорый исполнителю. Радуйся, повиноватися воле Божией всех научавый. Радуйся, яко и скоти злонравнии по словеси твоему послушни бысть, аки овцы. Радуйся, яко и ладья чрез Днепр по слову твоему сама по воде движима бысть. Радуйся, преподобне отче наш Феофиле, подвигом юродства твоего на путь спасения нас наставляющий. Кондак 11 Пение всеумиленное триединому Богу приносил еси во вся дни страдальческаго жития твоего, достохвальне отче Феофиле. Днем и нощию, в келии и в дебрех лесных творя умную молитву, не оставлял еси без утешения и исцеления всех к тебе приходящих, назидая их словом Божиим и своим юродством. Ныне же предстоя у Престола Царя Славы, молися о нас, чтущих святую память твою, да и мы с тобою купно во веки поем Богу: Аллилуиа. Икос 11 Провидя будущее яко настоящее, ты многим людем, предсказуя внезапную смерть или болезни, приводил их от греховныя жизни к покаянию. Ищущим монашескаго жития ты иногда благословлял супружество, а жаждущим мирскаго жития — монашество, дабы житие их было богоугодным и спасительным для души. И царю Николаю, лежа в муравейнике окровавленным, предрекл еси печальный исход на поле брани в Крыму и его смерть от печали. За таковое твое о людех попечение глаголем тебе благодарными усты сицевая: Радуйся, тайнозрителю судеб человеческих. Радуйся, яко ты предуказал на Глубочице место для устроения монастыря Покровскаго. Радуйся, яко ты указавый место в лесу, идеже имать быти устроена пустынь Преображенская. Радуйся, яко и крест тамо водрузивый, аки апостол Андрей на горах Киевских. Радуйся, яко и для монастыря Ионовскаго на горах Зверинецких своим трикратным благословением место освятивый. Радуйся, яко ты митрополиту Филарету великое огненное запаление в Киево-Печерстей Лавре предрекл еси. Радуйся, преподобне отче наш Феофиле, подвигом юродства твоего на путь спасения нас наставляющий. Кондак 12 Благодать от Бога дадеся тебе, угодниче Божий, творити чудеса для прославления Всемогущаго Творца неба и земли. Подобно Христу, чудесно напитавшему в пустыне люди алчущия, ты утружденных путников, грядущих на поклонение угодником Печерским, напитал еси чудодейственною кашею, сваренною в лесу из камушков и травы, зажегши древеса огнем, низведшим с неба молитвою твоею. И отроковицу умирающую молитвою своею, во утешение плачущей вдовицы, оживил еси. Мы же со страхом и трепетом, благодарными усты вопием дивному во святых Своих Богу: Аллилуиа. Икос 12 Блаженныя кончины своея день и час предуказавый и тело свое для погребения сам предуготовивый, о предивный чудотворче Феофиле. Келию же свою свещами и ладаном для сретения Ангела облагоухал еси и послушника своего послал еси ударяти в звон колокольный, дабы известити братию обители, яко Феофил к Богу преселяется. И рыдаху людие вси, егда погребаше пречестное тело твое, яко лишаются утешителя своего и наставника. По ста сорока летех же, яви нам Господь во утешение мощи твоя. Чтущии же память твою, списаху для раки твоея лик твой. И мы, со умилением взирая на образ твой, с радостию зовем ти: Радуйся, великий чудотворче, Богом на утешение нам дарованный. Радуйся, скорбящих утешителю, вдов и сирот защитниче, болящих и страждущих целителю. Радуйся, яко и по преставлении твоем чудеса творити не преставый. Радуйся, яко молящимся у гроба твоего скорую помощь подававый. Радуйся, яко отныне имя твое со святыми прославляется. Радуйся, града Киева украшение и Китаевой пустыни славо. Радуйся, преподобне отче наш Феофиле, подвигом юродства твоего на путь спасения нас наставляющий. Кондак 13 О, преславный угодниче Христов и предивный чудотворче, отче наш Феофиле! Приими сие малое моление наше, в похвалу тебе приносимое от нас, недостойных и грешных, обаче с любовию чтущих тя. Умоли Господа Бога избавитися нам от всяких бед, скорбей и напастей, наипаче же от грехопадений и внезапныя смерти и вечных мук. Не попусти нам без покаяния умрети. Буди нам путеводитель в Царствие Небесное, да тамо, с тобою вкупе, во веки поем Богу: Аллилуиа, Аллилуиа, Аллилуиа.[Се́й конда́к глаго́лется три́жды.][Далее повторяем 1‑е икос и кондак:]Икос 1 Ангели небеснии и человецы земнии богоизбранному житию твоему удивляшеся, отче Феофиле, како ти младенцу сущу от млека матери своея лице свое отвращал еси, принимая пищу токмо постную. Сим знамением Господь показа людем, яко ты еси избранник Божий, не от мира сего бысть. Дивящеся таковому постническому воздержанию твоему, со умилением зовем ти сице: Радуйся, избранниче Божий от чрева матери; Радуйся, пречестная отрасль иерея Божия. Радуйся, постническим подвигом твоим Крестителю Господню уподобивыйся. Радуйся, воздержанием таковым родителей и сродников своих удививый. Радуйся, измлада Бога возлюбивый. Радуйся, заповеди Его верно сохранивый. Радуйся, преподобне отче наш Феофиле, подвигом юродства твоего на путь спасения нас наставляющий. Кондак 1 Избранный Богом от чрева матери своея на подвиг юродства призван был еси, силою Божией от воднаго потопления многажды хранимый, подвигом поста и молитвы врага рода человеческаго посрамивый. Сего ради, совершая память твою, молим тя, предивный отче Феофиле, избави нас от враг видимых и невидимых, с любовию зовущих ти: Радуйся, преподобне отче наш Феофиле, подвигом юродства твоего на путь спасения нас наставляющий. Молитва преподобному Феофилу Киевскому О, предивный угодниче Христов, крепкий молитвенниче и заступниче, отче наш Феофиле! Ты от чрева матери избранный Богом на служение ему и дивно им хранимый от всякаго зла. За твоя подвиги юродства Господь дарова тебе дар пророчества и чудотворений. По заповеди пастыреначальника Христа ты душу свою полагавый за овцы стада Христова. Ты грешников тайных и явных грозно обличавый и своими мудрыми словесы к покаянию и исправлению их приводивый. Ты приходящих к тебе больных и скорбных не отвергал еси. Ты был всем яко отец чадолюбивый и пастырь добрый. И ныне услыши нас, с верою призывающих тя и усердно припадающих к раце мощей твоих, отче наш Феофиле. Испроси у Всемилостиваго Бога мир Церкви нашей православней во отечествии твоем. Вразуми и обрати еретиков и раскольников в лоно Матери-Церкви. Пастырям нашим ревность о спасении людей, людем же послушание Святей Церкви и ревность защищати веру православную испроси. Умоли Небеснаго Отца всем нам подати коемуждо по прошению его: юным в православней вepe возрастание, старым и немощным подкрепление и утешение, болящим исцеление, сиротам и безпомощным заступление и нечаянную радость, заблудшим и согрешающим исправление. И всем нам испроси телесное здравие и душевное спасение. Согрей огнем Божественной любви охладевшие сердца наша. Помози нам исправити жизнь нашу греховную, дабы безбедно прейти мытарства демонов лютых и водворитися во обителех Отца Небеснаго, дабы вкупе с тобою и со всеми святыми воспевати всесвятое и великолепое имя Пресвятыя Троицы: Отца и Сына и Святаго Духа во веки веков. Аминь.

Кондак 1 Избранный и дивный отче Онуфрие, сияющий трисияннаго живота зарею, ты мя, омраченнаго греховными страстьми, просвети, от смертоносныя раны исхити и твоими молитвами от всех бед избави, да зову тебе: Радуйся, отче Онуфрие, пресветлый светильниче всея вселенныя. Икос 1 Ангельстии чини твоим, отче, удивишася подвигом, имиже в пустыни непрестанно упражнялся еси; три бо и шестьдесят лет постился еси, Божественныя же Христовы Тайны от рук ангельских приимати сподобился еси, и ныне убо почитая тя единосельника и собеседника Ангелов, сицевая вопию тебе, святе Онуфрие: Радуйся, Ангелов предивное чудо; Радуйся, душетленных страстей разрушителю. Радуйся, непроходимыя пустыни просветителю; Радуйся, воздержания наказателю и учителю. Радуйся, пустынножителей удобрение; Радуйся, монахов богодухновенное светило. Радуйся, угодниче Христов преизящный; Радуйся, безмолвия рачителю теплейший. Радуйся, бесовския силы крепкое попрание; Радуйся, спасения истинный наставниче. Радуйся, подателю радости верным; Радуйся, скорый помощниче к тебе притекающим. Радуйся, отче Онуфрие, пресветлый светильниче всея вселенныя. Кондак 2 Видяще странный и чудный жития твоего образ преподобный Пафнутий вельми удивися; тем же и аз, размышляя твоя паче меры трудолюбныя пустынныя подвиги, пою Богу, на сия те бе укрепившему: Аллилуиа. Икос 2 Разуму датися мне божественному, помолися преподобне Онуфрие, ты бо, божественным сияющи светом и с Ангелы водворяющися пособствуеши память твою совершающим и радостно похвальная тебе сице приносящим: Радуйся, странно добродетельми просиявый; Радуйся, солнечнаго света светлейший. Радуйся, Ангелом в пустыню проводимый; Радуйся, горлице пустыннолюбная. Радуйся, рожо багрянноцветущая; Радуйся, храме всечестный и Богу освященный. Радуйся, Божиих дарований исполнение; Радуйся, пречудное в человецех удивление. Радуйся, бесов страшное и грозное устрашение; Радуйся, предрагий адаманте. Радуйся, Троичнаго света зрителю; Радуйся, теплый в молитвах предстателю. Радуйся, отче Онуфрие, пресветлый светильниче всея вселенныя. Кондак 3 Сила Вышняго от ложесн матерних осени тя, преподобне Онуфрие, и показа селение и жилище Святаго Духа, Егоже и аз недостойный усердно прияти желающе, пою песнь Богу: Аллилуиа. Икос 3 Имуще тя велика, отче, заступника и скораго в напастех помощника, различными одержимии напастьми тя на помощь призываем, и весело в твоей светлой памяти торжествующе, сия тебе вопием: Радуйся, скорый послушателю молящихся тебе с верою; Радуйся, праведнаго Судии известное умоление. Радуйся, честное Пресвятаго Духа селение; Радуйся, непорочный Пресвятыя Троицы служителю. Радуйся, предрагий Христа Бога бисере; Радуйся, неизреченная великому Пафнутию радосте. Радуйся, тогожде Пафнутия наставниче и учителю; Радуйся, скорбящих скорое утешение. Радуйся, унывающих всежелательный посетителю; Радуйся, слепых врачу и хромых целителю. Радуйся, болящих здравие и недугующих врачевание; Радуйся, верных спасенное прибежище. Радуйся, отче Онуфрие, пресветлый светильниче всея вселенныя. Кондак 4 Бурю страстей многомятежнаго мира возненавидевши, отче, всех его устранился еси красот, вселився же в пустыню, преподобне, Крестителю в житии последовал еси и пророка Илию подражал еси, ныне же вечнующую в небесных дворех славу получивши, с небесными Богу предстоиши жители и поеши купно с ними: Аллилуиа. Икос 4 Светоносное солнце и златозарное светило имуще тя вернии, святе Онуфрие, умильно тя молим, просвети, вразуми, научи вопити тебе сице: Радуйся, пустыни светлое озарение; Радуйся, златозарный мира светильниче. Радуйся, Фивеов пречудная красото; Радуйся, Ливии прекрасная доброто. Радуйся, Египта пресветлое украшение; Радуйся, Месопотамии превеликий наставниче. Радуйся, Иоанна Крестителя истинный и присный подражателю; Радуйся, благовонный пустыни кедре. Радуйся, яко равноангельно служиши Богу; Радуйся, яко заступаеши всех, тепле тя на помощь призывающих. Радуйся, отче Онуфрие, пресветлый светильниче всея вселенныя. Кондак 5 Боготечную зарю увидевши тя, отче, в пустыни, великий Пафнутий тщательно последова тебе, и яко учительна светильника придержася тебе, и о пустынном любопытно испытав житии, егоже от тебе добре навык, умильно воспева Богу песнь: Аллилуиа. Икос 5 Видя твое странное житие, Собор церковный, Онуфрие преподобне, с благоговением твою блаженную память велит почитати. Сего ради и аз, спасение хотя получити, с веселием почитаю и сице тебе вопию: Радуйся, пресветлая красото Церкве Христовы; Радуйся, неусыпный предстателю ищущим ходатайства твоего. Радуйся, яко к Господу всегда вопиеши за ны; Радуйся, яко тобою просветишася внутренняя пустыни. Радуйся, яко просияша добрая дела твоя, аки солнце на земли и на небеси; Радуйся, яко вперил еси ум твой к Богу. Радуйся, яко обогатился еси нищетою духа; Радуйся, орле гнезда небеснаго. Радуйся, прелести бесовския, яко трость, попаляющий; Радуйся, послушателю Евангелия Христова. Радуйся, мудрование плоти крепостию Божественнаго Духа смиривый; Радуйся, земный ангеле, небесный человече. Радуйся, отче Онуфрие, пресветлый светильниче всея вселенныя. Кондак 6 Проповеди Евангельския творца, еже не пещися о ризе или что ясти, истинна тя, Онуфрие, узре Владыка Господь и абие власы белыми, яко одеждою, одея тя чудно, и славою свыше обогатил тя есть в преставлении твоем; юже и нам от Христа получити моли, вопиющим Ему: Аллилуиа. Икос 6 Возсиял еси от Египта, столпом Божественнаго света наставляем, преподобне Онуфрие, не терпяще же тя бесовстии полцы в пустыни, бежаша; от ихже наветов и нас избави молитвами твоими, вопиющих ти сице: Радуйся, прелести бесовския потребителю; Радуйся, бесов страшный прогонителю. Радуйся, главу змиеву уязвивый молитвами твоими; Радуйся, дарований Святаго Духа преисполненный. Радуйся, духи лукавствия смиренномудрием покоривый; Радуйся, яко крест твой на раме понесл еси. Радуйся, яко тем амалика мысленнаго силу низложил еси; Радуйся, яко бремя легкое Христово восприял еси на рамо. Радуйся, яко от юности возлюбил еси иго Христово; Радуйся, яко спасен от вражиих сетей, благодарственно Богу вопиеши. Радуйся, яко и верным на враги тощно пособствуеши; Радуйся, яко тепле к тебе притекающих треволнения страстей изменяеши. Радуйся, отче Онуфрие, пресветлый светильниче всея вселенныя. Кондак 7 Изшедшу Пафнутию от обители во внутренняя пустыни, еже видети Господеви работающия, Божиим смотрением узре тя странным образом и ужасеся; по глаголании же твоем к нему, познав тя быти человека, верне и дивно Богу работающа, возгласи: Аллилуиа. Икос 7 Новый воистинну победоносец на плотския страсти явился еси, преподобне, и кто доволен воспети борения твоя? Кто изочтет труды, болезни и подвиги, в нихже течение постничества совершил еси? К сих же похвалению недовольни суще, любовию паче почитаем тя и верно тебе сицевая вопием: Радуйся, гладом и жаждею плоть твою удручивый; Радуйся, тмы предстателя всеконечно победивый. Радуйся, яко всяко сладострастие всенощными бдении увядил еси; Радуйся, яко законно в молитвах и пощениих претерпевая, в безстрастие облеклся еси. Радуйся, предивное воздержания зерцало; Радуйся, преподобных лику великая славо. Радуйся, яко мразом померзаемей плоти твоей, теплотою любве Христовы согревашеся дух твой; Радуйся, яко зноем опаляема тя роса Божественныя благодати прохлаждаше, преподобне. Радуйся, пустыни лепое украшение; Радуйся, подвигов и совершенства образе. Радуйся, яко всяку добродетель в тебе изобразил еси; Радуйся, яко вселюбимый подвигоположнику Христу угодник показался еси. Радуйся, отче Онуфрие, пресветлый светильниче всея вселенныя. Кондак 8 Странное твое житие бысть, Онуфрие: взирая бо на возрастшаго при пещери твоей финика, воздержанием паче питался еси. Сего ради, улучив вышнюю трапезу, поеши Богу: Аллилуиа. Икос 8 Весь был еси в вышних и горе оком твоея души взирал еси непрестанно во всем странном постничестве твоем, ныне же дерзновение стяжав к Богу, преподобне, заступаеши всех, на помощь тя призывающих и вопиющих ти сице: Радуйся, пустынножителю великий; Радуйся, аки звезда, в пустынях просиявый. Радуйся, подражавый стопам Христовым от младенства твоего; Радуйся, ангельскаго жития ревнителю. Радуйся, наветов невидимых враг прогонителю; Радуйся, воздержания чуднаго показателю. Радуйся, совершенства преизящный учителю; Радуйся, странный и дивный к небеси путь показавый. Радуйся, яко равноангельно на земли пожил еси; Радуйся, яко равноангельную славу и честь достойно получил еси. Радуйся, яко в небесных дворех ныне о всех мольбы Творцу приносиши; Радуйся, яко тебе ходатая стяжавшим великия благодати Божия испрошаеши. Радуйся, отче Онуфрие, пресветлый светильниче всея вселенныя. Кондак 9 Всякое естество удивися тебе, Онуфрие святе: мира бо красная от сердца возненавидев и единаго Бога от души возлюбив, пустыню постигл еси. Идеже в единех токмо видениих упражняяся, явился еси яко Ангел, с плотию живый, поя Богу: Аллилуиа. Икос 9 Витийстии языцы восхвалити тя по достоянию не могут, отче богомудре Онуфрие: ты бо от утробы матерны Богу приближив твой смысл, весма прилежал еси Царю Вседержителю, плоды достойны принося Ему от твоих подвиг во всем житии, преподобне. Аз убо от Церкве Божия славима тя о тех уведев, верно тебе сицевая вопию: Радуйся, от младенства монашескому обучению вданный; Радуйся, в юности Божиим наставлением в пустынное безхрамие введенный. Радуйся, яко Христовым словесем последуя, мира, отечества же и рода отреклся еси; Радуйся, яко крест твой евангельски на раме твоем понесл еси. Радуйся, небрегий о ризе, да нетления ризу себе самому соделаеши; Радуйся, сеявый слезами, да с радостию рукояти твоя пожнеши. Радуйся, яко неядением, нуждною нищетою и всегдашним на молитве стоянием плоть изнурил еси; Радуйся, яко пути жестоки за словеса устен Господа твоего сохранил еси. Радуйся, подвиги твоими страсти телесныя до конца умертвивый; Радуйся, равноангельную чистоту сохранивый. Радуйся, яко многолетне аки безплотен пожил еси; Радуйся, яко от Венцеподателя безплотным ликом ныне счислился еси. Радуйся, отче Онуфрие, пресветлый светильниче всея вселенныя. Кондак 10 Спастися хотяще вернии от напастей различных, отче, предстателя тя себе и поборника поставляют и не лишаются надежд своих: ты бо молитвами к Богу твоими от бед лютых и скорбей, одержащих ны, и многоразличных злых изымаеши, наставляеши же на спасения стези усердно к тебе притекающия и Богу верно вопиющия: Аллилуиа. Икос 10 Стену тя, заступника и молитвенника тепла обрет, преподобне, из глубины сердца, яко благоуханное кадило, с воздыханием Богу возсылаю хвалу; тебе же, присному сущу молитвеннику, сицевая приношу пения: Радуйся, плодов добродетельных благопроцветшая ниво; Радуйся, благочестия преизрядное удобрение. Радуйся, земным заступниче крепкий; Радуйся, послушателю притекающим к тебе теплый. Радуйся, светильниче, демонский мрак отреваяй; Радуйся, душетленных недугов тму отгоняяй. Радуйся, яко заблуждающих преподобными нравы на путь правый руководствуеши; Радуйся, яко к исполнению Божиих хотений управляеши. Радуйся, яко многоразличная благодеяния тобою свыше подаема бывают; Радуйся, яко духов злобных наветы от призывающих тя бегают. Радуйся, яко всех моления дерзновенно Вышнему приносиши; Радуйся, яко всех в нуждах и печалех защищаеши. Радуйся, отче Онуфрие, пресветлый светильниче всея вселенныя. Кондак 11 Пение ангельское слышашеся в божественном преставлении твоем, отче, святей бо и богоугоднейшей души твоей, в небесная селения преславно восходящей, силы небесныя дивляхуся, поюще: Аллилуиа. Икос 11 Светло по преставлении лице твое виде, отче, Пафнутий святый удивися. Разделив же на две части рясу свою, покры мощи твоя и погребе тя со львы честно. Сия и аз духом благоговейно почитая, сице ти вопию: Радуйся, яко всего тебе Богу освятил еси; Радуйся, яко добре Божественныя законы соблюл еси. Радуйся, изшествие твое от жития пророчески предведевый; Радуйся, в теплей к Богу любви и благоговении многотрудныя твоя подвиги окончивый. Радуйся, в преставлении благоуханием чудным, аки райским, почтенный; Радуйся, молнии тогда и блистании дивно прославленный. Радуйся, егоже мощи ангельстии лицы с пением, кадилы и свещами окружиша; Радуйся, емуже горняя силы врата райския отверзоша. Радуйся, яко в томже часе сияние велие, облиставшее тя, зряшеся; Радуйся, яко сладкий глас, к восприятию вечных благ призывающ тя, слышашеся. Радуйся, яко святую твою душу венцедавец Христос славно прият в горняя селения; Радуйся, яко ныне вечнаго изобильно наслаждаешися веселия. Радуйся, отче Онуфрие, пресветлый светильниче всея вселенныя. Кондак 12 Благодать, данную ти, и подвиги твоя никтоже от земных изрещи может, отче Онуфрие: в пустыни бо нестяжателно живый, пищу имел еси хлеб ангельский, от человек бегая, с Богом и Ангелы беседовал еси. Сего ради в небесных чертозех радуешися и поеши песнь: Аллилуиа. Икос 12 Поем доблественныя подвиги твоя, ублажаем достохвальную кончину, почитаем и священную память твою, преподобне, в нейже и яко единому тебе от двадесяти четырех старец, окружающих Престол Вышняго, председящему похвальная сице вопием: Радуйся, странно на земли поживый; Радуйся, странную и кончину наследивый. Радуйся, яко светлыми подвиги твоими к свету невечернему вшел еси; Радуйся, яко премирное наследие богатно стяжал еси. Радуйся, неизреченных благ наследниче; Радуйся, преподобных и праведных собеседниче. Радуйся, яко ныне разрешшимся зерцалом Троицу Святую зриши непосредственно; Радуйся, яко в памяти твоей Церковь Христову веселиши неизреченно. Радуйся, яко тобою постницы и пустынножители в подвиг укрепляются; Радуйся, яко вернии ходатайством твоим всех благ свыше сподобляются. Радуйся, отче Онуфрие, пресветлый светильниче всея вселенныя. Кондак 13 О всехвальный и предивный угодниче Христов отче Онуфрие, молютися и вопию всеусердно: приими сие малое, от мене приносимое моление и потщися скоро умолити милостиваго Бога и Владыку, да избавит мя от всяких бед и будущия измет муки, вопиющаго: Аллилуиа.[Се́й конда́к глаго́лется три́жды.][Далее повторяем 1‑е икос и кондак:]Икос 1 Ангельстии чини твоим, отче, удивишася подвигом, имиже в пустыни непрестанно упражнялся еси; три бо и шестьдесят лет постился еси, Божественныя же Христовы Тайны от рук ангельских приимати сподобился еси, и ныне убо почитая тя единосельника и собеседника Ангелов, сицевая вопию тебе, святе Онуфрие: Радуйся, Ангелов предивное чудо; Радуйся, душетленных страстей разрушителю. Радуйся, непроходимыя пустыни просветителю; Радуйся, воздержания наказателю и учителю. Радуйся, пустынножителей удобрение; Радуйся, монахов богодухновенное светило. Радуйся, угодниче Христов преизящный; Радуйся, безмолвия рачителю теплейший. Радуйся, бесовския силы крепкое попрание; Радуйся, спасения истинный наставниче. Радуйся, подателю радости верным; Радуйся, скорый помощниче к тебе притекающим. Радуйся, отче Онуфрие, пресветлый светильниче всея вселенныя. Кондак 1 Избранный и дивный отче Онуфрие, сияющий трисияннаго живота зарею, ты мя, омраченнаго греховными страстьми, просвети, от смертоносныя раны исхити и твоими молитвами от всех бед избави, да зову тебе: Радуйся, отче Онуфрие, пресветлый светильниче всея вселенныя. Молитва преподобному Онуфрию, Великому пустынножителю, царевичу Перскому О преизящный и превеликий пустынножителю, преподобне отче Онуфрие! Похваляю твоя неизреченная чудотворения и житие пресветло, еже еси препроводил от юности твоея, даже и до старости: никтоже бо изчести возможе терпений и подвигов твоих, пречестне. Удивися преподобный Пафнутий твоему жестокому еже в пустыни житию, вкупе же и зело возрадовася, обрет тя единаго толиких подвигов и совершенства суща образ. Сего ради и подлинно испыта о трудех твоих святых и о еже колико имел еси временнаго жития. Темже и написа, яко шестьдесят лет и три в трудолюбии пребывая, в наготе претерпевая мраз и зной, в глубокой пустыне со зверьми и птицы обитая, молитвы непрестанно творя, пожил еси. Сего ради ныне радость тебе приношу от недостойных устен моих, преподобне отче, преподобному Пафнутию радосте великая (сподобися бо при кончине с львы послужити тебе, погребсти тело твое и с тобою на небеси жити), Илии Фесвитянину ревнителю, Иоанну Крестителю наследниче, друже Христов и снаследниче истинный, Египту умная красото, Фивеом великое светило, Ливии красная доброто, финикс краснопроцветающий, орле высокопарный, летающий в поднебесная, на небесех гражданство обретый, идеже и водворися у Престола Владыки Славы, с двадесять четырми старцы жилище обретый, с ними же и пребываеши. И ныне молю тя, пречудный гражданине небесный, святых ликов Ангельских совсельниче, услыши мя, грешнаго и недостойнаго раба твоего, в час сей и приими сие малое моление мое Акафистово, великий заступниче, скорый помощниче притекающим к тебе усердно. Заглади рукописание дел моих скверных и нечистых, яже держат демонския полки. Покрый мя твоим заступлением, причти мя ко уготованному пресветлому месту молитвами твоими и сподоби мя вышняго Иерусалима, ибо по Преблагословенной Владычице нашей Богородице и Приснодеве Марии, тебе между теплейшими помощниками, молебниками и заступниками моими почитаю. Присещаеши бо и даеши руку помощи припадающим к тебе в храме твоем и повсюду. Темже и аз недостойный ныне тебе молюся и призываю: умоли милостиваго Бога, да отпустит ми вся прегрешения моя, вольная и невольная, сотворенная вся злая дела моя, и да избавит мя твоим предстательством от вечных мук, научит мя творити добрая дела, наставит мя на путь к спасению истинному и сподобит мя купно радости вечныя насладитися со всеми святыми, ныне и присно, и во веки веков, аминь.

Богородичны отпустительные, которые поются после тропарей святых весь год на вечерне и после «Бог – Господь» на утрени, а также в конце утрени Глас 1 Глас 2 Глас 3 Глас 4 Глас 5 Глас 6 Глас 7 Глас 8 Глас 1 В неделю вечера и в понедельник на Бог Господь: Чу́до чуде́с, Благода́тная, в Тебе́ зря́щи, / тва́рь ра́дуется, / зачала́ бо еси́ безсе́менно / и родила́ еси́ неизрече́нно, / Его́же чинонача́лия А́нгелов ви́дети не мо́гут, / Того́ моли́ о душа́х на́ших. Перевод: В воскресенье вечером и в понедельник после «Бог – Господь» Чудо из чудес в Тебе видя, Благодатная, / творение радуется. / Ибо на Кого полки Ангельские взирать не могут, / Ты зачала без семени, / и родила неизреченно; / Его моли о душах наших. В конец утрени: Пречи́стая Богоро́дице, / на Небесе́х Благослове́нная / и на земли́ славосло́вимая, / ра́дуйся, Неве́сто Неневе́стная. Перевод: В конце утрени Пречистая Богородица, / на небесах благословляемая, и на земле славословимая, / радуйся, Невеста, брака не познавшая. В понедельник вечера и во вторник на Бог Господь: Заче́ншая неопа́льно О́гнь Боже́ственный / и ро́ждшая безсе́менно Исто́чника Жи́зни, Го́спода, / Благода́тная Богоро́дице, / спаса́й Тя велича́ющия. Перевод: В понедельник вечером и во вторник после «Бог – Господь» Зачавшая Огонь Божественный / и Им не опаленная, / и Родившая без семени / Источник жизни – Господа, / благодатная Богородица, / спасай Тебя величающих. В конец утрени: Безма́терняго на Небеси́, па́че мы́сли и слу́ха, / на земли́ без отца́ родила́ еси́; / Того́, Богоро́дице, / моли́ о душа́х на́ших. Перевод: В конце утрени Без матери на Небесах Рожденного / выше мысли и слуха, / Ты на земле родила без отца; / Его, Богородица, моли о душах наших. Во вторник вечера и в среду на Бог Господь: Твое́ предста́тельство иму́ще, Пречи́стая, / и Твои́ми моли́твами лю́тых избавля́еми, / Кресто́м Сы́на Твоего́ везде́ соблюда́еми, / по до́лгу Тя вси благоче́стно велича́ем. Перевод: Во вторник вечером и в среду после «Бог – Господь» В Тебе защиту имея, Пречистая, / и Твоими мольбами от бедствий избавляемые, / Крестом Сына Твоего всегда сохраняемые, / мы все Тебя как должно / с благоговением величаем. В конец утрени: Пречи́стая Богоро́дице, на Небесе́х благослове́нная и на земли́ славосло́вимая, / ра́дуйся, Неве́сто Неневе́стная. Перевод: В конце утрени Пречистая Богородица, / на небесах благословляемая, и на земле славословимая, / радуйся, Невеста, брака не познавшая. В среду вечера и в четверток на Бог Господь: Заче́ншая неопа́льно О́гнь Боже́ственный / и ро́ждшая безсе́менно Исто́чника Жи́зни, Го́спода, / Благода́тная Богоро́дице, / спаса́й Тя велича́ющия. Перевод: В среду вечером и в четверг после «Бог – Господь» Зачавшая Огонь Божественный / и Им не опаленная, / и Родившая без семени / Источник жизни – Господа, / благодатная Богородица, / спасай Тебя величающих. В конец утрени: Безма́терняго на Небеси́, па́че мы́сли и слу́ха, / на земли́ без отца́ родила́ еси́; / Того́, Богоро́дице, / моли́ о душа́х на́ших. Перевод: В конце утрени Без матери на Небесах Рожденного / выше мысли и слуха, / Ты на земле родила без отца; / Его, Богородица, моли о душах наших. В четверток вечера и в пяток на Бог Господь: Твое́ предста́тельство иму́ще, Пречи́стая, / и Твои́ми моли́твами лю́тых избавля́еми, / Кресто́м Сы́на Твоего́ везде́ соблюда́еми, / по до́лгу Тя вси благоче́стно велича́ем. Перевод: В четверг вечером и в пятницу после «Бог – Господь» В Тебе защиту имея, Пречистая, / и Твоими мольбами от бедствий избавляемые, / Крестом Сына Твоего всегда сохраняемые, / мы все Тебя как должно / с благоговением величаем. В конец утрени: Пречи́стая Богоро́дице, / на Небесе́х Благослове́нная / и на земли́ славосло́вимая, / ра́дуйся, Неве́сто Неневе́стная. Перевод: В конце утрени Пречистая Богородица, / на небесах благословляемая, и на земле славословимая, / радуйся, Невеста, брака не познавшая. В пяток вечера и в субботу на Бог Господь: Гаврии́лу веща́вшу Тебе́, Де́во, ра́дуйся, / со гла́сом воплоща́шеся всех Влады́ка / в Тебе́, святе́м киво́те, / я́коже рече́ пра́ведный Дави́д, / яви́лася еси́ ши́ршая Небе́с, / поноси́вши Зижди́теля Твоего́: / сла́ва Все́льшемуся в Тя; / сла́ва Проше́дшему из Тебе́; / сла́ва Свободи́вшему нас Рождество́м Твои́м. Перевод: В пятницу вечером и в субботу после «Бог – Господь» Гавриил возгласил Тебе, Дева, «Радуйся», / и с тем возгласом воплощался всех Владыка / в Тебе, святом Ковчеге, / как сказал праведный Давид. / Явилась Ты пространнее небес, / носив Создателя Твоего. / Слава Вселившемуся в Тебя; / слава Происшедшему из Тебя; / слава Освободившему нас рождением от Тебя. В конец утрени: Безма́терняго на Небеси́, па́че мы́сли и слу́ха, / на земли́ без отца́ родила́ еси́; / Того́, Богоро́дице, / моли́ о душа́х на́ших. Перевод: В конце утрени Без матери на Небесах Рожденного / выше мысли и слуха, / Ты на земле родила без отца; / Его, Богородица, моли о душах наших. Глас 2 В неделю вечера и в понедельник на Бог Господь: Благоутро́бия су́щи исто́чник, / ми́лости сподо́би нас, Богоро́дице, / при́зри на лю́ди согреши́вшия, / яви́, я́ко при́сно, си́лу Твою́, / на Тя бо упова́юще, ра́дуйся, вопие́м Ти, / я́коже иногда́ Гаврии́л, Безпло́тных Архистрати́г. Перевод: В воскресенье вечером и в понедельник после «Бог – Господь» Милосердия источник, / удостой нас сострадания, Богородица; / взгляни на людей согрешивших, / яви как всегда силу Твою, / ибо, надеясь на Тебя мы взываем Тебе: «Радуйся», / как некогда Гавриил, начальник Воинств Бесплотных. В конец утрени: Ма́ти Свята́я неизрече́ннаго Све́та, / а́нгельскими Тя пе́сньми почита́юще, / благоче́стно велича́ем. Перевод: В конце утрени Матерь святая неизреченного Света, / мы, благоговейно почитая Тебя, / ангельскими песнопениями величаем. В понедельник вечера и во вторник на Бог Господь: Боже́ственнаго бы́хом о́бщницы естества́ / Тобо́ю, Богоро́дице Присноде́во, / Бо́га бо нам воплоти́вшагося родила́ еси́. / Те́мже по до́лгу Тя вси благоче́стно велича́ем. Перевод: В понедельник вечером и во вторник после «Бог – Господь» Стали мы причастниками Божественного естества, / через Тебя, Богородица Приснодева, / ибо Бога Воплотившегося Ты родила нам. / Потому мы все Тебя как должно / с благоговением величаем. В конец утрени: Тя велича́ем, Богоро́дице, вопию́ще: / ра́дуйся, незаходи́маго Све́та о́блаче, / Того́ носи́вши в не́дрех Сла́вы Го́спода. Перевод: В конце утрени Тебя величаем, Богородица, взывая: / «Радуйся, Облако Немеркнущего Света, / носившая Его в лоне Своем – Славы Господа!» Во вторник вечера и в среду на Бог Господь: Препросла́вленна еси́, Богоро́дице Де́во, / пое́м Тя: / Кресто́м бо Сы́на Твоего́ низложи́ся ад / и сме́рть умертви́ся, / умерщвле́ннии, воста́хом и Живота́ сподо́бихомся: / рай восприя́хом, дре́внее наслажде́ние. / Тем благодаря́ще, славосло́вим / я́ко держа́внаго Христа́ Бо́га на́шего / и Еди́наго Многоми́лостиваго. Перевод: Во вторник вечером и в среду после «Бог – Господь» Препрославлена Ты, Богородица Дева, / мы воспеваем Тебя; / ибо Крестом Сына Твоего низвержен ад и погибла смерть, / мы, умерщвленные, воскресли и жизни удостоились, / получили рай, вечное наслаждение. / Потому благодарно славословим Христа, Бога нашего, / сильного и Единого Многомилостивого. В конец утрени: Тя велича́ем, Богоро́дице, вопию́ще: / ра́дуйся, же́зле, / от него́же безсе́менно Бог прозябы́й, / погуби́ на Дре́ве сме́рть. Перевод: В конце утрени Тебя величаем, Богородица, взывая: / «Радуйся, Жезл, из Которого произошел без семени Бог / и погубил на Древе смерть!» В среду вечера и в четверток на Бог Господь: Боже́ственнаго бы́хом о́бщницы естества́ / Тобо́ю, Богоро́дице Присноде́во, / Бо́га бо нам воплоти́вшагося родила́ еси́. / Те́мже по до́лгу Тя вси благоче́стно велича́ем. Перевод: В среду вечером и в четверг после «Бог – Господь» Стали мы причастниками Божественного естества, / через Тебя, Богородица Приснодева, / ибо Бога Воплотившегося Ты родила нам. / Потому мы все Тебя как должно / с благоговением величаем. В конец утрени: Тя велича́ем, Богоро́дице, вопию́ще: / ра́дуйся, незаходи́маго Све́та о́блаче, / Того́ носи́вши в не́дрех Сла́вы Го́спода. Перевод: В конце утрени Тебя величаем, Богородица, взывая: / «Радуйся, Жезл, из Которого произошел без семени Бог / и погубил на Древе смерть!» В четверток вечера и в пяток на Бог Господь: Препросла́вленна еси́, Богоро́дице Де́во, / пое́м Тя: / Кресто́м бо Сы́на Твоего́ низложи́ся ад / и сме́рть умертви́ся, / умерщвле́ннии, воста́хом и Живота́ сподо́бихомся: / рай восприя́хом, дре́внее наслажде́ние. / Тем благодаря́ще, славосло́вим / я́ко держа́внаго Христа́ Бо́га на́шего / и Еди́наго Многоми́лостиваго. Перевод: В четверг вечером и в пятницу после «Бог – Господь» Препрославлена Ты, Богородица Дева, / мы воспеваем Тебя; / ибо Крестом Сына Твоего низвержен ад и погибла смерть, / мы, умерщвленные, воскресли и жизни удостоились, / получили рай, вечное наслаждение. / Потому благодарно славословим Христа, Бога нашего, / сильного и Единого Многомилостивого. В конец утрени: Тя велича́ем, Богоро́дице, вопию́ще: / ра́дуйся, же́зле, / от него́же безсе́менно Бог прозябы́й, / погуби́ на Дре́ве сме́рть. Перевод: В конце утрени Тебя величаем, Богородица, взывая: / «Радуйся, Жезл, из Которого произошел без семени Бог / и погубил на Древе смерть!» В пяток вечера и в субботу на Бог Господь: Вся па́че смы́сла, / вся пресла́вная Твоя́, Богоро́дице, та́инства, / чистоте́ запеча́танной и де́вству храни́му, / Ма́ти позна́лася еси́ нело́жна, / Бо́га ро́ждши И́стиннаго. / Того́ моли́ спасти́ся душа́м на́шим. Перевод: В пятницу вечером и в субботу после «Бог – Господь» Все превыше ума, все преславны / Твои, Богородица, таинства: / чистотой запечатленная и девство сохранившая, / Ты явилась истинной Матерью, родившей Бога истинного. / Его моли о спасении душ наших. В конец утрени: Ма́ти Свята́я неизрече́ннаго Све́та, / а́нгельскими Тя пе́сньми почита́юще, / благоче́стно велича́ем. Перевод: В конце утрени Матерь святая неизреченного Света, / мы, благоговейно почитая Тебя, / ангельскими песнопениями величаем. Аще прилучится Аллилуия в коем-либо гласе, глаголются сия: Апо́столи, му́ченицы и проро́цы,/ святи́телие, преподо́бнии и пра́веднии,/ до́бре по́двиг соверши́вшии и ве́ру соблю́дшии,/ дерзнове́ние иму́ще ко Спа́су,/ о нас Того́, я́ко Бла́га, моли́те,// спасти́ся, мо́лимся, душа́м на́шим. Перевод: Апостолы, мученики и пророки, святители, преподобные и праведные, подвиг доблестно совершившие и веру сохранившие, дерзновение пред Спасителем имея, Его за нас, как благого, умолите, молимся, во спасение душам нашим! Помяни́, Го́споди, я́ко благ, рабы Твоя́,/ и, ели́ка в житии́ согреши́ша, прости́:/ никто́же бо безгре́шен, то́кмо Ты,// моги́й и преста́вленным да́ти поко́й. Перевод: Помяни, Господи, как Благой, рабов Твоих / и всё, в чем они в жизни согрешили, прости: / ибо никто не безгрешен, кроме Тебя. / Ты можешь и преставившимся дать покой. Ма́ти Свята́я неизрече́ннаго Све́та, / а́нгельскими Тя пе́сньми почита́юще, / благоче́стно велича́ем. Перевод: Матерь святая неизреченного Света, / ангельскими песнями мы чествуем Тебя / и благоговейно величаем. Глас 3 В неделю вечера и в понедельник на Бог Господь: Красоте́ де́вства Твоего́ и пресве́тлой чистоте́ Твое́й / Гаврии́л удиви́вся, вопия́ше Ти, Богоро́дице: / ку́ю Ти похвалу́ принесу́ досто́йную? / что же возъимену́ю Тя? / недоумева́ю и ужаса́юся. / Те́мже, я́ко повеле́н бых, вопию́ Ти: / ра́дуйся, Благода́тная. Перевод: В воскресенье вечером и в понедельник после «Бог – Господь» Красотою девства Твоего / и пресветлой чистотою Твоей изумленный, / Гавриил взывал Тебе, Богородица: / «Какую Тебе похвалу принесу достойную? / Как же назову Тебя? / Недоумеваю и ужасаюсь; / Потому, как мне велено, взываю Тебе: / «Радуйся, Благодатная!» В конец утрени: Ки́йждо, иде́же спаса́ется, / та́мо пра́ведно и притека́ет, / и ко́е ино́е таково́е прибе́жище, / я́ко Ты, Богоро́дице, / покрыва́ющее ду́ши на́ша. Перевод: В конце утрени Каждый, где спасается, / туда по справедливости и прибегает; / и какое иное подобное прибежище, как Ты, Богородица, / покрывающее души наши. В понедельник вечера и во вторник на Бог Господь: Прибе́жище и си́ла на́ша, Богоро́дице, / держа́вная по́мощь ми́ра, / моли́твами Твои́ми покры́й рабы́ Твоя́ / от вся́кия ну́жды, / Еди́на Благослове́нная. Перевод: В понедельник вечером и во вторник после «Бог – Господь» Прибежище и сила наша, Богородица, / крепкая помощь миру, / ходатайствами Твоими покрой рабов Твоих от всякого несчастья, / единая Благословенная. В конец утрени: Ки́йждо, иде́же спаса́ется, / та́мо пра́ведно и притека́ет, / и ко́е ино́е таково́е прибе́жище, / я́ко Ты, Богоро́дице, / покрыва́ющее ду́ши на́ша. Перевод: В конце утрени Каждый, где спасается, / туда по справедливости и прибегает; / и какое иное подобное прибежище, как Ты, Богородица, / покрывающее души наши. Во вторник вечера и в среду на Бог Господь: Жезл си́лы стяжа́вшии, Крест Сы́на Твоего́, Богоро́дице, / тем низлага́ем враго́в шата́ния, / любо́вию Тя непреста́нно велича́юще. Перевод: Во вторник вечером и в среду после «Бог – Господь» Имея жезл силы – / Крест Сына Твоего, Богородица, / мы им низвергаем врагов надменность, / непрестанно Тебя с любовью величая. В конец утрени: Прибе́жище и си́ла на́ша, Богоро́дице, / держа́вная по́мощь ми́ра, / моли́твами Твои́ми покры́й рабы́ Твоя́ / от вся́кия ну́жды, / Еди́на Благослове́нная. Перевод: В конце утрени Прибежище и сила наша, Богородица, / крепкая помощь миру, / ходатайствами Твоими покрой рабов Твоих от всякого несчастья, / единая Благословенная. В среду вечера и в четверток на Бог Господь: Проро́цы пропове́даша, / апо́столи научи́ша, / му́ченицы испове́даша / и мы ве́ровахом Богоро́дицу Тя вои́стинну су́щую. / Тем и велича́ем Рождество́ Твое́ неизрече́нное. Перевод: В среду вечером и в четверг после «Бог – Господь» Пророки проповедали, / Апостолы научили, / мученики исповедали, / и мы уверовали, что Ты – истинная Богородица: / потому и величаем / рождение от Тебя Христа неизъяснимое. В конец утрени: Ки́йждо, иде́же спаса́ется, / та́мо пра́ведно и притека́ет, / и ко́е ино́е таково́е прибе́жище, / я́ко Ты, Богоро́дице, / покрыва́ющее ду́ши на́ша. Перевод: В конце утрени Каждый, где спасается, / туда по справедливости и прибегает; / и какое иное подобное прибежище, как Ты, Богородица, / покрывающее души наши. В четверток вечера и в пяток на Бог Господь: Жезл си́лы стяжа́вшии, Крест Сы́на Твоего́, Богоро́дице, / тем низлага́ем враго́в шата́ния, / любо́вию Тя непреста́нно велича́юще. Перевод: В четверг вечером и в пятницу после «Бог – Господь» Имея жезл силы – / Крест Сына Твоего, Богородица, / мы им низвергаем врагов надменность, / непрестанно Тебя с любовью величая. В конец утрени: Прибе́жище и си́ла на́ша, Богоро́дице, / держа́вная по́мощь ми́ра, / моли́твами Твои́ми покры́й рабы́ Твоя́ / от вся́кия ну́жды, / Еди́на Благослове́нная. Перевод: В конце утрени Прибежище и сила наша, Богородица, / крепкая помощь миру, / ходатайствами Твоими покрой рабов Твоих от всякого несчастья, / единая Благословенная. В пяток вечера и в субботу на Бог Господь: Тя, хода́тайствовавшую спасе́ние ро́да на́шего, / воспева́ем, Богоро́дице Де́во: / пло́тию бо, от Тебе́ восприя́тою, Сын Твой и Бог наш, / Кресто́м восприи́м стра́сть, / изба́ви нас от тли я́ко Человеколю́бец. Перевод: В пятницу вечером и в субботу после «Бог – Господь» Тебя, как Посредницу спасения рода нашего, / воспеваем, Богородица Дева, / ибо плотию, от Тебя принятою, Сын Твой и Бог наш, / на Кресте претерпев страдания, / избавил нас от тления, как Человеколюбец. В конец утрени: Проро́цы пропове́даша, / апо́столи научи́ша, / му́ченицы испове́даша / и мы ве́ровахом Богоро́дицу Тя вои́стинну су́щую. / Тем и велича́ем Рождество́ Твое́ неизрече́нное. Перевод: В конце утрени Пророки проповедали, / Апостолы научили, / мученики исповедали, / и мы уверовали, что Ты – истинная Богородица: / потому и величаем / рождение от Тебя Христа неизъяснимое. Глас 4 В неделю вечера и в понедельник на Бог Господь: Воспита́вшейся во хра́ме во свята́я святы́х, / оде́янней ве́рою и прему́дростию и безме́рным де́вством, / Архистрати́г Гаврии́л принесе́ с Небесе́ целова́ние / и, е́же ра́дуйся, ра́дуйся, Благослове́нная: / ра́дуйся, Препросла́вленная, Госпо́дь с Тобо́ю. Перевод: В воскресенье вечером и в понедельник после «Бог – Господь» Воспитанной во храме во святом святых, / украшенной верою, и премудростью, и непорочным девством / Архистратиг Гавриил принес с небес приветствие и «Радуйся» возгласил – / «Радуйся, Благословенная, радуйся, Прославленная, Господь с Тобою!» В конец утрени: Я́ко всех еси́ творе́ний вы́шшая, / воспева́ти Тя досто́йно недоумева́юще, Богоро́дице, / ту́не, мо́лим Тя, поми́луй нас. Перевод: В конце утрени Всех творений Высочайшая, / не зная, как воспеть Тебя достойно, Богородица, / просим Тебя: «Даром помилуй нас!» В понедельник вечера и во вторник на Бог Господь: К Богоро́дице приле́жно ны́не притеце́м, / гре́шнии и смире́ннии, и припаде́м, / в покая́нии зову́ще из глубины́ души́: / Влады́чице, помози́, на ны милосе́рдовавши, / потщи́ся, погиба́ем от мно́жества прегреше́ний, / не отврати́ Твоя́ рабы́ тщи, / Тя бо и еди́ну наде́жду и́мамы. Перевод: В понедельник вечером и во вторник после «Бог – Господь» К Богородице ныне усердно прибегнем / мы, грешные и смиренные, и к Ней припадем, / в покаянии взывая из глубины души: / «Владычица, помоги, над нами сжалившись, / поспеши, мы погибаем от множества согрешений! / Не отпусти Твоих рабов ни с чем: / ибо в Тебе имеем мы единственную надежду!» В конец утрени: Тя велича́ем, Богоро́дице, вопию́ще: / Ты еси́ купина́, в не́йже неопа́льно Моисе́й ви́де, / я́ко пла́мень, О́гнь Божества́. Перевод: В конце утрени Тебя мы величаем, Богородица, взывая: / «Ты – Терновый Куст, в котором Моисей увидел, / как не опаляющее пламя, Огонь Божества!» Во вторник вечера и в среду на Бог Господь: Де́во Пренепоро́чная, Ма́ти Христа́ Бо́га, / ору́жие про́йде Твою́ пресвяту́ю ду́шу, / егда́ распина́ема ви́дела еси́ во́лею Сы́на и Бо́га Твоего́; / Его́же, Благослове́нная, моля́щи не преста́й / проще́ние прегреше́ний нам дарова́ти. Перевод: Во вторник вечером и в среду после «Бог – Господь» Дева Пренепорочная, Матерь Христа Бога, / оружие пронзило Твою пресвятую душу, / когда увидела Ты добровольно распинаемым Сына и Бога Твоего; / Его, Благословенная, молить не прекращай, / да дарует нам прощение согрешений. В конец утрени: Тя велича́ем, Богоро́дице, вопию́ще: / Ты еси́ гора́, от нея́же неизглаго́ланно отсече́ся Ка́мень / и врата́ а́дова сокруши́. Перевод: В конце утрени Тебя мы величаем, Богородица, взывая: / «Ты – Гора, от Которой неизъяснимо отсечен был Камень / и врата ада сокрушил!» В среду вечера и в четверток на Бог Господь: Сло́во О́тчее, Христа́ Бо́га на́шего, / от Тебе́ воплоти́вшагося, позна́хом, Богоро́дице Де́во, / Еди́на Чи́стая, / Еди́на Благослове́нная. / Тем непреста́нно Тя, воспева́юще, велича́ем. Перевод: В среду вечером и в четверг после «Бог – Господь» Слово Отчее – Христа, Бога нашего, / от Тебя воплотившегося, мы познали, Богородица Дева, / единая Чистая, единая Благословенная: / потому непрестанно Тебя в песнях величаем. В конец утрени: Я́ко всех еси́ творе́ний вы́шшая, / воспева́ти Тя досто́йно недоумева́юще, Богоро́дице, / ту́не, мо́лим Тя, поми́луй нас. Перевод: В конце утрени Всех творений Высочайшая, / не зная, как воспеть Тебя достойно, Богородица, / просим Тебя: «Даром помилуй нас!» В четверток вечера и в пяток на Бог Господь: Де́во Пренепоро́чная, Ма́ти Христа́ Бо́га, / ору́жие про́йде Твою́ пресвяту́ю ду́шу, / егда́ распина́ема ви́дела еси́ во́лею Сы́на и Бо́га Твоего́; / Его́же, Благослове́нная, моля́щи не преста́й / проще́ние прегреше́ний нам дарова́ти. Перевод: В четверг вечером и в пятницу после «Бог – Господь» Дева Пренепорочная, Матерь Христа Бога, / оружие пронзило Твою пресвятую душу, / когда увидела Ты добровольно распинаемым Сына и Бога Твоего; / Его, Благословенная, молить не прекращай, / да дарует нам прощение согрешений. В конец утрени: Тя велича́ем, Богоро́дице, вопию́ще: / Ты еси́ гора́, от нея́же неизглаго́ланно отсече́ся Ка́мень / и врата́ а́дова сокруши́. Перевод: В конце утрени Тебя мы величаем, Богородица, взывая: / «Ты – Гора, от Которой неизъяснимо отсечен был Камень / и врата ада сокрушил!» В пяток вечера и в субботу на Бог Господь: Е́же от ве́ка утае́ное / и А́нгелом несве́домое та́инство, / Тобо́ю, Богоро́дице, су́щим на земли́ яви́ся Бог, / в несли́тном соедине́нии воплоща́емь, / и, Крест во́лею нас ра́ди восприи́м, / и́мже воскреси́в первозда́ннаго, / спа́се от сме́рти души́ на́ша. Перевод: В пятницу вечером и в субботу после «Бог – Господь» От века сокровенное / и Ангелам неведомое таинство, / через Тебя, Богородица, явлено живущим на земле, / – Бог, воплощающийся в неслитном единении двух естеств, / и ради нас добровольно принявший Крест, – / им Он воскресил Адама первозданного / и спас от смерти души наши. В конец утрени: Тя велича́ем, Богоро́дице, вопию́ще: / Ты еси́ купина́, в не́йже неопа́льно Моисе́й ви́де, / я́ко пла́мень, О́гнь Божества́. Перевод: В конце утрени Тебя мы величаем, Богородица, взывая: / «Ты – Терновый Куст, в котором Моисей увидел, / как не опаляющее пламя, Огонь Божества!» Глас 5 В неделю вечера и в понедельник на Бог Господь: Со А́нгелы Небе́сная, с челове́ки земна́я, / гла́сом ра́дования, Богоро́дице, вопие́м Ти: / ра́дуйся, врата́, Небе́с ши́ршая; / ра́дуйся, Еди́на земноро́дных спасе́ние; / ра́дуйся, Чи́стая Благода́тная, / ро́ждшая Бо́га воплоти́вшагося. Перевод: В воскресенье вечером и в понедельник после «Бог – Господь» С Ангелами песнями небесными, с людьми – земными, / гласом радостным, Богородица, взываем Тебе: / «Радуйся, Врата, небес пространнейшие, / радуйся, единственное рожденных на земле спасение, / радуйся, Чистая, Благодатная, / Родившая Бога Воплотившегося!» В конец утрени: От Де́вы возсия́вый ми́ру, Христе́ Бо́же, / сы́ны Све́та То́ю показа́вый, поми́луй нас. Перевод: В конце утрени От Девы воссиявший миру, Христе Боже, / и через Нее сынами Света нас явивший, помилуй нас. В понедельник вечера и во вторник на Бог Господь: Ско́рый Твой покро́в, и по́мощь, / и ми́лость покажи́ на рабы́ Твоя́, / и во́лны, Чи́стая, укроти́ су́етных по́мыслов, / и па́дшую мою́ ду́шу возста́ви, Богоро́дице: / вем бо, вем, Де́во, / я́ко мо́жеши, ели́ка и хо́щеши. Перевод: В понедельник вечером и во вторник после «Бог – Господь» Скорый Твой покров, и помощь, / и милость покажи на рабах Твоих, / и укроти, Чистая, волны суетных помыслов, / и падшую мою душу воздвигни, Богородица: / ибо, знаю, Дева, знаю, / что Ты можешь совершить то, что захочешь. В конец утрени: Ма́ти Бо́жия Пресвята́я, стено́ христиа́н, / изба́ви лю́ди Твоя́ обы́чно, зову́щия Ти приле́жно, / сопроти́вися сра́мным и го́рдым по́мыслом, да вопие́м Ти: / ра́дуйся, Присноде́во. Перевод: В конце утрени Матерь Божия Пресвятая, Стена христианам, / избавь народ Твой, как всегда взывающий Тебе усердно: / «Воспрепятствуй постыдным и гордым помыслам, / дабы мы восклицали Тебе: «Радуйся, Приснодева!» Во вторник вечера и в среду на Бог Господь: Кресто́м Сы́на Твоего́, Богоблагода́тная, / и́дольская пре́лесть вся упраздни́ся / и де́монская кре́пость попра́ся. / Сего́ ра́ди, ве́рнии, по до́лгу Тя при́сно пое́м и благослови́м / и, Богоро́дицу вои́стинну испове́дающе Тя, велича́ем. Перевод: Во вторник вечером и в среду после «Бог – Господь» Крестом Сына Твоего, облагодатствованная Богом, / упразднено все идольское прельщение, / и могущество демонов попрано; / потому мы, верные, как должно / Тебя всегда воспеваем и благословляем, / и, истинной Богородицей Тебя исповедуя, величаем. В конец утрени: От Де́вы возсия́вый ми́ру, Христе́ Бо́же, / сы́ны Све́та То́ю показа́вый, поми́луй нас. Перевод: В конце утрени От Девы воссиявший миру, Христе Боже, / и через Нее сынами Света нас явивший, помилуй нас. В среду вечера и в четверток на Бог Господь: Стра́нное Де́вы та́инство ми́ру показа́ся спаси́тельное: / от Нея́ бо роди́лся еси́ без се́мене / и пло́тию показа́лся еси́ без истле́ния, / всех ра́досте, / Го́споди, сла́ва Тебе́. Перевод: В среду вечером и в четверг после «Бог – Господь» Необычайное Девы таинство / явилось для мира спасительным: / ибо от Нее родился Ты без семени, / и во плоти явился непричастно тлению, / всех Радость, Господи, слава Тебе. В конец утрени: Ма́ти Бо́жия Пресвята́я, стено́ христиа́н, / изба́ви лю́ди Твоя́ обы́чно, зову́щия Ти приле́жно, / сопроти́вися сра́мным и го́рдым по́мыслом, да вопие́м Ти: / ра́дуйся, Присноде́во. Перевод: В конце утрени Матерь Божия Пресвятая, Стена христианам, / избавь народ Твой, как всегда взывающий Тебе усердно: / «Воспрепятствуй постыдным и гордым помыслам, / дабы мы восклицали Тебе: «Радуйся, Приснодева!» В четверток вечера и в пяток на Бог Господь: Кресто́м Сы́на Твоего́, Богоблагода́тная, / и́дольская пре́лесть вся упраздни́ся / и де́монская кре́пость попра́ся. / Сего́ ра́ди, ве́рнии, по до́лгу Тя при́сно пое́м и благослови́м / и, Богоро́дицу вои́стинну испове́дающе Тя, велича́ем. Перевод: В четверг вечером и в пятницу после «Бог – Господь» Крестом Сына Твоего, облагодатствованная Богом, / упразднено все идольское прельщение, / и могущество демонов попрано; / потому мы, верные, как должно / Тебя всегда воспеваем и благословляем, / и, истинной Богородицей Тебя исповедуя, величаем. В конец утрени: От Де́вы возсия́вый ми́ру, Христе́ Бо́же, / сы́ны Све́та То́ю показа́вый, поми́луй нас. Перевод: В конце утрени От Девы воссиявший миру, Христе Боже, / и через Нее сынами Света нас явивший, помилуй нас. В пяток вечера и в субботу на Бог Господь: Ра́дуйся, две́ре Госпо́дня непроходи́мая; / ра́дуйся, стено́ и покро́ве притека́ющих к Тебе́; / ра́дуйся, необурева́емое приста́нище и Неискусобра́чная, / ро́ждшая пло́тию Творца́ Твоего́ и Бо́га, / моля́щи не оскудева́й о воспева́ющих / и кла́няющихся Рождеству́ Твоему́. Перевод: В пятницу вечером и в субботу после «Бог – Господь» Радуйся, дверь Господня непроходимая! / Радуйся, стена и покров прибегающим к Тебе! / Радуйся, тихая пристань и Дева брака не познавшая, / родившая по плоти Творца Твоего и Бога! / Не переставай ходатайствовать о воспевающих / и почитающих Рожденного от Тебя. В конец утрени: От Де́вы возсия́вый ми́ру, Христе́ Бо́же, / сы́ны Све́та То́ю показа́вый, поми́луй нас. Перевод: В конце утрени От Девы воссиявший миру, Христе Боже, / и через Нее сынами Света нас явивший, помилуй нас. Глас 6 В неделю вечера и в понедельник на Бог Господь: Нача́ло спасе́ния / Гаврии́лово провеща́ние к Де́ве бы́сть, / слы́ша бо, е́же ра́дуйся, и не убеже́ целова́ния, / не усумне́ся, я́ко Са́рра в се́ни, / но си́це глаго́лаше: / се раба́ Госпо́дня, / бу́ди Мне по глаго́лу твоему́. Перевод: В воскресенье вечером и в понедельник после «Бог – Господь» Началом спасения / стало слово Гавриила к Деве: / ибо услышала Она: «Радуйся!» / и не уклонилась от этого приветствия, / не усомнилась, как Сарра в шатре, / но так отвечала: / «Вот, Раба Господня, / да будет Мне по слову твоему!» В конец утрени: Арха́нгельское сло́во прия́ла еси́, / и Херуви́мский престо́л показа́лася еси́, / и на объя́тиих Твои́х носи́ла еси́, Богоро́дице, / Наде́жду душ на́ших. Перевод: В конце утрени Архангельское слово Ты приняла, / и Херувимским престолом явилась, / и во объятиях Своих носила, Богородица, / Надежду душ наших. В понедельник вечера и во вторник на Бог Господь: Упова́ние ми́ра, / Блага́я Богоро́дице Де́во, / Твое́ и еди́но держа́вное предста́тельство про́сим: / умилосе́рдися на безпредста́тельственныя лю́ди, / моли́ Ми́лостиваго Бо́га / изба́витися душа́м на́шим от вся́каго преще́ния, / Еди́на Благослове́нная. Перевод: В понедельник вечером и во вторник после «Бог – Господь» Упование мира, / Благая Богородица Дева, / об одной лишь Твоей мощной защите просим: / «Смилуйся над беззащитными людьми, / моли Милостивого Бога, / об избавлении душ наших от всякой опасности, / Единая Благословенная!» В конец утрени: Никто́же, притека́яй к Тебе́, / посра́млен от Тебе́ исхо́дит, / Пречи́стая Богоро́дице Де́во, / но про́сит благода́ти / и прие́млет дарова́ние к поле́зному проше́нию. Перевод: В конце утрени Никто из прибегающих к Тебе / посрамленным от Тебя не уходит, / Пречистая Богородица Дева: / но просит благодати и на пользу принимает дар / по своему прошению. Во вторник вечера и в среду на Бог Господь: Богоро́дице Де́во, / моли́ Сы́на Твоего́, / во́лею пригвозди́вшагося на Кресте́ / и мир от пре́лести свобо́ждшаго, Христа́ Бо́га на́шего, / поми́ловати души́ на́ша. Перевод: Во вторник вечером и в среду после «Бог – Господь» Богородица Дева, / моли Сына Твоего, / добровольно пригвожденного ко Кресту, / и мир от прельщения освободившего, Христа Бога нашего, / помиловать души наши. В конец утрени: Пре́жде век от Отца́ без ма́тере рожде́нна, / Сы́на и Сло́ва Бо́жия, / в после́дняя ле́та родила́ еси́ / воплоти́вшагося от чи́стых крове́й Твои́х, Богороди́тельнице, без му́жа. / Его́же моли́ / дарова́тися нам грехо́в оставле́нию пре́жде конца́. Перевод: В конце утрени Прежде веков от Отца без матери рожденного / Сына и Слово Божие / в последние времена Ты родила, / воплотившегося без мужа от чистой крови Твоей, Божия Родительница. / Его моли о даровании нам / грехов прощения прежде конца. В среду вечера и в четверток на Бог Господь: Свята́я Влады́чице, / Чи́стая Бо́га на́шего Ма́ти, / всех Творца́ неизрече́нно ро́ждшая, / моли́ со апо́столы свяще́нными всегда́ бла́гость Его́, / страсте́й нам изба́вити / и оставле́ние нам да́ти грехо́в. Перевод: В среду вечером и в четверг после «Бог – Господь» Святая Владычица, / Чистая Бога нашего Матерь, / Творца всего неизреченно Родившая, / со священными Апостолами всегда моли благость Его, / да от страстей избавит нас / и даст нам прощение грехов. В конец утрени: Вели́ких дарова́ний, / Чи́стая Де́во Богома́ти, / Ты сподо́билася еси́, / я́ко родила́ еси́ пло́тию / Еди́наго от Тро́ицы, Христа́ Жизнода́вца, / во спасе́ние душ на́ших. Перевод: В конце утрени Великих дарований Ты удостоилась, / Чистая Дева Богоматерь, / ибо родила по плоти Единого от Троицы – / Христа, жизни Подателя, / для спасения душ наших. В четверток вечера и в пяток на Бог Господь: Богоро́дице Де́во, / моли́ Сы́на Твоего́, / во́лею пригвозди́вшагося на Кресте́ / и мир от пре́лести свобо́ждшаго, Христа́ Бо́га на́шего, / поми́ловати души́ на́ша. Перевод: В четверг вечером и в пятницу после «Бог – Господь» Богородица Дева, / моли Сына Твоего, / добровольно пригвожденного ко Кресту, / и мир от прельщения освободившего, Христа Бога нашего, / помиловать души наши. В конец утрени: Пре́жде век от Отца́ без ма́тере рожде́нна, / Сы́на и Сло́ва Бо́жия, / в после́дняя ле́та родила́ еси́ / воплоти́вшагося от чи́стых крове́й Твои́х, Богороди́тельнице, без му́жа. / Его́же моли́ / дарова́тися нам грехо́в оставле́нию пре́жде конца́. Перевод: В конце утрени Прежде веков от Отца без матери рожденного / Сына и Слово Божие / в последние времена Ты родила, / воплотившегося без мужа от чистой крови Твоей, Божия Родительница. / Его моли о даровании нам / грехов прощения прежде конца. В пяток вечера и в субботу на Бог Господь: Предповеству́ет Гедео́н зача́тие / и сказу́ет Дави́д Рождество́ Твое́, Богоро́дице: / сни́де бо, я́ко до́ждь на руно́, / Сло́во во чре́во Твое́, / и прозябла́ еси́ без се́мене, / земле́ свята́я, ми́ра Спасе́ние, / Христа́ Бо́га на́шего, Благода́тная. Перевод: В пятницу вечером и в субботу после «Бог – Господь» Предвозвещает Гедеон Твое зачатие,. / и повествует Давид о рождении от Тебя, Богородица: / ибо Слово сошло, как дождь на руно, во чрево Твое, / и произрастила Ты без семени, Земля Святая, / мира Спасение, Христа Бога нашего, Благодатная. В конец утрени: Пре́жде век от Отца́ без ма́тере рожде́нна, / Сы́на и Сло́ва Бо́жия, / в после́дняя ле́та родила́ еси́ / воплоти́вшагося от чи́стых крове́й Твои́х, Богороди́тельнице, без му́жа. / Его́же моли́ / дарова́тися нам грехо́в оставле́нию пре́жде конца́. Перевод: В конце утрени Прежде веков от Отца без матери рожденного / Сына и Слово Божие / в последние времена Ты родила, / воплотившегося без мужа от чистой крови Твоей, Божия Родительница. / Его моли о даровании нам / грехов прощения прежде конца. Глас 7 В неделю вечера и в понедельник на Бог Господь: Богоро́дице Де́во Нескве́рная, / Сы́на Твоего́ моли́ с Го́рними си́лами / проще́нию прегреше́ний / нам пре́жде конца́ дарова́тися, / ве́рно Тя сла́вящим. Перевод: В воскресенье вечером и в понедельник после «Бог – Господь» Богородица, Дева чуждая скверны, / Сына Твоего моли с вышними Силами, / о даровании прежде конца прощения согрешений / нам, с верою Тебя славящим. В конец утрени: Превзошла́ еси́ си́лы Небе́сныя, / зане́ храм показа́лася еси́ Боже́ственный, / Благослове́нная Богоро́дице, / я́ко ро́ждшая Христа́, / Спа́са душ на

Диаконе честный, иночествующим похвало/ и преподобным сопричастниче всеблаженне Мартирие,/ молися Господеви непрестанно о всех нас.

Всеблагаго Бога и Царя/ благоверный раб и воин явился еси, Иоанне чудодетелю,/ пострадав бо ради веры мужески,/ блаженно же скончав течение,/ зриши Всетворца Господа в Небесех светлейше./ От Негоже прием дарование чудес,/ страждущим человеком во всяких напастех помогаеши,/ укрепляеши воины в ратех,/ от врагов пленения, ран же и внезапных смертей и от бед лютых изымаеши./ Темже моли Владыку Христа, приснопамятне,/ да во всяком обстоянии сотворит нам милость/ и не введет нас во искушения,// но спасет души наша, яко Человеколюбец.

Желанием духовным от юности распаляемь, преподобне Германе,/ Христу тесным жития путем последовал еси/ и, в морский пустынный остров, аки в тихое пристанище, вселився,/ в нем многа лета постнически пожил еси,/ идеже блаженным отцем Зосиме и Савватию сожитель был еси,/ с ними же моли Христа Бога о нас,/ любовию чтущих святую память твою.

Любве ради Христовы отечество свое оставльше, вся мира сего красная, яко скороисчезающая, презревше, горняго Иерусалима взыскующе, на горах Тянь-Шаня в подвизех благочестия Святую Троицу прославили есте. И венцами добропобеднаго мученичества украсившеся, граду Алма-Ате богодарованнии покровителие явилися есте, преподобномученицы Серафиме и Феогносте, Православия мужественнии исповедницы. Темже и мы, духовная чада ваша, любовию вопием: Слава Давшему вам крепость, Слава Венчавшему вас, Слава Подающему вами милости и исцеления.

Христа ради, мученицы, многия муки подъясте,/ и многобожие низложисте все идольское,/ и разрушисте безбожие всякия прелести,/ Христовою силою сия поправите,/ нас всех верно научаете вопити яве: аллилуйя.

Священия помазанием и мучения кровию украсистеся,/ славне Ианнуарие и Феодоре,/ и сияете всюду, в Вышних ликующе,/ и нас назирайте, в храм ваш пришедшия/ и в нем непрестанно зовущия:// всех нас соблюдите, моляще Человеколюбца Бога.

Измлада, Корнилие чудный,/ трудом и подвигом себе предав,/ игуменом Псково-Печерстей обители поставлен был еси,/ образом веры и постническаго жития всем быв,/ многия люди к Богу привел еси/. За своя же великия добродетели/ завистию от злых гоним,/ мученически душу свою Богови предал еси./ Того ради с верою возопиим:/ преподобномучениче Корнилие достославный,/ моли Христа Бога спастися душам нашим.

Яко столп избранный Церкве Христовой/ и светильник присносветлый всея вселенныя,/ премудре показася, Харалампие,/ возсия в мире мучением,/ разруши идольское мракобесие, блаженне,/ сего ради явися предстатель Христу,/ молися спастися нам.