Святителю Феодосию, архиепископу Углицкому и Черниговскому

Текст молитвы

Пастырю добрый стада Христова, святителю отче наш Феодосие! Припадающе ко святей иконе твоей, молим тя с верою и любовию: буди нам помощник и покровитель в житии сем земнем многоскорбнем и многомятежнем, руководствуя нас невидимо к верному исполнению заповедей Христовых и стяжанию добродетелей Евангельских, нужных ко спасению душевному нашему. Буди заступник и охранитель Отечеству нашему, граду твоему, в немже святыми мощами твоими почивати благоизволил еси, и всем нам к тебе усердно притекающим и тя на помощь призывающим, ограждая нас покровом молитв твоих от всяких бед и скорбей и болезней, и даруя нам вся, яже на пользу душ и телес наших. Ей чудотворче святый и милостивый! Веруем несомненно, яко вся сия можеши нам испросити у великодаровитаго Бога нашего и яко мощно есть предстательство твое пред лицем Его. Сего ради просим тя: умоли Его благость за ны грешныя и недостойныя, и подажть нам твое святое архипастырское благословление, да оным осеняеми, тихое и богоугодное житие поживем, благую христианскую кончину получити сподобимся и вкупе с тобою Царствие Небесное наследуем, славяще великое милосердие Отца и Сына и Святаго Духа, в Троице славимаго и покланяемого Бога, и твое святое заступление, во веки веков. Аминь.

Другие молитвы

Иконы в церковной лавке

Святителю Феодосию, архиепископу Углицкому и Черниговскому Святителю Феодосию, архиепископу Углицкому и Черниговскому