Тропари, кондаки и величания

С высоты, мудрии, благодать приемше,/ сущим во искушениих предстоите, всехвальнии./ Темже отроковицу, святии, от смерти горькия избависте,// вы бо воистинну есте Едесу слава и миру радость.

Чудеса святых Твоих мученик/ стену необориму нам даровавый, Христе Боже,/ тех молитвами советы языков разори,/ Церковь святую укрепи,// яко един Благ и Человеколюбец.

Воспоем ныне предивнаго в чудесех,/ возсиявшаго во области Белаозера, просиявшаго, яко солнце./ О неистощимый источниче чудес, святче Божий Филиппе!/ всегда Святей Троице предстоя/ и молением предваряя за страну нашу и о всем мире,/, не забуди и нас, твоих раб,/ призывающих тя молебным пением,/ честную память твою творящих,/ помолися о нас ко Господу во святых своих молитвах,/ да спасет души наша.

Яко кедр, в пустыни давидски растущ, и яко финикс, благоуханен цветущ,/ ревнитель учителю твоему был еси, преподобному отцу Корнилию,/ стопам бо его последовал еси/ и, святое иго взем,/ светлым житием просиял еси, яко солнце,/ явлься мирови многими чудесы, отче Филиппе!/ И ныне на Небесех предстоиши Престолу Пресвятыя Троицы/ и, яко великое имея дерзновение,/ преподобнии свой руце воздев,/ моли от враг сохранитися градом нашим/ и спастися душам нашим.

Ученик и друг Твой и подражатель страсти Твоея,/ вселенней Бога Тя проповеда богоглаголивый Филипп;/ того молитвами от врагов пребеззаконных/ Церковь Твою и всяк град Твой// Богородицею соблюди, Многомилостиве.

Благоукрашается вселенная,/ Ефиопия ликовствует,/ яко венцем красуема,/ тобою просветившися,/ светло торжествует память твою,/ богоглаголиве Филиппе,/ вся бо веровати Христу научил еси/ и течение совершил достойно Евангелия./ Тем дерзновенно варит Ефиопская рука к Богу,// Егоже моли даровати нам велию милость.

Премудрости священный и Божественный орган,/ богословия светлую согласно трубу, воспеваем тя, Григорие богоглагольниче,/ но яко ум, Уму первому предстояй,/ к Нему ум наш, отче, настави, да зовем:// радуйся, проповедниче благодати.

Православия наставниче, святителем украшение,/ Богословцем поборниче непобедимый, Григорие чудотворче,/ Солуню великая похвало, проповедниче благодати,/ моли Христа Бога спастися душам нашим.

Православия светильниче,/ Церкве утверждение и учителю, монахов доброто,/ богословов поборниче непреоборимый, Григорие чудотворче,/ Фессалонитская похвало, проповедниче благодати,// молися выну спастися душам нашим.

От Небес приял еси Божественную благодать/ и твоими устнами вся учиши/ покланятися в Троице Единому Богу,/ Иоанне Златоусте, всеблаженне преподобне,/ достойно хвалим тя:/ еси бо наставник,// яко Божественная являя.

Уст твоих, якоже светлость огня возсиявши, благодать/ вселенную просвети:/ не сребролюбия мирови сокровища сниска,/ высоту нам смиренномудрия показа,/ но, твоими словесы наказуя, отче Иоанне Златоусте,// моли Слова, Христа Бога, спастися душам нашим.

Еже от земли явление/ священных мощей твоих, Ниле,/ совозсия сиянию Креста,/ того бо вожделел еси тепле от младенства,/ кости твоя, сораспявшияся Христови,/ воскресшему яко превечному Богу,/ Того пришла благодать.

Монашествовав богоугодно в Горе Афонстей,/ в молитвах и постех Бога взыскал еси/ и стал еси приятелище чистое Духа,/ облиставая верным добродетелей лучи,/ имиже осияваеши, Ниле, вопиющих тебе:/ слава прославльшему тя Богу,/ слава Венчавшему тя,/ слава Действующему тобою всем исцеления.

Божественною любовию возгоревся, всеблаженне,/ оставил еси иже в житии молвы/ и постных селитву в горе стяжа,/ от неямсе, вшед в мрак незаходный,/ приемлеши, яко древле Богоносец, Богоначертанная писмена,/ имиже к Божественней добродетели наставляеми, весело вопием ти:/ радуйся, отче Ниле, постником добротворение.

Хврастная страстей яже от телесе востания/ сечительно, Ниле блаженне,/ во бденной твоей ссекл еси молитве,/ но, яко имея дерзновение ко Господу,/ от всяких мя бед свободи, да зову ти:// радуйся, отче всемирный.

Слез твоих теченьми пустыни безплодное возделал еси,/ и иже из глубины воздыханьми во сто трудов уплодоносил еси,/ и был еси светильник вселенней, сияя чудесы, Ниле, отче наш,// моли Христа Бога спастися душам нашим.

Богатство твое расточил еси убогим/ и Небесное богатство ныне восприял еси,/ Иоанне всемудре,/ сего ради вси тя почитаем,/ совершающе память твою,// милостыни о тезоимените!

В терпении твоем стяжал еси мзду твою, отче преподобне,/ в молитвах непрестанно терпевый,/ нищия возлюбивый и сия удовливый,/ но молися Христу Богу, Иоанне милостиве, блаженне,// спастися душам нашим.

Христовою любовию уязвися отче Иоанне блаженне,/ вышния красоты желая,/ земная же вся презре и ни вочтоже вмени,/ и на земли ангельское житие имея,/ преселился еси в вечный покой,/ идеже предстоя Христу Богу/ моли спастися нам и всему христианскому роду яко да зовем ти:/ радуйся преблаженне отче Иоанне.

Христовою любовию уязвися, отче Иоанне блаженне,/ вышния красоты желая,/ земная же вся презре и ни во чтоже вмени./ И на земли ангельское житие препроводи,/ в вечный покой достиже,/ идеже глас празднущих,/ с нимиже молися за ны./ И душам нашим прощение,/ и телесем исцеление даруй.