Святитель Василий Рязанский Епископ



Житие

Святитель Василий I, Рязанский чудотворец, упомянут в Лаврентьевской летописи и в древнем списке рязанских владык числится четвертым. О происхождении его, – от кого и где и когда родился, – никаких свидетельств не сохранилось. Но сохранились в песнопениях церковных указания на то, что святитель Василий с младенческих лет был освященным рабом Господним, что с юношеского возраста он усовершенствовал себя и нравственно и духовно, побеждая страхом Божиим в себе греховное и насаждая в душе и сердце своем все святое.

Первые подвиги благочестия своего начал он в Муроме. Там он принял на себя святой образ монашеский, и, когда Промыслу Божию угодно было поставить его святителем паствы Муромо-Рязанской, он сиял уже великими подвигам воздержания, кротости и смирения. Об избрании святителя Василия в сан епископа в житии его говорится так: «По запустении града Мурома от неверных людей прибыл из Киева в Муром благоверный князь Георгий Ярославич. Сей князь обновил тамошнюю церковь Благовещения и второй храм св. страстотерпцев Бориса и Глеба и поставил в церкви их, по-прежнему, епископа, именем Василия, мужа праведна и благочестива».

Приняв на себя высокий сан архиерейства, святитель Василий со всей ревностью истинного пастыря Церкви Христовой начал трудиться в устроении своей паствы: рассеянных варварским нашествием собирал во едино стадо, изнемогающих укреплял верой, сокрушенных утешал твердой надеждой на милость Божию, заблудших возвращал на путь правый. В таких высоких подвигах добродетели святитель Василий показал себя пастырем добрым, мудрым и неусыпным, милостивым и любвеобильным, незлобивым и смиренным, непоколебимым столпом чистоты и целомудрия, – примером своему стаду в молитвах, и пощениях, и в подвигах святоотеческих.

Такие высокие подвиги и добродетели святителя невыносимы стали врагу всего доброго – диаволу. Он употребляет все свои сатанинские хитрости, чтобы возбудить в легкомысленном муромском народе подозрение в чистоте и целомудрии жизни святителя Божия. Он принимает на себя вид блудной девицы, часто входит и выходит из жилища святительского, показывается народу из святительского окна и, по-видимому, успевает в своих кознях.

Однажды бояре и народ собрались к святителю Василию в вечернюю пору и видят девицу, бегущую вверх по ступеням к святителю, в руках у нее сапоги. Так сделал диавол. Народ, увидев это, возопил: «О, епископе, недостойно тебе имети дев в храмине своей на ложе». Напрасно святитель Василий уверял народ: «Неповинен я делу сему блудному, еже вы речете ми». Народ в самозабвении приступил к самосуду над угодником Божиим: не убоялся святительства его, не устыдился благолепия честных седин его, оболгал, поругался над ним и положил изгнать святителя из Мурома. Нашлись даже и такие, которые в неистовстве своем кричали: «За сие дело убьем его!» Тогда святитель Василий начал просить: «Отцы и братия! Дайте мне немного времени, до третьего часа дня». Народ, пораженный кротостью святителя, согласился и разошелся по домам.

Невинный праведник всю ночь молился со слезами в соборном храме Бориса и Глеба; совершил всенощную и утром – литургию. Затем отпел молебен пред чтимой им иконой Богоматери в храме Благовещения, взял эту икону с собой и, предав себя воле Божией, с надеждой на Божию Матерь, пошел к реке Оке, чтобы навсегда оставить Муром. Народ приготовил ему лодку. Но святитель Василий снял с себя мантию, разостлал ее по воде, взошел на нее с образом Богоматери и, чудесно несомый силой Божией, как бурным ветром, быстро поплыл по реке против течения ее воды. Мантия сделалась для него легким кораблем, Промышление Божие и заступление Богоматери – кормилом. Пораженные чудом, муромцы, все, от стара до мала, возопили со слезами: «О святый Владыко Василий! Прости нас, грешных рабов своих; согрешихом пред тобою, отче, святый Владыко, не забуди нас, рабов твоих». Но святитель Василий был взят от глаз муромцев «в мгновение ока». Так оправдал Бог невинность праведника Своего пред народом. Так посрамил Он козни диавола, искавшего погибели народа.

После обедни, в 3-м часу дня, святитель Василий оставил Муром, а в 9-м часу того же дня (к вечерне) принесен был в Рязань (старую), расстоянием более двухсот поприщ от Мурома. Дивный Промысл Божий чудесным образом известил жителей Рязани о приближении к их городу святителя Василия. Предание говорит, что жители Рязани пред самым прибытием святителя собрались в храм к вечернему богослужению, но диакон в облачении, вышедший начинать службу, при всех усилиях не мог произнести обычного начала. Народ смотрел на это с изумлением. Наконец диакон, как бы разрешенный от уз, связывавших его уста, невольно провозгласил: «Не могу начинать, Владыко прибыл, Владыку встречайте!» И весь собор пастырей со святыми крестами, князь с боярами и народом поспешили выйти на берег Оки в сретение богоявленному святителю и, видя его плывущим на мантии с Пречистым Образом Богоматери, с великой радостью приняли к себе.

Недолго продолжалась радость святителя Василия и его паствы. То было время скорбей, а не радости. Во время одного опустошительного набега татар Рязань со всеми храмами была разрушена, а святителю Василию Промысл Божий назначил другое место пристанища и упокоения – это нынешняя Рязань. Предание говорит, что святитель Василий и сюда приплыл по Оке и Трубежу на своей чудодейственной мантии с тем же Муромским образом Божией Матери к церкве Бориса и Глеба. Здесь основал новую епископию, и церковь Бориса и Глеба с того времени стала собором.

Пастырское служение святителя Василия продолжалось только десять лет. Перенесенные им огорчения, труды и заботы, скорби и печали при виде страждущей под игом татар паствы сократили многотрудную жизнь его, и 3 июля (ст. стиль) 1295 года святитель Василий переселился в вечные обители. По другим сведениям, епископ скончался между 1356 и 1360 годом. Святое тело его было погребено в Борисо-Глебском соборе.

Не без благих целей Промысла Божия совершалось переселение святителя Василия из одного места в другое. Муромцев оно вразумило, открыв им козни диавола, а жителей Рязани и Переяславля Рязанского – одних утешило и подкрепило в самое скорбное для них время, другим – дало пример веры и терпения. Еще при жизни святителя Василия считали мужем праведным и благочестивым. Задолго до того, как в начале ХVII века были открыты его мощи, рязанцы чтили его память и называли «присным своим заступником, в скорбех и напастех помощником».

Для подкрепления же и утешения верующих в страшное время для нашего Отечества, время самозванцев и польского нашествия, Промыслу Божию угодно было прославить угодника Своего нетлением мощей его, более трехсот лет почивавших в земле. Святые мощи святителя Василия были открыты архиепископом Рязанским Феодоритом и с подобающей честью перенесены в Успенский (ныне Христорождественский) собор. Это произошло 10 июня 1609 года. По причине Смутного времени они были положены под спудом, на левом клиросе. С этого времени имя святителя Василия «поминается во всех церквах Рязанской епархии».

В 30-е годы XVII века над мощами святителя была устроена каменная гробница, и над нею поставлена икона Божией Матери «Моление Василия». Известно, что в это время в рязанских храмах совершались молебны святителю Василию. 10 июня 1645 года при архиепископе Моисее впервые торжественно праздновалось перенесение мощей святителя. Особенно усердным почитателем рязанского первосвятителя считается архиепископ Мисаил. По его повелению в 1653 году была сделана надпись на большой серебряной водосвятной чаше: «Сия чаша в Переяслав Рязанский, в соборную церковь Успения и святых страстотерпцев Бориса и Глеба, и иже во святых отца нашего Василия, епископа Рязанского, чудотворца». В 1655 году святитель Василий был изображен на серебряном кресте вместе со святым Иоанном Предтечей и святителем Ионой, митрополитом Московским. В 1712 году при митрополите Стефане Яворском над местом первоначального погребения святителя Василия, у Борисоглебской церкви, была устроена каменная часовня усердием подъячего Никиты Алтухова. В 1722-1723 годах при императоре Петре I состоялось формальное расследование о святителе, после которого святитель Василий был изображен на иконе вместе с другими русскими святыми. В 1753 году эта гробница была переделана наподобие раки с образом святителя Василия, а в 80-е годы XVIII века рака над мощами была великолепно украшена архиепископом Рязанским и Зарайским Симоном (Лаговым).

В 1810 году при архиепископе Рязанском и Зарайском Феофилакте (Русанове) последовал Указ Святейшего Синода о праздновании святителю Василию в Неделю Всех святых. 4 октября 1836 года был торжественно открыт новый памятник на месте обретения мощей святителя Василия, воздвигнутый усердием ктитора Борисоглебской церкви Симеона Панова. В 1871 году архиепископ Алексий (Ржаницын) первый раз отслужил Божественную литургию в Борисоглебской церкви в день памяти святителя Василия, 3 июля. При архиепископе Палладии (Раеве) Указом Святейшего Синода 1881 года утверждены дни празднования памяти святителя Василия: 3 июля – в день блаженной кончины и 10 июня – в день перенесения его святых мощей. В настоящее время святитель Василий особенно почитается на Рязанской земле. В каждом храме Рязанской епархии имеется его икона, а в большинстве храмов, кроме того, – настенное изображение святителя, плывущего по воде на мантии с Муромской иконой Богоматери в руках. В кафедральном соборе каждую среду вечером ему совершается акафистное пение.

Память святого празднуется Церковью 10 июня и 3 июля (день кончины – 1295 г.).


Молитвы
Тропарь святителю Василию, епископу Рязанскому
глас 4

Пе́рвее в Му́роме святи́тельством почте́н был еси́,/ из него́же непра́ведно изгоня́емь,/ на ма́нтию, я́ко на ле́гкий кора́бль, возше́л еси́,/ на не́йже па́че естества́, я́ко безпло́тен,/ по вода́м ше́ствие творя́,/ промышле́нием Вы́шняго и заступле́нием Богома́тере управля́емь,/ богоспаса́емаго гра́да Ряза́ни дости́гл еси́/ и в нем, архиере́йства престо́л восприи́м,/ богода́нную па́ству ряза́нскую до́бре упасл еси́,/ святи́телю о́тче наш Васи́лие,// моли́ Христа́ Бо́га спасти́ся душа́м на́шим.

Перевод: Сначала ты был почтен святительским саном в Муроме, но из него неправедно изгоняем, ты взошел на свою (епископскую) мантию, как на легкий корабль, и на ней, сверхъестественно, как бесплотный, совершая путь по воде, направляемый Промыслом Всевышнего и заступничеством Богоматери, ты достиг Богоспасаемого города Рязани, и в нем принял архиерейский престол, Богом данную тебе паству рязанскую ты отлично упас, святитель наш отче Василий, моли Христа Бога о спасении наших душ.

Кондак святителю Василию, епископу Рязанскому
глас 8

Я́ко многосве́тлая звезда́, от гра́да Му́рома возсия́л еси́,/ святи́телю Васи́лие,/ по вода́м же доше́д до гра́да на́шего Ряза́ни,/ Це́рковь Бо́жию до́бре упасл еси́,/ просвеща́я лю́ди уче́нием и житие́м твои́м./ Помина́й и ны́не ча́да твоя́, мо́лим тя,/ наста́вниче наш до́брый,/ и за ны Христу́ Бо́гу и Пречи́стей Его́ Ма́тери моли́ся,/ да благода́рною душе́ю зове́м ти:// ра́дуйся, уго́дниче Христо́в и те́плый к Бо́гу о нас моли́твенниче.

Перевод: Как яркая звезда ты воссиял в городе Муроме, святитель Василий, по водам же дошел до города нашего Рязани, Церковь Божию ты отлично упас, просвещая людей учением и жизнью твоей. Вспоминай и сейчас о детях твоих, молим тебя, учитель наш добрый, и о нас Христу Богу и Пречистой Его Матери молись, да с благодарной душой взываем к тебе: «Радуйся, угодник Христов и усердный к Богу о нас молитвенник».

Молитва святителю Василию, епископу Рязанскому

Святи́телю о́тче Васи́лие! Ди́вным ше́ствием твои́м по вода́м и нетле́нием честны́х моще́й твои́х уве́рившеся, я́ко и́маши ве́лию благода́ть у Го́спода Бо́га, с ве́рою и наде́ждою к тебе́ прибега́ем и умиле́нно мо́лим тя: моли́ о нас Христа́ Бо́га на́шего, сохрани́вшаго тя, я́коже Петра́, от потопле́ния в волна́х речны́х и от истле́ния в се́рдце земли́, да благода́ть Его́ спаси́тельная сопу́тствует нам на всех путе́х жи́зни сея́, сохраня́ющи ны невреди́мы от вся́каго зла́го обстоя́ния, вся́кий проти́вный ветр напа́стей и бу́рю страсте́й утоля́ющи, ти́хое же и безмяте́жное пла́вание в жите́йстем сем мо́ри нам да́рующи. Да прости́т нам Милосе́рдый Госпо́дь вся́кое прегреше́ние, во́льное и нево́льное, не́мощь естества́ на́шего бла́гостию Свое́ю покрыва́я, да утверди́т нас во святе́й Свое́й Правосла́вной ве́ре и благоче́стии, исполня́я сердца́ на́ша любве́ и ре́вности о соблюде́нии за́поведей Его́ ко спасе́нию душ на́ших. Це́ркви Правосла́вно-Росси́йстей да да́рует мир и благоде́нствие, да возглаго́лет в се́рдце прави́телей на́ших блага́я о ней и о всех лю́дех, да низпосле́т земли́ на́шей времена́ ми́рна, благорастворе́ны возду́хи, земли́ плодоно́сие и вся на по́льзу настоя́щаго жития́ потре́бная и да изба́вит вся гра́ды и ве́си оте́чества на́шего и всю зе́млю Ру́сскую от гла́да, губи́тельнаго огня́, смертоно́сныя я́звы и от вся́каго зла, да та́ко в ми́ре, благоде́нствии и преспе́янии в добродет́елех путь жи́зни сея́ преше́дше, вни́дем в ве́чное ца́рство, угото́ванное святы́м Его́. О всехва́льный святи́телю наш и уго́дниче Христо́в Васи́лие! Ве́руем и упова́ем, я́ко мо́жеши моли́твами твои́ми устро́ити вся блага́я душа́м и телесе́м на́шим, име́я Помо́щницу Преблагослове́нную Влады́чицу на́шу Богоро́дицу, Ея́же честно́ю и чудотво́рною ико́ною сохраня́емь, ше́ствие по вода́м, я́ко по су́ху, соверши́в, богоспаса́емаго гра́да Ряза́ни дости́гл еси́. Сего́ ра́ди приле́жно мо́лим тя: не отве́ржи нас от заступле́ния твоего́, потщи́ся на по́мощь на́шу и умоли́ за ны Го́спода и Бо́га на́шего Иису́са Христа́, изба́вльшаго тя от злоко́зненных сете́й лука́ваго и клеветы́ челове́ческия, да, призре́в на ны ми́лостивно, изба́вит нас от вся́кия беды́, ско́рби и боле́зни душе́вныя и теле́сныя и да сподо́бит нас, гре́шных и недосто́йных, Небе́снаго Ца́рствия Своего́ моли́твами Пресвяты́я Ма́тере Своея́ и твои́м те́плым за ны предста́тельством, всегда́, ны́не, и при́сно, и во ве́ки веко́в. Ами́нь.

Молитва вторая святителю Василию, епископу Рязанскому

Богоизбра́нне первосвяти́телю наш и уго́дниче Христо́в Васи́лие, просия́вый свя́тостию жития́ твоего́, чу́дным пла́ванием по вода́м и нетле́нием моще́й твои́х, предстоя́й престо́лу Вседержи́теля и име́яй ве́лие дерзнове́ние ко Христу́ Бо́гу на́шему! Смире́нно мо́лим тя, во умиле́нии се́рдца, моли́ Го́спода, да проба́вит ми́лость Свою́ к нам, гре́шным и недосто́йным рабо́м свои́м, па́стырем Це́ркви да пода́ст человеколю́бие и ре́вность о спасе́нии пасо́мых: градонача́льником и судия́м страх Бо́жий, правоту́ и безкоры́стие, во́ином терпе́ние, му́жество и одоле́ние на враги́: супру́гом взаи́мную любо́вь, ве́рность, единомы́слие и домострои́тельность, ку́плю де́ющим че́стность и праводу́шие, земледе́льцем трудолю́бие и тре́звенность, си́рым призре́ние, боля́щим исцеле́ние, оби́димым заступле́ние, оклеветава́емым оправда́ние, и всем лю́дем па́ствы твоея́ вся ко вре́менней и ве́чней жи́зни потре́бная. Па́че же моли́ Го́спода, моли́твенниче наш, да прости́т нам вся́кое согреше́ние во́льное и нево́льное, и очи́стит от вся́кия скве́рны пло́ти и ду́ха: да изба́вит от ко́зней иско́ннаго врага́, ненави́стника и человекоуби́йцы, и сохрани́т от клеветы́ челове́ческия, да утверди́т в и́стинной спаси́тельной ве́ре и нелицеме́рном благоче́стии: да соблюде́т от суему́дрия и душетле́нных уче́ний духо́в ле́стчих, де́йствующих в ве́це сем в сыне́х противле́ния, да охрани́т сердца́ на́ша от кра́сных ми́ра сего́, и да научи́т огреба́тися плотски́х по́хотей и страсте́й, го́рняя му́дрствовати, а не земна́я. Моли́, о́тче наш, Всесвята́го и Боже́ственнаго Ду́ха, да возсия́ет свет благода́ти Его́ бра́тиям на́шим по пло́ти, во тьме лжеве́рия сидя́щим, и да позна́ют Христа́, Бо́га и́стиннаго, еди́наго Спаси́теля всех челове́к: да возсия́ет свет сей и блужда́ющим на распу́тиях раско́ла, да вразумя́тся и прии́дут во огра́ду правосла́вныя Це́ркве, в не́йже еди́ней несомне́нно содева́ется ве́чное спасе́ние ве́рных. О, святи́телю Христо́в, моли́твенниче наш! Моли́ Христа́ Бо́га и Пречи́стую Ма́терь Его́, да упраздни́т вражды́ и нестрое́ния, соедини́т же всех нас бра́тнею богоподо́бною любо́вию, да в ми́ре и единомы́слии, жела́нием спасе́ния горя́ще, Го́сподеви рабо́тающе, друг дру́га тяготы́ нося́ще, до́брым по́двигом подвиза́емся, тече́ние сконча́ем и дости́гнем в ти́хое приста́нище Небе́снаго Ца́рствия, и сла́вим неизрече́нное человеколю́бие и милосе́рдие Спаси́теля на́шего, Иису́са Христа́, Сы́на Бо́жия, со Безнача́льным Его́ Отце́м и Пресвяты́м Ду́хом во ве́ки веко́в. Ами́нь.


Каноны и Акафисты
Акафист святителю Василию, епископу Рязанскому, чудотворцу

Кондак 1

Избранному от Небеснаго Пастыреначальника и от святаго Духа поставленному в пасты страны Рязанския и Муромския, прославльшему святым житием и чудесы, похвальная пения приносим ти, святителю Христов Василие. Ты же, яко имеяй дерзновение ко Господу, от всяких нас зол и обстояний свобождай, да с радостию и благодарением всегда тебе зовем:

Радуйся, Василие, Первосвятителю Рязанский и предивный чудотворче!

Икос 1

Ангелу Божию подобен был еси, святителю Христов, светлостию ума твоего, чистотою сердца и незлобием, пожив на земли, аки безплотен: сего ради прослави тя Всевышний Господь нетлением честных мощей твоих и дивными чудесы. Темже с любовию благоговейно зовем ти:

Радуйся, прежде рождения твоего на служение спасению людей свыше предизбранный; радуйся, от пелен младенческих Господу Богу посвященный.

Радуйся, от юности твоея всем сердцем Господа возлюбивый; радуйся, вся благая и красная мира сего Господа ради презревый.

Радуйся, в повелениях Господних всегда усердно ходивый; радуйся, всякими боголюбезными добродетельми душу твою украсивый.

Радуйся, ум твой весь ко Господу устремивый; радуйся, высокий образ иноческих подвигов в житии твоем явивый.

Радуйся, Василие, Первосвятителю Рязанский предивный чудотворче!

Кондак 2

Видя благоверный князь муромский Георгий светлость ума твоего и святое житие твое, избра тя, яко мужа мудра, праведна и свята, во епископа града своего Мурома, да просветиши неведущия Божественныя Истины, исправиши беззаконныя, утешиши скорбящия и научиши вся достойно пети Богу: Аллилуиа.

Икос 2

Разум просвещен книжным учением и Богомыслием, паче же благодатию Божиею озарен имея, преславне отче Василие, восхотел еси тьму нечестия и заблуждений в пастве твоей разгнати, просветити же ю светом истиннаго Боговедения и благочестия. Сего ради, восхваляюще тя, глаголем:

Радуйся, истинныя премудрости исполненный; радуйся, благодатию Святаго Духа озаренный.

Радуйся, Божественныя Истины усердный проповедниче; радуйся велений Господних немолчный провозвестниче.

Радуйся, правыя веры и добродетелей ревностный насадителю; радуйся, суеверий и пороков мужественный искоренителю.

Радуйся, яко словесное стадо твое мудре упасл еси; радуйся, яко премногия души вечному спасению наставил еси.

Радуйся, Василие, Первосвятителю Рязанский и предивный чудотворче!

Кондак 3

Силою проповеди твоея, богомудре святителю, благодатию Божиею споспешествуемыя, купно же образом святаго жития твоего, мнози, омраченнии тьмою неразумия и заблуждений, Божественную истину уведеша, мнози нечестивии беззакония и развращения оставиша и на стези спасения обратишася, в покаянии и умилении сердца поюще Богу: Аллилуиа.

Икос 3

Имея непрестанное попечение о разоренней от злочестивых супостат пастве муромстей, яко мудрый пастырь и чадолюбивый отец, во благоустроении сея неусыпно трудился еси, всем духовным чадом твоим, потребную коемуждо помощь подавая. Темже достоин еси прославлятися звании сими:

Радуйся, сирых и вдовиц предстателю; радуйся, не имущих крова теплый крове и алчущих питателю.

Радуйся, скорбящих и унывающих скорый утешителю; радуйся, во вражде сущих примирителю.

Радуйся, ищущих спасения благонадежный к небеси руководителю; радуйся, сомнящихся в вере мудрый просветителю.

Радуйся, сострадательных и милостивых мощный споспешниче; радуйся, нищих духом и чистых сердцем благий наставниче.

Радуйся, Василие, Первосвятителю Рязанский и предивный чудотворче!

Кондак 4

Бурею исконныя злобы волнуем всезлобный диавол, не терпя непорочности жития твоего и благопоспешнаго пастырского служения, святе Василие, воздвиже на тя бурю мятежа буиих и неистовых жителей града Мурома, иже, лукавым мечтанием вражиим прельстившеся, возмнеша тя, аки нецеломудрена и неблагочестна; темже и восхотеша, во ослеплении своем, не точию изгнати тя из града, но и умертвити. Ты же, архиерею Божий, все упование твое на Всеблагаго и Всесильнаго Господа и Пречистую Богородицу возложив, воспевал еси ангельскую песнь: Аллилуиа.

Икос 4

Слышавшие враждовавшии на тя людие града Мурома зело кроткия глаголы твоя, святителю Христов, имиже просил еси дати тебе мало времене до утрия до третияго часа, укротиша ярость свою и отыдоша в домы своя; ты же, угодниче Божий, по всенощней слезней молитве твоей к Богу Спасителю и Пречистей Богородице во храме святых страстотерпец Бориса и Глеба, приим на руки твоя честную икону Богоматере, отшел еси к реце Оце, хотяй оставити град Муром и по волнам плыти. Воспоминающе убо сие отшествие твое, возглашаем ти сицевая:

Радуйся, высокий образе предивнаго смирения; радуйся, светлое зерцало твердыя веры и непоколебимыя надежды на Бога Вышняго.

Радуйся, столпе терпения, злобою человеческою непоколебимый; радуйся, адаманте, прилоги вражиими несокрушимый.

Радуйся, агнче незлобиве, кротостию твоею гонители твоя аки дивия звери укротивый; радуйся, смирением твоим козни диавола преславно посрамивый.

Радуйся, блаженне миротворче, от мирскаго волнения и мятежа избежавый; радуйся, волнам речным с верою и упованием Господа себе предавый.

Радуйся, Василие, Первосвятителю Рязанский и предивный чудотворче!

Кондак 5

Боготечней звезде уподобился еси, преславне Василие, егда по струям водным, противу течения речнаго, на мантии твоей, аки на легцей ладии, со образом Пречистыя Богоматере, силою Божиею веден был еси из града Мурома ко граду Рязани, поя во умилении сердца чудодеюшему и благодеюшему ти Богу: Аллилуиа.

Икос 5

Видевше тя, отче Василие, людие града Мурома пречудне силою Божиею по волнам, аки безплотна несима, уразумеша свое козньми вражиими прельщение, твою же чистоту и непорочность. Темже, в покаянии и сокрушении сердца, возопиша вслед тебе: прости ны грешныя рабы твоя; согрешихом пред тобою, отче святый; Владыко, не забуди нас раб твоих! Мы же, дивящеся толикому благоволению к тебе Божию, в преславнем чудеси явленному, со благоговением вопием ти:

Радуйся, благоуханный сосуде чистоты и целомудрия; радуйся, пресветлый доме Пребожественныя Троице.

Радуйся, верный слуго Царя Небеснаго; радуйся, возлюбленный рабе Пресвятыя Богородицы.

Радуйся, постом и бдением тело твое изнуривый; радуйся, молитвою и богомыслием ветхаго человека в себе умертвивый.

Радуйся, плаванием твоим по волнам речным струи волныя освятивый; радуйся, тем плаванием жители града Мурома вразумивый и к покаянию обративый.

Радуйся, Василие, Первосвятителю Рязанский и предивный чудотворче!

Кондак 6

Провозвестник дивнаго твоего по водам шествия ко граду Рязани явися устроением Божиим благоговейный диакон града того, егда, хотяй начати вечернее богослужение, не можаше изрещи обычнаго возглашения: благослови, Владыко! Но возопи велегласно: Владыка грядет, сретайте его! И абие весь освященный собор и людие со князем изыдоша с честными иконами во сретение тебе, святителю Божий, и узревше тя предивне волнами речными несима, в радовании сердца, благочестно приветствоваша тя грядуща, чудодеюшему же Богу вопияху: Аллилуиа.

Икос 6

Возсия свет благодати и милости Божия, пришедшу тебе, прехвальне отче, в пределы земли Рязанския, юже просветил еси светом Божественнаго учения и непорочнаго жития твоего. Сего ради возглашаем ти сицевая:

Радуйся, великий избранниче Архиереа Вечнаго, Господа Иисуса; радуйся, чистый, сосуде Божественныя благодати.

Радуйся, Божиих велений вернейший исполнителю; радуйся, Христовых заповедей неуклонный хранителю.

Радуйся, светильниче, на высоте церковней поставленный; радуйся, премудрый управителю корабля духовнаго.

Радуйся, богогласная трубо евангельскаго учения; радуйся, твердый поборниче церкве Христовы.

Радуйся, Василие, Первосвятителю Рязанский и предивный чудотворче!

Кондак 7

Хотя привести паству твою рязанскую ко истинному богопознанию и спасению, еще же успокоити и укрепити ю, прежде разорену бывшую от безбожных иноплеменников, подъял еси великия труды и подвиги, преблагий пастырю, непрестанно поучая, утешая и назидая словесныя овцы твоя, споспешествующему же тебе и укрепляющему тя во трудех Господу Богу поя: Аллилуиа.

Икос 7

Новое место святительских трудов твоих, паки разорену бывшу и конечно опустошену граду Рязани от лютых варвар и храмом Божиим в нем сожженным, указа тебе Благопромыслитель Господь град Переславль Рязанский, аможе чудне преселился еси и был еси первый архиерей граду сему, идеже вельми прослави тя Господь Бог, научая нас взывати к тебе:

Радуйся, высокая похвало и украшение Переславлю Рязанскому; радуйся, святительскаго престола в нем Богоизбранный основателю.

Радуйся, великия труды и подвиги во благоустроении новыя паствы твоея подъемый; радуйся, отеческое попечение о спасении духовных чад твоих всегда имевый.

Радуйся, благодатных даров неоскудный раздаятелю; радуйся, Божественных Таин благочестный стрителю.

Радуйся, апостольских преданий усердный ревнителю; радуйся, уставов Православныя Церкве верный хранителю.

Радуйся, Василие, Первосвятителю Рязанский и предивный чудотворче!

Кондак 8

Странно бе и дивно твое дальнее шествие по водам из града Мурома во град Рязань, паки же странно и преславно бысть твое второе плавание противу стремления воднаго, егда преселялся еси из древняго града Рязани во град Переславль Рязанский по тойжде реце Оце, паки нося с собою чудную икону Богоматере, яко непоколебимое ограждение и утверждение новому граду, Богу же, Помощнику твоему, поя: Аллилуиа.

Икос 8

Всем быти вся восхотев по образу Верховнаго от апостолов, являл еси, любвеобильне отче, духовным чадом твоим благопотребную коемуждо помощь, быв, яко же Иов, око слепым, нога хромым, неусыпно труждаяся в научении, утешении и укреплении паствы твоея. Темже прославляюще тя зовем:

Радуйся, премудрый устроителю града Переславля Рязанского; радуйся, немолчный наставниче веры и благочестия.

Радуйся, крине сада Божественнаго, посреде терния процветый; радуйся, плодоносное древо, питающее алчущих жизни вечныя.

Радуйся, растленных обычаев искоренителю, благих же нравов насадителю; радуйся, лютых болезней и недугов скорый целителю.

Радуйся, архиереев паствы рязанския во благоустроении ея присный пособниче; радуйся, благих начальников и градоправителей в ней незримый советниче.

Радуйся, Василие, Первосвятителю Рязанский и предивный чудотворче!

Кондак 9

Возшед на высоту Богоподобныя святости, сияя светом веры пред человеки в добрых делех, образ был еси пастве твоей словом, житием, учением, верою и чистотою, научая всех разумно пети Богу: Аллилуиа.

Икос 9

Ветии многовещаннии не могут по достоянию восхвалити тя, Богомудре Василие, и воспети святость жития твоего и молитвенныя подвиги, деннонощные труды и попечения, спасения ради пасомых подъятыя, неправедное и лютое озлобление от буиих жителей града Мурома, кротость и незлобие твое, паче же двукратное твое чудное по водам плавание. Мы же со удивлением благочестно зовем ти сицевая:

Радуйся, богомудрых святителей высокая похвало; радуйся, преподобных и праведных пречестная славо.

Радуйся, мучеников и исповедников сопричастниче; радуйся, апостолов единонравниче и сопрестольниче.

Радуйся, пастырей церкве образе достоподражательный; радуйся, монашествующих наставниче и руководителю.

Радуйся, яко тесным и жестоким путем всегда ходил еси; радуйся, яко тем вечныя славы достигл еси.

Радуйся, Василие, Первосвятителю Рязанский и предивный чудотворче!

Кондак 10

Спасти хотя, просветити же и утешити люди страны рязанския, Всеблагий Господь избра тя, предчудне святителю, во исполнителя Его Всеблагия Воли и велия милости, да укрепиши немощныя, утешиши печальныя, исправиши порочныя, научая всех благочестно пети Богу: Аллилуиа.

Икос 10

Стена и утверждение, отец и заступник древния паствы рязанския, прехвальне Василие, был еси. Буди и нам, новым чадом твоим, щит и ограждение от враг видимых и невидимых, помощник в бедах и скорбех и искушениих, да с любовию блатодарственно зовем ти:

Радуйся, чистоты и целомудрия твердый охранителю; радуйся, одержимых студными помыслы верный помощниче.

Радуйся, неправедно злословимых и оклеветаемых надежный защитниче; радуйся, злословящих и оклеветающих ближния своя сильный обличителю.

Радуйся, плавающих по водам и путешествующих благий путеводителю; радуйся, обуреваемых волнами морскими тихое пристанище.

Радуйся, усердно труждающихся во благих делех звания своего присный споспешниче; радуйся, тепле молящихся и с верою под кров твой прибегающих скорый предстателю.

Радуйся, Василие, Первосвятителю Рязанский и предивный чудотворче!

Кондак 11

Пение смиренное и усердное приими от нас, преблаженне отче Василие, не отрини нас, грешных и недостойных, к помощи твоей прибегающих, но услыши благосердно моления наша, да с радостию поем о тебе Богу: Аллилуиа.

Икос 11

Светозарная свеща, светло горевшая и светившая на триех высоких светильницех Божия Церкве, во триех градех страны рязанския, достославне отче, был еси, блистая и озаряя всех светом Боговедения и спасения. Озари и нас, святе, омраченных мглою страстей и суемудрия, да со умилением тебе зовем:

Радуйся, проповедников Божественныя Истины споспешниче, радуйся, хулителей православныя веры и врагов Христовы Церкве противоборниче.

Радуйся, напаствуемых и невинно гонимых защито и утешение; радуйся, девственников и постников твердое укрепление. Радуйся кротких и смиренных вернейший покровителю; радуйся, заблуждших на путь правый наставниче.

Радуйся, яко ухищрения демонская разрушаеши и стужаемыя от бесов свобождаеши; радуйся, яко волнения водная и свирепыя бури укрощаеши.

Радуйся, Василие, Первосвятителю Рязанский и предивный чудотворче!

Кондак 12

Благодать имеяй от возлюбившаго тя Господа, святе Василие, исполняти вся благая прошения наша, испроси Богоприятными твоими молитвами вся благая и полезная душам и телесем нашим, паче же оставление согрешений наших, да со умилением сердца благодарно поем Богу: Аллилуиа.

Икос 12

Поюще твое равноангельское святое житие, многотрудное и многоплодное служение твое Церкви Божией, еще же велия и дивная чудеса, тебе ради явленная возлюбившим тя Господем, восхваляем тя, угодниче Христов Василие. Обаче не могуще достойно изобразити величие и славу твою, со благоговением и радостию зовем ти:

Радуйся, богомудре и богоизбранне первопастырю града Перяславля Рязанского, паче всех пастырей его превознесенный; радуйся, венцем славы от Архиереа Вечнаго, Сына Божия, увенчанный.

Радуйся, яко бурное житейское море со славою преплыл еси и в тихое небесное пристанище достигл еси; радуйся, яко течение служения твоего добре совершил еси и веру твою непорочну соблюл еси.

Радуйся, яко со апостолы и святители водворяешися; радуйся, яко с сонмом мучеников, преподобных и всех праведных веселишися.

Радуйся, яко пред лицем Господа ныне предстоиши и с лики ангельскими его славословиши; радуйся, яко паству рязанскую непрестанно назираеши и вся благая ей у Царя Царей ходатайствуеши.

Радуйся, Василие, Первосвятителю Рязанский и предивный чудотворче!

Икос 13

О преславный отче наш Василие, святителю Христов и чудотворче! Приими сие малое моление наше, и действенным твоим пред Богом ходатайством избави нас от козней вражиих и всякого зла, да в мире и покаянии прочее время жития нашего скончаем и достигнем блаженного упокоения в вечных обителех, идеже купно с тобою и всеми святыми гласом радования во веки воспоем Богу: Аллилуиа.

(Этот кондак читается трижды, затем икос 1 и кондак 1)

Молитва 1-я

Богоизбранне первосвятителю наш и угодниче Христов Василие, просиявый святостию жития твоего, чудным плаванием по водам и нетлением мощей твоих, предстояй престолу Вседержителя и имеяй велие дерзновение ко Христу Богу нашему! Смиренно молим тя, во умилении сердца, моли Господа, да пробавит милость Свою к нам, грешным и недостойным рабом своим, пастырем Церкви да подаст человеколюбие и ревность о спасении пасомых: градоначальником и судиям страх Божий, правоту и безкорыстие, воином терпение, мужество и одоление на враги: супругом взаимную любовь, верность, единомыслие и домостроительность, куплю деющим честность и праводушие, земледельцем трудолюбие и трезвенность, сирым призрение, болящим исцеление, обидимым заступление, оклеветаваемым оправдание, и всем людем паствы твоея вся ко временней и вечней жизни потребная. Паче же моли Господа, молитвенниче наш, да простит нам всякое согрешение вольное и невольное, и очистит от всякия скверны плоти и духа: да избавит от козней исконнаго врага, ненавистника и человекоубийцы, и сохранить от клеветы человеческия, да утвердит в истинной спасительной вере и нелицемерном благочестии: да соблюдет от суемудрия и душетленных учений духов лестчих, действующих в веце сем в сынех противления, да охранит сердца наша от красных мира сего, и да научит огребатися плотских похотей и страстей, горняя мудрствовати, а не земная. Моли, отче наш, Всесвятаго и Божественнаго Духа, да возсияет свет благодати Его братиям нашим по плоти, во тьме лжеверия сидящим, и да познают Христа, Бога истиннаго, единаго Спасителя всех человек: да возсияет свет сей и блуждающим на распутиях раскола, да вразумятся и приидут во ограду православныя Церкве, в нейже единей несомненно содевается вечное спасение верных. О, святителю Христов, молитвенниче наш! Моли Христа Бога и пречистую Матерь Его, да упразднит вражды и нестроения, соединит же всех нас братнею богоподобною любовию, да в мире и единомыслии, желанием спасения горяще, Господеви работающе, друг друга тяготы носяще, добрым подвигом подвизаемся, течение скончаем и достигнем в тихое пристанище Небеснаго царствия, и славим неизреченное человеколюбие и милосердие Спасителя нашего, Иисуса Христа, Сына Божия, со Безначальным Его Отцем и Пресвятым Духом во веки веков. Аминь.

Молитва 2-я

Святителю Отче Василие! Умоли Господа Бога, да простит нам всякое согрешение, вольное и невольное, и очистит нас от всякия скверны плоти и духа: да избавит нас от козней исконнаго врага нашего, и сохранит от клеветы человеческия: да утвердит нас в истинной спасительной вере и нелицемерном благочестии: да соблюдет от суемудрия и душетленных учений века сего: да охранит сердца наша от соблазнов мира, и да научит огребатися от плотских страстей и похотей, горняя мудрствовати, а не земная. Аминь.

Канон святителю Василию, епископу Рязанскому

Песнь 1

Ирмос: Воду прошед, яко сушу, и египетскаго зла избежав, израильтянин вопияше: Избавителю и Богу нашему поим.

Приидите, благочестия рачителие, согласно воспоим вси священнаго иерарха Василия и похвальными песньми почтим память его, яко молитвенника о душах наших и хранителя граду Рязани.

Ангельски на земли пожив, Богомудре Василие, ликом избранных рабов Божих вчинился еси, темже молим тя: моли Христа Бога избавитися нам от бед и огня вечнующаго.

Молитвами твоими, святителю Василие, сохрани стадо твое духовное от напастей чувственных и мысленных и даже до конца невреждены нас соблюди.

Богородичен: Яко стену и прибежище стяжахом Тя, Богомати: спаси нас от бед и скорбей и от мук будущих избави молитвами Твоими.

Песнь 3

Ирмос: Ты еси утверждение притекающих к Тебе, Господи, Ты еси Свет омраченных, и поет Тя дух мой.

Треволнения житейскаго пучину преплавая и не имея управителя помышлений, к тебе, святителю Василие, прибегаю и от тебе ожидаю скорыя помощи.

В мори мя плавающа и на пути шествующа соблюди, святителю, и настави творити волю Господню, яко да обрящу в День судный содеянных мною согрешений разрешение.

Аз, любострастный, яко ладия, обуреваюся от прегрешений моих, но во благоутишное пристанище покаяния настави мя молитвами твоими, пречудне святителю.

Богородичен: Страсти моего сердца исцели, Мати Всеблагая, ум мой умири и просвети и направи мя ходити непреткновенно путем спасения, яко да присно Тя ублажаю.

Седален, глас 2

Окрилив ум верою и любовию к Богу, мирскаго смешения возгнушался еси, святителю Василие, и, крест на рамена твоя взем, последовал еси Владыце Христу, и был еси храм Духа Святаго. Темже вопием ти: моли Христа Бога грехов оставление даровати празднующим любовию святую память твою.

Песнь 4

Ирмос: Ты моя крепость, Господи, Ты моя и сила, Tы мой Бог, Ты мое радование, не оставль недра Отча и нашу нищету посетив. Тем с пророком Аввакумом зову Ти: силе Твоей слава, Человеколюбче.

Иовли крепости во искушениих не стяжах, и враг спасения поглотити мя тщится, но ты, святителю, помози мне сети лукаваго сокрушити молитвами твоими ко Владыце Христу, да зову Ему: силе Твоей слава, Человеколюбче.

Любовию сочетався Христу, святитель богоприятен и пастырь истинен явился еси, отче Василие. Темже тя благочестно ублажающе, молим: молися Христу Богу, да явит нам силу Свою во благовременную помощь.

Иерарха тя, яков нам подобаше, стяжавше, тобою хвалимся и, в заступлении твоем помощь обретающе на видимыя и невидимыя враги, вопием к Богу Спасителю: силе Твоей слава, Человеколюбче. ,

Богородичен: Ангельских чинов превышшая, Мати Божия, буди ми скорая в бедах Помощница, крепость моя и утверждение и от врагов защищение, да не убоюся вражия прещения, но присно пою Тя и славлю, Всепетая.

Песнь 5

Ирмос: Вскую мя отринул еси от лица Твоего, Свете Незаходимый, и покрыла мя есть чуждая тьма, окаяннаго? Но обрати мя и к свету заповедей Твоих пути моя направи, молюся.

Святолепным житием и учением твоим, Богомудре Василие, многия ко Христу привел еси; темже и мы, чада твоя, ныне молим тя помощь нам даровати, да ходим непреткновенно в путех заповедей Господних.

Во стране пришельствия течение добре совершив, ко Свету невечернему восхождение обрел еси, преблаженне, и венец светел приял еси от Царя Славы Христа, к Немуже ныне молися, от помрачения и уныния душевнаго нас свободити и на стези спасения стопы наша направити.

Яко первопрестольника и святителя нашего чтуще тя, молим, чада твоя, блаженне: от тьмы греховныя избави и светом благодати просвети души наша.

Богородичен: Ты еси просвещение и избавление мое, Мати Незаходимаго Света, на Тя по Бозе надежду спасения моего возлагаю и молю Тя: избави мя от належащих бед и скорбей, да славлю Тя во веки.

Песнь 6

Ирмос: Молитву пролию ко Господу и Тому возвещу печали моя, яко зол душа моя исполнися и живот мой аду приближися, и молюся, яко Иона: от тли, Боже, возведи мя.

Избавитися нам от бури страстей и от потопления в пучине зол молися, святителю отче Василие, да, молитвами Твоими направляемы, достигнем во пристанища тихая Божественныя воли.

Тя, досточудне Василие, от воднаго потопления, якоже Иону во чреве китове, Господь сохранил есть. О, чудесе новаго и преславнаго! Темже молим тя: твоими ко Христу молитвами избави нас от потопления в молве житейских попечений и тлетворных страстей.

Ежечасно волнами житейскими погружаюся, и буря искушений потопляет мя. К тебе, отче Василие, чудно по водам шествовавшему, ныне прибегая, вопию: молися Христу Богу, да изведет из глубины греховныя жизнь мою, яко Человеколюбец.

Богородичен: Лютыми страстьми одержимым скорая Помощница и готовое обуреваемым пристанище сущи, Мати Божия, сохрани мя от злобы и клеветы человеческия и не даждь ми разбитися о камень маловерия и отчаяния, да не погублю вконец душу мою.

Кондак, глас 8

Яко многосветлая звезда, от града Мурома возсиял еси, святителю Василие, по водам же дошед до града нашего Рязани, Церковь Божию добре упасл еси, просвещая люди учением и житием твоим. Поминай и ныне чада твоя, молим тя, наставниче наш добрый, и за ны Христу Богу и Пречистей Его Матери молися, да благодарною душею зовем ти: радуйся, угодниче Христов и теплый к Богу о нас молитвенниче.

Икос

Умная очеса всегда к Вышним возводя, Небесных непрестанно желал еси, святаго же ради жития твоего архиерейства саном украшен быв, Церковь и люди твоими учении обогатил еси и, течение благочестно совершив, к Богу преславно духом прешел еси, нам святыя мощи твоя в память и освящение оставив, имже ныне со умилением покланяющеся, молимся от страстей треволнения нас сохранити, яко да в тишине богоугодно поживше, тебе благодарно вопием, глаголюще: радуйся, отче Василие, скорый помощниче и теплый к Богу о нас молитвенниче.

Песнь 7

Ирмос: В начале землю основавый и Небеса словом утвердивый, благословен еси во веки, Господи, Боже отец наших.

Якоже пресельник от града Мурома быв, к Богоматери руце простирая, спасение обрел еси, святителю отче Василие: водам бо, послужившим тебе Божиим мановением, града Рязани достигл еси и, тамо Христу Богу угодив, Тому ныне радостно поеши: благословен еси, Господи Боже, во веки.

Рязанския области благовернаго князя и христоименитыя люди радости исполнил еси твоим дивным по водам пришествием, сопутника и хранителя Христа обрет, к Немуже ныне радостно зовеши: благословен еси, Господи Боже, во веки.

Якоже трие отроцы в пещи Вавилонстей огненную силу угасиша молитвою, тако и ты, святый отче, огнь злобы вражия и клеветы человеческия верою и молитвою угасил еси, поя Богу Спасителю: благословен еси, Господи Боже, во веки.

Богородичен: Земле святая, безсеменно произрастившая Спасение мира, Христа Бога нашего, от бури сопротивныя и искушений избави мя и из глубины зол возведи, да пою непрестанно милости и щедроты Твоя, Мати Всеблагая.

Песнь 8

Ирмос: Покрываяй водами превыспренняя Своя, полагаяй морю предел песок и содержаяй вся, Тя поет солнце, Тя славит луна, Тебе приносит песнь вся тварь, яко Содетелю всех во веки.

Ангелоподобным житием возсиял еси, святителю отче Василие, благочестия рачитель быв неусыпаемь, темже со Ангелы предстоя ныне Престолу Владыки всяческих, моли избавитися нам от всякаго прилога вражия, поющим верно: благословите, вся дела Господня, Господа и превозносите Его во веки.

На земли пожив, яко Ангел, с плотию, яко безплотен, безплотныя враги под ноги покорил еси. Темже ныне со Ангелы на Небесех светло ликуя, Христу вопиеши: благословите, вся дела Господня, Господа и превозносите Его во веки.

Источник благодатных дарований стяжав, Богоблаженне, подаждь ми источник умиления и слез, да омыю душевныя моя страсти и светом покаяния убелю очерневшую мою душу, радостно поя: благословите, вся дела Господня, Господа и превозносите Его во веки.

Богородичен: Христа нам родившая, радость вечную, горестных слез моих не забуди и стенания души моея не презри, Всеблагая, но яви на мне милость и человеколюбие Сына и Бога Твоего.

Песнь 9

Ирмос: Воистину Богородицу, Тя исповедуем, спасеннии Тобою, Дево Чистая, с Безплотными лики Тя величающе.

Велие чудо на тебе видится, преблаженне Василие, яко блаженное тело твое чрез многа лета соблюдеся невредимо мановением Бога, дивнаго во святых Своих, Егоже моли грехов прощение нам даровати.

Адамант крепкий явился еси, святителю Василие, веру яко основание непоколебимо в души твоей имея: многи бо враги видимыя и невидимыя победил еси, яко добр воин Владыки Христа, Емуже молися, да спасет тебе ради души наша.

Любовию чтуще твою память, молим тя, святителю и предстателю наш: моли прилежно Христа Бога о граде твоем и людех, избавити нас от всякия скорби и напасти, да тя сердцем и усты непрестанно ублажаем.

Богородичен: Юже поют ангельстии чини и славят патриарси со архиереи яко Матерь Божию, Тебе, Дево Богородице, и мы, грешнии, припадающе, молим: пристанище тихое буди нам, обуреваемым страстьми, и от всех бед сохрани нас матерними Твоими молитвами ко Христу, Сыну Твоему и Богу нашему.

Светилен

Царственное имя нося, Всецарю Христу житием твоим последовал еси, Емуже ныне в чертозе Небеснем соцарствуеши, преблаженне Василие, Того моли и нас облистати славою Его Божественною.

Все святые

Святым человеком в христианстве называют угодников Божьих смысл жизни которых заключался в несении людям света и любви от Господа. Для святого Бог стал всем через глубокое переживание и общение с Ним. Все святые, чьи жития, лики и даты поминовения мы собрали для вас в этом разделе, вели праведную духовную жизнь и обрели чистоту сердца.